|
تتمة لقصتي التي لم تنتهي ؟
السلام عليكم و رحمة الله وبركاته
طبعا معظمكم قرأ قصتي الموجودة على هل الرابط http://www.66n.com/forums/showthread...9+%DD%CA%C7%C9 و اليكم تتمت القصة تحدد موعد زواجي وانا عرسي بعد 10 أيام لكن من شهر تقريباً بدأت اشك بتصرفات زوجي والسبب انه صار معي قصة وهي وصل مسج على موبايل زوجي وخط زوجي كان موجود بجهازي انا لان جهازه ماكان فيه شحن المهم انا نسيت ان الخط الموجود لزوجي وفتحت المسج فكرت انو الي وشفت مسج مكتوب فيه المرسل طبعا اسم شخص صاحبو وداخل المسج لغة اجنبية مكتوب بابا وينك وبعدها مكتوب وينك اذا لسه مشغول ابعت مسج لان ابنك عم يبكي كثير ولاتفصل الخط بوجهي طبعا الرقم كان يتصل وزوجي جنبي وكان زوجي يفصل الخط اكتر من مرة بعدها انا اخذت الرقم ورحت اتصلت عليه وردت علي وحدة سألتها شلونك وشلون ابنك وين زوجك فلان طبعا سميت اسم زوجي قالت لي مو موجود قالت مين معي قلت لها وحدة معاه بالدوام قالت اتصلي على الموبايل قلت لها اتصلت بس يمكن مشغول وسكرت التلفون لحقني زوجي وانا كنت بحالة آآآآآآآآآآآآآه ياربي الله لايذوق مخلوق الي ذقته حالتي الي يشوفني الصخر يبكي علي قلت له حرام عليك انت متزوج وعندك ولد ليش عملت هيك ليش ضيعت مستقبلي ليش وهو ساكت بعدين بلش يصرخ ويقول لا مو صحيح طلبت منه يمسك التلفون ويتصل علي الرقم واسمع شو بتحكي قلت له بس سلم عليها طبعا هو لما ردت قال مين بعت مسج بالغلط وسبب لي مشكلة مع زوجتي هون انا انقهرت منو اكثر اخذت التلفون وعصبت عليها واصرخ عليها واسألها اذا فلان زوجك ولا لا قالت لي اسأليه وفكري مثل مابدك وسكرت التلفون انا اغمى علي هل الحكي كله واهلي مو عارفين بشي بعدين لما اغمى علي زوجي طلع بسرعة مثل الخايف واهلي اجو حتى يصحوني وانا ماكنت قول غير جيبولي فلان (زوجي) بدي فلان نزلوا اهلي يلحقوه قبل مايروح فص ملح وذاب مو موجود اختفى موبايله مسكر بعد ثلاث ساعات وانا على هل الحالة واهلي ماظل دم بعروقهم من كثر خوفهم علي وانا ماقدرت احكي لأهلي شي حتى مايكبر الموضوع لان انا راح اروح فيها اتصلت على اخوه الكبير وحكيت له القصة كلها اتصل هو على اخوه(زوجي) وبدأ يحلف انو لا مو صحيح بس انا ماقتنعت اتصلت على نفس الرقم رد علي شخص غريب قال لي انا زوجها وانا صاحب فلان وهو بعتت بالغلط طلبت منو احكي معها انا رفض وقال هي تعبانة وعم تبكي وانا سامعة صوتها تصرخ وهو يبعد عن صوتها حتى مااسمع وانا سمعت انها عم تحكي مع شخص عم يتناقشو وسمعت صوت زوجي من بعيد ولما سألت مع مين عم تحكي قال لا مافي حدا وسكروا الخط وماعاد ردو علي اتصل زوجي علي الفجر وقال لي ارتحتي اصلا انا لو ماطلعت من عندكم كنت قلت لك الكلمة يلي كانت راح تفصل بينا المهم بعد نقاش عن كل شي طبعا ماحصلت ولا سبب مقنع ابدا لان بعدين مليت وتعبت من كثر البكا اتصل علي عن اذان الفجر وقال لي سامعة الاذان والله ماعندي مرة ولا شي واصلا انا مابجرح اهلك يلي حبوني وصرت ابنهم لا امك ولا ابوكي الطيبين طبعا انا بعد هل الكلمة قلت حلف معقول مااصدقو وبعدها مابعرف كيف مشى الموضوع وانا من داخلي مو مقتنعة ابدا ومزعوجة لكني حاولت اني اقنع نفسي وانه انا الي