|
كيف اتعامل مع خطيبي؟؟؟
السلام عليكم ورحمة الله وبركاته ,,
شباب انا مخطوبه وبصراااحه انا انسانه جديه وماشيه عالخط المستقيم ما عندي اي تجارب سابقه اول شخص اكلمه في حياتي هو زوجي ومشكلتي كل مشكلتي معه انه يطلب مني طلبات عالتلفون الحياء يمنعني من تنفيذها وغير الحياء ما اعرف شلون تنسوى ؟؟ واحس بشعور غريب من خلال صوته ما احس انه طبيعي ودايم نتهاوش لاني ما اسمعه كلام حلوو وهالايام بدينا بالثقيل بس انا مو قادره اجاريه وهو اخلاقه تجاريه يعني نقفل السماعه بهوشه :) بصراحه انا طفشت من هالوضع وهو مو فاهم اني فعلا مستحيه وما اعرف!! ويقول هذا تهرب منه !!!! انا طالبه استشاره وش الحل ؟؟ ساعدوني شلون اواجه هالمرحله لان لسى باقي عالزواج تقريبا 7 اشهر مو معقول بنظل على هالوضع شلون افهمه ان طلباته صعبه لانها تخدش بحياي مو تهرباً منه !!!! بصراحه مو قادره اسأله انا شنو المطلوب مني بالضبط فــ بليز انتم ساعدوني ؟؟ يمكن انتم فاهمينه اكثر مني ,, وبعدين فيه شيء المكالمات فيها اوامر وفرض شخصيه امشي له والا اناقشه بجديه بصراحه لما اناقشه بجديه احس انه يعاند ويقلبها تحدي ولما امشي معه ما يقول شيء !! شرايكم بهالوضع البايخ الممل الكئيب الرتيب شنو الحل معاه ؟؟ عطوني 123 تكفووووووووون انا حاليا ناويه اعطيه ابولباس الى ان يعدل اسلوبه معاي لانه اذا ما سويت له اللي يبي يقول لي خلاص انا بكلمك كأني اكلم واحد من الشباب ولا بقولج كلام حلو !!!!! << شخصيته غريبه اللي اعرفه ان هالفتره كلش حب وغرام مو دفاااشه !!!!!!! الاشراف/ تم تعديل العنوان ليتناسب مع الموضوع |
,
, أختي أولا ألف مبروك على الزواج بارك لكِ وبارك عليكِ وجمع بينكما على خير .. أختي أنصحك بما يأتي : 1- المصارحة ثم المصارحة يعني أخبريه إنك لاتعرفين ( الممارسة بالهاتف ) أو كما يطلق عليها البعض .. أنا أستغرب من رجل يريد زوجته فاهمة كل شيء في موضوع الجنس وهي حديثة زواج ,, كيف يعني تاخذ دورة فيها ..؟؟ خاصة إذا كانت بنت مستقيمة تخاف الله .. أخبريه وصارحيه أنك لأول مرة تتزوجين يعني كيف راح تعرفين هالسوالف .. ولكن يا أختي الكريمة لاتكوني جامدة كثير يعني حاولي تتعلمين قليلا من المنتدى لأنه هذا الشيء ضروري يعرفه الإنسان خاصة المقبل على زواج .. لأنه كل إنسان يحب أن يرى شريكه في الحياة عنده خلفية وإن كانت بسيطة عن الزواج والجنس .. 2- أختي كل رجل ( وأنا منهم ) يحب يفرض شخصيته في بداية الزواج , وبعد الدخول والزواج هنا يبدأ الزوج ( يطخ ) مثل مايقول أخواننا في الكويت , فالمرأة الواجب عليها أنها تسايره في هذه المواضيع خاصة إذا كانت أشياء بسيطة لاتؤثر على كرامة المرأة .. ثم لاتنسي أختي وجوب طاعة الزوجة لزوجها , وأن زوجها هو جنتها ونارها فيجب عليها سماع كلامه وتنفيذه والعناد ليس حلا للإبتعاد عن فرض الرجل لشخصيته .. 3- لاتحرمي زوجك من كلام الحب بحجة أنك تستحين لا يا أختي الرجل تزوج ليُشبع رغباته العاطفية فلا تحسسيه بالحرمان بل حاولي وإن كان بالمجاملة .. كلام الحب ضروري جدا خاصة في وقت الملكة , والزوج يحتاج للكلام الجميل وكلام الحب خاصة في بداية الزواج .. وإذا أحس بالحرمان قد يتجه أحيانا للحرام لسد حاجته العاطفية .. دائما عليكِ بالدعاء : اللهم حبِّب إلي زوجي وحبِّبني إليه .. اللهم ألف بين قلوبنا , , |
