|
مشكلتي ما بعد الولادة
ما عرفت وين احط موضوعي قلت بحطه هنا مع انه معقد شوي وفيه من كل شي شوي وهو نفسي اكثر ما يكون
انا الحمدلله تزوجت السنة الماضية بداية هذي السنة الله رزقني بطفل ذكر الله يخليه لي ولأبوه ولكن ... ما تعرفون شكبر الضيق اللي حاسة فيه احس ان حياتي صارت فراااااااااااااااااااااااغ كبير ما عارفة شو ابغي من الدنيا ... بعطيكم شوي تفصيلات عن حياتي يمكن تقدرون تساعدوني في الضيق اللي بداخلي .. تخرجت من الجامعة من فترة قريبة وتزوجت وانا في آخر كورس لي بالكلية وحملت وجبت ولدي ..عمري 24 سنة وزوجي يعمل في غير مدينتي ويجيني آخر الاسبوع يومين مثل معظم النساء في العالم عمر طفلي الحين شهرين وانا عايشة في بيت اهل زوجي طول الاسبوع ... متعودة اروح بيت اهلي دوم واطلع كل مكان لكنني الحين صرت متقيدة حاسة اني مو متقبلة اني ام ... ومتضايقة واحس اني مثل ما يقولون الأجانب "سنجل ماذر" لأن زوجي مو معاي أبدا وأنا اللي اربي وارعى طفلي بروحي والحين عرفتوا عني كل شي تقريبا ...أتمنى نقولولي شو اسوي ... متضايقة وااااااايد ومحتاجة اكلم احد وافضفض له وزوجي مو معاي ومشغول بدوامه واهلي مو معاي وانا في بيت غير والامومة تاعبتنتي ... رضاعة وتغير حفاظات وعناية بالطفل 24 ساعة وأحس اني طفلة بعدي ما عشت الدنيا .. أنتظر تواصلكم أم طفلي |
[/align] |
الأفضل إنك تسوي مثل ما قالت الأخت مهوتي
تسوي جدول للخروج من البيت (مع زوجك) كل يومين وحتى لو لعشر دقائق مع الصغير أو إذا يقدر يسافر معك _ولوحدكم_ رحلة بسيطة ثلاث ايام او اكثر وإذا تقدري تحفظي شئ من القرآن يكون عملتي الخير حتى لو سطر كل يوم ما يضرك اعتقد. يكون إلك اجر اكبر .. |
قبل تتزوجي هل فكرتي ان الزواج مسؤولية زوج وبيت واطفال ..؟؟
بداية انتي مو صغيرة ابداً بالنسبة لمسؤولية الامومة فكثير انجبوا وهم صغار وانا واحدة منهم انجبت اول طفل وانا 19 سنة صحيح ان اول طفل يكون متعب لانك جديدة على عالم الامومة وخاصة في اوقات النوم بس حبيبتي حاولي تتأقلمي على وضعك الجديد اللي يتمناه كثير من المحرومين من هذه النعمة وانا مقدرة وضعك من ناحية مللك بسبب بعد زوجك عنك ولكن تأكدي غاليتي ان الكثير من الزوجات في نفس وضعك تماماً .. حاولي تشغلي هالفراغ في حفظ ايات القران الكريم مثل ماقال اخوي ابو بيرام فهي نصيحة غالية وجميلة تكسبي دنيتك واخرتك وايضاً اعتبري نفسك في كل ويكند عروس جديدة واستقبلي زوجك باحلى وابهى صورة |
عزيزتي . . .
من الأفضل لك التغلب على هذا الملل وقضاء وقتك فيما يفيدك . . . فمثلاً سجلي في نادي رياضي أو دورة حاسب آلي ويكون راح نصف الأسبوع والنصف الآخر أقضيه بالزيارات العائلية . . . وبكذا يكون الأسبوع مضى عليك بدون اي احساس بالملل . . . وبالنسبة للأمومة منت صغيرة أبداً وحمدي ربك انك مع اهل زوجك يساعدونك شوي . . وبعدين أختي ليش ماتروحي مع زوجك لمكان عمله اذا كانت المدينه اللي هو فيها ممكن العيش فيها ؟ ؟ ؟ وشكراً . |
اختي ما تمرين به شي طبيعي ..