غلطانة ومرة على هل الموضوع 3 اسابيع وصارت قصة جديدة حكيت مع زوجي الساعة وحدة سألت وين رايح قالت رايح انام بالدوام لان عندي شغل قلت طيب دير بالك على حالك المهم زوجي وهو عم يحكي معي كان بدو يطلع بتاكسي مواصلات وقت وقف التاكسي قال له وديني على وقال اسم منطقة غير المنطقة يلي فيها دوامو قلت له شو وين رايح شو رايح تعمل هناك قال لا انا غلطت يلا عادي اصلا ماطلعت معاه المهم قلت يمكن بجد غلط رجع وقف تاكسي ثاني ولما اجى يقول له عن المنطقة حطني تعليق لمدة نص ثانية ولما سألت ليش حطيتني تعليق قال لي لا صاحبي كان عم يتصل وقال لي انه اخوه الثاني كان عندهم وهو رايح يوديه البيت قلت ليش ماكان موجود وانت بالبيت قال لا مو موجود المهم انا هون شكيت لان اقل من نص ثانية ماكان في وقت يقلك لو كلمة الو بس المهم هو حس فيني وقال لاتلفي ودوري وشيلي هل الوسوايس من راسك قلت له شو عرفك اني عم لف ودور لو مو عامل شي غلط بعدها سكرنا انا ماعرفت نام صراحة وبدي شي بدي اعرف الحقيقة اتصلت على اخوه الكبير وقلت له كل الي صار قبلها طبعا سألت عن اخوهم الثاني قال لي انه بالبيت وكان فلان (زوجي بالبيت ) معاه قبل مايطلع يعني زوجي كذب علي لما قال انو طلع واخوه ماكان بالبيت آآآآآه شو بكيت وبكيت وبكيت لحد ماانعمت عيوني بعدها اتصل اخوه عليه واخترع أي حجة بس وبنفس الوقت اتصل اخوه من تلفونه الثاني على الرقم يلي كنت انا اتصل عليه لما صارت القصة الاولى حتى يشوف او يسمع اذا التلفون برن وهو موجود عنده ولا لا المهم ماسمع شي بعدها انا بربع ساعة مااتحملت وقلت بدي اتصل عليه واقولوا الصراحة وبس قلت الو بس الو بدأ يصرخ علي وانت ليش اتصلي على اخوي وليش قلت له لانك كذبت علي قال شوبدك شو المطلوب قلت بدي اعرف الحقيقة قال شوفي قولي لأهلك انا ماعاد بدي اتزوج ارتحتي واتصل على اخوه وقال له قوللهم انو ماعاد بدي اتزوج بعدها ااخوه اتصل عليه وظل يحكي معه ساعة وهداه وقلي اخوه انه بس مجرد تهديد ولا هو مو حاط هل الشي بباله انه يتركني وبالنسبة للموضوع يحلف انه مافي شي وانتي تحلف انك حاسة انه في شي ومافي دليل فالحل عندك انتي بدك تنهي الموضوع بتنهيه بكلمة (طبعا هو مو عارف اننا متزوجين مو بس على الورق) قال خلينا نشوف شو بصير انا عرسي بعد عشر ايام وبتعرفوا الوحدة بتجهز حالها وبتكون فرحانة بس انا عكس هيك نهائياً اقسم بالله ماعاد لي نفس لشي وفي لسه اجراءات باقية لازم يخلصها زوجي قبل الموعد واذا ظل علىهل الحالة راح يضيع الوقت وفي دوا كان لازم زوجي يجبلي ياه انا مابقدر اجيبو ولا اطلبو من أي شخص لان هو من بعد الاجهاض يلي صار معي انا عم اخد دوا ولازم يكون عندي بعد يومين حتى اخدو بالموعد فيا اخواني قولو لي شو التصرف المناسب شو الحل شو اعمل الله يخليكم لاتتركوني |
زوجك متزوج وعنده ولد ما يحتاج لها فهيم
بس انت ما عندك خيار غير انك تسكت وتتزوجيه بسبب تطور العلاقة فيما بينكم واعتبري نفسك زوجة ثانية لا انت الاولى ولا الاخيرة وصدقيني مثل ما انت مجروحة ومقهورة زوجته الاولى ووابنها اكيد مدمرين زييك بالظبط اوصيك بالدعاء ان الله يهديك ويرييح قلبك ويرضيك بالامر الي انت فيه |
- اسمعيني حبيبتي...
