السلام عليكم؟؟؟ شو حالكم مع البرد راح أدخل بالموضوع بدون مقدمات أنا بنت عمري 18 سنه أوكي وعندي بنت خالتي علاقتي معها فوق الخيال يعني علاقه أكثر من أخت من يوم وإحنا صغار يعني نلبس نفس ألوان الملابس نفس الموديل ناكل نفس الأكل إذا جينا نسافر تروح معانا يعني علاااقه ممتازه جدا يعني لو أكتب من اليوم إلى بكره مراح أخلص لدرجه علاقتي معها أكثر من خواتي كل يوم لازم أكلمها أوكي وهي أكبر مني بثلاث سنوات بس تفكيرها نفسي تفكيري لكن أمها علاقتها معانا ومع أمي اللي أهي أختها علاقه عاديه جدا وأحيانا يكوون مشادات بالكلام ودائما يكون المشادات على أمور الزواج يعني هذا ليش رفضت ولدها وهذي ماخذت بنتها بس الحمدلله علاقتي في بنت خالتي ثابته المهم أني أنا أنخطبت لولد خالتي هذي خالتي ثانيه المهم أنو أمي وافقت على الموضوع لكون الولد لايعيبه شي ومامي قالت إلين ماحد أخلص دراستي المهم أنو خالتي الللي بنتها أعتبرها مثل أختي يوم درت بالموضوع تضايقت لدرجه أن وجهها أحمر وقامت تنزل دموعها ياااعااالم ليش تتوقعون ؟؟؟؟ عشان ولد خالتي ماخذه بنتها معقوله هذي خاله أستتغفر الله وقامت وسوت مشادات بينها وبين خالتي اللي خاطبتني لولدها مع أن الموضوع مجرد كلام مبدأي فقط يعني كلام هوا لدرجه تقول لبنتها لاترسلين لهذي اللي أهي أنا وقدام أختي تقول ذا الكلام أختي سكتت لأن خالتي كبيره ومراح ترد عليها وأمي خوافه جداااا يعني ماتحب المشاكل المهممم بعد مرور شهر واحد فقط وش تتوقعوون ؟؟؟؟؟؟؟؟


ولد خالتي اللي هو خطيبي سابقا خطب وحده تبغووووووووووون تعرفون مين هي؟؟؟؟؟؟؟؟




بنت خالتي اللي عزيتها وقدرتها سرقت مني خطيبي وكل هذا عشان أمها اللي سووت المشاكل إلين ماحد ماصار الموضوع لصالحها يااااااااعالم أصارخ وأقوول في ناااااااااااس به القلوب تفكيرهم سطحي تبني سعادت بنتها على تعاستها غيرها حسبي الله عليها حسبي الله عليها حسبي الله عليها يناس وش أسوي؟؟؟ أشوف أغلى إنسانه عندي مخذه خطيبي حبيب قلبي مستحيل أصدق يعني طوول هل المده أنغشيت بوحده ماعندها ضميره وش هالمده يوم سنه لالالا 14 سنه من الصداقه وش النهايه ياعالم وتخيلو من زود وقاحت خالتي تقول لأمي وش تلبس يوم الخطوبه ؟؟؟ وقاحه ماعمري شفتها حتى خالتي اللي خاطبنت لولدها مش موافقه بس خطبتها عششان تسكت المشادات والكلام يعني شنو ذنبي أني أنكسر بسبتهم أحلم أخطط أفكر وش نهاي أنكسرت لدرجه أني دراستي تهاونت فيه وش أسوي وأنا أشوف الغالي ماسكه وحده غيري أنا مالومه لكن ألوم الخاينه لأن الموضوع كان بيدها وكان تقدر تسكت الموضوع حسبي الله عليها ؟؟؟ وش الحل ياعالم ؟؟ هل أتنازل بها السهوله مع العلم أني أحب ولد خالتي لدرجه قويه ؟؟؟ وغي كذا بنت خالتي أرسلت لها رساله بالجوال أوضح لها اني مني زعلانه لأن مابغى تحس وتشمت فيني بس للأسف ماترد علي سافهتني والله يناس المشكله أكبر من كذا بس حبيت أخذ الأشياء المهمه ولأني مني قادره أمسك أعصابي على الكي بورد حتى النوم طار من عيوني من الحزن والمشكله صديقاتي عارفين بالموضوع وفرحو يوم عرفو أنو خاطبني ويوم علمتهم عن اللي صار يقولون لازم تنتقمين منها لأنهم شافوني وفي حالتي مره من الدموع والحزن ياااااهم عندي رب كبير ؟؟؟؟؟؟؟؟هل أسمع كلامهم وأنتقم منها ؟؟؟؟ولا أسكت على الموضوع ،،،،،،،،، دعواتك لي بالتوفيق،،،،

