|
خطيبي والعلاقات العائلية هل انفصل عنه ؟؟
السلام عليكم
ع فكرة دى اول مشاركة ليا ف المنتدى دة بعد مادورت ف منتديات كتيرة قوى لاقيت انة دة احسن منتدى بصراحه للمشاكل والحلول المهم احكيلكم الحكاية او المشكلة بمعنى اصح بس الله يخليكو تفكروا معايا وتحطوا نفسكوا مكانى واعتبرونى اختكوا لانى بجد حاسة انى هتجنن من كتر التفكير والحيرة ف الموضوع ده وساعدونى باى حاجة اى فكرة تخطر ع بالكوا انا عندى18 سنة وشوية والدى متوفى من13 سنة وعندى اخين اكبر منى الفرق مابينا سنة والدتى موجودة والحمد لله ااعمامى عاملين معانا مشاكل بقالهم10 سنين ومالهمش دعوة بينا خالص اخوالى اخوات ماما مالهمش ف اى حاجة انا كدة حكيتلكوا ع الظروف تعالو بقى للمشكلة انا اتخطبت من 7 شهور لاقيت ف خطيبى كل حاجة بتمناها يعنى راجل بمعنى الكلمة واهم حاجة انة شخصيتة قوية جدا ودى اكتر حاجة بتعجبنى وكمان اللى لاحظتة فية انة بيحبنى قوى وبيخاف عليا جدا حتى من نظرات الناس او حتى تفكيرهم فيا هو قالى انة هيحافظ عليا قوى ووعدنى انة هيسعدنى ع قد امكانياته وهو ع فكرة عمرة ماكدب عليا وانا بثق ف كلامة جدا جداكلامة كلة ليا وعد وبينفذة لانة مابيقلش كلمة هو مش قدها المهم ف اول الخطوبة حصلت مشاكل ماما صممت انها تدخل اعمامى ف الموضوع علشان الاصول انا بصراحه اعترضت انهم يدخلوا بس المهم انهم ادخلو وكانوا عاوزين يفركشوا الموضوع فماما كلمت خطيبى وحكتلة ع المشاكل اللى بينا وبينهم وانا زعلت يومها انها حكتلة واضايقت قوى هو قالى ساعتها انا ميهمنيش اى حد من اللى عندكوا المهم عندى انتى وانا بحبك انتى ومش عوز غيرك شوية شوية لما بدا يدخل عندنا ويعاشرنا عرف ان اخواتى ماهمش ف اى حاجة زى اغلب الشباب يعنى ومافيش حد مثلا يعمله حساب بمعنى اصح بلاحظ ف كلامة عن اهلى انهم ميهمهوش ف حاجة اقلة مثلا هتكلم اعمامى ع الشبكة امتة مع انه معندهوش اعتراض ومش بخيل ابدا خالص بس انا مش فاهمة لية رد وقالى كدة قالى هاتيلى كبير اتكلم معاه منين انتو بتقوللولى اعمامى صورة بس قدام الناس ومنين دلوقتى عوزينى اتكلم واتفق معاهم؟دى اول حاجة خالى كان تعبان اقلة تعالى نزور خالى يقلى انا مبزورش اى حد كدة ومش هروح ازورة(هو صيدلى) قالى خالك معندهوش حاجة دة بيدلع مع انى كنت قبلها بيوم معاه عند اختة ابنها كان عامل عملية وهى كمان كانت والدة قبل كدة زعلت منة وقلتله هو احنا مش قد المقام قالى انا مقصدتش كدة انا اقصد انة مش تعبان يبقى نروح نزورة لية اقلة طب نزورة علشان خاطر ماما يقلى لا بردوة انا بصراحه بدات ازهق اضايق من الاسلوب دة والطريقة كمان خايفة قوى من بعدين خايفة يبعدنى عن اهلى هو بيقلى انا مش اجتماعى وماليش ف الزيارات هو عايش لوحدة من زمان قوى هو اللى عمل لنفسة الصيدلية محدش ساعده باى حاجة يعنى بيبنى نفسة بنفسة من زمان كان ف مشاكل عندهم ف البيت وهو سايب البيت ومبيرحش غير قليل وعايش لوحدة انا فكرت كتير ف الانفصال بس مش عارفه خايفة من حاجات كتيرة قوى هو علمنى حاجات كتيرة قوى بتفيدنى وهتفيدنى بعدين بيعلمنى ويقلى حتى لو مكناش لبعض بس انا عوزك احسن انسانه ف الدنيا ع فكرة هو طيب وحنين قوى اى طلب بطلبة منة مابيرفضهوش خالص بالعكس بيبقى مبسوط قوى بس انا نفسى افهم الحكاية كويس الفكرة اللى ف دماغى دلوقتى هى الانفصال بس انا محتارة ساااااااااااااااااعدونى الله يخليكوا الاشراف: عذراً تم تغيير العنوان ,كما نرجو الابتعاد عن اللهجة المحلية قدر الامكان., بالتوفيق . |