إما أنه زوجك يبغاك تطلبين الطلاق...علشان كذا اخترع هالقصه كلها ...ويبدو انه مايبغى يخسر شي...من مؤخر وخلافه ..فيبغاك انتي تطلبين الطلاق.. أو أنه فعلا متزوج....ولذلك هو يماطل بالزواج.. أنتي مجبوره تتزوجينه... وحاولي تتمالكين أعصابك... بس السؤال المحير ليش ماظهرت قصة الزواج إلا عندما اقترب موعد زواجكم وحتى لو طلع متزوج...مو حرام..وكملي للأخر الله يستر علينا عليك ويوفقك للقرار السليم |
الله ييسر امرك
فان كان زوجك متزوج فهو واقع اما ان تقبليه او ترفيه وتطلبى الانفصال لكنك حينها سوف تكونين مطلقه وفرصك بالزواج اقل |
أختي مشكلتك مشكلتين
1 - موضوع الإجهاض و اللي ما يدري عنه غير رب العالمين ثم إنت و زوجك 2 - الموضوع هذا يعني لا سمح الله إذا طلعت شكوكك صحيحة ، فإيش الحل ؟ أستخيري و ربي معاك و أتفق مع هذا الرأيي اقتباس:
|
انا مابعرف ليش القصة ظهرت هلآ اقسم بالله اني مابعرف شي انا مستحيل اني اتخيل في وحدة ثانية تشاركني بزوجي بس انا مجبورة اتزوج للوضع يلي انا فيه والفكرة يلي براسي اني اتزوج وبعدها بفترة اطلب الطلاق ياربي ياربي ساعدني واستر علي وردلي زوجي وحبيبي انا بحبو كثير ومابقدر استغنى عنو واذا تطلقت عمري ماراح اقدر انسى اي لحظة عشتها معو وراح كون مدمرة فما بدي اظلم شخص ثاني بالموضوع وبكون هيك نصيبي ان اعيش طول عمري وحيدة
|
اختي الانسان مخير ومسير فأنت اخترتي اذا تحملي
واسكتي وتزوجي به بعد ذلك ممكن تفكري بالحلول الثانية ولا تنسي الدعاء والتقرب الى الله وكل عمل سوف تقومين فية استخيري قبل عمله والله يوفقك ويهديكي ويهدي بالك يارب قلبي معك وبكفي بكا لانو ما عاد ينفع اهدي وفكري بجدية شو ممكن يصير وايش ممكن تتصرفي اختك بالله عاشقة عيونه |
السلام عليكم
بصى يااختى من الواضح انكى تحبى زوجك وهو ايضآ يحبك وقد كان من الممكن ان يتركك من زمان او ان يقول انا فعلآ متزوج واللى تقدرى تعمليه اعمليه احيانآ يكون الرجال غامضين بعض الشئ انتى الان لاتستطيعين ان تؤكدى او تنفى زواجه وعلى اسوأ الفروض ان كان متزوج فالأفضل لكى ان تتزوجيه ثم تحاولى ان تصلحيه وبصراحة انا