|
أريد أن املك...لكن أخشى فترة الملكه..!!
بسم الله الرحمن الرحيم السلام عليكم ورحمة الله وبركاته.. كيفكم ان شاء الله طيبين وبخير... طبعاً انا من زمان وانا مشترك بالمنتدى اللي اعتبره من افضل المنتديات اللي مرت علي لما فيها من الصدق والوضوح بين الاعضاء وعدم التكلف...طبعا انا استفدت كثيييييير من المنتدى ومن المواضيع المطروحه وتقريباً يعني مايمر يوم الا وادخل واحاول اقرا واستفيد... : : طبعاً تقريباً جا اليوم اللي ودي اطرح لكم الموضوع اللي يخصني ويخص حياتي المستقبليه وان شاء الله انا كلي ثقه بالله اولاُ ثم فيكم انكم ما راح تبخلون علي بالنصح والتوجيه..والله يكتب اجركم جميع يارب.. : : انا شاب عمري 27 طبعا خطبت قبل تقريبا سنه انسانه تصير لي عمرها 17 (تدرس الان في صف ثاني ثانوي) طبعا تمت الشوفه والحمدالله ارتحنا لبعض وتمت الموافقه من اهلها...الى الان كل شي تمام.. كان اتفاقي انا واهلي ان الزواج والملكه تتم لما تتخرج البنت من الثانويه او مثلاُ الملكه قبل لاتتخرج مثلا من الثانويه والزواج يكون بالصيف بعد التخرج طبعا مو الصيف هذا اللي بيجي اللي بعده... : : المشكله يا جماعة الخير اني تعبت ولا عاد اقدر اصبر اكثر من كذا خلاص ابي على الاقل اسوي (ملكه) على الاقل اقدر اكلمها اروح عندها اجلس معها نسولف نحاول نتعرف على بعض وكل واحد يعرف شخصية الثاني..طبعا شاورت اللي حولي وكل واحد يعطيني راي...طبعا انا اذا ملكت الصيف هذا ما راح يكون الزواج الا الصيف اللي بعده مثل ما قلت لكم بالاول على شان البنت تتخرج من الثانويه وعلى شاني انا بعد اقدر اجهز نفسي واجمع لي كم قرش..الزبده كل ما شاورت واحد عطاني راي واحد يقول سنه ملكه طووويله وراح تتعب انت وهي وراح يصير بينكم مشاكل اذا طولت فترة الملكه.. وواحد يقول لا عادي اهم شي تكون متفاهم انت وخطيبتك وواحد يقول اصبر وواحد مدري ويش يقول...يعني حيره وتشتييت فكر..وانا احس نفسي تعبان ولا عاد اقدر اصبر وابي اتملك خلااااااااص... : : عاد اللي ابيه منكم... هل لو سويت ملكه الصيف هذا وتزوجت الصيف اللي بعده هل فترة سنه تعتبر طووويله للملكه..وهل ممكن خلال الفتره الطويله هاذي مثل ما يقولون ممكن تصير مشاكل بيني وبين خطيبتي وانه ممكن نمل ونطفش من بعضنا على شان طووول الفتره ولا الموضوع راجع لنا حنا الاثنين بحيث اننا نستطيع ان نكيف انفسنا مدة سنه...ولا تنصحوني اني لا اسوي ملكه الا قبل الزواج بثلاث او اربع شهور على شان لا نطفش من بعض مع اني احس ما عاد فيني صبر...؟؟؟؟ يعني هل طول فترة الملكه له تأثير على الحياه بعد الزواج واللي الموضوع راجع للطرفين هم اللي يقدرون ينظمون حياتهم اثناء الملكه بحيث انها لا تأثر عليهم مستقبلاًُ..؟؟ صراحه انا محتار ولا ادري ويش اسوي..مع اني اميل اني ابي اسوي على الاقل مكله الصيف هذا واجلس سنه طبعا صليت صلاة الاستخاره وحسيت اني برتاح لو ملكت الصيف هذا لاني احس اني بكلمها وتكلميني ونجلس مع بعض وكل واحد يحاول يكتشف الطرف الاخر على برواقه وهدوء على اعتبار اننا بنجلس سنه ممكلين... : : ادري والله اني طووووووولت واااااجد عليكم بس حبيت اني اشرح لكم الموضوع من جميع ابعاده...ويعطيكم العافيه... تعديل بسيط على العنوان المشرف / شاطئ المحبة |
بصراحه انا يسعدني ان اكون اول من يرد عليك ياخوي
اتوكل على الله وملك والأيام هذي ماهي زي اول السنه صارت تمر بلمح البصر وكمان علشان تتقربوا من بعض وتتعرفوا على بعض اكثر انا مااشوف ان سنه كثيره بالعكس اعقلها وتوكل وراح تتحمس لما تملك ويمكن تقرب الموعد الله يسعدك ويهنيك بالعروس يارب ويفتح لكم ابواب الخير000000000000000 |
اعتقد سنه واجد
خصوصا ان البنت تدرس قبل ب5 اشهر في اعتقادي مناسب الله يوفقك يارب |
بالتوفيق اخي
بس لدي استغراب منكم شباب اليوم ايش اللي يشدكم لبنات ما خلصو المدرسه بعدين تقولون مستعجل سامحني اخي لكن فعلا اريد معرفه ليش الشباب يحبون بنات 17 و 18 ، هل للتباهي ان زوجتهم صغيره ؟؟؟ |
اخي الكريم والله اذا تسمع نصيحتي استعجل با الزواج لانو اني مريت بنفس التجربه وصارلي سنتين من ملكة والله تعذبت عذاب وصارت مشاكل بس الحمد لله لان احنه نحب بعض تلافت المشاكل والله يوفقك
|
اخوي برائي فترة الملكة لا تطول و لا تقصر
يعنى سنه مرة طويلة انت رح تتعب نفسيا..و عشان تبعد عنك الملل في العلاقة بين المخطوبين 6شهور الى 3 شهور ملكة بالنسبة لي مرة حلو |
أخي الكريم .. من واقع تجربة مريرة ومريرة جدا
اتفقت مع عمي أن يكون الزواج 15 / 7 بالهجري .. أي بعد 3 اشهر من الآن مع العلم أن الملكة تمت في الخامس من ذي الحجة أي أن بين الملكة والزواج 7 أشهر ونصف ومع أن الفترة 7 أشهر وليس سنة إلا أن صبري نفذ ولم أعد أطيق الانتظار وأحاول جاهدا مع عمي تقديم الزواج للشهر القادم وأرجو أن ييسر الله أمر التقديم الفترة الطويلة عذاب .. والمشاكل لابد وأن تتسلل إليكم مهما كان بينكم من الحب .. وهذه أقولها عن تجربة بالإضافة إلى المشاكل ستعاني مع حلالك كثيرا .. فكل شيء ممنوع ممنوع ممنوع !! أخي أنا لا أنصحك بتقديم الملكة فقط .. بل بتقديم الملكة والزواج معا ! إذا كانت خطيبتك ثاني ثانوي فأنا خطيبتي أولى ثانوي وزواجنا سيكون عما قريب بإذن الله وليس صعبا أن تجمع الزوجة بين الدراسة ومسئوليات الزواج ويمكنكم أن تؤجلو موضوع الاطفال لما بعد التخرج .. وقد اتفقت مع خطيبتي على ذلك وتذكر يا عزيزي أن خير البر عاجله .. بالتوفيق |
السلام عليكم ...
