رقم دولي اتصل مره وحده بس أقلق حياتي .. تعالوا ساعدوني (حُلت و الحمد لله )
 

انا زوجي انسان محترم الحمدلله لكن لاحظت شي وضايقني جدا

قلت اسال الشباب او حتى البنات .. يمكن يخلوني اتخلص من شكوكي

جوال زوجي انا دايما اشيك عليه ... والله والله مو شك بس احب اتطمن .. من كثر القصص اللي نسمعها

هو له شغل واتصالات دوليه عشان العماله اللي عنده

واشوفهم .. لكن عارفه انو لشغل

لكن شفت مره رقم دولي قصير وغريب متصل على زوجي وصاير مكالمه لم يرد عليها

زوجي بعدها اتصل عليه ومدة المكالمة 5دقايق


مدري ليش عورني قلبي من الرقم .. اخذت الرقم واتصلت من جوالي

وربي بديت ارجف يوم سمعت الكلام

ردت وحده تسجيل تقول: مرحبا بك في عالم الفتيات الساخــ...

يمممممممممه اول شي خفت وبعدين تخيلت زوجي متصل وجالس 5 دقايق؟؟؟؟؟؟؟؟؟

يا الله احس كرهته وهو ماسوا شي

كان وقتها هو برا البيت يوم اتصل... عجزت اصبر لين يرجع

اتصلت عليه وقلتله .. امس متصل عليك رقم دولي؟ قال ايه متصل رقم ولما اتصلت وعرفت انو مو شغل لي سكرت يمكن جلست 5 ثواني قلت اهاااااا زين لانو انا نفس الرقم متصل علي

وطلع شي مو زين .. قال ايه لاتتصلين

انا اتصل لاني احيانا احسبهم شغل

سكر وبعدها دق ... قال شفتي الحرميه لقيت بالسجل جالس 5 دقايق وانا مسكر على طول

قايلين لي الشباب ان الارقام اللي تتصل عليك تسحب منك ومدري ايش

بس بصراحه ماصدقته .. وليش يجلس 5 دقايق :(

طبعا انا بينتله اني مصدقه انو ماجلس الا 5 ثواني

بس اللي شفته بعيني 5 دقايق

ياربي وينكم ساعدوني

عفواً تم اجراء تعديل بسيط على العنوان
الإشراف

مدري ايش اقولك انا بعد دايم رسايل تجي لزوجي عن الزواج والدردشات مع البنات بس لازم نحسسهم انا مب بشاكين انهم راح يتجاوبون مع هالسوالف الفاضيه لانهم ياخذونها حجه وما يصدقون لو فضول وحب استطلاع ما ندري ايش تجر وراها وادعيله دايما والله يعينك وايانا

42 شخص دخل ... وبس ثنتين اللي ردوا

الله يجزاكم خير ماقصرتوا


وينكم يالباقي... زعلتوني بصراحه

انا لا اعرف حقيقة هذه الارقام لكني سمعت عن شيء من هذا القبيل ورود بعض الرسائل ثقيلة الدم وبعض المكالمات من هذا القبيل

وانا مو شايف بالامر اي مشكلة حتى ولو قعد خمس دقايق كونك واثقة به لهالدرجة

وبما ان زوجك لم يكرر الاتصال فهذا دليل على انه اجرى تلك المكالمة من باب الفضول \\
\\

و إن شاء الله يكون ما منعه الوازع الديني مو شفط الرصيد

واهم شيء الثقة فلا تهدميها لمجرد حادثة بسيطة

وان شاء الله يكون زوجك عالم بخطورة هذا الامر

الامر عادي

لا حول ولا قوة إلا بالله

يا أختي الكريمة .. ليش تتابعين زوجك بالطريقة هذي .. ليش كل الشكوك هذي ..

أقدر أوصف الحالة هذي بأنها مو شك في الزوج .. هي في الواقع شك في ثقتك فيه ..

