السلام عليكم

اليوم الصبح قمت من نومي و لقيت ماي بين فخوذي و عند المنطقه الحساسه و حسيت الفراش من تحت مبلل شوي و فيه رطوبه
و بعدين رجعت انام
و الحين انا مب عارفه هل الماي نزل او ان هذا عرق؟!!

جسمي ما كان معرق بس هالمنطقه كان فيها ماي

انا في الشهر التاسع و موعد الولاده 28-8
و امس طول الليل من الساعه 8 لحد ما نمت الساعه 2 و نا احس بتقلصات و آلام في الظهر و في الحوض من تحت

و من 10 ايام كنت عند الدكتوره و قالت لي اني مفتوحه سانتي واحد


الحين قلت لزوجي ابي اروح الطواري قال انطري شوي لحد ما يشتد الالم و تكون التقلصات منتظمه

ما ادري اسمع كلامه و انطر و لا اروح المستشفى؟

اخاف يكون الماي نزل... انطر التقلصات المنتظمه و لا اروح؟؟

و جزاكم الله خير

__________________

انصحك روحي والله يقومك بالسلامه

السلام عليكم
كيف حالك يا رب تكوني بصحه جيدة ,بس انصحك تنتظري اشتداد الالم وما تستعجلي وان شاء الله ربي يقومك بالسلامه .بس انت ما شاء الله والدة مرتين قبل كدة وين الخبرة ؟؟؟؟؟

__________________

المويه اذا نزلت تنزل بكميه كبيرررررررررره وماتوقف

اذا كانت الكميه كبيره روحي وتوكلي على الله
ممكن يعطونك صناعي وترتاحي

__________________

اليوم انت فوق الارض
وغدا تحت الارض فماذا اعددت ليوم العرض

والله انتضري اشتداد الالم لان والله بيلعبو فيك وابر و طلق صناعي اما البلل فعادي ومية الراس معروفة كميتها كثيرة هي بتصحيك من النوم من كثرتها

جزاكم الله خير عالرد
وحده تقول روحي و وحده تقول انطري الله يسامحكم

اختي

في المرتين اللي قبل كانت تنزل مني كتله مخاطيه ممزوجه بدم

و الماي في المستشفى ينزل و الدكتوره هي اللي تفتح الكيس

هالمره متردده مب عارفه اروح و لا لا!!

يعني اذا نزل الماي مب لازم اروح المستشفى على طووول؟

و لا عادي يكون الماي نازل و انا انتظر التقلصات تزيد؟؟

يعني ما بيتضرر الجنين اذا ما في ماي.؟؟

__________________

اذا مافي تطورات لحد بالليل كلمي الطبيبه اللي انت متابعه معاها وهي بتقرر لك لكن انا شايفه انك تنتظري احسنلك انا ما اروح المستشفى الا لما يصير الطلق كل 5 دقائق والله معك يقومك بالسلامه . وعلى فكرة موشرط الولادات كلها تكون متشابهه انا ولدت 3 مرات كل مرة باعراض مختلفه .

__________________

اختي الله يقومك بالسلامة
دكتورتي من يومين تقول
بتروحي للمستشفى اذا نزل ماي او دم او افرازات ممزوجة بدم
او الم فظيع بيشتد كل 5 الى 10 دقايق والبطن بيصير صلب
هذا حكي الدكتورة

__________________


اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين

اي بس انا اقول يمكن اذا نزل الماي ما يصير انتظر التقلصات تزيد
يعني اقول يمكن المفروض اروح على طول و ما انطر تقلصات و دم و الخ الخ

__________________

انا بطني يصير صلب بس الآلام مب كل 10 دقايق

و الماي مب متأكده منه

الاخوات يقولون الماي لازم يكون بكميه كبيره و ما يتوقف

ما ادري يمكن انطر ساعتين و اشوف التطورات

__________________