|
أم زوجي تهين زوجي أمامي
اخواتي حصل موقف في بيتي قهرني بصراحه
مدري هل انا غلطانه ام لا حبيت اخذ رايكم اليوم من العصر زوجي ماهو في مع ابوه يقضي اغراض لبيتهم وجاء مرنا مرور الكرام وراح عند اهلهه جالس عندهم من المغرب للعشاء مرنا قبل يطلع يصلي العشاء ووصيته في اغراض لنا جاب الاغراض توه داخل عندنا وجالسين نسولف مع انه بيطلع بعدها ب10 دقايق بس اكلمه في موضوع فجأه الجرس يدق بطريقه مزعجه الا هي امه فتحت الباب مطيره عيوني فيها وتنظر لي نظره شينه قالت زوجك في اي ادخلي ودخلت تصايح قدامي وقدام عيالي وتصارخ تبيه يوديها السوق وتسخط من الخياط اللي ماخلص فساتينها وتهاوش في زوجي وتنظر لي نظرات شينه وطلعت راحت مع زوجي المهم رجع زوجي ومرنا مرور الكرام كالعاده وطلع من عندي لاستراحته وهو زعلان ومعصب اتصلت على ام زوجي ابي من عندها اغرض وردت علي قالت تعالي تقهوي قلت بس مشغوله قالت تعالي سليني قلت ليه طفشانه قلت ايه اغراضي ماخلصتها قلت اشوفك اليوم جيتي وتهاوشين عندنا تهجمت علي على طول قالت هذه مالك دخل انا كلامي كان مع ولدي مو معك ولاجيتك انا انقهرت قلت لا تكلمتي وسط بيتي وقدام عيالي تكلميه عليه اذا جاء عندك مو عندي قالت لا اجي وادعس على رقبته وقدامكم انتي مالك كلام معي ولا وصلتكم (((في نفسي اقول ماوصلتينا وانتي بوسط بيتنا )) ولا لك كلام معي بغيتي شيء قلت سلامتك وقفلت بصراحه حاسه باولع منها زوجي طول اليوم عندهم ويادوب طلباتهم ويوم جاء بيجلس حتى مو جالس بيطلع تجي وتتهجم علينا ليتها وقفت عليها هي حتى ابوه دايم يدخل ويتلفظ علينا ومره يقول انتم حياتكم حياة خنازير واذا دخل يسأل عن زوجي يقول وين المعتوه كم مره تكلمت مع زوجي يقول ماعلي من كلامهم ((كاسرين عينه بالهشقه)) انا بسألكم لو صار لكم وش موقفكم هل انا غلطانه لان فوق ما انا قرفانه من ولدهم ويالله ضافته ومستحملته وقد كتبت موضوع من كم يوم هنا بيرفعون ظغطي هم بعد انا هاللحين خايفه انها توز زوجي علي لان الافتراء عندها مثل شرب المويه عادي تجيب شيء انا ماقلته وش الحل برايكم زوجي طالع مو في اذا جاء هل اعلمه رابط موضوع الاخت السابق http://www.66n.com/forums/showthread.php?t=168304 عفــــــواً تم تعديل العنوان لتوضيح المضمون الاشراف |
ماعليك منهم انتي ماسويتي شي غلط
بس ياليتك مانقشتيها بومضوع زوجك .. الموضوع بينه وبين امه كيفهم يصلحوون .. بس تدخلك كبر السالفه وشعللها وبالنسبه لاهانتهم لزوجك .. بأمكانك تكلمين ام زوجك بهالموضوع انوه هالكلمات اذا سمعوها عيالكم تتأثر نفسياتهم لان اللي ينهان ابووهو مو السواق .. ولاترسخين الموضوع هذا في بال زوجك ...بيحقد على اهله .. خلي الموضوع كأنه طبيعي ..(( بصراحه امه وابوه يمونون عليه ..)) يعيني وش يسوي ؟؟؟ ماله الايسكت ويطيعهم وانتي عليك بالدعاء ان الله يفرجها ..لكم وخذي استجمام وراحه لك ولعيالك وساافري وانبسطي وانسي همومك والله يفرج لك:) |
لحظة يا حبيبتي
أنا مش فاهمة إنتِ عايشة في بيت و زوجك في بيت ؟ إنتم جيران مع حماتك و لا ساكنين في نفس البيت و لا ايه القصة بالضبط ؟ |