يعني افرضي إنه فعلا اتصل 5 دقايق وسمع اللي فيه .. يعني بالله وش بتسوين .. بتكرهينه بسبب خطأ واحد حصل ؟

ربما اتصل وسمع الكلام هذا من باب الفضول .. يمكن قاعد يسمع ويستغفر ولما وصل لـ 5 دقايق قفل وتعوذ من الشيطان وندم على اللي سواه

ما فيه إنسان معصوم من الخطأ .. ولو إنك حصلتي من زوجك أخطاء كثيرة من هذا النوع أقول يحق لك تشكي فيه .. لكن بسبب 5 دقايق أغواه فيها الشيطان وكل اللي سواه إنه سمع كلام غير طيب .. وتشكين فيه وفي نزاهته .. اتقي الله في نفسك ولا يدخل الشيطان بينك وبين زوجك

تخيلي نفسك في نفس الموقف .. كان لحظة تساهل منك واتصلتي .. وسمعتي الكلام هذا .. وهو اكتشف في النهاية إنك كلمتي 5 دقايق بس .. ترضين يشك فيك وفي عفافك بسبب هالموقف هذا فقط !!

لا يغويكم الشيطان .. وثبتي ثقة في زوجك .. ولا تدعي مجال للشك أبدا أبدا أبدا .. طالما إنك ما شفتي منه شي ممكن يسمى خيانة بالفعل

والله ياختي الوسواس مهبل فيك.. ياختي رجال وجلس يتسمع وهذا الرسائل والمكالمات مو على زوجك بس تجي..


انا جوال ابوي متروس من هذي الرسائل..


وابوي رجال كبير ما يعرف يستخدم الجوال حده يعرف الارقام..

وانا ساعات اقرأ هذي الرسائل.. بس مو تجسس واحب اطمن ومن هذا الحكي., اللي ينتهي لشئ واحد هو التجسس..

وانا اقرأ بناء على طلب ابوي اني افتح الرسائل واقرأ وش مكتوب فيها..



وعمري ما قلت اشك في ابوي او اعلم امي.. وهذي الرسائل تجي على جوال ابوي.. ولا اعرف عن اخواني الشباب..

بس الواحد ما يصير شكاك..


وانتي لو جايك هذا الاتصال.. وتسمعتي ممكن تطولين تتسمعين وماهو هذا المقصود.. انه انتي تبين تسوين هذا الشئ.. بس تتسمعين وتسكرين..



وخلي عنك التجسس..اولها حرام وعصيان للرحمن.. وثانيها مدخل للشيطان.. وثالثها.. امراض وتفكير وسواس.. ورابعها انهيار بيت وطلاق.. والخامسها.. ندم وقت اللي ما يفنع فيه الندم..





لا تقولين اطمن.. الرجال اذا يبي يتزوج راح يتزوج واذا يبي شئ راح يسوييه.. يعني مو صعبة عليه.. ولا هو طفل وجاهل ما يعرف.. سوي كل حقوقه اللي عليك ونامي مرتاحه..

صاحب الظل الطويل ^ تبا للعزوبية

فعلا كلامكم عين العقل

وانا ما اشك بنزاهته .. بس مدري ليش عورت قلبي هالسالفه وخاصه لما بدا يعذر لنفسه وانا شايفتها بعيوني

الله يبعد عني الشك يارررررب لانو مرض .. وانا مشكلتي غيوره عليه .. واخاف من كل شييييييييييييي ...

دلوعه ومنحوسه ... تسلمين ياقلبي على ردك

حسيتك تهاوشيني ... بس استملحتك :)

والله من جد حبيتك ... بس تصدقين وربي ماكنت ادري انو حرام

يعني لما اشوف جوال زوجي وخصوصياته حرام؟

والا قصدك انو الافضل مانسويه

لانها تفرق

وضحيلي :)

لاتشيلين هم ،، مجرد فضول لا اكثر ولا اقل ،، ويوم حس انه تورط حب يلفق السالفه ،، بالله عليك وش تبينه يقول وهو منحرج منك !!! يقول ايييه والله اتصلت وجلست اسمع 5 دقايق ؟؟؟ يا اختي ماهو كل الرجال خونه او لعابين ،،، اسمعي كلامي وانسي السالفه ، ولاتخربين على نفسك وتكبرين السالفه ، ترا والله ماتسوا .