ماعتقد انه متزوج كيف متزوج ومخلف كمان وهو فى تلك الظروف احسنى الظن به وفكرى فى حسناته المهم يااختى استخيرى الله لأن حل مشكلتك بيده لقد لمست من كلامك انكى تحبيه فحاولى ان تحافظى على حياتك معه وادعو لكى من قلبى ان يفرج همك ويسعدك انتى وزوجك واعلمينا بالتطورات اولآ بأول |
اقتباس:
انك بتحبيه وماتقدري تعيشي بدونه . فالحل انك تحاولي تسعدي نفسك وتستعدي لزواجك وبعد الزواج لاتفكري تطلبي الطلاق لأنه يبدو ان بقائك معه زوجة ثانيه أهون من أن تدمري نفسك الله يهدي شباب وبنات أمة محمد وينور بصائرهم |
lممكن زوجك يكون متزوج ومطلق
وعنده ولد لكن هو يبغاك انتي ومتمسك فيك انتي انسي الماضي بس اهم شي خليه يصارحك انا اعتقد انه مطلقها والولد ماله ذنب بس هو المفروض كان يصارحك بس لازم انتي تتزوجه ولا تطلبي الطلاق شكل زوجك يحبك وانتي كمان تحبينه الله يوفقك |
الاهم هو إتمام الزواج
لانه الحل الان |
والله يا حبيبتي انتي هلأ ما في حل الاتتزوجيه انتي عارفه ليه
وبدك تتقبلي اذا اكان متزوج او لأ وبعد الزواج بتنحل ان شاء الله بس لازم تتصلي بالمرأة وتفهمي منها اكتر |
الإحتمالات كلها واردة و لكن الحل الوحيد ترضي بنصيبك و تتزوجيه
أنا بصراحة استغربت انه حط خطه في تلفونك , يعني لو هو غلطان أكيد حياخد باله و يستحيل يديكِ فرصة تعرفي و ده شككني في حاجتين 1- زوجك صادق و كل اللي حصل صدفة ( احتمال ضعيف جدا ) 2- زوجك مكسوف من أهلك و عايزك انتِ تنهي الجوازة قبل معادها و تتخلي عن حقوقك و كرامتك ربنا ييسرلك أمورك |
اختي الحل هو في اتمام الزواج
وممكن تطلعين مع زوجك وفي جلسة هادئه اطلبي منه انه يصارحك بالموضوع وبيني له محبتك له وقوليله ابي اتزوجك وانا مرتاحه ابي يكون تفكيري في هالايام عن ليلة العمر وعن تجهيزاتي بس مو قادره بس افكر في المشاكل الي راحت وخايفه من الي جاي ريحني وابتقبل وضعك على الي هو عليه بس خليني اعرفك ورسيني على بر وحاولي يكون اسلوبك هادئ وبحب وفيه شوي من ضعف الانوثه والله يكتب لك الي فيه الخير |
انا اتفق مع راي من قال ان زوجك حاب انه انت تطلبي الطلاق عشان المهر و ما الى ذلك..