انا لو كنت في موقفك راح اسكت و لا اتدخل
المشكلة بينه و بين امه, و هو متعود عليها. |
طبعا ياحبيبتي وبدون تفكير بتقول لزوجك كل شيء وزيادة عليه شوية بهارات وتوابل من عندها
انا رايي تعلميه انتي بكل الي صار وتقابليه بحنان وحب اول مايرجع لانك الصدر الحنون وطبعا اكيد بتلاقيه زهقان وطفشان عالاخر من تصرفات اهله ومتدايق بس مو لازم يعرفك فهميه الي صار واكيد بيسالك وانتي ليه اصلا تفتحي معاها الموضوع ؟؟؟؟؟ قوليله معليش حبيبي من خوفي عليك واشفاقي من ارهاقك طول النهار كلمتها يعني حسسيه انك زعلانة عشانه مش زعلانة منه بس بيني وبينك المفروض تكوني اذكى من كدا في مثل يقول الي ييجي بالغصب خليه بجميلة هو طول النهار مخليك وانتي ساكتة وراح معاهم وخلص طلباتهم يعني كلامك تحصيل حاصل وشخصية مثل حماتك هاذي بتعاندك اكثر وواضح انها شخصية مسيطرة والفترة القادمة بتحاول تثبتلك انها الامرة الناهية وانتي صفر عالشمال ونصيحتي لك تجاهليها تماما وخليك بجانب زوجك لان كل الي راح تسويه راح يجي على حسابه هو وبالتالي خليها براحنها تتعب ابنها تريحه تهينه تحترمه كلو على راسها الطيبة بتجلسلها والقسوة بتنقلب عليها وانتي طول هالفترة خليكي الطيبة الوديعة الحنونة وهو من نفسه بيطفش منها ويجيك صدقيني انا ما اقويك عليها لكن هذي الشخصيات تحتاج شوي ذكاء في التعامل معها لانها تفتري وتتجنىين والله يوفقك وواليني باخبارك اول باول والله تذكريني بحماتي ام زوجي |
فخار يكسر بعضه شو دخلك إنت
امه وبهدلته وحقها اذا انكسر خاطره وحس بشي في نفسه هو من بده يحاكيها مو إنت على فكرة هو تلاقيه مو راضي على هيك تصرف بس لو حكيتي شي بيعند إعملي حالك مو سامعة شي وإذا إجا قلي له يا حرام خالتي لسا ما خلصت فساتينهم ابعدي عن الشر وغني له ولا تدخلي في شي هن أهل وتضلي انت الغريبة أم وليد |
مشكورين اخواتي على المشاركه
انا ماتدخلت بينهم كنت ساكته ولا علي منهم لكن اتصلت اخذ من عندها اغراض وكل اللي قلته انا شفتك طفشانه شكلها كانت مشحونه بس مو من حقها ابد تقول اجي ادوس على رقبته وقدامكم وملكم دخل الموقف هذا خلانياحس قد ايش قلبها اسود وحقود مع ان حياتي معها دايم مافيها مشاكل اول مره يصير بيننا خلاف لكن مو طيبهم لانهم طاحوا فيني اتجاهلهم مهما يحاولوا يستفزوني اطنش ولا ارد ولا كاني سمعت الا اليوم اعوذ بالله نوران اختي انا اعيش معهم في نفس العماره كلن له شقه لكن مع ذلك مافي استقلال جرسي علطالعه والنازله يدقون حتى لو منديل يبغون يدورون اي شيء علشان يدقون بابي واعرف انها لقافه بس يتاكدون انا في ولا طالعه والا عندي احد |
مادامة ان ولدهم اي زوجك راضي باسلوبهم كيفهم وبالنسبه لكي يقول المثل الحقران يقطع المصران .:18:
|
اقتباس:
ما دخلك في الموضوع ولد وأمه لو تضربه مالك دخل بينهم وأنتي غلطانة مليون بالمية ثم هل هذا حق زوجك عليك هل أنتي ظافته أم هو اللي ضافك عجبا للنساء هذا العصر |
الصرااااااااااااحة انتي غلطانه ... يعني امها ومن حقها تقوله اي شي ومهما كبر فهو في نظرها طفلها الصغير ...