انتوا لية ياجماعه بتدخلوا تقروا ومش بتساعدونى
انا طلبت مساعدتكم انا اول مرة ف حياتى احكى حاجة او اكتب مشكلة خاصة بيا ياريت تساعدونى انا نفسى حد يرد عليا يشاركنى افكارى يقلى ع اللى مش فاهمه وانا افهمهولة عوزة حد يساعدنى بجد |
هي جملة واحدة حقولهالك
اللي مالوش خير في أهله مالوش خير في حد يعني إذا مالوش خير في أهله و تارك بيته و غير مهتم بأهلك فده انسان لا يصلح للزواج |
بس هو حكالى ان المشاكل اللى بينة وبين اهلة بسبب عمه الكبير
انه كان عوز يجوز اختة لابنة غصب عنها ومن هنا جات المشاكل لكن العلاقة بينة وبين والدتة ووالدة واخواتة كويسة جدا بس انا نفسى افهم حاسة ةانى مش قادرة افكر بجد عوزة حد يساعدنى |
أختي شيلي فكرة الإنفصال من بالك هو بس شكله ( عملي و واقعي جدا )
هذا شخصيته مثل شخصيتي و أنا كذا كنت في البداية ما أحب على طول أزور أي أحد أحس إني بأرمي نفسي عليهم يمكن خطيبك خجول فإنت راعي الشئ هذا |
انتى رايك كدة يارزان
انتى عارفة انا بجد بحبة قوى ومش قادرة اتخيل الدنيا دى كلها من غيرة عارفه انا عرفه انه هيحافظ عليا هعو انسان جميل بمعنى الكلمة فية كل حاجة حلوة تتمناها اى بنت الناس كلها بتحسدنى علية وعلى ثقافته وتدينةوووو بس هو دة العيب اللى فية وهو ديما بيصرحلى بالعيب دة وقالى علية قبل كدة قالى انة مالوش ف الاجتماعيات قد كدة وانى اهم حاجة عنده فعلشان كدة محدش بيهمه بس انا متاكدة انة بيحبنى دة طيب وحنين قوى |
خلاص شيلي فكرة الإنفصال نهااااااااااااااااااااااااااااااائيا و هذا إبليس و وساوسه
و هذا شئ طبيعي في فترة الخطوبة يا أختي مو لازم يزور أهلك من جد أتكلم :: أنا زوجي ما أجبره يزور أهلي :: أحكي له مثلا عن خالي و عن مواقفه و من كثر ما أحكي عن أهلي و أمدح فيهم هو أحسه بدأ يهتم و يحبهم أختي مشكلتك حلها سهل جداااااااااااااااااااااااااااااااااااا بس إنت لا تكبريها :) :) :) :) :) 1 - مو شرط يزور خالك و أهم شئ إنه ما يحرمك 2 - لو منعك فرضا فكل شئ بالتفاهم و زوجك على ما تعوديه 3 - زوجك انسان عملي و مكافح بالفعل - على ما أعتقد - حاولي تقرأيي عن الشخصية هذه أكثر |
اقتباس:
بس يا نوران لا نحكم عليه انه لا يصلح للزواج لاننا مش شايفينه هي اللي شايفاه بالنسبة لاخت صاحبة الموضوع هو حضر لوحده الى بيتكم يخطبك ولة اهله جم معاه فين اهلـــــــــــــــــــه مهما كانت المشاكل في بيت اهله لازم يضعهم في الصورة لازم تعرفي اسرته كويس اوووووووووي وتشوفي انسانيته في الحياة وتسألي عليه كويس اوووووووووووي في شغله في بلده الجيران |
ممكن يا حبيبتي تبدئي معاه بالتدريج
يعني مثلا لما خالك تعب كنتي خليه يسأل عليه بالتليفون مش لازم تضايقيه بالزيارة ولما يحبهم وياخد عليهم اكتر حتلاقيه من نفسه بيعمل الحاجات دي وبعدين بقالكم 7 شهور بس يعني لسه الواجبات دي حتبقى اكتر بعد الجواز متكبريش الموضوع وبلاش فكرة الانفصال دي وصلي استخارة لو لقيتي الدنيا بتتعقد اكتر ابقي فكري في اللي يريحك شكلك كتبتي المشكله وانتي في عز زعلك منه عشان كده كنتي قاسيه عليه بس بعد ماتهدي حتحسي انك متقدريش تتنفسي من غيره ربنا يهديكم لبعض ويتمم لكم بخير |
انتى عارفة يارزان انا ارتحت اوى من كلامك دة
