|
مشكلة حيرتني وعلقت زواجي
السلام عليكم ورحمة الله وبركاته ...
أتقدم بخطابي هذا أفيد فيه بأنه تم عقد زواجي في تاريخ 23/04/1429هـ والعقد مكتوب عليه بدون شروط حسب العقد المرفق صورة منه . وتم الاتفاق على أن أعمل الزواج محل ما اريد استراحة أو قاعة كيفما اشاء يعني الزواج زواجنا واقترح علي اخو الزوجة بعدم تسكينها في بيت أهلي وأخبرته بالموافقة وأن هذا الأمر راجع لي انا وهو قيد الدراسة خصوصاً بحكم أني أكبر أخواني وحاجة أهلي لي بإستمرار وتم عقد الزواج بذلك . المشكلة لديهم في الحي لايتناسب معهم حسب زعمهم وأن البنت تسكن جنب أهلي وكذلك خوفهم الزائد على بنتهم من أقدر الله التي لايستطيع المرء ردها . مشكلة السكن : - تم استئجار عدد غرفتين بمنافعها في حي البوادي جوار عملي ودفع إيجار 3 أشهر مقدماً وعمل دهان للبيت وأعمال سباكة وبعد هذا كله طلبت أم الزوجة والعروس تأخير الزواج بسبب أنها غير جاهزة لشراء مستلزمات العرس ولسبب أن الأم يوجد لديها ألم في ركبتها يمنعها من السير طويلاوتم التأجيل لمدة شهر ونصف أو شهرين مما اضطرني لإلغاء عقد ايجار الشقة وسحب مبلغ الايجار 3 اشهر الذي دفعته بعد مجاهدة مع صاحب العقار . - وبعد إعطائهم فترة شهرين تم إستئجارمرة أخرى في شهر رمضان المبارك غرفتين بمنافعها ودفع إيجار 3 أشهر وعمل أعمال دهان وسباكة وإحضار الأهل لمعاونتي ( الوالد والوالده والكريمة) لتنظيف البيت وبعد الانتهاء قمت بالاتصال على الزوجة لإخبارها أنني أستاجرت غرفتين بمنافعها وكان الرد (لا ياحبيبي إحنا ماحنا هنود ولا بنغال ) أنا ابقى 3 غرف وحاولت عدة محاولات كي يوافقو ولكن للاسف رفضو مما اضطرني للمرة الثانية لإلغاء عقد الشقة ولكن للأسف رفض صاحب العقار إرجاع مبلغ إيجار الشقة وذهبت فلوس 3 أشهر سدى. وذهبنا أنا والوالد عند أخو الزوجة لمحاولة إقناعه ولكنه رفض وقال أنه سوف يحضر لنا 3 غرف بمبلغ وقدره 15000 ريال وأخبرناه بالموافقه ولكن على شرط أن يكون جوار عملي وعلى شرط انه في حال عدم تنفيذه لكلامه هذا يعتبر رأيه بعدم السكن في شقة جوارالأهل ( شقة مستقلة فوق شقة الاهل بمنافعها ) ملغي وتم إعطائه الفرصة لذلك ولم ينجح . - وبعد جهود لمحاولة الوصول لحل مقنع للطرفين تم الاجتماع في المسجد وبحضور كل من والدي واخو الزوجة وابو الزوجه وعدد 2 من أرحامي كشهود على ذلك . والبدء لمحاولة جديه للبدء من جديد وفتح صفحة جديده في الاتفاق من جديد وتم الاتفاق على أن لنا الحق في السكن في أي مكان شمال جنوب شرق غرب ولنا الحق في إختيار مكان الزواج ( قاعة – استراحة – محل مانريد ) إحنا نفرح ولدنا وهم يفرحون بنتهم لنا أعمالنا ولهم أعمالهم يعملو الملكة والقمره محل مايريدون غالي رخيص يعزموا إلي يريدون مالنا دخل فيهم على كيفهم. ولايسالونا على البيت إلا في يوم إحضار ملابس الزوجة لبيت الزوج وسالنا أخو الزوجة عن