بعدين امه تقولك تعالي سليني ... كان قلتي ان شاء الله ... او كان تعذرتي بعذر ثاني وماجبتي طاري اللي صار... لان مالك شغل بالموضوع كله .. وبعدين المفروض تهوني على زوجك وتقولينله معليش خالتي زعلانه عشان اغراضها ماخلصت ... وانت ولدها ولازم تتحمل ... يعني الصراحه انتي زودتي الطين بله. |
اختي بصراحه بدون زعل انتي غلطانه 100%
نعم هم وابنهم وانت غريبه نعم لا تتدخلي بينهم وان كان مقصدق من الانزعاج الابناء اذا حصل الموقف نفسه بعد السلام على الجده اصرفي ابنائك لغرفه اخرى اما الموقف اذا عاد زوجك اشرحي له الموضوع كامل واعتذري منه بلطف لانها بالتاكيد ستحكي ماحصل وستحاول استفزازك في الفتره المقبله حاولي تجاهلها وفقك الله وسهل امورك وشرح صدرك وبارك لك بزوجك وابنائك |
آها فهمت الموضوع
خلاص اعملي حلا لذيذ و اطلعي عندها قولي لها عملتلك حلا من يدي أراضيكِ بيه و بوسي راسها و الموضوع ينتهي بإذن الله |
حبيبتي ابعدي عن الشر وغنيله
وخليكي هاديه ومتسامحه وصبورة ونصيحه مني لا تدخلي في اي شي بينهم حتى لو كان زوجك الا اذا كان من باب التعاطف معاهم لان زوجك ما راح يتقبل اي كلام عنهم مهما غلطت عليكي وحاولي انك تراضيها وما تتواجهي معاها تاني عشان زوجك واولادك وحياتك وحبيبتي انا زيك ابو زوجي ينادي زوجي بالفاظ شينه ل زوجي هو اللي يتضايق منه وانا عمري ما ادخلت ولانه ابوه ما اقدر ازعله بكلمه الله يفرجها عليكي وادعي انه ربنا يفتح بينكم |
السلام عليكم ..
امممم أول شي لا تستهيني بزوجك ترى هو عارف كل شي بس مستحيل يقول شي سواء على امه او ابوه بكلمه قدامك .. من واقع تجربة .. الرجال البعض منهم يتقوقعون في فترة بعيد عن المشاكل .. اتركيه اذا هدى وكلمك بالموضوع واجهيه .. خالتك او حماتك غلطت على زوجك لكن غلطت عليك لمن انتي تجرأتي ودافعتي عن زوجك وهالشي يحسب لك .. لكن عند مين ؟ وزوجك ماراح يوقف معك حتى لو كانت امه غلطانة .. بيروح يصرف الموضوع ويقولك مشي مشي ! اعرف هالشي يبين طيبك وانك تبين تبينين صورة حسنة لأبو اطفالك قدام اطفالك .. واعرف ان هالشي صعب الواحد يستحمله .. لكن انتي سوي ولا كأنه .. لا تروحي على طول بالاحضان بيني لها انك عتبانه عليها شوي .. لمن تروحي تسيري عليهم سلمي عليها عادي .. الله يفرجها على الجميع ويعيينا |
ام زوجك كبيره لا تتكلمين معاها واكسبي اجر في عيالك وزوجك
|
السلام عليكم ...
