|
اروح المستشفى او انتظر التقلصات تزيد
السلام عليكم
اليوم الصبح قمت من نومي و لقيت ماي بين فخوذي و عند المنطقه الحساسه و حسيت الفراش من تحت مبلل شوي و فيه رطوبه و بعدين رجعت انام و الحين انا مب عارفه هل الماي نزل او ان هذا عرق؟!! جسمي ما كان معرق بس هالمنطقه كان فيها ماي انا في الشهر التاسع و موعد الولاده 28-8 و امس طول الليل من الساعه 8 لحد ما نمت الساعه 2 و نا احس بتقلصات و آلام في الظهر و في الحوض من تحت و من 10 ايام كنت عند الدكتوره و قالت لي اني مفتوحه سانتي واحد الحين قلت لزوجي ابي اروح الطواري قال انطري شوي لحد ما يشتد الالم و تكون التقلصات منتظمه ما ادري اسمع كلامه و انطر و لا اروح المستشفى؟ اخاف يكون الماي نزل... انطر التقلصات المنتظمه و لا اروح؟؟ و جزاكم الله خير |
انصحك روحي والله يقومك بالسلامه
|
السلام عليكم
كيف حالك يا رب تكوني بصحه جيدة ,بس انصحك تنتظري اشتداد الالم وما تستعجلي وان شاء الله ربي يقومك بالسلامه .بس انت ما شاء الله والدة مرتين قبل كدة وين الخبرة ؟؟؟؟؟ |
المويه اذا نزلت تنزل بكميه كبيرررررررررره وماتوقف
اذا كانت الكميه كبيره روحي وتوكلي على الله ممكن يعطونك صناعي وترتاحي |
والله انتضري اشتداد الالم لان والله بيلعبو فيك وابر و طلق صناعي اما البلل فعادي ومية الراس معروفة كميتها كثيرة هي بتصحيك من النوم من كثرتها
|
اقتباس:
وحده تقول روحي و وحده تقول انطري الله يسامحكم اختي في المرتين اللي قبل كانت تنزل مني كتله مخاطيه ممزوجه بدم و الماي في المستشفى ينزل و الدكتوره هي اللي تفتح الكيس هالمره متردده مب عارفه اروح و لا لا!! يعني اذا نزل الماي مب لازم اروح المستشفى على طووول؟ و لا عادي يكون الماي نازل و انا انتظر التقلصات تزيد؟؟ يعني ما بيتضرر الجنين اذا ما في ماي.؟؟ |
اذا مافي تطورات لحد بالليل كلمي الطبيبه اللي انت متابعه معاها وهي بتقرر لك لكن انا شايفه انك تنتظري احسنلك انا ما اروح المستشفى الا لما يصير الطلق كل 5 دقائق والله معك يقومك بالسلامه . وعلى فكرة موشرط الولادات كلها تكون متشابهه انا ولدت 3 مرات كل مرة باعراض مختلفه .
|
اختي الله يقومك بالسلامة
دكتورتي من يومين تقول بتروحي للمستشفى اذا نزل ماي او دم او افرازات ممزوجة بدم او الم فظيع بيشتد كل 5 الى 10 دقايق والبطن بيصير صلب هذا حكي الدكتورة |
اقتباس:
يعني اقول يمكن المفروض اروح على طول و ما انطر تقلصات و دم و الخ الخ |
اقتباس:
انا بطني يصير صلب بس الآلام مب كل 10 دقايق و الماي مب متأكده منه الاخوات يقولون الماي لازم يكون بكميه كبيره و ما يتوقف ما ادري يمكن انطر ساعتين و اشوف التطورات |
انت بنفسك حكيتي انه المياه مش كتيرة وكمان ما انت متاكدة اذا كانت مياة الجنين ولا عرق انتظري والله وكيلك.
|
اقتباس:
شكلي بسمع كلامج و بنتظر مشكوره اختي و جزاج الله خير انتي و كل الاخوات اللي ساعدوني |
اختي معلش نسيت احكيلك انه مهم مراقبه حركه الجنين , يعني اذا ما اتحرك 10 حركات خلال النهار لازم تروحي المستشفى وانه دليل سلامته هو الحركه انتبهي عليها الله يرضى عنك .
|
اختي اذا كانت موية الجنين هي اللي نزلت لازم يشتد عليكي الالم اختي في غصون ساعات ... ويقوى الطلق ..