رايه في الموافقه وقال هاه يابويا الكلمة الحين كلمتك قال اتوكلنا على الله وتمت الموافقة وشهد الشهود على ذلك وهم جاهزون بشهاداتهم . - وبالفعل تم تجهيز شقة فوق شقة الأهل بمنافعها مستقلة بذاتها ولا أحد يشاركها فيها وعمل أعمال دهان وسباكة وتهيئتها تهيئة كاملة من فرش واثاث بحيث تتناسب مع العروس وتم الاتصال على أهل الزوجة لإخبارهم عن موقع السكن لمعرفة نبضهم بالموافقة قبل ان يتم حجز مكان الفرح وحتى لايذهب عربون مكان الفرح سداء كما ذهبت المبالغ الاخرى وإخبارهم بالحضور لدينا لتناول العشاء في يوم الخميس ولمشاهدة الشقة واتصلت الأم علي شخصياً وقالت أنها ترفض الحضور وأنه لم يتم الاتفاق على هذا الشي وقالت خلي إلي قال هذا الكلام هو يتحمل الحين فأجبتها أنه تم الاتفاق بين الرجال في المسجد وقالت من الذي سوف يسكن في البيت الزوجة أم الرجال مثل التي ألغت دور الرجال وهي لاتدري وقالت أن الزوجة هي الي تختار وين تسكن وأنها بزعمها لاتستطيع إقناعها بالموافقة بحجة أنها لو ضغطت عليها تقول البنت بكرة النهار أنتم الذين ضغطم علي وانها غير موافقة نهائيا وبعد محاولات كي تقتنع الأم قالت انها في حالة انك تحب إبنتها اعمل لها الفرح في قاعة الفيصل( تشرط علي وإحنا ليس بيننا شروط حسب العقد )... والأب أفاد أنه لم يقل انها تسكن فوق شقة الأهل واخو الزوجة كذلك وكأنه لم يتم الاتفاق على أي شي ولا كانه يوجد شهود يعني ضحك على الدقون . - مشكلة أهل الزوجة أن الأب له موقف والأم لها موقف والزوجة لها موقف وأخو الزوجة له موقف . هذه الأمور عادتاً تكون لدى أبو الزوجة والمشكلة أيضاً أن عند تنفيذ أي طلب من طلباتهم أين كان يظنون أن هذا ضعف منا وأنهم مسيطرون على الوضع ظناً منهم أن السيطرة في يد البنت وليست في يد الرجل وبعد هذا كله تقول الزوجة إحنا وافقنا على غرفتين هيا أيش رايك ترجع لوحدة من إلي أستاجرتها وعلى الفور تم الرفض أنا سوف أسكن جوار أهلي والبيت أصبح جاهزً ولن أغير موقفي مهما كلفني الأمر . - وحسب الصورة المرفقة لكم . - الان الأمر مرفوع لكم للحكم بما ترونه مناسباً لكم خصوصاً أن لي الان 8 أشهر من كتابة العقد ولم يتم الزواج بعد . |
فكك من هالزيجه
انت معيوب لا سمح الله عشان تظل تجري وراهم؟؟؟؟ الله اكبر على هالناس |
والله أذا انت تشوف نفسك متعلق بهالحرمه و إذا طلقتها بتجلس طول عمرك ندمان و ماتنساها وحتى لو تزوجت غيرها ماراح تملى عينك معناتها إصبر على ما جاك بس أعتقد ان تنازلك من الأول يبي يجر عليك التنازل طول العمر إلا ماشاء الله وإذا ماكان ما فيه سبب مقنع لرفض السكن بجوار اهلك فلماذا الأصرار عليه!!!!!!!!!!!!!!!!!!؟؟؟؟؟؟؟؟؟؟؟؟ أن كانت زوجتك تحبك ولكنها واقعه تحت ضغط امها فاتصل بها انت وأقنعها أن تتخذ موقف ولا تدع احد يتحكم في حياتها إن كانت تحبك وترغب بالعيش معك وأخبرها أنها إذا ماسمحت لأحد بأن يحدد مصيرها فسوف تسلب إرادتها إلى الأبد وتصبح العوبه فيمن يعتقدون أنهم يبحثون عن مصلحتها إسألها أين شخصيتها وإرادتها،،،،،،،،،،،،،،، أوعدها بالخير وانها لن ترى من أهلك ماتكره وأنك شاريها وترغب بها وتراعي مشاعرها وإلا كان لم تستجب لمطالبها من اول الأمر وأنه لايجب عليها التعصب لرأيها دون مراعاة لك أو لمشاعرك أو حتى للمبالغ التي خسرتها وأن كان هذا القرار قرارها ولم تستطع ثنيها عنه فالقرار بعد ذلك بيدك أنت:29::29: أما أن تسمع الكلام وتطيع أو ترفض وتجبرها على ان تسمع هي كلامك مالم يكن فيه ضرر عليها واستخر االله واسأله أن يهديك ألى الخير. |
لاحول ولا قوة الا بالله على هالنااااس
الام على بالها بهذا الاسلوب راح تخلي بنتها سعيده ماتدري ان الشي راح ينقلب على بنتها بعد الزواج او لا قدر الله يحدث طلاق انا اؤيد كلام اختي مناجاة الليل وبالتوفيق ان شاء الله |
المسألة أكبر من كوني اتعلق بها هذه زوجتي ومن حقي عليها أنها تطيعني بعض الرجال يتحكمون في اتهم من الملكة البنت كانت ماتعرف جوال رحت واشتريت لها جوال n70 عشان لاتقول انه في شي ناقصها وما قصرت معاها اعطيها كل شهر 200 ريال وفي رمضان 500 ريال ليش هذا كله عشان احبها
بس يقولك المثل مو كل طير يتأكل لحمة وما تستغليني عشان قلت احبك وصدقيني اقدر تمام اني اطلق وما اعتبرك شي في حياتي ولا التفت لك بس بس اقول يمكن البنت الحين قاعده تحلم كثير انها وانها وانها في بنات يحبوا يحلموا كثير وبعدين ينصدموا بالواقع انه كذا . الان كلامي راح يكون نهائي وهو انه ياتسكن معايا في بيت اهلي يا ترجع المهر ونقلبها خلع على طول . ماعندي كلام الحين موقفي ثابت ايش ماصار لو خسرت 100% |
أنا أؤيدك على قرارك الشجاع ... واللي هاده اوله ينخاف من تاليه...
ثانياً انت الآن شقتك جاهزه ... والمهر من حقك .. يعني ما خسرت شي .. . خذ المهر واتزوجلك وحده تانية بنفس المهر وانسي ... اهل هذي البنت راح يقلبو حياتك جحيم خصوصاً اصرارهم انها تكون جنبهم علشان تكون سيطرتهم كاملة عليها وعليك ... وربنا يوفقك |
معليش هد أعصابك ياأخي ولا تتعصب وتتسرع مادمت لم تستخير بعد وخذ الوقت الكافي في التفكير :25: ودع لها الفرصه هي كذلك بالتفكير وإتخاذ القرار بعد أن تشرح لها قرارك وما تعزم عليه:25: ربما تستطيع إقناعها أنت وتصحيح افكارها وتغيير قناعا تها بعض النساء عا طفيات ويمكن الثأثيرعليهن بالكلام الحلو والمقنع في نفس الوقت حافظ على شعرة معاويه وشد وأرخي واسمح لها ولنفسك بالتفكير في مده تحدد أنت بدايتها ونهايتها واسمح لي أقولك أن المأتي ريال في الشهر إيش تسوي بهالزمن إلا إذا كانت هذه هي مقدرتك أو تكون مرتبط بالتزامات ماديه وأقصاد بعد عقد القران وما تكبدت من خسائر بالإيجارات وتصليح الشقق .... |
تفاهم معها أولاً و اخبرها بموقفك ، و لا تتراجع ابداً و لا تضعف أمامها ...
