انا زوجي انسان محترم الحمدلله لكن لاحظت شي وضايقني جدا

قلت اسال الشباب او حتى البنات .. يمكن يخلوني اتخلص من شكوكي

جوال زوجي انا دايما اشيك عليه ... والله والله مو شك بس احب اتطمن .. من كثر القصص اللي نسمعها

هو له شغل واتصالات دوليه عشان العماله اللي عنده

واشوفهم .. لكن عارفه انو لشغل

لكن شفت مره رقم دولي قصير وغريب متصل على زوجي وصاير مكالمه لم يرد عليها

زوجي بعدها اتصل عليه ومدة المكالمة 5دقايق


مدري ليش عورني قلبي من الرقم .. اخذت الرقم واتصلت من جوالي

وربي بديت ارجف يوم سمعت الكلام

ردت وحده تسجيل تقول: مرحبا بك في عالم الفتيات الساخــ...

يمممممممممه اول شي خفت وبعدين تخيلت زوجي متصل وجالس 5 دقايق؟؟؟؟؟؟؟؟؟

يا الله احس كرهته وهو ماسوا شي

كان وقتها هو برا البيت يوم اتصل... عجزت اصبر لين يرجع

اتصلت عليه وقلتله .. امس متصل عليك رقم دولي؟ قال ايه متصل رقم ولما اتصلت وعرفت انو مو شغل لي سكرت يمكن جلست 5 ثواني قلت اهاااااا زين لانو انا نفس الرقم متصل علي

وطلع شي مو زين .. قال ايه لاتتصلين

انا اتصل لاني احيانا احسبهم شغل

سكر وبعدها دق ... قال شفتي الحرميه لقيت بالسجل جالس 5 دقايق وانا مسكر على طول

قايلين لي الشباب ان الارقام اللي تتصل عليك تسحب منك ومدري ايش

بس بصراحه ماصدقته .. وليش يجلس 5 دقايق

طبعا انا بينتله اني مصدقه انو ماجلس الا 5 ثواني

بس اللي شفته بعيني 5 دقايق

ياربي وينكم ساعدوني

عفواً تم اجراء تعديل بسيط على العنوان
الإشراف

إيه اختى صدقيه
بتصير كثير وقدمو عنا برنامج كثيرة هون
لانو الناس صارت تشتكي من الفاتورات
فاحكي او خلي زوجك يحكي مع الشركة
ليعمل حظر ع هالارقام
واذا الرجال ملتزم ماله داعي يا اختي الخوف
لانو الي بيخاف من الله ما ينخاف عليه

ام وليد

__________________


اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين

مدري ايش اقولك انا بعد دايم رسايل تجي لزوجي عن الزواج والدردشات مع البنات بس لازم نحسسهم انا مب بشاكين انهم راح يتجاوبون مع هالسوالف الفاضيه لانهم ياخذونها حجه وما يصدقون لو فضول وحب استطلاع ما ندري ايش تجر وراها وادعيله دايما والله يعينك وايانا

( إن بعض الظن إثم) ما تخليش الشيطان يلعب بدماغك
وحرسى ولا تخونى

__________________

http://www.66n.com/forums/showthread.php?t=194675

42 شخص دخل ... وبس ثنتين اللي ردوا

الله يجزاكم خير ماقصرتوا


وينكم يالباقي... زعلتوني بصراحه

انا لا اعرف حقيقة هذه الارقام لكني سمعت عن شيء من هذا القبيل ورود بعض الرسائل ثقيلة الدم وبعض المكالمات من هذا القبيل

وانا مو شايف بالامر اي مشكلة حتى ولو قعد خمس دقايق كونك واثقة به لهالدرجة

وبما ان زوجك لم يكرر الاتصال فهذا دليل على انه اجرى تلك المكالمة من باب الفضول \\
\\

و إن شاء الله يكون ما منعه الوازع الديني مو شفط الرصيد

واهم شيء الثقة فلا تهدميها لمجرد حادثة بسيطة

وان شاء الله يكون زوجك عالم بخطورة هذا الامر

الامر عادي

لا حول ولا قوة إلا بالله

يا أختي الكريمة .. ليش تتابعين زوجك بالطريقة هذي .. ليش كل الشكوك هذي ..