نقل لعالم المقبلين على الزواج مكانه الانسب
|
ما ادري وش طلباته
لكن لا تحرمية من الكلام الحلو ( انت حياتي وأحبك ياقلبي ومن هالكلام اشعريه انه كل شي في حياتك |
جاملي نفسك واضغطي عليها
ومشيه بكلمة ولا كلمتين |
بالنسبه لي اقووووووووووول
بارك الله فيك وفي حياااااااااااااءك وبالنسبه فقد قهمت ما قلتي ولكن انصحك بان تحاولي ان تفهميه برساله جميله ولبقه بانك لا تعرفي هالحركات وبانك مستحيه وتريدين ان تتكلموا بامور عاطفيه ولكن لا ان تصل الى هذا الحد .......... قولي له ووضحي له فكرته وعندما تكلميه اعرفي ما تقولين واصدقي معه وحاولي ان تكوني عاطفيه معه وتعودي على بعض كلامه ابتعدي عن الهوشه معه ..وابتعدي عن الكلام الذي يخدش الحياء كما اني اريد منه ان يتعقل وان يكون كلامه عاطفيا معك بمقصد العطف والحنان وليس .................لانه ستعانين ويعاني اذا استمريتم بهذه الممارسات .... كم انصحك بالتمسك بدينك وتقييم الصح من الغلط وعمل ماتريه صواب من ناحيه الشرع والدين زوجك سيعقل ولكن يريد ان تفهميه وليس ان تهاوشيه الله يسعدكم دعواتك اختي |
الحيــــــــــــــــــــــــــــاء
لايمنع ان تعبرنى عن مشاعرك لو فعلا بتحبيه طلعى اللى جواكى بدون اى حساب لانه هايفرح جدا بالنسبه للطلبات التانيه .......فاهمه قصدى طبعا ريحيه بدام هو جوزك اديلو اللى عايزو بدام بحدود التليفون ليس اكثر وربنا يباركلكم ويتمم الزواج على خير |
شويه شويه الموضوع بيمشي
يعني حسسيه برجولته برضه الرجل يحب المشاعر الملتهبه من البنت لحسن يفتكر ان عندها برود جنسي وده مصيببببببه للرجل |
اختي اول شي ادعي الله دائما بان يجعلكي قره عينه ويسخره لكي
الشي الثاني افعلي ما يريد هوحلالك شوفي المسجات بالنت والأشعار وتكلمي حلو واهم شي قولي له اسفه حبيبي اذا ما تجاوبت وياك لأن ما عرف هالأمور ماجربتها اصبر علي وشوفي مواضيع الرومسانيه والحب وتعلمي |
اشكر للجميع تفاعلكم معاي وهالشيء اعتز فيه ,,
ولكن انا مع وجهة نظر ابو فلان والسيف المهند اكثر شيء ملت له كلامهم لانه يطاابق تفكيري يا نااااس شلوووووون اتأوه له بالسماعه والا ابوسه حتى انا لي كياني ومشاعري والحياء اللي كان سلاحي وفطرتي اللي افتخر فيها انا زوجته مو انسانه حاب يتسلى معاها شهر ويرميها المفروض انه يحترم كوني زوجته مو صديقته الغير شرعيه !! اصارحكم واقولكم انه جرحني لما طلب مني بوسه اسفه لكم عن التعبير واللفظ الصريح بس يا شباب انصحكم بالتأني على زوجاتكم لاني فعلا