لكن انتم قبل الخطبة الم تسألوا عنه اذا كان متزوج ام لا ؟؟ لكن انت عارفة انه مافيه خيار خصوصا انك حملتي منه..يعني الموضوع ما في تراجع.. و الله ييسر امورك و يكتب لك ما فيه الخير |
الف شكر لكل من شاركني بالموضوع ولكل من دعى لي ولكم بالمثل اخر الاخبار طلبنا نشوف بإسم مين المسجل الرقم يلي بعث المسج على تلفون زوجي ولما اتصلت ردت علي وحدة طلع الرقم مسجل بإسم شخص من نفس عائلة زوجي فشو يلي وصل عائلة زوجي لوحدة مو عربية اصلا معها خط مسجل بإسم واحد منهم والي قالو انه زوجي بدو مني اني انا اتخذ القرار على شان الفلوس فزوجي ابدا مو هيك زوجي الفلوس اخر همه واصلا هو يلي كان راح يطلقني مو انا يلي طلبت منه ومع انه حالتو المادية في الوقت االحالي كل شي رايح لتجهيزات العرس ومو فارقه معه اذا راح عليه كل شي وفوقها يدفع كل شي عليه اذا صار طلاق لاسمح الله
بس والله ماعاد لي نفس انه زوجي يقرب علي ياريت الشخص يلي عندو معرفة بالامور القانونية يجاوبني على هل الاسئلة انا اسمعت انه اذا تم عقد زواج بالمحكمة يلي اذا كان متزوج من قبلي وعامل عقد رسمي فلازم يخبروني بالمحكمة وعقد زواجنا تروح منه نسخة لكل بلد يعني جنسية الازواج واذا صار اي زواج ثاني مفروض تيجي صورة من عقد الزواج الجديد للزوجة الاولى بعد اربع شهور والولد مايصير يتسجل بإسم الاب الا اذا كان في عقد زواج بالمحكمة والولد اذا كان مولود ببلد الام تقدم تجيبه معها بلد ثاني من غير اسم او من غير اوراق يااااناس ياعالم مو عارفة شو اعمل انا مافي بإيدي دليل ملموس كلو استنتاجات انا كيف بدي اتأكد والمصيبة الاكبر اذا كان زواجه منها عرفي انا شلون اتأكد اذا زوجي ينام بالدوام مثل مايقول ولا ينام بمكان ثاني شلون بس فهموني الله يخليكم |
سيبك من المحاكم في هذا الوقت بالذات عجلي بالزواج هذا الأهم
وأنا رأيى من رأي الأخت نوران الله يسهل أمورك امييييييييين |
زواجي بعد سبعة أيام وانا مو عارفة كيف ر اح اقدر اعيش معاه وانا براسي انه يروح ينام عند وحدة ثانية الله اعلم اذا زوجته ولا متزوجها عرفي اكيد راح تنقلب حياتنا كلها من بدايتها اصلا مااراح اتقبل انه يلمسني وهو من وقت ماصار الموضوع ولا اتصل فيني ولا انا اتصلت
|
الجديد بالموضوع انو الخط مسجل بإسم أبو زوجي وابو زوجي متوفي من اكثر من 30 سنة ومالو اي شي بالبلد يلي نحن موجدين فيها ولا مرة اجى عليها اصلا فأكيد صاير تزوير بالقصة
|
أتممي الزواج الآن وبعدها تنحل الأمور بمشيئة الله تعالى
|
الله يصلح حالكم ....
عليك بالدعاء ... |
اقتباس:
الوضع ليس فى صالحك وانتى بدلا من ان تبحثي لنفسك عن مخرج تبحثين كيف ستثبتى ان كان الزواج عرفي ام رسمي؟ وهل هذا سيفرق كثيرا فى وضعك؟ تخيلي لا قدر الله ان تركك ماذا سيكون موقفكي امام ابوكى واخوتك؟ يا اختى انا لا افضل لكي ان تعيشي فى دور الفتاة الذكية التى تفهم كل شىء لان هذا الدور سيكون نهايته معروفة انه يعترف ويقول لكى مثلا نعم انا متزوج ولكى ان تقبلي الوضع او ترفضي؟ فكيف سيكون شكلك امام نفسك وامامه وانتى تقبلين بالرغم من كل شىء؟ وربما عندما يدرك مدى ضعفك وقتها ينتهزها فرصة ويعلن زواجه ويخيركي ايضا وستختارى الزواج انتى لستى مخيرة كونى مدركة جيدا للموقف اختى للاسف انتى مسيرة لا اريد ان اكون قاسية عليكي واكن والله اعلم انا اريد مصلحتك وان تخرجى من الموقف رافعة راسك وغير خاسرة لاى شىء لذا فانا انصحكي انت تكوني مغفلة فهذا سيكون افضل لكي وسيحافظ على كرامتكي امام نفسكي وامامه اى اتصلى به والافضل ان تذهبي وتقابليه وقولي له ارايت كم تتبعنا عيون الحاسدين وكان هناك اناس لا تريد ان ترى زوجين عاشقين مثلنا انا اعرف انك لن تكذب علي وانك انسان مسلم تخاف الله لكن اعذرني فابسط الامور تجعلنى اغار عليك وهكذا اجعلي الامر وكانه مر عليكي مرور الكرام صدقيني اختى هذا لصالحك وعيشي معه دور العاشقة الواثقة فى زوجها وتناسي كل ما اكتشفته ولا تسعي لاكتشاف المزيد لانكى مهما اكتشفتي لن تستطيعي التراجع وارجو من الله ان لا يعرف ابدا المعلومات التى سعيتي للحصول عليها لان علمه بمعرفتكي وسكوتك سيكون مؤشر عنده لموقفك الضعيف فاحرصي ان تبدي القوية سيدة الموقف التى هى فقط تغار على زوجها لكنها لا تشك به وادعو الله ان يمر زواجك بسلام ونطمئن جميعا عليكي |
لا حول ولا قوة الا بالله
أختي الكريمة سمعت بهرم ماسلو للحاجات الاساسية للانسان؟ طيب الحاجة الاولى هي الامان وأنت الان في أزمة ولا شك اذن تصرفي بهذه المنهجية اشعري نفسك بالأمان ثم فكري بقلبك وبمن تحبين دون أن أدخل في تفاصيل ما ذكرتي وما اذا كان متزوجا من عدمه أمني موقفك ثم افعلي ما تشائين أخشى اذا أثقلت على الرجل وجرحتيه أن يتنكر لك عندها أنت فقط من سيلعق الصبر توكلي على الله وتزوجي ثم فكري في الجزء الثاني من الخطة عندما تكونين آمنة وفي وضعية الاستقرار ستستطيعين التفكير بشكل متزن خلصنا الجزء الأول طيب نأتي للجزء الثاني هل زوجك متزوج من أخرى؟ كيف يكون كذلك وهو ساكن في بيت أهله حاليا؟ كيف يكون ذلك وهو ينام عندكم بعض الليالي؟ شواهد زواجه قوية ولكن شواهد عدم زواجه قوية أيضا في الأمر سر ولا شك ولكن هل أهمية اكتشاف هذا السر توازي ما تفعلينه في نفسك الان؟ أنت الان تزوجتيه وأنت من فعلت بنفسك ذلك عندما سمحت له بأن يجامعك اذن أصبح زوجك بقوة الظروف اكتشفتي أنه متزوج من أخرى ما التصرف؟ ما هو أسوأ شئ ممكن أن يحصل لك بسبب زواجه الثاني؟ تفكري في هذا قليلا قبل أن تجيبي........... دعيني أساعدك بالاجابة ستتأثر نفسيتك وتتعبي؟ سيكون هناك من يشاركك في زوجك؟ لا أعرف ماذا أكتب بعد انظري الى ما فعلت في نفسك الان من الهم والحزن والبكاء هل يوجد أسوأ من هذا؟ توكلي على الله وافرحي بزواجك وانسي وساوس الشيطان وبعد الزواج والتئام الشمل ستعرفين حتما هذا السر وستكتشفين كم ضيعت وقتا كان من المفروض أن يكون من أجمل أوقات عمرك في الوساوس والظنون نصيحتي لك أن تكوني برغماتية بعض الشئ نعم فكري بأنانية قولي أريد أن اكون سعيدة وسأكون بإذن الله ولأني أرى سعادتي مع هذا الزوج فسأحصل عليها منه رغم كل الظروف والموانع بحول الله تخيلي السعادة وعيشيها تحصلي عليها بفضل من الله مشكلتنا أننا أحيانا نبحث عن التعاسة ونغوص فيها حتى لو لم يكن لها داعي وفقك الله وربط على قلبك |