اسلوبك لما كلمتيها في التليفون لم يكن له داعي .. يعني الأم وولدها اطلعي منها ....كان ما جبتي سيرة ولا علقتي عليها .. سايريها وبس... مهما كان مقام الوالدة الله يحفظها .. قالت لك تعالي تقهوي ...اما اجيبي او اعتذري من غير الدخول في مهاترات انتي عارفة انها بتنتهي بهواش .. واذا كانت من النوع اللي يفتري انتي الآن فتحتي لها باب جاهز ... فاحرصي مستقبلا على تجنب المواجهات والصدامات وخلي علاقتكم رسمية وبما يرضي الله دمتي في حفظ الرحمن,,, |
المشكلة بين أم وابنها
انتي وش دخلك ؟ |
اقتباس:
والان يجب عليك الصمت وتحمل زوجك قليلا وامتصي غضبه ووالدته كانت معصبه علشان الخياط بدليل دقت تعزمك على القهوه خليك حياديه جدا بينه وبين اهله واحسني دائما ولاتنتظري جزاء الا من رب العالمين |
اقتباس:
مادام شخص بخيل يصرف بالقطاره والباقي انا اللي ادبره ومع هذا انسان خائن له علاقه مع اخرى اعتبر ضافته وساتره عليه من حقي امشي بيت اهلي ولا اعيش معه لكن سترت عليه عل الله يهديه ويسخره لنا وحفاظا على بيتي واولادي وخوف من الضياع والشتات لاطفالي والا انا ماني خسرانه شيء زياده فوق اللي خسرته وبيت اهلي مفتوح لي في اي لحظه ومع بخله الشديد اهله يحسدون عيالي اي شيء جديد لهم مع العلم انهم مايدرون انه انا اللي اامن اغلب امتطالباتهم الله يخلي لي اهلي ومع ذلك ماشيكت لاحد حتى لا افضحه الا هنا لاني متأكده انكم لاتعرفوني ولا اعرفكم ممكن موقف امه انا مالي دخل وهذا الحاصل قفلت على الموضوع ولا عاد عندي استعداد اقابلها او يصير بيني وبينها احتكاك اريح لي لها حق السلام فقط... واللي اا قلت لها ((تهاوشي مع ولدك بعيد عن عيالي مو قدامهم)) ان شاء الله يتذابحون مو شغلي وانا عارفه هالشيء من البدايه لكن وش كان ردها انا وزوجي ماسوينها يصير بيننا مشاكل بعيد عن عيالنا شاكره لكم اخواني تفاعلكم مع الموضوع والله يجزى الجميع كل خير |
جعل والدينا في الجنه,,
ياختي عادي هاذي امه حطي نفسك مكانها هي شكلها من الناس الي تعصب بسرعه وتهدا بسرعه أكيد ماتتمنين مرت أخوك تكلم أمك بها الطريقة,, أم وولدها يصلحون خليك العاقلة ومالك دخل الا في زوجك وعيالك أنتي معصبه من زوجك ومن عدم جلوسه وحطيتي حرتك فيها حاولي تتصدقين بنية صلاح زوجك وسعة رزقكم وان الله يبعد شيطانكم ويسخركم لبعض والدعاااااااااااااااااااااااااااء مخ العبادة,, |
انا رايه هو حر هو وامه والله يهدي الجميع
|
اقتباس:
إلا من حقها ونص وثلاثة أربع كمان وما يشم ريحة الجنة إلا من تحت رجولها وأنت حضرتك رايحه تعلميها اللي يصير واللي ما يصير يا شيخة هذه أمه تعرفي يعني إيه أمه والله لو إيش ما تسوي هي إنت اللي مو من حقك تدخلي.. وبعدين حراااام عليك تقولي عليها قلبها أسود وحقود لأنك أكيد ما ترضي لأحد يقول على أمك كذا وهي ما قالت تدوس على رقبته إلا من قهرها ولا قلب الأم وحنانها وطيبتها مالها حدود.. وبعدين يا شيخة حرام عليك باين على الحرمة