حسيت اني رخيصه وانا اسمع آهااته وزفراته وطلباته انا ابي اكلمه عشان اتعرف عليه مو عشان اشبع رغباته الغرائزيه من خلال التلفون انا زوجته وام اولاده والانسانه اللي بتكون معاه عمرها كلها شلون يسمح لنفسه يبدى معي هالبدايه اقسم بالله انه جرحني والانكى والامر انه يقول لي انا ليه اكلمك ان كنت ما استمتع !! خلاص بكلمك كأنك واحد من الشباب كيف الحال كيف الشغل ومع السلامه !! برايكم هذا الاسلوب كيف ممكن ارد عليه اقسم بالله قفلت الخط وانا دموعي تملى وجهي وبدون لا اخليه يحس فيني بس طلبته انه يقفل الخط بكل ادب وتصبح على خير ولا رد عليها والان له يومين ما فكر يكلمني ؟؟ شلون يبيني احبه ؟؟ الان انا مقفله موبايلي ما ابي اسمع صوته اذا كان هو بيخليها يومين له مني اسبوع بما اني واحد من الشباب يعني ما راح تفرق معه ؟؟!!!!! ابي اعرف نهاية اسلوبه هذا انا اللي ازعل وهو يقلب الزعل ويسوي نفسه الزعلان ويقطع الاتصال المفروض انه يفكر يراضيني عظيم هالانسان عايش دور الباشا في زمن الملك الفاروق ؟؟؟ شباب انا قررت ونفذت قراري من يومين اني مستحيل اكلمه واذا هو فكر واتصل مش برد عليك لاسبوع كامل ليوم الاربعاء المقبل انا احس ان هذا من حقي لانه لو مكلمني امس او اليوم كان ممكن يحنن قلبي بس بهالاسلوب لا زاد قسوتي عليه وبخليه يشرب من نفس الكاس اللي اسقاني منها وبكلمه كاني اكلم اختي ولا احد اخواني بكل برود العالم بعد ما ينتهي يوم الاربعاء المقبل قبلها اشك اني برد عليه !!! شباب وبنات مدري انتوا حاسين فيني والا لأ ؟؟ بس فعلا الرجال اللي ما يحترم حياء زوجته ويقدر معنى انها زوجته انسان همجي تفكيره وعقله لا يتعدى ما بين فخذيه وما بين شفتيه !! ادري اني حلال له وانه جنتي وناري لكن لابد هالفتره ان يعودني عليه ان يؤلف بيني وبينه بالموده والمحبه لا بالاغراء والزفرات والاهااات والعبرات عالتلفون ؟؟ مو كل حلال يدووم حلاله فالمراه حلال له ما دامت على ذمته تخيلوا لو ما تم نصيب انا شلون بطالع لحالي من بعدها؟؟ بقول والله كنت حلاله والا بقول كنت قليلة حيا ؟؟ الحياء مع الله ثم مع الزوج من اهم انواع الحياء لا تستح مع الناس واستح من ربك والله اني استحي من ربي من صوته وحركاته !!!!! ادري طولت عليكم بس فعلا فيني قهر وجرح منه احسه عاملني كراقصه في كباريه !! واعتذر جدا على سوء الوصف والالفاظ |
ماشاء الله
اخواننا ابو فلان والسيف ماقصروا بالرد وانا معاهم بس حلوة كانك واحد من الشباب وانا اشوف اسبوع كتير |
اختي ربما من كثر تعلقه فيكي صار ما يقدر يصبر
اذا تبغينه وفعلا تحبينه اعتذري له ورحي صالحيييه وقولي له انا ما عندي تجارب فاصبر علي وانت عملني كيف أتأوه بالتلفون وكيف وكيف الحنان تجعل الرجل يخجل من نفسه اكسبييييه روحي اتصلي فيه اختي وعطيه اللي يبغي علشان ما يدور الحرام وفي شباب حبهم يكون عن طريق الجنس لا تزعلي منه |
اختي حتى لو كان الحق معك ...