انا ضد الملكه بسنه او اكثر ضدها وبقوه لاسباب كثيره جدا ... وبصراحه افضل شيء ملكه قبل الزواج بشرهين او اقل ... حتى لا تكثر المشاكل ؟؟؟ المعانه الجسديه ؟؟ المعانه النفسيه ؟؟؟ معرفه عيوب الاخر ؟؟ و غيره الكثير لذا النصيحه الزواج اذا كنت تستطيع الان ... والله يوفقنا واياك لكل خير .. |
سنة كثييييييييييرة جدا وستعاني نفسيا وجسديا ...... وأنت أخترت فتاة صغيرة يعني بينكم عشر سنوات يعني بصراحة لازم تتحمل وإلا من البداية كان أخترت وحدة متخرجة أقل شي من الثانوي اللي كان من يوم خطبت حددت زواجك على طول ...... الله ييسر أمرك
|
اقتباس:
يعطيك العافيه يارب وانا اقول كذا...والله يكتب اللي فيه الخير |
اقتباس:
|
اقتباس:
|
يا اخي صج انا مالجه من يومين بس
والله احلا الايام احس الحين صج انا عيشه فى واحد يبيني اكثر من اي شى انت توكل على الله استخير و املج اذا مرتاح |
أنــــــا بجاوبك على حسب حالتك......<تقول مافيك صبر>
أنا أنصحك ملك هذا الصيف...واذا على المشاكل لابد منها من أول اسبوع ليه...؟عشان انت تشبع رغبتك وعشان تفهمها وتفهمك...واذا لا سمح الله صار أي شي فهو مكتوب ماراح يغيرها طول الملكه أو قصرها بس اذا ملكت لا تقول<مافيني صبر أبغى أتزوج>> |
اقتباس:
|
اقتباس:
|
اقتباس:
طيب بالله عليك وش تبني اسوي انا تعبت خلاص ولا عاد ابي العلاقات المحرمه ابي بالحلال...انا اقول خلني اتعذب واتبهذل لكن في شي حلال ولا اتعذب بالحرام وعلاقات مامنها الا العذاب |
اقتباس:
طيب انا وش اللي يصبرني الى ماقبل الزواج بشهرين...؟؟؟؟ |
اقتباس:
|
أخي الحبيب ... أنت وضعت في قرارة نفسك جوابا ... وتريد الأعضاء أن يوافقوك عليه ... أليس هذا صحيح ..؟!؟! كل من الأعضاء أعطاك الإجابة من منظوره الشخصي وعن واقع عاشه أو يعيشه ... وتذكر اللبيب من أتعظ بغيره .... إن كنت تريد أن يقول لك الأعضاء ... خلاص أملك وتوكل على الله ... فهذا موافق لما في صدرك ... وأنت لا تريدهم أن يقولوا لك أن المشاكل ستكثر و .... و..... و..... فأنصحك أن تفعل ما تراه أنت صحيحا ... وأنت أعلم بنفسك من غيرك ... ولكن خذ من تجربة الأخ شاطئ المحبة عبرة لك .... أسأل الله عزوجل أن يسهل أمرك ... وييسر لك الخير ... اللهـــــــــــــــــــــــــــم آمـــــــــــــــــــــين ... دمت بحفظ الرحمن .... |
اقتباس:
|
اقتباس:
طيب ليه المشاكل..؟؟ انا اتملك على شان انبسط ولا على شان ادور مشاكل..انا اعتقد لو اننا حاولنا من البدايه نفهم بعض ونقدر ظروف بعض وكل واحد يضحي لاجل الاخر اتوقع ما راح يكون فيه ذيك المشاكل اللي راح تشوش علينا واجد |
اقتباس:
|
سنه
؟؟؟ ؟؟ ؟ كثير مره أنا عن نفسي كانت فترة ملكتي 3 شهور وكانت فيها مشاكل نوعاً ما حبيبي من شهرين إلى 4 شهور أعتبرها فتره مناسبه للتعرف على بعض والله الموفق |
انا صراحة ما عندي تجربة
لكن انصحك تخلي فترة الملكة سنة انا ناوي اخليها سنة لان بتكون فترة رومانسية .. حب وطلعات واتصالات وو .... لاحق على الزواج .... انا هذا رايي الشخصي وهذا الي ناوي اسويه .... بس صراحة ما جربت ولا ادري هل صح او لا ومن الاشياء الايجابية بتطويل فترة الملكة قد يكون شي غريب لكن هذه قناعة خاصة فيني ... وهي ان بهذه الفكرة تعرف زوجتك زين ... فاذا اكتشفت انها مو مناسبة لك بإمكانك التراجع .... فالطلاق اثناء فترة الملكة احسن من بعد الزواج الله يوفقكـ ... انصحك تسئل شخص كانت فترة ملكته طويلة وهو بيفيدك على فكرة: جارنا توه تزوج قبل اسبوع .. كانت فترة ملكته 4 سنوات ... ولا عنده اي مشكلة والوضع اووووكي ترجع هي بالنهاية للطرفين على ما اعتقد :) |