ياليت أشوف رودكم لأني متضايقه ومني أقدر أفضفض لأحد لأني كتومه بدرجه غير طبيعيه وحبيت أقول لكم حاجه عشان ماكوون ظلمت بنت خالتي سابقا أنو لما أنخطبت للغالي كان تقول لي لو يتقدم لي مراح أوافق وكلامها ييحسسني أنها تكرهني فيها وهذا اللي ضيقني ليش سوت كذا ؟؟ خساره كنت غبيه طوال هالفتره ،،

والله ياعزيزتي

تبين نصيحتي زين الي ارتحتي منه قبل لا يصير الموضوع رسمي

تدرين ليه لان واحد زيه مو قادر ياخذ قرار بامر مصيري زي الزواج لا يُعتمد عليه كزوج

اجل كل ماقالت له امه اخطب فلانه خطبها وبس من غير رأي له

ما تدرين وش الصالح فيه خليك واثقه من نفسك وثقي بالله

وربي قادر انه يرزقك الي احسن منه

__________________

حسبي الله ونعم الوكيل الله يجبر بخاطرك

ويعوضك افضل منه

بصراحه ماادري ليش هو وافق ورضى على هذا الشي وكأن الزواج لعبه

يخطبك وعشان يسكت خالته يخطب بنتها

ماتدرين الخير وين فيه معاه او مع غيره

ادعي وسألي الله التوفيق

الله يصلح حالك ويبعد عنك الهم والحزن ويوفقك

ويرزقك بالزوج اللي يسعدك عاجلا غير اجل

ثانكيو خيو على الموضوع بس الى ماتعرفه أن خالتي كل شي تبغاها لازم يصير حتى زوجها يخاف منها فشلون هذا ،،،،على العموم مشكور لاخلا ولا عدم ،،،،،،،،،،،

اختي الحبيبه للأسف اني تعبانه جدا
بس ماقدرلت اطلع بدون مااقولك
قولي حسبي الله فيه وفيها
من قلب ادعي
ودامك على الحق الله ما راح يوفقهم
ادعي الله يزوجك من هو افضل
الله يصبرك ويصبرنا على احزاننا

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

مشكوره لذه عشق علر ردك الجميل لاخلا ولاعدم ودعواتك لي بالتوفيق ،،،،،،،،،،،،،،،،،،،،،، ومشكورين على كل من يرد علي الله يوفقكم ويسر أموركم ،،،،،،،،،،

ياحبيبتي انا مع كلام الأخت jeans ميه بالميه

وهذا الشخص ينخاف منه لانه رايه مو بايده والأهم من كذا انه ما يحبك ولو يحبك كان ما وافق ياخذ بنت خالتك
وخالتك طبعا غلطت انها اخذت البنت لولدها وهي عارفه ان امها قويه يعني معقوله اخذ بنت مو مقتنعه فيها لابني بس عشان اكتفي شر اختي !!!!

ياغاليتي احمدي ربك والخيرة في ما اختاره الله
والله ييسر لك امرك

يازين الصداقه اللي بين عسى الله لايفرقنا عن بعض في هذا المنتدى فعلا أثبتو أخوتكم ،،،،،،،،،،،ومن جدا مشكوريين وكلمه شكر شوي عليكم ،،،، يارب ماقول إلا حسبي الله ونعم الوكل ،،،،،،،، ومشورين على الردود،،،،،

كلام صحيح 100 % ...دام امه متحكمه بشخصيته شو تبين فيه؟؟؟؟؟

ويمكن خيره لج.......ماتدرين

بكرا الايام بتثبت لج...

وان شاءالله ربي مابينساج وبيرزقج الاحسن والافضل منه يااااااااااااااااااااارب

__________________
سبحان الله وبحمده...سبحان الله العظيم