حاسة انك تعرفية والله هو فعلا مكافح وديما يقلى انا مش عوز اقف عند الخطوة دى لا انا عوز اكون احسن من كدة انا حاسس انى دة مش طموحىووووووووووووووووووو يعنى هو انسان طموح بالفعل بس هو قالى انا عمرى ماهمنعك من زيارة اهلك ابدا انتى حرة |
اقتباس:
وبيحب والدتة ووالدة واخواتة جدا جدا |
اقتباس:
يعنى اللى بيحصل دة طبيعى ولا ايه؟؟ انا معنديش خبرة ف الحاجات دى قوى ياريت تساعدينى واضح انك متزوجة |
اقتباس:
كلام دة كلامه هو يا أختي انتي بتصدقي كل حاجة هو بيقولها انا لا اشكك في كلامه أنا عارفة اني هتحاسب على كدة عشان كدة مش عايزة اغلط فيه بس عايزاك تكوني واعية مهما كانت شخصية والده كان لازم يحضر واية علاقة ضعف الشخصية بحضوره حتى لو رسمي وبعدان انتي هتتجوزي ابنه مش هتتجوزي والده وعيب اوي يقول عن والده كدة اللي رباه |
هو مقالش كدة مباشرة
انا اللى استنتجتة من الكلام كدة وكمان والدة انا اتعاملت معاه مالوش اى حاجة ف اى حاجة يعنى غلبااااااااااااااااااااااااااااان وع نياته خالص وخطيبى دة من صغرة هو اللى بيصرف ع البيت وهو اللى مجوز اخواتة البنات والصبيان فعلشان كدة يعتبر هو اللى حاكم البيت بس انا ببص للمشكلة بعدين هتكون عامله ازاى ياترى هيكون اية موقفة من ناحية اهلى انا؟؟ |
طب انتى اية رايك من ناحية ان والدة محضرش يوم ماجالنا
بس هو حضر يوم قراءة الفاتحه والخطوبة بس اول مرة هو جة لواحدة يوم ماقعد معايا اول مرة يعنى مش هو دة اللى بيحصل ولا ايه |
اقتباس:
لان ما بتظهريش كدة بساطة لما تتجوزي هتعرفي لانها بالمعاشرة جوة البيت |
اقتباس:
مش قصدي انه يجيبه اول يوم يشوفك فيه الرؤية الشرعية لانه بيعتبر اول يوم بيجي لوحده تعارف بينكم طبعا بوجود وليك الشرعي ولما يحصل القبول توافق بينكم بيحضر اهله بينكم الرسميات ضروري وجود اهله انا افتكرت من كلامك بتركه البيت انه معرفكميش عليهم |
انا مكتوب كابي بس
وياماحصلت مشاكل بينا بس عادي بس صعب اوي حكاية انه جه لوحده يعني لوحصل مشكله بينكم بعد الجواز حتلجاي لمين؟ |
هو بيقلى انة لو حصلت مشاكل بيننا ماتخرجش برة باب البيت
وانا كمان نفسى ف كدة انا نفسى اعمل حياة زوجية ناجحه انا اساسا مبحبش احكى لحد حاجة عنى خالص وحتى لما اقع ف مشكلة عمرى مابلجا لحد بحلها لوحدى ودى اول مرة اكتب فيها مشكلتى بس لما حسسيت انى تفكيرى واقف ومحتاجة لمساعده بس انا مش عارفة كدة صح ولا ايه؟؟؟ وانتى شايفة انة اللى بيحصل دة عادى يعنى يمكن دة طبعه؟؟ ميقصدش يعنى |
اقتباس:
بس اهلة مش بيجوا عندنا يمكن مامتة جت مرتين تلاتة لغاية دلوقتى مش غريبه؟؟؟ باباه مش بيجى اخواتة بس مش كلهم بس بيننا دايما تليفونات |
بس يا اختي
كل تقدري تعمليه دلوقتي هو الاستخارة لحد ميعاد زوفافك والاستغفار اليومي وقراة الورد من كتاب الله تقربي من الله عزوجل وقومى الليل وأساليه ينور بصيرتك في خطيبك لو عريس دة خير يكتبهولك لو شر يبعده عنك احنا هنا بنحاول نساعدك بس مجرد راي ممكن نكون على صواب وممكن نكون على خطأ لاننا بشر ألجاي الله عزوجل هو خير المعين لو هو خير خير هتلاقي الموضوع بيمشى بسرعة لحد ما تلاقي نفسك اتجوزتي وربنا يوفقكم على خير ودمتى بخير |
اقتباس:
انا متشكرة قوى ليكى ياانين وع فكرة اسمك حلو قوى وانا ان شاء الله هعمل كدة وربنا يقدم اللى فية الخير |
انا بشكركم جميعا
وع فكرة انا بعمل صلاة استخارة زى منتو قلتولى وربنا يقدم اللى فية الخير وهصبر كدة يمكن افهم |
ساسوسو <== ماأدري وش يعنيلك هالإسم .. بس أكيد إنه إسم دلع...