لا تجعليها اسبوعا ... هذا كثير ان قطعك يومين فاقطعيه يومين ( على الاقل معاملة بالمثل) كوني عادلة معه وان تطرق لمواضيع ليست مناسبة وطلب منك ما يحرجك ...حاولي تغيير الموضوع والتحدث بأمر السكن مثلا وتجهيزاته .... او اعتذري لان امك تريدك حالا ...او انك تريدين النوم الان ... حاولي معه بالحسنى .... و كوني عاطفية معه .... اظهري له حبك وشوقك وان لم يكن بشكل مباشر اظهري لهفتك عند سماعك صوته بعد فترة انقطاع وان كانت قصيرة تحدثي معه عن الديين وعن علاقتك مع ربك ... وانك تريدين من زوجك ان يساعدك في تقوية علاقتك بربك اذكري له محاسنه و مزاياه الشكلية و طباعه و اخلاقه ... حتى وان كانت قليلة ..ابحثي ستجدين اشغليه بالحديث عن نفسه... كوني فضولية واساليه عن كل صغيرة وكبيرة في حياته والله يوفقك ..... اهدئي و فكري بعقلك... بنفسيتك هذه قد تتهورين و تصير مشكلة كبيرة بينك وبينه |
الاخوان ما قصروا بالنصائح اختي خذيها نصيحة من اخت لك وانا بعد شهر ونص مقبلة على الزواج وبكمل سنه من الخطوبة اهم شي في فترة الخطوبة المصارحة ثم المصارحة ثم المصارحة واكيد المصارحة بطريقة ودية وهادئة وما تزعل صدقيني احيانا الرجل يتصرف تصرفات تضايق بس احيانا ما يحس بنفسه ويتفاجأ اذا عرف انه تصرفاته تضايق او تزعل عشان كذا لازم تصاحيه بالاشياء اللي تضايقك وبعدين حبيبتي لازم تكوني حنونة مع خطيبك وتحسسيه بحبك له بس طبعا بالحدود اللي ما تخدش الحياء ومن ناحية هالامور هذي هي الامور اللي صارحيه فيها انها تضايقك منه بس من ناحية مشاعرك ومصارحته بحبك له ما فيها اي شي بس ما ذكرتي لنا كم صار لك من انخطبتي؟ |
... .. . السلآم عليــج والرحمــــة آولا .. الله يحنن قلبـه عليــج ... ووبفهمــج .. ويتفهمــج ..!! فهمت من مشاركتـج الأولى شي .. ولكــن من المشـآركـة رقم #10 ,, تفهمتــج عقليتـج .. وخلفيتــج للموضوع !! سمحيلي أرد عليـج بكلمتين .. والبـآقي عليـج تفهمينــه بهالعقل المثقف الراجح ... طبيعي منــج تستغربين طلبـه وحركـآته وأسلوبــه معــآه ... وتسترخصين هالتصــرف ... لأنــه (( من وجهـة نظرج)) إنه يعـآملج كأنه يعـآمل " صديقته الغير شرعيه !! " << مثل ما قلتي .. ولكــنـج أغفلتي جـآنب مهـم .. فالرجل لم يفكر بالزوآج إلا لأنه أراد الحلآل .. رغـم الإغراءات التي حوليـه والصديقـآت الغير شرعيات وغيرهن ... إلا أنه اختار الحلآل .. فهــو بحلآلـه يستغني عن الحـرآم ... !! لا بد من أن تحتويــنه وتعوضينــه .. لا أن تنفرينه منج ... وعنــج ...!!!!! إنتي شديتي عليــه ... ومحد يلومــج ... ولكـن ... هل تشوفين إن الحل الأمثل .. أنـج تبعدينـه عنــج ؟؟؟!!!!!! وأنتو في أحلى أيــآمكم؟؟!!!! يا عزيزتي .. أنـــآ فاهمتنــج ... وأرجع أقول ردة فعلج طبيعيه 100% لكونـج بنت ذات أخلآق عاليـة .. ولاكن لا تنسين إنـه حلآلج ... وحطي في بـآلج إنه ما عاملج بهالطريقــه إلا لمـآ تمركزت هالفكرة في بـآله ... فإنتي حلآلـــه إعطيــه ولكـن بحدود ... تمنعـــي ولكن في الوقت المنــآسب .. وبذلك ترضينــه وترضين عقلـج ... وبيني وبينــج ... لا تكلمينه فليل ... وخلي مكالماتكمـ.. مليئـة بالحركاات والمزح .. تـآرة .. وبالنقـآشات الجادة .. تـآرة أخرى صدقيني .. عطيـه ... وبـآدري بالعطـــااء .. قبل أن تنتظـري منـه الرد ... وفي الوقت الي يكون رآضي عليـج ونفســه راضية عنج .. فآتحيـه بالموضوع ... وبمـآ لا يعجبــج فيـه المحادثات .. وأثني على ماا يعجبج منـه (( وزيدي حبتين )) ... وإن شالله رح يتفهمـــ ... ويكون لج مثل ماا تبينـه يكون .. ولا تكثري زعـل ... تقبلي مروووري ... |
