الســـــلام عليكم ورحمة الله وبركاته
كل عـــــــــام وأنتم بألف خير
كيفكم مع البرد
والله لكم وحشه..
كالعادة راح أتكلم بالعامية
أنا لي فترة طويله ماتصفحت المنتدى بسبب انشغالي بالاجازة ..
وكان ودي أول موضوع لي يكون بعد خروجي من العدة .. وأجلت أشياء كثيرة لبعد خروجي لأني ناوية أبدأ حياتـــــي من جديد .. لأني أحس فيه شيء مقيدني ..
اليوم التاريخ 20/12هجري.. المفروض ان اليوم تخلص عدتي .. لكن صار شيء ماكان في الحسبان اتصل طليقي على أبوي ثالث أيام العيد يعني قبل انتهاء عدتي بأسبوع واحد !!
وبكل برووووود قال لأبوي أنا راجعت بنتك
طبعا أبوي استنكر تصرفه .. قال البنت مصممه على الطلاق وهي خلاص مستخيره ..
قال خلاص عندكم المحكمة!!
وأحس حركته في منتهى النذاله يعني صبر كل هالمدة ويوم مابقى الاأسبوع راجعني
واتصل علي بعد ثلاث أيام في وقت متأخر .. من رقم غريب.. وياليتني مارديت ماتوقعت انه يكون هو المتصل ..
وكان يكلمني وكأنه يكلم موظفه عنده قالي بالحرف الواحد( فلانه .. تجهزي بكرا راح أمرك تروحين معي !! طبعا أنا رفضت قلت خلاص أنا اللي بيني وبينك انتهى وحاولت اني اتجنب اي نقاش معاه .. قال خلاص .. لكن بشرط تقولين لي اللحين أنا ماأبغاك..
وسمعت صوت أحد عنده ..
ولما قلت لأبوي عن اللي صار قال يمكن كان فيه أحد عنده ويحاول يشهدهم على مراجعته لك..
وأنا حسيت بهالشيء لأنه أسلوبه كان جاد معي ..
وبعدها قطع اي اتصال معنا حتى أبوي اتصل عليه أكثر من مرة ومارد عليه..
أنا فيه شيء مطمني في الموضوع لكن مو متأكدة منه وحبيت اني استشيركم فيه..
أنا طهرت من الحيضه الثالثه بداية الشهر يعني قبل اتصاله ب10أيام
فاذا كان اتصاله بنية المراجعة يكون تأخر لأني طلعت من العدة بانتهاء الحيضة الثالثة
لكن خوفي انه يكون مراجعني من فبل..
اللحين حنا نبغى نوصله عشاان يعطينا اثبات على مراجعته لي ونتأكد من التاريخ..من دون مانحسسه اننا نبغى نتأكد من التاريخ لأنه احتمال انه يتلاعب بالأوراق ..
هو مستعد يسوي اي شيء عشان نعطيه فلوس..
عذراا على الاطاله .. انتظر نصايحكم واستشاراتكم

__________________

الله يكون في عونك

اسأل أحد المشائخ الثقات وسوف يفتون لك بالجواب الصحيح ،،، أما من وجهة نظري:

إن رأيتي أنه سوف يتعدل الى الأحسن فأرجعي له

وإن رأيتي أنه من المستحيل أن يتغير فكنسليه من حياتك وأفدي نفسك من شره

وربي يعوضك خير منه

وأكثري من هذا هذا الدعاء (ربي أجرني في مصيبتي وأخلف لي خير منها ) كرريها دائما الى أن تتزوجين إن شاء بالزوج الصالح

وعليك عدم الاستعجال في الزوج الثاني فكثير من البنات استعجلن على الزواج بعد الطلاق لكي تستتر من كلام الناس وتزوجت بعجلة فطاحت في زوج اسوء من زوجها السابق والسبب العجلة وعدم التثبت من قبل ولي الزوجة ومن قبل الزوجة نفسها

