|
آآآآه ذبحتني عصبيتي...
السلام عليكم ورحمة الله وبركاته...
الصراحة مادري شقول ...لكني تعبت ...مادري ان كان انا الغلطانة ولا لا .... تو زوجي طلع للدوام وهو مضايق مني .... يعني مادري هل انا ازودها عن الحد ولا لا ....انا والحمدلله واثقة فيه ...وهو رجال يخاف ربة ماشاء الله .... لكني بعد اغار عليه بدرجة غريبة...وهذا بسبب تعلقي الشديد فيه ... المهم ...سالفة الانترنت والماسنجر متعبتني ....يعني احيانا اجي افتح الكمبيوتر واشوف مقاطع ....او صور ...ودائما هو يقول بالغلط ...او مثلا فيه او انا قبلتة ولا ادري ويش فيه .... والماسنجر ...والمشكلة توها صايرة قبل شوي....الماسنجر اللي عندي ما يشتغل فدخلت على الماسنجر القديم وهو حاط فيه بريدة.... وشفت اسم امراة ....كلمتة وقال لي انه البارحه فتح الماسنجر وشاف عدة اضافات في بريدة....مع العلم انه مدرس ومخصص هذا البريد للطلاب ... يقول مو ذنبي اذا شفت استضافة ....وحسبتة واحد من الطلاب بعدين غير النك نيم حقة....وسؤالي لكم يالمتزوجات ....هل ممكن فعلا تشوفو صور بالغلط في اجهزتكم وهل هذا الشئ وارد...لانه يقولي لو باسوي الغلط باسويه برا.... مو هنا بحيث تقدرين تشوفينة في اي وقت...قال استغفرالله انا وانا عازب ما اسويها واسويها وانا متزوج....اللي مايخاف علىبنات الناس مايخاف على حرمتة وبناتة... وقال لي لو باسوي هالاشياء اروح اخطب احسن لي...كذا الناس ما بيلوموني..على الاقل لانه بالحلال...قسم بالله انا واثقة فيه ...وعارفتة زيييين.... لكن في بعض الايان يكون مزحة ثقيل معي ويقول راح اشوف كذا وكذا في الانترنت وما الى ذلك...ولما اقوله هذا الشئ يقولي فرق بين المزح والجد.... انا مو ذنبي ماقدر اشوف هذي الاشياء واصير عاقلة على طول اشب ...اعصب يعني وفي السابق كنت اسوء من كذا يعني هذي الايام صرت امسك اعصابي .... انا لما جى يطلع رحت له واعتذرت له ...لاني حسيت اني ظالمتة ...بس قال لي وين اصرف هذا الاعتذار....هو رجال دائما يقول انه مادام ماشي صح ولا تهمني هالخرابيط مايهمني حتى لو شفتها ...ويقول احد يصير عندة انتي يقصدني انا ويدور غيرك.. استانس على كلامة لكني ما اقدر امسك اعصابي اذا شفت هالبلاوي وحتى لو بالغلط...واختي الكبيرة المتزوجة لما تشوفني اعصب ...تقولي ليش انتي مو واثقة من زوجك...خلاص ريحي بالك...... |
الله يعينك اختي
احنا مشكلتنا العصبية كلنا يالحريم حتى لو فيه مشكلة المفروض ما نحلها بهالطريقة لان العصبية تزيد المشكلة وتوتر الطرفين انتي لو شفتي شيء ما عجبك كلمية بطريقة غير واسلوب ثاني مثلاً قولي له اليوم غريبة شفت شيء في الجهاز غريب كذا وكذا ما تلاحظ مثلي اخاف احد يدخل من جهازنا يعني تأكدي من المعلومة اللي عندك بس باسلوب حلو وانتي تقولي ان زوجك انسان طيب و ويخاف الله وانتي واثقة فيه انتبهي اختي العصبية الزائدة عن حدها تخرب حياتك فتمهلي يا غالية |
مشكورة اختي الهدى...
انا راح احاول ان شاء اني اتخلص من هالعصبية... مع اني احس في بعض الاوقات ان لي الحق اني اعصب...ماابيزوجي يشوف ولو نظرة وحدة ولو جزء من الثانية ...هذي الاشياء حتى لو من دون قصد مشكورة مرة ثانية...اختي... |
اختي حاولي قدر ما تستطيعي ترى انا كنت مثلك اعصب على طول بس حسيت اني امشي في طريق غلط بعدين تمهلت والحمدلله والحين خليت العصبية على جنب وسرت اعرف احل امور كثيرة بدون عصبية واوصل لحل لها لاني حسيت لما اعصب ما اعرف اسوي شيء كنت بعصبيتي ازيد الطين بلة لما تحسي انك معصبة قومي صلي لك ركعتين واقرأي لك كم سورة من القرأن الكريم والله تحسي براحة عجيبة وتقدر تتخلصي من العصبية بهذي الطريقة موفقه |
مرحبا بك اختي الهدى مرة ثانية....
اشكرك على مرورك....واهتمامك.. كل الشكر لك وجزاك الله خيرا.... |
يسعد صباحك أختي الحبيبه
أختي نصيحه مني لك إلزمي الإستغفار ..والله سحرالقلوب بكترة الإستغفاربيصيرلك تبلد حسي مو طبيعي والله يعينك كلنا عصبين ..بس والله جربي الأستغفارولقيت راحه نفسيه مو طبيعيه تحيتي لك ياقمر |
اختي الحبيبة
لا تشيلي هم ولا تخلي الشيطان يوسوسلك وتغضبي زوجك فهو جنتك او نارك عشان كدا استهدي بالله واتعوزي من الشيطان وحااااااااااااولي وكثري من الاستغفاااااااااااار وادعي كثير والله معاك وتذكري دائما (( ومن يتوكل على الله فهو حسبه )) وحطي امام عينيك ان لا ينام او يخرج زوجك الا وهو راضي عنك ولا يغمض لك طرف عين حتى ترضيه وربنا معك يا عسل مع تمنياتي لكم بسعادة ابدية في الدنيا والاخرة |
روعة...