أقدر أوصف الحالة هذي بأنها مو شك في الزوج .. هي في الواقع شك في ثقتك فيه ..

يعني افرضي إنه فعلا اتصل 5 دقايق وسمع اللي فيه .. يعني بالله وش بتسوين .. بتكرهينه بسبب خطأ واحد حصل ؟

ربما اتصل وسمع الكلام هذا من باب الفضول .. يمكن قاعد يسمع ويستغفر ولما وصل لـ 5 دقايق قفل وتعوذ من الشيطان وندم على اللي سواه

ما فيه إنسان معصوم من الخطأ .. ولو إنك حصلتي من زوجك أخطاء كثيرة من هذا النوع أقول يحق لك تشكي فيه .. لكن بسبب 5 دقايق أغواه فيها الشيطان وكل اللي سواه إنه سمع كلام غير طيب .. وتشكين فيه وفي نزاهته .. اتقي الله في نفسك ولا يدخل الشيطان بينك وبين زوجك

تخيلي نفسك في نفس الموقف .. كان لحظة تساهل منك واتصلتي .. وسمعتي الكلام هذا .. وهو اكتشف في النهاية إنك كلمتي 5 دقايق بس .. ترضين يشك فيك وفي عفافك بسبب هالموقف هذا فقط !!

لا يغويكم الشيطان .. وثبتي ثقة في زوجك .. ولا تدعي مجال للشك أبدا أبدا أبدا .. طالما إنك ما شفتي منه شي ممكن يسمى خيانة بالفعل

والله ياختي الوسواس مهبل فيك.. ياختي رجال وجلس يتسمع وهذا الرسائل والمكالمات مو على زوجك بس تجي..


انا جوال ابوي متروس من هذي الرسائل..


وابوي رجال كبير ما يعرف يستخدم الجوال حده يعرف الارقام..

وانا ساعات اقرأ هذي الرسائل.. بس مو تجسس واحب اطمن ومن هذا الحكي., اللي ينتهي لشئ واحد هو التجسس..

وانا اقرأ بناء على طلب ابوي اني افتح الرسائل واقرأ وش مكتوب فيها..



وعمري ما قلت اشك في ابوي او اعلم امي.. وهذي الرسائل تجي على جوال ابوي.. ولا اعرف عن اخواني الشباب..

بس الواحد ما يصير شكاك..


وانتي لو جايك هذا الاتصال.. وتسمعتي ممكن تطولين تتسمعين وماهو هذا المقصود.. انه انتي تبين تسوين هذا الشئ.. بس تتسمعين وتسكرين..



وخلي عنك التجسس..اولها حرام وعصيان للرحمن.. وثانيها مدخل للشيطان.. وثالثها.. امراض وتفكير وسواس.. ورابعها انهيار بيت وطلاق.. والخامسها.. ندم وقت اللي ما يفنع فيه الندم..





لا تقولين اطمن.. الرجال اذا يبي يتزوج راح يتزوج واذا يبي شئ راح يسوييه.. يعني مو صعبة عليه.. ولا هو طفل وجاهل ما يعرف.. سوي كل حقوقه اللي عليك ونامي مرتاحه..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء

صاحب الظل الطويل ^ تبا للعزوبية

فعلا كلامكم عين العقل

وانا ما اشك بنزاهته .. بس مدري ليش عورت قلبي هالسالفه وخاصه لما بدا يعذر لنفسه وانا شايفتها بعيوني

الله يبعد عني الشك يارررررب لانو مرض .. وانا مشكلتي غيوره عليه .. واخاف من كل شييييييييييييي ...

دلوعه ومنحوسه ... تسلمين ياقلبي على ردك

حسيتك تهاوشيني ... بس استملحتك

والله من جد حبيتك ... بس تصدقين وربي ماكنت ادري انو حرام

يعني لما اشوف جوال زوجي وخصوصياته حرام؟

والا قصدك انو الافضل مانسويه

لانها تفرق

وضحيلي