|
راجعني قبل انتهاء عدتي بأسبوع
الســـــلام عليكم ورحمة الله وبركاته
كل عـــــــــام وأنتم بألف خير كيفكم مع البرد:24: والله لكم وحشه.. كالعادة راح أتكلم بالعامية:d أنا لي فترة طويله ماتصفحت المنتدى بسبب انشغالي بالاجازة .. وكان ودي أول موضوع لي يكون بعد خروجي من العدة .. وأجلت أشياء كثيرة لبعد خروجي لأني ناوية أبدأ حياتـــــي من جديد .. لأني أحس فيه شيء مقيدني .. اليوم التاريخ 20/12هجري.. المفروض ان اليوم تخلص عدتي .. لكن صار شيء ماكان في الحسبان اتصل طليقي على أبوي ثالث أيام العيد يعني قبل انتهاء عدتي بأسبوع واحد !! وبكل برووووود قال لأبوي أنا راجعت بنتك :( طبعا أبوي استنكر تصرفه .. قال البنت مصممه على الطلاق وهي خلاص مستخيره .. قال خلاص عندكم المحكمة!! وأحس حركته في منتهى النذاله يعني صبر كل هالمدة ويوم مابقى الاأسبوع راجعني واتصل علي بعد ثلاث أيام في وقت متأخر .. من رقم غريب.. وياليتني مارديت ماتوقعت انه يكون هو المتصل .. وكان يكلمني وكأنه يكلم موظفه عنده قالي بالحرف الواحد( فلانه .. تجهزي بكرا راح أمرك تروحين معي !! طبعا أنا رفضت قلت خلاص أنا اللي بيني وبينك انتهى وحاولت اني اتجنب اي نقاش معاه .. قال خلاص .. لكن بشرط تقولين لي اللحين أنا ماأبغاك.. وسمعت صوت أحد عنده .. ولما قلت لأبوي عن اللي صار قال يمكن كان فيه أحد عنده ويحاول يشهدهم على مراجعته لك.. وأنا حسيت بهالشيء لأنه أسلوبه كان جاد معي .. وبعدها قطع اي اتصال معنا حتى أبوي اتصل عليه أكثر من مرة ومارد عليه.. أنا فيه شيء مطمني في الموضوع لكن مو متأكدة منه وحبيت اني استشيركم فيه.. أنا طهرت من الحيضه الثالثه بداية الشهر يعني قبل اتصاله ب10أيام فاذا كان اتصاله بنية المراجعة يكون تأخر لأني طلعت من العدة بانتهاء الحيضة الثالثة لكن خوفي انه يكون مراجعني من فبل.. اللحين حنا نبغى نوصله عشاان يعطينا اثبات على مراجعته لي ونتأكد من التاريخ..من دون مانحسسه اننا نبغى نتأكد من التاريخ لأنه احتمال انه يتلاعب بالأوراق .. هو مستعد يسوي اي شيء عشان نعطيه فلوس.. عذراا على الاطاله .. انتظر نصايحكم واستشاراتكم |
الله يكون في عونك
اسأل أحد المشائخ الثقات وسوف يفتون لك بالجواب الصحيح ،،، أما من وجهة نظري: إن رأيتي أنه سوف يتعدل الى الأحسن فأرجعي له وإن رأيتي أنه من المستحيل أن يتغير فكنسليه من حياتك وأفدي نفسك من شره وربي يعوضك خير منه وأكثري من هذا هذا الدعاء (ربي أجرني في مصيبتي وأخلف لي خير منها ) كرريها دائما الى أن تتزوجين إن شاء بالزوج الصالح وعليك عدم الاستعجال في الزوج الثاني فكثير من البنات استعجلن على الزواج بعد الطلاق لكي تستتر من كلام الناس وتزوجت بعجلة فطاحت في زوج اسوء من زوجها السابق والسبب العجلة وعدم التثبت من قبل ولي الزوجة ومن قبل الزوجة نفسها |
السلام عليكم ورحمة الله وبركاته
حسبي الله ونعم الوكيل سبحان الله لهكذا ناس حدد الشرع ثلاث طلقات حتى ما يتلاعبو ببنات الناس الله يعينك وينصرك على من يعاديكي |
اقتباس:
اتفق مع الأخ الكسائي وفقه الله واكثري من الدعاء والإستغفااااااااااااااار وفقك الله لكل خير وفرج الله همك |
وانا مع الاخ الكسائي في كلامه
|
للهم انصرها وانصرنا معها يارب ياكريم حسبنا الله ونعم الوكيل
|
هلاوغلا
شوفي اختي الزمي الاستخارة وادعي ربك اذا في رجعتك خير له ربي يكتبها وباسرع وقت وان كان شر ربي يردة عنك الله يعوضك خير ويكتب لك الصالح ربي يسعدك ويعوضك خير وارجعوااسالوا عنة مرة ثانية وربي يوفقك دنيا واخرة ونسمع اخبار قريبة موفقة اختي |
طبعا أختي انا ما ادري عن سب المشكلة..