.................................................. .................. انا قبل يومين جتني الام وفرحت وبعدين دقيت على صديقتي دكتورة وعطتني هالمعلومه وسويتها وراح الالم ... هي معلومه شعبيه صحيح بس انا اخذت رااي الدكتورة عشان اتاكد انها ماتضر الجنين لاني عارفتها من جدتي بس خفت اسويها . يرجى الإبتعاد عن ذكر أي وصفات غير طبيه وضررها سيكون خطير جدا |
اختي رومانسيه: في حركه بس خفيفه بس ما ادري اذا وصلت 10 حركات
اخت apple- green: ما اقدر استحمل البصل :24: صديقتي عطتني نفس الفكره بس بالدارسين تقول اذا ياتج آلام اشربي دارسين اذا زادت الآلام يعني ولاده و اذا ما زادت يعني مب ولاده ما ادري يمكن اشرب دارسين و التقلصات تجيني كل نص ساعه تقريبا (يتصلب بطني و يتكور) |
ها ايش اخبارك ولدتي ولا لسه ؟
|
لا لين الحين :(
الآلام مب منتظمه بس ظهري ذابحني بلييييييييز ادعوا لي اولد قبل رمضان عشان ما اتعب امي و زوجي و ادعوا ان الله يرزقني بطفل سليم معافى |
ان شاء الله ربي يقومك بالف سلامه .
|
تبين تولدين قبل رمضان باذن الله عليج
ب الدارسين كل يوم قلاص وراح تهون ان شاء الله واذا انفتح 3سم اخذي صناعي وارتاحي والف سلامه عليج |
أختي ليش ماتروحين المستشفى علشان تتطمنين على وضعج إذا كان ولادة فراح تبقين عندهم إذا كان لسه بدري رجعي البيت إلى أن يشتد الطلق عليك بس من باب الأطمئنان على وضعج ووضع البيبي والله يقومج بالسلامة ويقومنه معاج بالسلامة..
|
طمنينا ولدت ولا لسه؟قلقتينا عليكي .
|
حبيبتي عندي لج نصيحة مجرب أنا صار لي مثلج قبل موعد الولادة بأسبوع كل يومين ينزل ماي قليييل وتقلصات أروح الطوارىء يفحصون السائل يطلع مو مال الجنين وأرجع البيت وقبل موعد الولادة بثلاثة أيام نزل ماي بكمية أكثر ورحت لهم كالعادة وطلع ماي الجنين رقدت مع الطلق الصناعي ولدت وبس ، يعني لازم تتأكدين من الماي حتى لا يجف ماي البيبي ، الله ايقومج بالسلامة .
|
طمنينا أختي عليج ولدتي ولا ليلحين؟؟
|
هاي شكلك لسه ما ولدت ومستحيه فينك يا بنت ؟
|
لا لين الحين ما ولدت هههههه
ما زادت التقلصات بالعكس اشوفها خفت و الجنين يتحرك الحمد لله:15: بس شكلي بطول و عن الماي ما نزل علي الا ذاك اليوم بس يعني ما ينزل شوي شوي و الدارسين شكلي بشربه مع اني ما احبه بس بجرب جزاكم الله خير |
اقتباس:
|
اقتباس:
|
نصيحه مني روحي ولاتنتظري
لان انا في مثل حالتك كنت بالشهر السابع ونزلت المويه لين فخوذي ورحت المشفى وولدوني بطلق صناعي لان المويه قلت كثير والجنين في خطر انا مجربه وانصحك تروحي طيران للمشفى |
أسأل الله تعالى أن ييسر أمرك
و أن تبشرينا قريباً بسلامتك و سلامة مولودك |
شوفي حبيبتي الاخوات اعطوكي شوية معلومات جزاهم الله خير ولكن احب اقول لك انه مو كل النساء مثل بعض وكمان مو كل الولادات مثل بعض والماء ممكن ينزل كثير عند وحده وخفيف عند غيرها وممكن ماينزل ماء مرررررره ولكن انصحك تروحي عشان تتطمني اش خسرانه والله يقومك بالسلامه.
|
أنصحك تروحين..بس تتأكدين هل هي موية الراس أو لا..
وخليها تقيس لك كم مفتوح الرحم إذا كثير بتخليك..وإذا شوي والسالفة مطوله إرجعي البيت وإذا إشتد روحي.. مع إني أخاف من هذي الأمور لأن في ناس ماشاء الله عليهم ينتفتح الرحم بسرررعه ماتلحق..بس إن شاء الله تقومين بالسلامة يااارب |
| الساعة الآن 03:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©