اخواتي حصل موقف في بيتي قهرني بصراحه

مدري هل انا غلطانه ام لا

حبيت اخذ رايكم


اليوم من العصر زوجي ماهو في مع ابوه يقضي اغراض لبيتهم وجاء مرنا مرور الكرام وراح عند اهلهه جالس عندهم من المغرب للعشاء مرنا قبل يطلع يصلي العشاء ووصيته في اغراض لنا
جاب الاغراض توه داخل عندنا وجالسين نسولف مع انه بيطلع بعدها ب10 دقايق بس اكلمه في موضوع فجأه الجرس يدق بطريقه مزعجه الا هي امه فتحت الباب
مطيره عيوني فيها وتنظر لي نظره شينه قالت زوجك في اي ادخلي ودخلت تصايح قدامي وقدام عيالي وتصارخ تبيه يوديها السوق وتسخط من الخياط اللي ماخلص فساتينها

وتهاوش في زوجي وتنظر لي نظرات شينه وطلعت راحت مع زوجي
المهم رجع زوجي ومرنا مرور الكرام كالعاده وطلع من عندي لاستراحته وهو زعلان ومعصب

اتصلت على ام زوجي ابي من عندها اغرض وردت علي قالت تعالي تقهوي قلت بس مشغوله قالت تعالي سليني قلت ليه طفشانه قلت ايه اغراضي ماخلصتها قلت اشوفك اليوم جيتي وتهاوشين عندنا

تهجمت علي على طول قالت هذه مالك دخل انا كلامي كان مع ولدي مو معك ولاجيتك

انا انقهرت قلت لا تكلمتي وسط بيتي وقدام عيالي تكلميه عليه اذا جاء عندك مو عندي

قالت لا اجي وادعس على رقبته وقدامكم انتي مالك كلام معي ولا وصلتكم (((في نفسي اقول ماوصلتينا وانتي بوسط بيتنا ))

ولا لك كلام معي بغيتي شيء

قلت سلامتك وقفلت


بصراحه حاسه باولع منها زوجي طول اليوم عندهم ويادوب طلباتهم ويوم جاء بيجلس حتى مو جالس بيطلع تجي وتتهجم علينا

ليتها وقفت عليها هي حتى ابوه دايم يدخل ويتلفظ علينا ومره يقول انتم حياتكم حياة خنازير

واذا دخل يسأل عن زوجي يقول وين المعتوه
كم مره تكلمت مع زوجي يقول ماعلي من كلامهم ((كاسرين عينه بالهشقه))

انا بسألكم لو صار لكم وش موقفكم

هل انا غلطانه لان فوق ما انا قرفانه من ولدهم ويالله ضافته ومستحملته وقد كتبت موضوع من كم يوم هنا

بيرفعون ظغطي هم بعد


انا هاللحين خايفه انها توز زوجي علي لان الافتراء عندها مثل شرب المويه عادي تجيب شيء انا ماقلته

وش الحل برايكم زوجي طالع مو في

اذا جاء هل اعلمه



رابط موضوع الاخت السابق

http://www.66n.com/forums/showthread.php?t=168304

عفــــــواً
تم تعديل العنوان لتوضيح المضمون
الاشراف