مشكور اخوي خالد والله معاك حق مو معقوله بيقول كذاا

بس الشيطان لعب علي ....

تصدقون رحمته :(

اتصلت عليه بسأله بيتعشى بالبيت والا لا

قالي سألت واحد من الشباب عن الاتصال هذا وقال ..................... المهم انو مانسى السالفه

عاد انا حاولت انسيه قلت اهم شي لايحسبونها عليك مبلغ كبير .. انسى السالفه

شي طبيعي كل هذي الارقام يروج لها اهل الفساد

انا حصل واتصل علي رقم ولما كلمت صار صداقه

واكثر شي هذولا السحره اللي من افريقيا

اول ما يقول معك الشيخ اقول والله من الخرطي

هههه وسعي صدرك الخربان خربان والصاحي ما تهزه مكالمه

واعتبري زوجك في مكانك وانتي في مكانه

وش راح تسوين ؟؟؟

قال تعالى : ( لَوْلَا إِذْ سَمِعْتُمُوهُ ظَنَّ الْمُؤْمِنُونَ وَالْمُؤْمِنَاتُ بِأَنْفُسِهِمْ خَيْرًا وَقَالُوا هَذَا إِفْكٌ مُبِينٌ ) الآية (12) من سورة النور
تناسي الموضوع ولا تتركي للشيطان مجال

شكرا اخوي سفير الروح

ادري ان الصاحي ماتهزه مكالمه

بس دايما اقول كل انسان مو معصوم عن الخطأ ... وهالزمن يخووووووووووف

لو أنا مكانه كان يمكن قعدت أسمع عشر دقائق ألين تخلص الرسالة ويمكن ألين ترد وحدة وأشوف وش تبي

طبعاً أفعل هذا الشئ من باب الغرابة والفضول وحتى أعرف مايدور في عالم الإستغفال

عرفتي الإن زوجك ليش قعد خمس دقائق ..؟؟

والله ياأميرة إنك بطلة :22:

أعجبتيني الله يحفظك ،، مو بسالفة الجوال طبعا :d

أعجبتيني في سرعة استجابتك واعترافك بإن ظنونك مالها داعي ..!

البنت الي تطرح مشكلة من هالنوع نااااااااااادرا ماتكون متعقلة !! تلاقين العاطفة والغيرة معميتها ومستحيل تتجاوب إلا مع الردود المؤيدة لها !! لكنك ماشاءالله كنت منصفة وعاقلة ..

ماأقول إلا الله يحفظ لك زوجك ويقر عينك فيه يارب ..

عادي حتى لو دق من بابا الفضول اعتقد مو اكثر

و ترا اكيد مادام انه اتصال غالب اكيد ح يلطعوه على الاجهزة عشان اللي يبغى يتصل من اصحاب النفوس الضعيفة يحاولو يطولو المكالمة معاه عشان يغفلوه و يسحبو فلوسه

و انتي عديها لزوجك طالما انه اعترف اكيد ما فيه شي ان شاء الله

http://www.66n.com/pics/hosted/rceo8...wsdlwui05g.gif


فالتّجسّس على المسلمين في الأصل حرام منهيّ عنه، لقوله تعالى: «ولا تجسّسوا» لأنّ فيه تتبّع عورات المسلمين ومعايبهم والاستكشاف عمّا ستروه.
وقد قال صلى الله عليه وسلم: «يا معشر مَنْ آمن بلسانه ولم يدخل الإيمانُ إلى قلبه لا تتبّعوا عوراتِ المسلمين. فإنّ من تتبّعَ عوراتِ المسلمين تتبّع اللّهُ عورتَه حتّى يفضحه ولو في جوف بيته» أخرجه الترمذي


هذا بالنسبة للتجسس.. والله اعلم بالفتوى..