وهو اكتئاب ما بعد الولاده .. و ساعدك على ذلك هو ظروفك و بعد زوجك عنك و الالتزام بطفل .. اختي حاولي انك تحتكي باهل زوجك اكثر و تخليهم يساعدونك في امور ابنك شوي .. حاولي تتصلي على صديقاتك في الجامعه و تتواصلي معهم .. اذا ما تقدرين تزوري اهلك خليهم يجون بين فتره و ثانيه لزيارتك .. واذا شفتي نفسك لا زلتي تعبانه ما في مانع من انك تزوري طبيب نفسي بالتأكيد راح يساعدك .. لكن لا تشيلي هم فوضعك جدا طبيعي .. |
احساسك احساس طبيعي
تذكرت أول مشاعري بعد انجابي بكري ... شعرت اني خلاص ... متقيدة بهذا الطفل ... لكن الحمدلله مشاعر مؤقتة ... قد تكون ما تسمى باكتئاب ما بعد الولادة .. تتفاوت شدتها من وحدة لثانية ... يمكن اللي زايدها معك ايضا بعد زوجك عنك .. وقد مررت بنفس الحالة والذي ساعدني على تخطيها بفضل الله ثم ببقائي عند اهلي وقت ذهاب زوجي الى عمله فربما تهون مشكلتك عليك لو رحتي لأهلك ... وجلستي عندهم وقت بعد زوجك عنك.. الله يفرج همك وهم كل مسلم |
حبيبتي انا بنفس عمرك عمري 23 سنه
تزوجت وعمري 15 وجبت طفلي الاول عمري 17سنه والحين حامل ومتحمله طفلي وساكنه مع اهل زوجي والحمد لله انا مريت بنفس مرحلتك بالضيط انو انا ام وانا طفله والبنات الي بسني لسى ماتزوجو وهمهم المدرسه والملاهي والحين انا افضل منهم باشياء كثيره والكثير منهم يتمنون انهم يكونون بوضعي عيشي حياتك وافرحي وطنشي ماراح تستفيدين شي من التفكير والاحباط عيشي واقعك وبتفائل ومرحله وتعدي |
عفواً ,, يُنقل للقسم المناسب .
|
مرحبا أختي الصراحه الزواج مسؤوليه
و بالنسبه لي أنا زوجي طلقني و أنا حامل ف الشهر الثامن و أنا عمري 19 سنه و بنتي ألحين عمرها 5 شهور و صدقيني أني كنت نفسك أطلع و ما أخلي مكان ما أروحه بس الحمدلله ع كل حال استحملت السهر عشان عيونها و ربيتها بنفسي حتى أبوها ما يدري عنها كلت ولا ما كلت مريضه ولا صاحيه و ألحين الحمدلله تأقلمت مع الأمور و دايماً أسلم أمري لله و الله يخلي لك ولدك وتبلغين فيه ان شاءالله و اتشوفينه معرس قولي آمين |
السلام عليكم
اختي مثل ماقالوا البنات ... اعملي لك برنامج... او انك تسوين مثل ماسوت وحده من صديقاتي كانت تنام اسبوع عند اهله واسبوع عند اهلها .. |
مهوتي : شكرا لاقتراحك ان شاء الله اسويلي جدول
ابو بيرام : بحاول احفظ شي من القرآن يمكن الضيقة تروح عني روجي فوشي: لو تعرفيني زين بتقولين عني طفلة و نص ... انا لما تزوجت كان همي زوجي يدلعني ويطلعني ونسافر ونروح ونجي ولما حملت وجبت ولدي حسيت انه مسؤوولية مو قادرة عليها خاصة.... خاصة اني من النوع اللي يلبس ويشتري ويتعدل ويحب يلفت الانظار اما الحين حاسة اني كبرت اكثر من عمري !!!! توتا: اقترحت على زوجي اروح عنده لكنه مو راضي اميرات : شكرا لك ... اتمنى يمر ها الوضع وترجع نفسيتي احسن رسيل : آمين يا رب ...شكرا لك وردة سنية : راح أتحمل علشان ولدي ..الله يصبرني ضوى الليل : الله يعيني ويعينك ..ليش زوجج بها الطريقة وانتي الحين مطلقة ولا رجعتي ؟ ورود الغلا : شكرا على مرورك ولدي يبكي ابغي اشوف شنو فيه |
