مشكلتي ما بعد الولادة
ما عرفت وين احط موضوعي قلت بحطه هنا مع انه معقد شوي وفيه من كل شي شوي وهو نفسي اكثر ما يكون
انا الحمدلله تزوجت السنة الماضية بداية هذي السنة الله رزقني بطفل ذكر الله يخليه لي ولأبوه ولكن ... ما تعرفون شكبر الضيق اللي حاسة فيه احس ان حياتي صارت فراااااااااااااااااااااااغ كبير ما عارفة شو ابغي من الدنيا ...
بعطيكم شوي تفصيلات عن حياتي يمكن تقدرون تساعدوني في الضيق اللي بداخلي ..
تخرجت من الجامعة من فترة قريبة وتزوجت وانا في آخر كورس لي بالكلية وحملت وجبت ولدي ..عمري 24 سنة وزوجي يعمل في غير مدينتي ويجيني آخر الاسبوع يومين مثل معظم النساء في العالم
عمر طفلي الحين شهرين وانا عايشة في بيت اهل زوجي طول الاسبوع ... متعودة اروح بيت اهلي دوم واطلع كل مكان لكنني الحين صرت متقيدة
حاسة اني مو متقبلة اني ام ... ومتضايقة واحس اني مثل ما يقولون الأجانب "سنجل ماذر" لأن زوجي مو معاي أبدا وأنا اللي اربي وارعى طفلي بروحي
والحين عرفتوا عني كل شي تقريبا ...أتمنى نقولولي شو اسوي ... متضايقة وااااااايد ومحتاجة اكلم احد وافضفض له وزوجي مو معاي ومشغول بدوامه
واهلي مو معاي وانا في بيت غير
والامومة تاعبتنتي ... رضاعة وتغير حفاظات وعناية بالطفل 24 ساعة وأحس اني طفلة بعدي ما عشت الدنيا ..
أنتظر تواصلكم
أم طفلي
__________________
الظلال تمد ايديها لنا !
هل يا ترى تكون ارفق علينا من الضوء؟
26-05-2008, 02:03 AM
ضوابط المشاركة
العرض الشجري