وقرأت مره انه الشئ المخفي عنك لا تصير تتبعه.. لانه الله اخفاه.. والشخص المقابل اخفاه.. فلا تبحث انت..عن هذا الشئ.. فقط ادعي الله.. لانه ممكن معرفتك لهذا الشئ تأثر على هذا الانسان بالسلب وليس الايجاب.. وممكن تخليه ينحرف اكثر مما كان.. لكل انسان ذنوب.. والله من حبه لعبادة يستر عليهم.. واذا استغفروه يغفر لهم.. فلا نتعالى ونصر على البحث عن شئ مخفي..


وكتابتي كانت باسلوب مندفع..


اعتذر اذا زعلك.. بس والله من خوفي عليك وقهرني من اللي يصير.. المرأة من تتزوج يصير علقها طاير مع الرجال.. بشكل يشل كل تفكيرها..


وانا ولا عمري شفت حالة شك وظنون وخرابيطة.. دخلت بيت متزوجين.. وعاش هذا البيت في سعادة.. شبعنا نسمع حالات طلاق وفراق وتشتت اطفال.. وخيانه وغيره..


لازم نحمي بيوتنا من دخول الشيطان.. حلو نتسلح بالدعاء.. استودعي الله زوجك كل يوم.. وادعي ربك انه يبعده عن الحرام هو وعيالك.. واسألي الله لهم الحفظ..


لي قريبة كانت تحب زوجها بشكل جنوني.. لدرجة كانت تحبه اكثر من عيالها.. وتقول انا مالي في عيالي هو اهم.. وما تناديه الا بتدليعه.. واذا شرب سجارة قومت مناحه خايفة على صحته.. وطول ماهو يمشي كانها مسحورة فيه.. وحب بدخل حب تملك دخل وسواس دخل شك.. وغيره وغيره.. واليوم والله تتأسفين لحال زوجها.. والله لو عندي مال لازوج زوجها .. هو يحبها ويدللها وهي صارت تفهم كل شئ بالمعكوس..وصارت تغيب عنه بالشهور.. ولاتتكلم مع وباسوء الالفاظ تنعته.. انا صرت ادافع عنه.. لانه والله مسكين هي حبته حب كبير جدا.. وفجأة تحول الحب الى كره.. والحين حياته هو جحيم.. قصته لو اكتبها تبكي .. اسأل الله يرزقه المال ويعوضه بزوجه حنونه عليه.. وتحبه بعقل..



وواحد نعرفه كذا وصل حب زوجته له للطلاق.. لانه ما كان فيه سيطره .. ولا تحكم بالعقل.. كان كله عاطفة في عاطفة.. اخر شئ صارت مريضة نفسيا من وره الحب الغير مقنن.. والحين مطلقة وهو متزوج ثانية.. وهو ما طلقها الا لانه جاه طلب انه يطلقها ويرحم حالها.. يمكن لما يبعد عنها تتحسن نفسيتها..



وكثير كثير قصص حريم مو قرأتها.. لا بالعكس مرت علي وشفتهم قدام عيوني.. كيف لما دخل الشك والغيرة بيوتهم كيف صار البيت.. وسبحان الله حتى شكل الحرمة يتغير..من كثر الهواجيس والتفكير الغير منطقي.. قسما بالله صاروا قبيحات يقززون..

تغيروا لدرجة ما صرت اعرفهم صار لازم تعرفني بنفسها..


والله يبعدك عن هذي الحالة..

اميرات * سفير الروح * الرسمي * dodi_dabdoobi

شاكرتلكم ارشادكم لي للطريق الصح ... الله يوفقكم دنيا واخره

جنـــة الدنيا :
يؤيؤ يؤ يؤ احس خدودي حمروا استانست على المدح

انا الحمدلله عندي ثقه كبيره بس بصراحه اخااااااف عليه :)

دلوعة ومنحوسة:
افااااا عليك اي زعل!! لا والله بالعكس وربي لما قريت ردك اعجبني مره حسيت بحرصك

وتستاهلين التميز على مشاركتك وربي اثرت فيني مررررررره

انا اقول ان شاءالله انه صادق
بس ولو فتحي عيونك

والله يسخركم لبعض