شوفي ... إذا فقدتي الراحة بهالوقت, لاتفكري فيها بعدين .... لأن العريس في فترة الخطوبة والملكة يكون بأفضل حالاته ... أنا هنا ماأنصحك بالإنفصال... لكن أنصحك تتعودي على وضعه وتحاولي تفهميه وجهة نظرك ورأيك فيه وتحددوا مصيركم .. والسلام خير ختام |
اختي
الله يوفقك لما فيه خير بس بصراحه احذري ممن يحب ان يكون بالظل اذا كان من هذا النوع فهو اكيد يخفي شي وكونه ناجح عصامي ووووووووووووو لايعطيه الحق بان يكون على حسابك ويجب عليه ان يعتاد على تغيير من صفاته كما هو من الواجب عليك ذلك بالتوفيق اخــــــــــــــتي (ارى انه من حقك ان يزور اهلك في مناسباتهم ويشاركهم اتراحهم وافراحهم كماهو من حقه عليك فعل ذلك,فما معنى ان ازور اهلي لوحدي وانا متزوجه كما ان اخي مهاجر محق فترة الخطوبه افضل حالاته ) |
بسم الله الرحمن الرحيم
اختى قريت موضوك من فتره وحسيت بصراحه انها مشكله بسيطه لكن لما لاقيت اصوات بتقول انفصال انتبهت يا اختى العزيزه انتى بتقولى فيه شعر وباعدين تقولى عايزه انفصل عشان مش عايز يروح عند خالى هاقولك كلمتين وافهميهم كويس المهم انك تكونى انتى الغاليه من وجهه نظره انتى والدك متوفى وهو لما اتقدملك ما حطش ايده فى ايد راجل انتى لازم تكونى الراجل مش فى الخشونه طبعا انما لازم تكون كل تصرفاتك ملتزمه قدامه بكده هايحترمك ويحطك فوق دماغه اما موضوع الاهل فده عادى بتحصل يعنى انتى خليكى صاحبه واجب مع اصحاب الواجب وكله معاه هايبقى بالذوق والتفاهم لو خليتيه يحترمك انتى ما اقصدش طبعا انه مش بيحترمك لكن انتى لازم تكونى مثال قدامه للبنت اللى من غير ابوها لكن حاطه اهلها قدام عينيها وبتحترمهم فى كل تصرفاتها حتى وانتى معاه ااسمعى كلامى انا مصريه زيك وفاهمه المجتمع عندنا مختلف عن بقيه الدول العربيه كل مكان وله ظروفه يا ريت اكون وضحت وجهه نظرى واعملى استخاره دايما والله الموفق |
انا متشكرة ليك يامهاجر
وهمس السنين وبناتى حياه قلبى انا فعلا عملت صلاة استخارة كل يوم وبدعيلة انة ربنا يفك عنه ويقربنا من بعض لو فية خير ويبعدنا عن بعض لو ف شر بس يكون كلة ف طاعتك يارب وبالفعل ولله الحمد ربنا استجابلى وهو بقى كويس وقربنا من بعض اكتر من الاول وفهمتة صح وهو فهمنى كل حاجة وانا عذرتة انا متشكرة لكل اخ واخت ساعدتنى باى نصيحة متشكرة قوى بجد منتدى راااااائع |
| الساعة الآن 05:13 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©