الف شكر للجميع لمين يريد ان يعرف أخر أخباري اول امس بعد ماعرفنا انه الرقم مسجل بإسم زوجي وليس اب زوجي اخوه اتصل عليه طبعا الاخ الكبير كان معصب جدا لان هل الامور مو لعبة وكان يصرخ عليه وقال له اذا انت واثق من نفسك لازم نروح عند هل الناس تاخدني عندهم واشوفهم واشوف عقد زواج البنت يلي بعثت المسج واشوفها هي وزوجها زوجي رفض وطلب منه انه مايدخل وان الموضوع بينو وبيني انا وعصبو الاثنين واكيد كل واحد جرح الثاني بالكلام وتزاعلو وماوصلوا لحل بعدها بشوي اتصل زوجي علي خفت ارد لان كنت متوقعة اذا رديت راح يقلي روحي انت طالق اتصل مرة اتنتين تلات مرات مارديت اتصل اخو زوجي رديت عليه وقال انه علق الموضوع بيينا وانتي ولعيتها عليكي اطفيها واذا بدك دخلي اهلك بالموضوع وهو عم يتصل عليكي ردي عليه وااخذي قرارك كلامو خوفني كثير المهم تشجعت ورديت وكان كلام زوجي ليش ماعم تردي علي خايفة اني قلك انت طالق ولا خايفة اني قلك اني متزوج اذا خايفة منهم الاثنين فإمطني انا ماراح اقول ولا وحدة منهم واليوم بس اجى عندك بتنزلي حتى تروحي معي قلت لوين قال مو بدك تعرفي كل القصة انا راح اخدك وتشوفي بعينك لان انا كمان بدي اتارح ومابدي تتنكد عيشتنا اذا ظليتي شاكة بالموضوع وقلي لك انا مابستغنى عنك انتي مجنونة مو على شان الشي يلي صار بينا لا ابدا بس لاني بحبك ومو بالضرورة قلك بحبك كل شوي حتى تعرفي قديش بحبك اذا انا بنفسي مابعرف قديش وقلي كمان انا اهلك امك وابوكي صارو امي وابوي انا اذا انتي بتفكري انك تعملي شي تأذيهم انا يلي راح عاقبك فما بالك انو انا اجرهم بهل الشي بعد مافتحولي بيتهم واعتبروا اكثر من ابنهم كلامو ريحيني كثير يتبع
|
ربي يفرج همك اختي و يمسح على قلبك و ييسر لك امورك ..
ويعدي هذي المشكله على خير .. |
الحمد لله الرجل نيته كويسة
لا تنسينا فى متابعة الاخبار الله يصلح مابينكو |
بعدها نطرتوا وراح اخدني على البنت وزوجها يلي بعثت المسج اول شي كان عندي كثير تساؤلات طلبت منو يجاوبني عليهم سألتو ليش الخط بإسمك قلي زوجها بيشتغل معي وكانت اقامتو منتهية فما بيقدر يروح يطلع خط طلب لمرتوا طلب من زوجي يطلعلو الخط بإسم بشرط انه بس يومين ويرجع يكنسلو راح صاحبو عطى الخد الجديد لمرتو ورقم زوجي فيه وهي شايفه زوجي مرة وعرفت اسمه المهم مابعرف شو قصدها من المسج فعلا انها غلطانة ولا بس هيك حتى تخرب بينا وسألت زوجي انه هل الرقم مرة اتصل قبل مايجي المسج وانت نزلت حكيت برا ليش قال هي اتصلت سألت عن زوجها وانا بهدلتها وقلت لها انا مو بالموقع بعدين زوجك مارن عليكي رنه حتى تتصلي على هاد الرقم وماتعملي مشاكل بيني وبين مرتي انا شفتها وشفت زوجها وقعدت معهم وشفت اوراقهم الثبوتة وزوجها كان ضاربها على الشي يلي عملتو واكثر شي لانها جاوبتني انو انا مرتوا لما حكيت معها اول مرة .