عطها فرصة تفكر ،، حدد لها زمن للرد عليك بقرارها ... الله يكتب لك الخير حيث كان .. |
والله ياخي الكريم خسرت اموال طائلة و كله على نفس السبب
انك تختار الشقة وتعمل دهان وسباكة وكل شي وبعدها تسأل اهل الزوجة برأيهم فيه كان المفروض كل ماتحصل شقة او شي تتصل تلفون عليهم وتسألهم .. عجبتكم الشقة وله ماعجبتكم انا هنا اتكلم فقط عن المبدأ المادي .. هم اكيد في العقد ماراح يحطون شروط .. بمبدأ ان عيب عندهم يحطون شروط مكتوبة .. لكن ماتزال هناك شروط اخي الكريم انا ماني ضدك .. بالعكس انا جدا متضايق من تصرفات اهل زوجتك .. المشكلة ان مفكرين ان الي جالس يعملونه صح وانه فيه مصلحة لبنتهم طيب 8 شهور ماحبتك زوجتك ؟ انا الي اعرفه ان البنت اذا حبت شخص تتنازل عن كثير من الاشياء كل شي بالحوار والتفاهم مع البنت والكلمة الطيبة ينحل لازم توصف ها بالضبط شو هو وضعك .. كم عندك وشو تقدر تسوي والي تقدر تسويه سوه دام ماراح يأثر عليك ماديا كثير ولا معنويا واذا طلبوا منك طلب .. اسألهم " ليش " ؟ شوف الاجابة ايش بتكون .. ومنها تقدر تقنعهم بالي عندك تحياتي |
الواضح ان راي البنت مهمش وامها مأخذه زمام الأمور
ايش فيها لو سكنت بشقه فوق سكن اهلك وليش رافضين هالفكره .. ومصرين على سكن منفصل .. حاول تتكلم معاها وتعرف موقفها هي شخصياً والله يوفقك ويسعدك .. |
لا حول و لا قوة الا بالله اخي هده مواقف لا تبشر بخير انفذ بجلدك قبل فوات الاوان هذه الاسرة ستتلاعب بقرارات مصيرية في حياتك مستقبلا خاصة مع وجود اطفال اتمني لك التوفيق
|
فكر جيداا فبل اتخاد اي قرار صفي دهنك ولا تتصرف بعصبية
والله يكتب لك كل خير |
اقتباس:
شوف أيها الغالي أنت من كلامك باين عليك رجال بصدق نعم ياأخي أنت ماقصرت أنا أنصحك أن تشوف غيرها أو ترضخ هي للعيش عند أهلك ولاتتنازل انت ابدا ابدا واذا تنازلت الأن بكرة كل يوم امها تجيك وتقول شي وأبوها شي وأخوها شي وانت رح تتنازل غصب العنك كما تنازلت أول مروة أما اذا ثبتت على رأيك فعندها يعلمون انك رجل بحق .....فتمشي الحياة بعد الزواج تمام وماأحد يستطيع التحكم فيك يعني انتبه المشكلة هذه تمبني عليها حياتك بعد الزواج والله ناس مايستحون يدوروا على رجال وبس وجدوو رجل يجلسوا يتشرطوا عليه واذا كان بينك وبين البنت اتصالات أو هدايا اقطعه وطنش أل وش نحنوا بنغال ..............رد سخيف جدا واستفزازي |
[COLOR="Red"] لا حول ولا قوة الا بالله
معقوله باقي فيه ناس بها التفكير طبعا واااضح انهم يبغون يوروونك العين الحمرا من البدايه لكن انتبه لنفسك واذا هذي بدايتها الله يستر من نهاايتها عليك بالدعاء ان الله يكفيك شرهم ولا تنسى الاستغفار [/ COLOR] طيب انا ساكنه مع اهل زوجي بنفس البيت وقريبا بننتقل بشقه فوقهم يعني مو رايحييين بعيد مع كذا الحمدلله على كل مع ان زوجي مو الكبير لكن ؟؟؟؟؟؟؟؟؟؟؟؟؟؟ :21: |