اختي انا مطلقه من يوم كنت حامل ف الشهر الثامن
والحين بنتي توها داخله 5 شهور |
حبيبتي الموضوع ابدا ماهو سهل
لكن تاكدي ان نعمه من رب العلمين الاف يحسدونك عليها وانا على فكره صرت ام وعمري19سنه والحين عمري 21 |
حبيبتي تقريبا كل ام جديدة تمر ما تمرين به بعد الولادة
انا كنت مثلك البس واطلع واروح ومتباهيه بنفسي ودلع اهلي لي .....وتزوجت وصرت ام وانا عمري 21 وزوجي من النوع اللي يحب زوجته تكون ملتزمه اخر التزام باطفالها وبيتها يعني لازم ما اقول اخ من اي تعب او سهر هذا طبعا فيه تحطيم للاعصاب وانا من النوع اللي التزم فعلا واتعب نفسي وعشت مثلك مهمومه يمكن لسنه واكثر بس تعودت اشوي اشوي ولما يبدي طفلك يكبر ويلعب بين ايديك ان شاء الله بتنسين التعب تعرفي انتي عندك فرصه احلى مني انه اهلك جنبك يعني خلي ال ولد ساعتين بعد ما ترضعيه وتغيرله الحفاظ وينام وروحي زوي صديقها او سجلي بنادي وتمرني ساعه او ساعه ونصف الرياضه بتريح كثيييييييييييير ........راح تحسين انك غيرتي عن الروتين مع ولدك وراح تشتاقيله حاولي لما يجي زوجك تكوني متهيئه ولو باشياء بسيطه وحاولي بعد تطبخيلها طبخه من ايدك هيك ما راح تحسين بنفسك مقيده من قبل طفلك اللي بيكون ونستك وضحكتك معه لما يكبر بعد كم شهر الله يخفف عنك ياارب |
اقتباس:
ما ودي أسالج السبب يمكن فيه احراج ! الله يصبرج ويرزقج الأحسن |
توتا
و كلي ملح أشكركن خواتي على مشاركتكن لي تجاربكن .... وتوتا الله يجمعج بأهلج ان شاء الله |
حبيبتيي
انتبهيي لطفلك وربيه صح وحاولي تروحيي مع زوجك ليه جالسه عند اهله |
مرحبا اختي
انا عندي لك حل يخلص وقت فراغك بس بشرط يكون عندك العزيمه عليه انا اقترح انك تسوين مشروع صغير وبسيط وهو تسوين اساور وتبعين مثل الى الحين منتشر بين البنات مره سهله وفيه طرق كثيره وايضا فيه كتاب عند مكتبة جرير يعلم طريقة العمل انا مرت اخوي تسوي وتبيع مع العلم انه مو بحاجت فلوس لا والله بس تحب تتخلص من الفراغ لان زوجه زيك في مدينه ثانيه |
مشكلتك نفس مشكلتي انا انخطبت في13من عمري ولا اعرف في الحياة الزوجيه ولاشي لسه طفله واتزوجت بعد سنتين
وحملت في جمانة في16 من عمري وعايشه في بيت اهل زوجي واليوم بنقل بيت لاحالي بس مره خايفه لاني ماعرف لبنتي ليش تبكي خالتي جزاه الله خير هي اللي تعرفلها ادعولي الله ييسر امري |
| الساعة الآن 03:18 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©