قلبها أبيض وطيبة يا شيخة قالت لك تعالي سليني وأتقهوي معايا مع إن حريم كثير يتمنوا حمواتهم يرضوا عنهم بس وأنت مو عاجبك وبعدين إنت بنفسك تقولي إن حياتك معاها دايم ما فيها مشاكل إنت في نعمة ما يعرف بيها إلا اللي محروم منها.. واللحين يا بنت الناس ويالأجودية حكمي عقلك ولا تعاندي وتعوذي من إبليس ومن كلامك إنك إنسانة طيبة وفيك الخير الكثير ودامك طلبتي نصيحتنا وإحنا والله ودنا نساعد ونعاون قومي تعوذي من إبليس وأعملي حلا مثل ما قالوا الأخوات الكريمات وروحي لعمتك وسلمي على رأسها وأعتذري منها تراك غلطانة حيييل وقولي لها معليش المفروض ما أتدخل بينكم مهمنا يصير في الآخر أنا الغريبة بينكم وحنني قلبها بكم كلمة علشانك وعلشان عيالك والله يهدي لك زوجك يا رب ويصلحه لك وياالأجودية ترى عليك مأخذ يوم تقولين مو كفاية ضافة زوجك مهما صار بينك وبينه خليك دائماً مترفعة عن الزلة وخلى العيبة ما تطلع منك يعني حلي أمورك بدون ما تخطي على أحد وأكيد هي زلة لسان وأسأل الله لكم التوفيق والسعادة في حياتكم.. |
اقتباس:
يعني اللحين هي صارت الصدر الحنون أجل أمه اللي هو قطعة منها إيش تكون!!!!! |
حبيبتي
زي ما قالو الاخوه الاعضاء لا توجعي راسك وتدخلي بين الام وابنها سبيهم وفخاخير تكسر بعض الله يهدي اهل زوجك |
ما ادري ويش اقول بس رايي
انه من المفروض ما تكبرين الموضوع لان بطبيعة الحال لما تكلمين ام الولد وتقولين لها لا ترفعين صوتك عليه ويش تنتظرين ؟؟ انا من رايي انك تضعين حدود لمخاطبتك ام زوجك وتحاولين تكسبينها لو كسبتيها صدقيني راح ترتاحيين كثير طبعا مع زوجك شيء ثاني يعني حاولي تخلي تعاملك مع الام خاص او سبيشل وما قد يحصل تشوفينه غلط كلمي زوجي عليه وتناقشي معه عليه داخل غرفتكم بتعقل لان الام قد تكون عصبيه او طبعها حاد وقد تغار او غيره اما من ناحية انك تعتقدين انهم ذالينكم بالشقه ما ادري لكن ممكن تتفقي مع زوجك تستأجرون شقه لحالكم طبعا اذا كان كان زوجك قادر وعلى قولت المثل على قدر فرشك مدي رجليكي اهم شيء تكونيني متفاهمه مع زوجك بشكل خاص وكل الامور التي توترك تناقشينها مع زوجك بود واحترام والام والاب مهما كانت لها احترامها والولد لازم يحترم امه وابوه مهما صار فقال الله تعالى بالوالدين احسانا صدق الله العظيم بس ملاحظة صغيره / مهما كان الاب والام فهم يحبون اولادهم اكثر من اي شيء واكثر من انفسهم |
بصراحه أختي ما غلطتي
بس ما عليكي منه هي وولدها صحيح زوجك وما ودك يكون مكسور قدامك أنتي و أولادك لكن تظل أمه أختي أصبري ومدام ما فيه مشاكل بينك وبينه الحمد لله |
يا اختي وسعي صدرك00
يمكن امه أخطأت بتصرفها00 واعتبره خطأ فادح00 إلا أنه ما يشفع لها أنها أمه00 اعظم الناس عليها حقا00 فلا بد من الصبر عليها00 والبر بها00 كل ما عليك أنت تجاهها000 كلمه طيبه00 واحترام 00 ومواقف مثل هاذي تجاهليها00 اكرم لك ولزوجك00 |
انتبهي تدخلييين انتبهيييييي