اخي الكريم من الواضح ان الام هي القائد وهي صاحبة الكلمة في البيت
ونصيحتي لك وانا اقولها من عدة تجارب لاشخاص محيطين فينا انه العيله اللي ما لها كبير ومالها كلمة رجال ابعد عنها احسن من البدايه عشان لاتندم بعد الزواج وتجد نفسك مخلف طفل ولا اثنين ويحصل الطلاق اخي الكريم حتى لو وافقوا على السكن الان في الشقة اللي انت جهزتها بعد الزواج راح تطلع امور تانيه صلي استخاااااااارة وفكر وربنا يكتبلك الي فيه الخير |
هذه البنت ماهي حقة زواج
الآن ماهي راضية اجل بكرة لظروف تغيرت ماراح تصبر واهلها صراحة ناس مايصلحوا ان الواحد يناسبهم ماتعرف رجالهم من حريمهم روح يابن الناس دورلك بنت اجواد يشتروا رجال لي قريب خطب بنت مليونير معروف في جدة والله انهم ماتشرطوا عليه شيء وهو انسان عادي وزواجه كان على قده لاقالوا نبغى كذا ولا سوي كذا انصحك نصيحة فك نفسك قبل لاتتورط بعيال لان الكتاب باين من عنوانه |
ايش فيها شقة بغرفتين ؟؟؟؟
انا ساكنه في شقة غرفتين ! مع اني و الحمدالله من اغنياء البلد, و هم بعد اهل زوجي!! في حياااااتي ما حسيت نفسي بنغاليه ! ايش هالتفكير .. والله لو زوجي قالي اسكن مع اهله كنت وافقت و فرحت بعد ... سبحان الله - والله ما اصدق ان في ناس كذي تفكيرها - مادي جدااا .. اللي شايف خير ما راح يهمه كل هذا .. اخي و النعم فيك .. بس مثل ما قالوا اللي قبلي - لا تتنازل هالمره ابداااااا .. اوكيه ندري انك تحبها : بس كل شي في حدوووووود .. والحين جاء دورها تثبتلك انها تحبك ! الحب اخذ و عطااا . مش بس اخذ .. |
تم الاتفاق بأن يحضرو حكم من أهلها وحكم من أهلي لمحاولة للوصول لحل مقنع للطرفين :
فجاء الحكام واستضفناهم لدينا في البيت كي يروا البيت الذي قمت بتأثيثه فقالوا ان البيت يعتبر شرعي ولا خلاف عليه ومن حق الزوج يعني الحمد لله انتصرت عليهم قالوا طيب موضوع مكان الفرح تم الاختلاف عليه قلتنا لهم احنا نخيركم بين ثلاثة قاعات للافراح اختارو منها واحدة . وحكم الحكام انه القاعات الثلاثة مناسبة جدا ولنا اختيار مكان الفرح فاوافقنا على ذلك إلا ارسل رسالة أخو العروس وقال فيها ان الاهل غير موافقين على القاعات الثلاثة وانه يريدون واحدة من القاعات الغالية الثمن فكان الرد بالطناااااااااش الان انا موقفي سحبت على الموضوع كله طناااااش ولا صرت افكر فيه خليها تتعلق راح استخدم سياسة المنشار كل ماتحط عليه عقدة وقف تشيل العقدة كملنا تحط العقدة يوقف . الله المستعان على هذه المرآة كرهت الزواج من تحت راس هذه البنت بالله عليكم الحين ايش ماسوت عشان ترضيني ماراح ارضى عليها ... |
.........