أضم كــــلامي لكلام ابو فلان و الأخت jooolie
جزاكم الله خير الله يوفقكم ويهديكم لبعض أميين |
السلام عليكم ورحمه الله وبركاته
تريثي يا أختي و الصبر والصبر وعدم الغضب : * وأعلمي ان فترة الخطوبه تمر بمراحل تبدأ بالسلام ثم التعارف ثم المودة وبعدها الحب * وأعلمي ان الرجل يختلف تماما عن المراءة في الصفات و التفكير وغيرها.. فمن تفكير الرجل ان يكون همه الشاغل المال قبل الزواج وبعده وكم سيتبقى منه وتأثيث المنزل وتكلفه شهر العسل وغيرها من الامور التى تتطلب التفكير والا نشغال وأعتقد بانه يخرج من هذا التفكير كهفه (عقله ) عن طريق التحدث عن الحب والرومانسيه وغيرها وبدايه الحب و التفاهم تبدء غالبا بعدم التفاهم قال تعالى في سورة النور {الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُوْلَئِكَ مُبَرَّؤُونَ مِمَّا يَقُولُونَ لَهُم مَّغْفِرَةٌ وَرِزْقٌ كَرِيمٌ} وانصحك بقراءة كتاب رجال من المريخ و نساء من الزهره مقتبس من الكتاب : س/ كيف تتقدمين لرجل بإنتقاد أو نصيحه ؟ يقول الكتاب يمكنك ان تقولي " هناك شيء أريد الحديث عنه ولكن لا أدري كيف أقوله ( تتوقف برهه) أنا لا أريد أن أجرح مشاعرك ولكنني أيضا حقاً ان أقوله هل لك ان تنصت ثم تقترح علي اسلوبا افضل للتعبير عن ذلك ؟ -- هذا يساعده في تجهيز نفسه للصدمه ثم يكتشف ان الامر ليس بتلك الخطوره -- ويوجد حلولا كثيره ولكن لايسعفني الوقت . دائما عليكِ بالدعاء : اللهم حبِّب إلي زوجي وحبِّبني إليه .. اللهم ألف بين قلوبنا ***** اخي bin_sagr ****** أعتقد ان المنتدى وضع لحل المشكلات و ليس لوضع الايميل ومساعدتهم عن طريقه. |
يابنت الحلال لا تاخذين الامور بحساسيه زايده مادام انه راح يكون زوجك
وبعدين خليك دبلوماسيه معاه... وأعرفي شلون تشنكليه......... |
حاولي انك تغيرين اتجاه مكالماتكم يعني فهميه وصارحيه ان كل هالأشياء بعد الزواج وفيه اهم من هذا بكثير ..
فيه اهم من الرومنسيات الي تخلينا عايشين بعالم وردي واشباع الرغبات... وبعدين نواجه الواقع والخلافات وما نعرف نتصرف وضحيله انه بهالفترة ما يمنع انه يكون بينكم كلام حلو بس بعد ما لهالفترة حدودها والمفروض تكون للتعارف تتعرفون على بعض اكثر تعرفين وش يحب وش يكره وانتي بعد وش تحبين وش تكرهين ..افكاركم مبادئكم ..كل هالأشياء تخليكم تفهمون بعض اكثر.. وحياتكم مو تحدي مين يمشي كلامه ع الثاني لكن هي مشاركة وتآلف ومراعاة لآراء بعضكم انا من رأيي انك تصارحينه باحساسك لما يتكلم معاك بهالطريقة ولا لما يطالبك بهالأشياء...صارحيه ان هالشي يخليك تحسين ان تفكيره لا يتعدى رغباته والحياة الزوجية مو كل شي فيها المتعة هي مسؤولية اكثر من كونها متعة.. انا معاك بانك تقطعينه اسبوع ..ولو زاد زيدي هذا رأيي بكل صراحة انا عايشة هالفترة الي انتي عايشتها ولو مريت بهالشي راح اتصرف مثلك الله يوفقك اختي |
والله يا اختي لا تلومينه ترى هذي الحركات الي يسويها هي من الافلام المثيره والمقاطع الجنسيه الي يشوفونها الشباب
.. بس انتي ممكن تفهمينه بطريقه حلوه ان يراعيك لان الحياء يمنعك.. وفهميه ان الفتره هذي الافضل يون الكلام حلو مثل حبيبتي يا قلبي .. لان كل شي له بدايه وكل شي بوقته حلو ولا يستعجل.. وانتي لا تسكرين جوالك بالعكس خليه مفتوح عشان ما يمسك شي عليك وهو بكيفه مصيره يتصل لانك ما غلطتي عليه .. واذا كلمك اساليه عن شغله وكيف بيت العمر ومتى نام ومتى صحى اشغليه باهتمامك به.. وترى هذي بداية الرجل في الزواج وبعد الزواج راح تخف ناره .. وتشوفين موفقه |
| الساعة الآن 06:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©