ولا بيصيبك شي لا يحمد عقبااااااااااااااه والله المستعان اسمعيني وطيعيني والله اني جلست وفررررت من الكلام والصيبه ... يالله ايش اقولك ، والله جلست شهرين تقريباً واحنا بنار ربي يعلم فيها والبيت كله مولع والمصيبه انه حتى اخوانه واخته الصغيره حظرت الموقف والكلام وصل لخارج المدينه وعجااااايب ان سمعتيها تهاوش ولدها او شي ، امسكي عيالك وروحي لمكان ثاني على طوول واشغلي نفسك واشغليهم بقرآن او حديث او اي حاااجه ، بس اهم شي اشغلوا انفسكم والله مادري بخاطري اقولك على الموقف اللي صار وبنفس الوقت بخاطري انصحك بأي شي الله يهدي النفوووووس يارب وللعلم ، حالك من حالنا ، شقتي فووووق شقة اهل زوجي ... الله يعيييييييين |
اقتباس:
كلماتك المفروض نكتبها بخط كبييير وتتعلق بمكان نشوفه احنا الزوجات بشكل دااائم الى ان تشبع من مفهومه احنا مش بحرب ،، احنا مكملين لبعض ،، ولابد التنااازل يجي مننا لأن ام الزوج الكبيره ... ولازم نتقبل غيرتها وكبر سنها اللهم لا تكلنا الى انفسنا طرفة عين وأصلح لنا شأننا كله .. |
اولا يا اختي هي والدته هولا تحكي له اي شيء ولو عملت كده وهو علق امامك قولي له امك وبتدلع عليك معلش خليها عادي لا تحرجيه المهم يكون يوم انتي وهي بس في غير وجود ابنها وتكلمي معها بس يكون مزاجها رايق وقولي لها ده ابنك وله حق عليكي تعملي الي انتي عوزاه ولا يراجعك خالص اعطها الحق لها جامد اوي بس امامي وامام اولاده اعطيه الاحترام انا كبيره وهفهم كلامك بس اولاده ممكن لا كده ممكن هي تراجع نفسها ولا تهينه تاني امامك المهم في الاول والاخر لا تدتخلي بينهم واكسبيها وهي هاتراجع نفسها معلش
|
والله عائلة زوجك.. مو متربين قليلين ادب..
وانتي تجنبيهم افضل شئ.. عائلة مافيه اسلوب تعامل...الاب يسب والام تسب ومافهي احترام لمشاعر الاطفال.. وكيف ينظرون لابوهم بالمستقبل.. وزوجك عادي متعود عليهم .. لو يبي يفتك منهم كان طلع في بيت بروحه.. دتم ما تلفظوا عليك.. خليهم وخلي حليلهم بينه.. مشكلة ممكن تتدخلين عشان تهدين ينقلبون عليك.. بعض الناس عقولهم سخيفه.. وانتي انسانه جدا راقية.. حتى لما سألتي ام زوجك.. احس فيك تبغين تهدينها.. وتاخذين بخاطرها بس هي فهمت غير شئ.. وانتي ما سويتي شئ غلط |
ليس لك دخل فيما حدث
لا تتدخلين بينه وبين أهله مادام هو راضى و اعطيه حقه فى التقدير وحاولى أنك تقوى ثقته بنفسك و اعلنى أمامه و أمام أهله أنك فخورة لأن الله رزقك بزوج مثله و إياك أن توجهى له لوم أو توبيخ أو عتاب فى أى شىء طالما أنه شىء ثانوى وفقك الله . |
الله يعينج خالتج نسره
------ امزح----- الله يقويج اختي |
ابو تريكه
كانت ارائك عين العقل وكل ما قلته منطقي وانا اؤيدك يا جماعه نحن هنا نحاول حل مشكلة الاخت وهذا ليس مكان للنزاعات قد يحذف المراقبين الموضوع بسببكم والاخت لم تتوصل لحل بعد رجاءً لا تخرجو عن مسار الموضوع |
| الساعة الآن 05:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©