بس واضح انها حركة نذالة.. ولذلك مسألة انها ترجع له بهذا الأسلوب معليش اختي زينة الغنادير مو مناسبة لو يبي يرجعها فعلا فيه الف اسلوب واسلوب مو بهالحركة.. الشي الثاني لى العدة تنتهي بالطهر او بالحيض؟! لأن اللي اعرفه انها تنتهي بالحيض!! يعني مجرد ما تحيضين للمرة الثالية تنتهي العدة.. فتأكدي من هذا الأمر.. الأمر الثالث انه ممكن ا الأب يقوله معليش اخوي اللي راح راح طيب اذا تبي ترجعها فعلا او انك رجعتها فعلا متى بالضبط علشان البنت تستعد.. وانت في نفس الوقت تتأكدون من التاريخ.. يعني خلي رجال اللي يكلمه ويقول طيب انت متى رجعتها وهل فيه شهود وو الخ وكأنه يكلمه عاااادي والرجال اذا يبي شي بيقول اللي عنده.. لله يعينك تنقهرين فعلا يعني حتى الطلاق ما صار فكة منه!! قمة القهر.. الله يفرج لك يارب... |
اقتباس:
احنا سألنا أحد المشائخ وقال لنا لازم تتأكدون من تاريخ الرجعة قبل اتخاذ اي اجراء لأنه اذا رحتوا للمحكمة ماراح يكون من صالحكم وبتضطرون تدفعون له .. وأنا هذا اللي خايفه منه ماابغى أحمل أبوي شيء فوق طاقته جزاااااك الله ألف خير وان شااء الله أطبق نصيحتك.. |
اقتباس:
حبيبتي طليقي موأول واحد ولاآخر واحد يتلاعب بمسألة الطلاق ياما بنات كثير عانو مثلي بقصد الاستفزاز فقط لاغير.. مشكورة يالغلا.. |
همس القلوب
أسعدنـــــــي مرورك ومشكوورة على هالدعوات الطيبة تقبلي تحياتي صبا نجد مشكورة حبيبتي على مرورك طارقh آآآآآآآمين الله يفرج همي وهمك وهم كل مهموووووووم ياارب بالتوفيق حبيبتي |
اقتباس:
أنا سبق وكتبت قصتي مع زوجي السابق وواضح انك ماقرأتيها والا لكنتي من أكثر المعارضين لرجعتي له أنا خلاص حسمت أمري واتكلت على ربي واستخرت وواثقة من قراري وماأكن اي مشااعر له .. الله يوفقك ويسعدك ويرزقك بالزوج الصالح ويعوضك خير و |
اقتباس:
وااضح انك حااسة فيني صدقيني يالغالية حتى لو كان في نية للرجعة كان شلتها من رااسي بعد حركته هذي!! تخيلي راجعني واختفى حتى أبوي اتصل فيه أكثر من مرة ومارد على اتصالاته!! |
دعوااااتكم بكرا عندي امتحـــــان صعب وماالي نفس للمذاكرة
|
الله يوفقك وارمي اتكلك على الله وكفى الله يكفيك شره ويرد كيده في نحره ياختي (ويمكرون ويمكر الله والله خير الماكرين )توكلي على الله
|
عزيزتي
اولا الله يوفقك في امتحانك ثانيا انا مريت بنفس الوضع تقريبا وراح اقولك وش اللي صار معي عشان تتطمنين انا طلقني وخبى عني موضوع الطلاق عشان يرجعني بعد ما يملك على الثانيه وبدون علمي لكن كيد الله اقوى عرفت بطلاقي عن طريق خطيبته وحسبت العده وكلمت احد المشايخ وشرحت له الوضع وقالي نروح لنفس الشيخ ونساله هل رجعني او لا لان العده انتهت في التاريخ الفلاني وفعلا راح الوالد وقاله فرد الشيخ انه مابعد جاء له لكن اذا جاء يرجعها ماراح اقبل الا بحضورها اللي فهمته من الشيخ انه بيطلب حضوري عشان يسال عن العده ويقارنها بتاريخ مراجعته يعني تطمني ولا تفكرين بالموضوع وكرري اللهم اصلح لي شائني كله و لاتكلني الى نفسي طرفة عين ولا دون من ذلك |
أختي بما أني رجل ومطلق وجلست مع الكثير من المطلقين أقول :