__________________

	لادار للمرء بعد الموت يسكنها**إلا التي كان قبل الموت بانيها فاءن بناهابخيرطاب ساكنها**وإن بناهابشرخاب بانيها وأعمل لدارالبقاء رضوان خازنها**الجار أحمد والرحمن بانيها أرض لها ذهب والمسك طينتها**والزعفران حشيش نابت فيها

السلام عليكم ورحمة الله وبركاته

حسبي الله ونعم الوكيل


سبحان الله لهكذا ناس حدد الشرع ثلاث طلقات


حتى ما يتلاعبو ببنات الناس


الله يعينك وينصرك على من يعاديكي

__________________
http://live.gph.gov.sa/
اللهم اني استودعك اولادي

__________________
للمتزوجين..من يريد منا الذريه فلنستغفر كل يوم وكل دقيقه
من دعاء زكرياسورة الأنبياء..نقول دائمافي السجود(ربي لاتذرني فردا وانت خير الوارثين) وآل عمران(رب هب لي من لدنك ذرية طيبة انك سميع الدعاء) لغيرمتزوجين..من يريد منا الزواج فلنستغفر كل يوم مع الدعاء..نقول دائما في السجود (ربي اني لما انزلت اليي من خير فقير) لطلب الوظيفه والمال وغيرالكثير...فلنستغفركثيرا..دعواتكم لي بالزوج الصالح ولإخواتي المسلمات
اللهم ارزقنا ازواج صالحين عاجلا غير آجل اللهم آمييين

وانا مع الاخ الكسائي في كلامه

للهم انصرها وانصرنا معها يارب ياكريم حسبنا الله ونعم الوكيل

هلاوغلا

شوفي اختي الزمي الاستخارة وادعي ربك اذا في رجعتك خير له ربي يكتبها وباسرع وقت وان كان شر ربي يردة عنك

الله يعوضك خير ويكتب لك الصالح

ربي يسعدك ويعوضك خير وارجعوااسالوا عنة مرة ثانية وربي يوفقك دنيا واخرة ونسمع اخبار قريبة موفقة اختي

طبعا أختي انا ما ادري عن سب المشكلة..
بس واضح انها حركة نذالة.. ولذلك مسألة انها ترجع له بهذا الأسلوب معليش اختي زينة الغنادير مو مناسبة لو يبي يرجعها فعلا فيه الف اسلوب واسلوب مو بهالحركة..

الشي الثاني لى العدة تنتهي بالطهر او بالحيض؟!
لأن اللي اعرفه انها تنتهي بالحيض!! يعني مجرد ما تحيضين للمرة الثالية تنتهي العدة..

فتأكدي من هذا الأمر..

الأمر الثالث انه ممكن ا الأب يقوله معليش اخوي اللي راح راح طيب اذا تبي ترجعها فعلا او انك رجعتها فعلا متى بالضبط علشان البنت تستعد.. وانت في نفس الوقت تتأكدون من التاريخ..

يعني خلي رجال اللي يكلمه ويقول طيب انت متى رجعتها وهل فيه شهود وو الخ وكأنه يكلمه عاااادي والرجال اذا يبي شي بيقول اللي عنده..

لله يعينك تنقهرين فعلا يعني حتى الطلاق ما صار فكة منه!! قمة القهر..

الله يفرج لك يارب...

مشكوور أخوي الكســــائي على المروور
احنا سألنا أحد المشائخ وقال لنا لازم تتأكدون من تاريخ الرجعة
قبل اتخاذ اي اجراء لأنه اذا رحتوا للمحكمة ماراح يكون من صالحكم وبتضطرون تدفعون له .. وأنا هذا اللي خايفه منه ماابغى أحمل أبوي شيء فوق طاقته
جزاااااك الله ألف خير وان شااء الله أطبق نصيحتك..

__________________

وعليكم السلام ورحمة الله وبركاته
حبيبتي طليقي موأول واحد ولاآخر واحد يتلاعب بمسألة الطلاق ياما بنات كثير عانو مثلي
بقصد الاستفزاز فقط لاغير..
مشكورة يالغلا..

__________________