الله يعينك .. من أولها كده |
تكلم مع البنت وفهمها ظروفك
بترضيني تعيشين معاي كذا او لا ليه الناس كذا بدال ما يستروا على بناتهم ويبون الخراب لهم عندما خطبني زوجي لم نشترط باي شرط حتى المهر قليل جدا وانا لم ازعل لاني ابي قال انا اشتريت رجال حتى الشقه واثاثها هو اختاره فقط غرفه النوم اصر ان اختارها معه ما تصدق يا اخوي اني ادور الحلو وفي نفس الوقت يكون سعره مقبول ما وديت اخسره كثير حتى الشقه صغيره مره 3 غرف والغرفه الثالثه لم تؤثت لكثره المصاريف عليه ولم اعارض كان صريح جدا معي والحمد لله انا جدا سعيده معاه علشان كذا كووون صريح معاها من اولها وفهمها ولو ربي ما كتب لك نصيب معاها في غيرها ترضى تكون زوجه لك بظروفك |
والله يخوك مثل ما يقولون .. قبر يلمني ولا امرأة تذلني ..
أنت رضيت على نفسك الإهانة وانت من تتحمل .. يا أخي ماذا بقي لك من كرامة كي تقابل بها زوجتك أو تضع عينك في عينها بعد هذا كله .. لكن هم ما تجرأو عليك الا يعد ما عرفوا انك تاكلها ولن ترد عليهم .. يعني استغلوا طيبتك |
بصراحه البنت الله يعينها عليك اجل فية وحدة في هالزمان
تسكن بغرفتين خاااف الله فيها والله لوكانت اختك ماسكنتها بغرفتين احمدربك الي ماشترطت غيركذا؛؛؛؛ |
الله يعينك
هدا من اولها كدة الكتاب باين من عنوانة |
اقتباس:
انت مانت فاهمة القصة تمام ياريت تقرأيا لقصة من جديد |
اختي
والله في بنات يدورون الستر كأنه ساكنه عند اهله واعطوه غرفتين في ناس ساكنين عند اهله بغرفه وفرحانين |
من اولها بدينا عناد أجل وشلون تاليها
قبر يلمني ولا مراءه تذلني القرار لك تحياتي |
يا خي البنت صح غلطت بس انت غلطت في البدايه ليه تستاجر الشقق من دون ما تاخذ رايهم؟؟؟
يعني تبي تحطهم عند الامر الواقع وبعدين اصعب شي ان الزوجه تسكن عند اهل زوجها يقول المثل ابعد عن الشر وغني له لان مهما كانو طيبين ماراح ترتاح الوحده الا لما تكون في بيت مستقل وبعيد عن اعين اهل الزوج بكره اذا كانت تعبانه ومانزلت قالو ما تبغانا والا اذا طلعت قالو كل يوم طالعه والله الوحده ودها تسكن بعيد عشان يكونو حبايب على طول ويبعدون عن المشاكل اختي ساكنه عن اهل زوجها شقه كامله وكبيره بس ما تركوها في حالها وكانت علاقتها فيهم متوتره كل يوم مشاكل ولما طلعت في بيت لحالها تغير الحال صارو يشتاقون لها وماعاد فيه اي مشاكل يمكن زوجتك عشان كذا تبي بيت مستقل ما تبي يكون بينها وبين اهلك مشاكل وبعدين بما انها تنازلت ورضت السكن عند اهلك وحليتو المشكله وش فيها اذا اهي اختارت القاعه وليه تتشرطون عليها وتحددون ثلاث قاعات مثل ما اهي تنازلت انت تنازل |
يالله للحين مشكلتك مع السكن
هذولا ناس فظيعين ........... استمر اخوي على حركة المنشار ... واحجز القاعه في اليوم اللي تبيه باتفاق مع ابو البنت وطنش الباقين وياليت تلغي المكالمات في هالفتره .......... واذا صار شي او ماشي ....... خلك على حجزك ودور غيرها البنات على قفا من يشيل يالطيف بس |
| الساعة الآن 07:51 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©