بسم الله الرحمن الرحيم

السلام عليكم ورحمة الله وبركاته..

كيفكم ان شاء الله طيبين وبخير...
طبعاً انا من زمان وانا مشترك بالمنتدى اللي اعتبره من افضل المنتديات اللي مرت علي لما فيها من الصدق والوضوح بين الاعضاء وعدم التكلف...طبعا انا استفدت كثيييييير من المنتدى ومن المواضيع المطروحه وتقريباً يعني مايمر يوم الا وادخل واحاول اقرا واستفيد...
:
:
طبعاً تقريباً جا اليوم اللي ودي اطرح لكم الموضوع اللي يخصني ويخص حياتي المستقبليه وان شاء الله انا كلي ثقه بالله اولاُ ثم فيكم انكم ما راح تبخلون علي بالنصح والتوجيه..والله يكتب اجركم جميع يارب..
:
:
انا شاب عمري 27 طبعا خطبت قبل تقريبا سنه انسانه تصير لي عمرها 17 (تدرس الان في صف ثاني ثانوي) طبعا تمت الشوفه والحمدالله ارتحنا لبعض وتمت الموافقه من اهلها...الى الان كل شي تمام.. كان اتفاقي انا واهلي ان الزواج والملكه تتم لما تتخرج البنت من الثانويه او مثلاُ الملكه قبل لاتتخرج مثلا من الثانويه والزواج يكون بالصيف بعد التخرج طبعا مو الصيف هذا اللي بيجي اللي بعده...
:
:
المشكله يا جماعة الخير اني تعبت ولا عاد اقدر اصبر اكثر من كذا خلاص ابي على الاقل اسوي (ملكه) على الاقل اقدر اكلمها اروح عندها اجلس معها نسولف نحاول نتعرف على بعض وكل واحد يعرف شخصية الثاني..طبعا شاورت اللي حولي وكل واحد يعطيني راي...طبعا انا اذا ملكت الصيف هذا ما راح يكون الزواج الا الصيف اللي بعده مثل ما قلت لكم بالاول على شان البنت تتخرج من الثانويه وعلى شاني انا بعد اقدر اجهز نفسي واجمع لي كم قرش..الزبده كل ما شاورت واحد عطاني راي واحد يقول سنه ملكه طووويله وراح تتعب انت وهي وراح يصير بينكم مشاكل اذا طولت فترة الملكه.. وواحد يقول لا عادي اهم شي تكون متفاهم انت وخطيبتك وواحد يقول اصبر وواحد مدري ويش يقول...يعني حيره وتشتييت فكر..وانا احس نفسي تعبان ولا عاد اقدر اصبر وابي اتملك خلااااااااص...
:
:
عاد اللي ابيه منكم...
هل لو سويت ملكه الصيف هذا وتزوجت الصيف اللي بعده هل فترة سنه تعتبر طووويله للملكه..وهل ممكن خلال الفتره الطويله هاذي مثل ما يقولون ممكن تصير مشاكل بيني وبين خطيبتي وانه ممكن نمل ونطفش من بعضنا على شان طووول الفتره ولا الموضوع راجع لنا حنا الاثنين بحيث اننا نستطيع ان نكيف انفسنا مدة سنه...ولا تنصحوني اني لا اسوي ملكه الا قبل الزواج بثلاث او اربع شهور على شان لا نطفش من بعض مع اني احس ما عاد فيني صبر...؟؟؟؟
يعني هل طول فترة الملكه له تأثير على الحياه بعد الزواج واللي الموضوع راجع للطرفين هم اللي يقدرون ينظمون حياتهم اثناء الملكه بحيث انها لا تأثر عليهم مستقبلاًُ..؟؟
صراحه انا محتار ولا ادري ويش اسوي..مع اني اميل اني ابي اسوي على الاقل مكله الصيف هذا واجلس سنه
طبعا صليت صلاة الاستخاره وحسيت اني برتاح لو ملكت الصيف هذا لاني احس اني بكلمها وتكلميني ونجلس مع بعض وكل واحد يحاول يكتشف الطرف الاخر على برواقه وهدوء على اعتبار اننا بنجلس سنه ممكلين...
:
:
ادري والله اني طووووووولت واااااجد عليكم بس حبيت اني اشرح لكم الموضوع من جميع ابعاده...ويعطيكم العافيه...

المشاركة الأصلية كتبت بواسطة بسمة عمر بصراحه انا يسعدني ان اكون اول من يرد عليك ياخوي اتوكل على الله وملك والأيام هذي ماهي زي اول السنه صارت تمر بلمح البصر وكمان علشان تتقربوا من بعض وتتعرفوا على بعض اكثر انا مااشوف ان سنه كثيره بالعكس اعقلها وتوكل وراح تتحمس لما تملك ويمكن تقرب الموعد الله يسعدك ويهنيك بالعروس يارب ويفتح لكم ابواب الخير000000000000000