|
الله اكبر
الله يطمنك الحمد لله زوجك طلع برئ انا فرحان كتير كتير كتير المفروض الان تفرحى بعرسك وتنسى انتى وزوجك كل اللى فات وتعيشوا الأيام اللى جاية بسعادة وبالله عليكى ادعى لى انا وزوجتى(لسه كاتب كتابى) ان يجمع بيننا قريبآ وان يجعلها تصبر معى على ظروفى (لأنى لم أكمل مصاريف الزواج حتى الان) والحمد لله على كل حال ووفق الله كل من يبتغى الحلال |
ربي يسعدكم ويوفقكم ويوفق الجميع يارب ويجمع بين كل حبيبين
|
اختي ان شاء الله اطمئن قلبك الان بعد ما عرفتي القصه ..
|
اقتباس:
هل تذكرين الان ردي السابق عليك فقط تأمليه وألف مبروك البراءة |
مليون مبروك يا حبيبتي , و الله فرحتلك جدا
قصتك علمتني ما اتسرعش و أحكم على الأمور بسرعة , بصراحة الأحداث اللي حصلت معاكِ كبيرة جدا و تابعتها جيدا و اتعلمت مني اللي حصلك درس كبير ضروري لكل وحدة مقبلة على زواج أو متزوجة مبروك على البراءة و اطلبي من زوجك يغير رقمه عشان لو بتاعت المشاكل دي حاولت تاني اهتمي بنفسك يا حبة عيني تلاقيكِ ضعفانة من الهم و التفكير , رطبي بشرتك بالزبادي و الخيار مرتين في اليوم اتغذي كويس و كلي جزر كتير عشان لونك يتحسن و يلا اسرعي في التجهيزات و مبروك العرس مبـــــــــــــــــــــــــــــــــــــــــــــروك |
السلام عليكم ورحمة الله وبركاته
بسم الله الرحمن الرحيم للجميع دون استثناء اتشرف بدعوة كل الموجودين في المنتدى من اعضاء ومشرفين ومراقبين لحضور حفل زفافي ادعولي ربي يتمملي على خير ويبعد عني عن زوجي الحسد والشك يارب |
الف مبروك حبيبتي
الله يسعدكم ويرزقكم الذرية الصالحة |
ألف ألف ألف مبروك
عقبال الجميع ألى ماتزوجوش ربنا يبارك لك وعليك وحوليك وجمعك وزوجك بالخير يارب |
الف الف مبروك
بارك الله لكما وعليكما وجمع بينكما على خير عقبالى يارب اللهم اجمع بيننا (انا وزوجتى سريعآ) اللهم آمين |
مبروك
والحمد لله على التطورات السعيدة |
ألف مبروك أختي
و يالطيف معقولة فيه ناس كذا ؟ :( الله يكفينا شرهم يارب |
بصراحة مابغى اظلم بس واضح انو متزوج او انو في شي بيخبيه عنك
انا ماني مايدة زواجكم من دون ماتتاكدي من صراحتو اقولك على حل بسيط انا شخصيا احيانا استعملو في الضرورة خليه يحلف بالطلاق انو مافي غيرك على ذمته كمان انتي ماحكيتي ظروف زواجكم يعني يحبك ولا اهلو غصبوه عليكي؟؟ بس صراحة احسو متزوج وخصوصا انك لما سالتي المراة الثانية عن اسم زوجك عرفته وماقالتلك انتي قلتي اسم زوجي بالغلط وماعتقد انو بحلف بالطلاق كذب بس لو طلع متزوج لا تكملي معاه مهما صار تتركيه الحين احسن مايصير معاك اولاد الله يوفقك ويبينلك المستور |
اقتباس:
|
| الساعة الآن 02:42 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©