الكثير من الرجال يستخدم هذا الإسلوب ( العقاب بالطلاق ) وهو عبارة عن إستخدام الطلاق كنوع من العقاب لزوجته حتى ترجع إلى بيت الطاعة ولا تنشز وأنا مررت بهذه التجربه : حينما إستنفذت جميع الحلول الوديه مع زوجتي سألت مشائخ وأهل خبرة فأشاروا علي بأن أطلق زوجتي طلقة واحده فإن ندمت ورجعت رجعتها وإن استمرت على عنادها لم أرجعها ( وهذا الذي حصل معي ) فربما كنتي قد أغضبتيه في أمر ما ويريد أن يحسسك بخطأك (( ربما )) وإن كنتي تريدين نصيحتي : مالك إلا زوجك والله لو تعاملتي معه بالطيب راح يحبك وترجعون أحسن من أول وياأختي البيوت كلها مشاكل إصبري واحتسبي وانسي فكرة الطلاق وعدم الرجوع الله يوفقك ويفرج همك |
افاوانااختك شدي حيلك وذاكري وربي يسهل امرك ويفتحها بوجهك
وان شاءالله ربي يعوضك باللي يستاهلك وان شاءالله يسهل ربي اختبارك ويفرجها عليك اذا ماذاكرتي زين حاولي تجيبن عذر اوشيء عشان مايفوتك الاختبار وتروحين ماحليت صعبة صح وانتي براحتك او اختبري وربي يهل ععليك والزمي الاستغفار اناكان عندي اختباراليوم وكنت ماذاكرت الفقرة هذاي وجلست استغفر و الحمد لله طالعت الاجابة صح بغيت ارقص من الوناسة ياوخيتي انامادري وش قصتك بس انتي طيبة وصدقني ربي يعوضك قريب إن شاء الله وخليك متفائلة وحاولي قدرالامكان ماتخلينها تاثرعلى مستقبلك وربي يوفقك ويوفقنا وبنات المسلمين يارب نوردربك ويفرج همك ويوفقك وماراح انساك من دعواتي في صلاة الوتر إن شاء الله ادعولي بكرة بروح للكلية الله يسهل امري اذوني وبسحب ملفي والله كريم ويوفقني بالجامعة يارب وينات المسلمين والزائرات خصوصا لاننا مهددين بالطردة اذا ماجانا معدل كويس الله يسعدكم ويوفقكم ويهنيكم وربي يفرج همومكم واتمنى لكم كل خير انتم وبنات بداية وبنات المسلمين ازعجتكم وطولت عليكم هههههههه تحملوني يومين منحجرة عشان اختباري |
كان الله في عونك اخيه وفرج الله همك والله يوفقك دنيا واخره يارب
|
اعتذر عن تأخري في الرد وذلك بسبب مشكلة الاتصال الحاصلة عندنا
طاقh زهرة نجد زينة الغنادير أشكركن حبيباتي على وقفتكم معي وجعله الله في موازين حسناتكم وأبشرك يازينة اختبرت وكان بفضل الله ثم بسبب ملازمتي للاستغفاار في منتهى السهولة |
اقتباس:
لكن أريد أن أنوه على شغلة أنا كنت من المتابعين لكتاباتك عن مشكلتك مع زوجتك ووضعي مختلف تماما عن وضع زوجتك اذا كنت أنت ضحية سفهاء فأنا ضحية سفيه!! وأنا من حااربت وجاهدت للحصول على الطلاق ولم يأتي الطلاق عن رغبة منه وأشكرك أخوي على نصيحتك لكن رجوعي له سيكون من سابع المستحيلات ولقد دامت عشرتي معه قرابة السنتين استنفذت فيها جميع السبل لمحاولة اصلاحه واصلاح حالنا وجعلت الطلاق آخر الحلول ,, ولم أتخيل يوما أنني سأعيش براحة بال وسعادة بعد الطلاق كما أعيشها الآن!! ولاأريد التطرق لأسباب انفصالي عنه لأني سبق وذكرتها وهي أمور أصبحت من الماضي ولن أستفيد شيئا من ذكرها .. بالتوفيق أخي الكريم .. |
الله يبشرك بالخير ويوفقك دوم يالغالية تستاهلين كل خير غقبال ماافرح بتخرجك قريب الله يوفقك ويسعدك دوم
ويعوضك ياوخيتي كل خيــــــر تستاهلين كل خير يابعدهم :) |
الله يعوضك خيرر ويوفقك اختي
|
اعانك الله وعليك بكثرة الاستغفار ولا تهملي المذاكرة خلي اكمال دراستك نصب عينيك وفقك الله ورزقك ما تتمنين
|
إن شاء الله ربي يعوضك
|
| الساعة الآن 08:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©