انا ملكتي كانت تسعة شهور كنت دايما انا وزوجي نمزح بمرارة وغصة ونقول لو زواجنا كان يوم ملكتنا كان زمانه البيبي في حضننا :d
الملكة الطويلة متعبة ، والمشاكل المقصودة مو مشاكل بين الزوجين على وجه التحديد لكن مشاكل بسبب ضغط الاهل كلمة من هنا وكلمة من هناك تتوتر الاعصاب وتتغير النفسيات وتعصب عليها وتزعل منك وتعصب عليك وتزعل منها وهكذا انت الحين خاطب ومستعجل عالملكة ، بكرة تملك وتستعجل عالزواج وراح يكون عذابك وقتها اكثر من عذابك الحين لانك وقتها بتكون من جد تعلقت بالبنت وحبيتها حب حقيقي وتتمنى زواجك يكون اليوم قبل بكرة بعدين انا عندي اقتراح ليش ماتملك الحين في الصيف مثلاً ، والزواج يكون في عيد الفطر ؟ يعني ملكة خمسة او ستة شهور كافية وحلوة بنظري والله يوفقك ويسعدك |
اقتباس:
|
اقتباس:
ايوا هذا الكلام اللي يشجع ويفتح النفس..((ههههههههه))... انا مدري بس احس ان فترة الملكه فتره حلوه..رومنسيه وحب وحركات..انا داري ان فيها عذاب وتفكير وقلق لكن على الاقل شي بالحلال....شاكر لك يا غالي |
اقتباس:
|
الحين ودي اسأل البنات...هل تفرق معك فترة الملكه...يعني انتي كبنت وش تفضلين تكون فترة الملكه طويله (مثلا سنه) او قصيره (سته شهور واقل..) ولا الموضوع راجع لظروف زوجك وانتي ممكن تتحملين على شانه مايهمك...صراحه ودي اسمع ارائكم يالبنات لاهنتوا..لاني سمعت ان البنات يحبون فترة الملكه لان فيها حب ورومنسيه وهدايا وكل طرف يراعي مشاعر الاخر لانه ممكن هالاحاسيس تخف بعد الزواج ولا وش رايكم...!! |
فترة الملكة أجمل أيام العمر
لكن إن زادت تصبح أسوأ أيام العمر |
بصراحة طووويله سنه .. والله يصبرك بصراحة طيب ماتقدر تخلي الزواج بالصيف القادم او بعد رمضان على الاقل .
بصراحة بيتعبك التفكير فيها .. وهي برظووو البنت بتتعب اكثر .. بس سنة طوويله على الاقل قبل زواجك بثلاثه شهور اقولك حلووو لكن سنة بالمرررره طووويله .. اتمنى لك التوفيق |
نصيحه املك سنه مو طويله اذكر ايام ملكتي كانت روووووووووووووووووووووووعه يوم انخطب بعمر خطيبتك
على فكرة لسه انا ماتزوجت قريب بكمل 3 سنين بس مليت احس طولنا |
اخي الكريم اولا مبارك عليك مقدما
و ربي يجعلها الزوجة الصالحة لك و يجمع بينكم عن قريب و على خير ثانيا صعب انك تتخذ تجربة حد و تطبقها و تعتبر انه نفس الشي بيصير لك كل تجربة لها امور محيطة تحدد نجاحها او فشلها ... مثلا اذا ملكت هل البنت بيوافقوا انك تزورها اسبوعيا و تكلمها بالتلفون الخ ؟؟؟ لانه في عايلات ما تسمح بهذا الشي و بس يسمحوا بامكالمات اسبوعية بدون زيارات و في اسر ثانية .. خلاص يعتبرون الملكة زواج كامل و لك مطلق الحرية بالدخول و الخروج معها ؟؟ فاي من الاسر هم اهلها ؟؟؟ عشان كدا موضوع انك تتعذب او ما تتعذب متعلقة بهذه النقطة .. النقطة الثانية مسألة المشاكل .. كمان يعتمد عليكم انتو الاثنين و مدى تفاهمكم واللي يقولون تزيد المشاكل و تنعرف العيوب اذا طولت الملكة ... اعتقد انه هذا شي ايجابي عشان لو شافوا الطرفين انه مشاكلهم كثييرة و مافي تفاهم.. فالانفصال من البداية اجسن من الطلاق بعدين و مع اطفال مثلا. يعني من وجهة نظركم الاحسن نمشي فترة الملكة شهرين و تكون مليناة حب و رومانسيات و مسجات بس .. بالعكس اشوف انه لو صار شوية صدام و كل واحد عرف مميزات وعيوب الثاني من البدية احسن الف مرة اخيرا اسمح لي اقولك اخي الكريم .. تجربتي الشخصية .. خطبت لسنتين و ملكت سنة ونص و الحمدلله و الشكر عمرنا ما تخاصمنا او صارت بينا مشاكل او او <<قولوا ماشاء الله :) عرفنا ايش الاشياء المشتركين فيها .. و عرفنا اختلافاتنا و حاولنا نقرب وجهات النظر و صحيح فيها تعب نفسي :) بس زي ماقلت انت التعب موجود موجود سواء بالملكة ااو بدون على الاقل قليكن تعب حلال بس بالنهاية كانت احلى ايام عمرنا و الحين بعد سنة و كم شهر زواج دايما نرجع نتذكر هذيك الايام و نضحك صاارت ذكرييات مررة حلوة ... سنة مش مدة كبيرة مرة ... لو اهلها راح يسمحوا لك بزيارات اسبوعية بعد الملكة .. اتوكل على الله و حببها فيك و اتقرب منها بس اياك و التمادي نقطة اخيرة .. لا تنسى بالملكة تصبح مسئولة منك .. يعني لازم تعطيها مصاريف :) :) :) |
كانت فترة ملكتي 6 شهور تقريبا ...اراها مناسبة جدا
اقتباس:
اختلف في هذه النقطة مع اخي الفاضل شاطئ المحبة..لاني عانيت الكثيييير في التوفيق بين الدراسة ومسؤولياتي الزوجية.. الله يكتب لك اللي فيه الخير |
الله يعطيكم العافيه جميعاً على تفاعلكم وردودكم... واحب اقولكم انه اتفقنا بالاخير ان الملكه تكون بعيد الاضحى القادم او اجازة نص السنه الجايه ان شاء الله...لان الوالد كلم ابو البنت وعرض عليه الموضوع فابوي يقول انه حس من كلام ابو البنت انه ماوده تكون الملكه فتره طويله مع انه ماصرح بذلك لابوي وقاله عادي اللي تبونه لكن ابوي يقول انه حس انهم مايبون فترة الملكه تطول مثل ماوضحت لكم...طبعا اكييد اني متضايق لكن انا اللي استاهل ماحد قال لي اخطب وحده صغيره ولسا تدرس يعني لازم اصبر رضيت ولا ما رضيت...لكن ماقول الا الله يعيني. |
الله يووفقك يارب
انا بنت مااحب الملكه الطوويلهـ كل الناس تقول حلووه بس انا ماايعجبني تتطول تحصل مشاكل فيها غصب خصوصاَ كل شي ممنوع فيها نصحيه مني كااخت لك عامل البنت معامله راقيه جداَ واتقرب لها خصوصا َ صغيره البنت عشان ماتقول ماابيك << انا سويتها املكو اهلي وعاملني المعرس ززفت وخلعته <<< تعقدت عشان كدا نصحتك يعني عاملها بااسلوب ود واتقرب منها وجيب لها كل مادخلت هديه والله يووفقك ويجمع بينكم بخير ياررررب ردي جاء متأأخر سلام |
شوف أنا إن شاء الله أفيدك
فترة سنة جيدة في حالة وحدة إن أهل البنت متفاهمين و راح يسمحوا لك تتطلع معاها و تيجي البيت و تكلمها على راحتك أما إذا أهل البنت راح يمنعوك مثل كثير من الأهالي اللي سمعت عنهم في المنتدى راح تتعب نفسيا و ما رح تستفيد غير غن الضغط راح يزيد عليك يعني حاول تعرف شنو الأشياء اللي الملكة راح تفيدك فيها ( هل ممكن تتطلع معاها ؟ هل ممكن تزورها أسبوعيا مثلا ؟ هل يمكن أن تكلمها ؟ هل ستسمح لك الفتاة بالكلام معها ؟ ) اسئل أهلها أو أحد قريب منك و منهم عشان تعرف و إذا الإيجابة إن العيلة متفهمة فمبروك قم عمل الملكة يغلق لبلوغه النصاب الزمني المشرف / شاطئ المحبة |
| الساعة الآن 10:23 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©