حبيبها فؤادها.... اشكركن اخواتي على مروركن.... واهتمامكن ..... جزاكن الله خيرا... |
اكسرى الكمبيوتر
انا لمااجوز هارمى الاب توب بتاعى وبتاعه واكس الكمبيوتر الكبير كمان :d:d ده قرار وخطيبى بيحاول يقتنع بكلامى ان احنا نكسر الاجهزه والله ياختى مشكلتك انك غيوره وانا مثلك تماما |
ياحبيبتي حاولي انك تتجنبين العصبية...والله لو تشوف قد ايش اعاني بسببها...لان زوجي صار مثلي عصبي بعد ان كان هادئ
|
اختي واضح ان زوجك انسان يخاف الله
اختي ...انت ما تقرين المشاكل وتشوفين البلاوي ؟؟؟ احتمال كثير ان ما يقوله زوجك صحيح اختي وبناتها كلهم يعانون من الرسائلى التي تصلهم على البريد من مواقع اباحية وكثير من الاحيان تجيهم رسائل ويفتحونها بدون ما يدرون ..واثناء الفتح يقومون من الجهاز وتفتح الصور وتكون بلاوي فيها ...يعني الامر وارد ان زوجك تجيه هذه البلاوي و تظل على الجهاز بدون ما ينتبه اختي ...انت بعصبيتك بتخلينه فعلا يكون عنده فضول انه يشوف لانك في جميع الاحوال تعصبين عليه سواء لو شافها بقصد او بدون قصد اهدأي اختي ... وتصرفي بحكمة الانثى ولا تزعلي زوجك لنفترض انه يشاهد ..بعيد الشر ...يعني عصبيتك راح تخليه يبطل؟؟؟ اللي بشوف راح يشوف بدون ما يخاف من زوجته هو انسان عاقل و كبير ويعرف الحلال من الحرام انت اللي عليك نبتهيه و الباقي ..ربي يحاسبة عليه ربي يهدي الجميع |
اختي في الله ايوه ممكن تفتحي في يوم تلاقي اضافات كتيره عارفه انا مره كنت في اجازه عند اهلي 6 اسابيع ولما رجعت لقيت اكتر من 6 اضافات والله العظيم ولا اميل فيهم اعرفه وكتير بتحصل وخصوصا مع الاميلات التي تحتوي علي كلمات معروفه مثل love- الدنيا- شمس -قمر- الحياه كده يعني كتير بيعمل بحث علي الكلمات دي وبيتلع ليه الاميل بالغلط فبيضيفه وخلاص
|
الله يعينـــج .. وايعيني لنــه هذا حـآلي
غيـــرة + عصبيـــه الله يعين آزوآجنــــــآ علينـ،ـــآ تصدقين آن كثرة الاستغفــآر حققلي شيئين بشكل غريب ... آول شي صرت آقلل من عصبيتي بشكل تلقائي ثاني شي صرت آفكر في الآمور قبل لا آتسرع بالكلآم فيهــآ والله يوفقج خيتــوو |
اختي قليل الايام هذي الي ما يطالعون حريم غير زوجاتهم
والله اذا شفت احد ملتزم ويغض البصر ما اقول ما شاء الله عليه اقول ماشاء الله على زوجته والله يهنيهم بالنسبه لي اشوف واسكت وتقفل معي وما ادري متى آخرتها والمشكله يسألني وش فيك وارد عليه مافيني شي احيانا يجي مقاطع في التلفزيون وما أغير اخليه وأتفرج الييييين يخلص وهو احسه مستغرب شوي بس ساكت احس اني باوصل للحد الي اقول فيه والله ياحلو جسمها مثير ومن هالكلام واستغرب من الي تقول انا واثقه في نفسي عادي يشوف حريم!!!!!!!!!!!!!!!!!!! والله احترق واغلي من جوا بس ما اقول الا الشكوى لله والله يهديه ويعميه P: عن الحرام |
يمكن هذه المواضيع تفيدك
http://www.66n.com/forums/showthread.php?t=32342 http://www.66n.com/forums/showthread.php?t=45917 و الإخوة ما شاء الله ما قصروا |
حبيبتي /همسة السعادة لاتخربي بيتك بيدك وصدقيني كل زوجة تعرف تفكير زوجها وإذا كان يخاف الله أو لا وصحيح أن الغيرة المعقولة مطلوبه والأزواج ينبسطوا بها لأنها معبرة عن المحبة لكن احذري أن تزيد عن الحدود المعقولة فتتحول مملكتك الهادئة إلى غابة من الصراعات والنزاعات حاولي حبيبتي أن تتمالكي أعصابك وتهدئي من غضبك وتروضي نفسك على تمالك أعصابك وضعي في بالك أن غضبك وعصبيتك سلسلة موصلة لهروبه من البيت والصراعات والبحث عن عش زوجيه اخر هادىء لاقدر الله عندها سينطفىء غضبك وتهدأ نفسك وربنا مايجيب زعل بينكم ويخليكم لبعض &
|
| الساعة الآن 10:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©