|
تطبيقي للدجاج المحشي للاخت apple green
السلام عليكم ورحمة الله و بركاته
اكتب الموضوع مرة ثانية بعدما تلاشى بفعل خطأ مني بس كلو عشانكو يهون طبقت الوصفة تبعت الاخت في الرابط هادا http://www.66n.com/forums/showthread.php?t=180513 مع بعض التعديلات زودت زيت الزيتون وقللت الزبدة الى قطعة كبيرة فقط مش نص قالب والزبادي ملعقتين والليمون واحدة بس المهم النتيجة من ناحية الطعم بتجنن وكتير شهية :22:لكن من ناحية الشكل لاتسر عدو ولا صديق واعتبرها وصمة عار في تاريخي المطبخي:29: والسبب حدوث خطأ فني اثناء اقفال الدجاجة فلم احكمها جيدا بالاعواد الخشبية وخرجت الحشوة المصونة وكانت النتيجة انها لم تنضج بس عادي يعني في احسن من الارز عالطريقة الصينية؟؟؟النصف ناضج؟؟ ثاني شي عملتها في كيس حراري كرهته وحقدت عليه بعد فترة بسيطة بدات الدجاجة بدها تتحمر من تحت وهية لسة مالحقت تستوي فقلت عالشكل هادا حتنحرق طلعت الصينية عشان افتح الكيس واطلع الدجاجة منها وكنت حاطة الصينية عالارض من العجلة وانفتح الكيس ونزلت العصارة عالارض ووسخت الدنيااااا:( ومن العجلة ايضا مسكت الدجاجة بقفازات الفرن فصارو ملونين وتوسخو خسارة عليهم ورجعتها الفرن وتحمرت ووالطعم والله حلووووو كتير ولزيز لكن برايي بعد ازنك اختي انو ماتنفع للدجاج بحشوة الرز لانو دايما الدجاج المحشي بالرز بكون تتبيلتو تقليدية زيت وبهار وليمون وملح وفلفل وهيك افضل بحس لكن هية روووووووووووووووووعة للدجاج طبعا وكتير شهية المهم لما اجينا ناكل كان ابني الحبيب ساكت:25: واول مبدينا ناكل بدو زي متقولو يعزبني طببببب يبكي بدو يرضع وانا حاولت اتماسك واكل عادي بدون م اتنكد لكن ماقدرت نرفزت وزوجي اتهمني باني ماباخد الامور ببساطة :11:وقال شو كلي عادي ههههههه وبعدين قومي رضعيه خليكي ايزي شوفو الرجال .....:( هي الشكل النهائي وكان بودي يكون احلا لكن انا نزلتها عشان وعدت الاخت انزلها بكرة عن اليوم يعني http://img147.imageshack.us/img147/4...2009143dh0.jpg وبالهنا والشفا ،،،،،،،،،،،،،،،،،،،، كتبت الخط بالاخر عشان Apple greeeeeeen:22: |
يعطيكي الف عافيه
تحياتي |
ما شاء الله عليكي.
عندك مصداقية عالية في سرد الاحداث. وانا بقرأ تخيلت حالي معكم على السفرة. بموت على حكياتك يا عسل فلسطين. والدجاجة شكلها زاكية بس لو خيطتيها بالابرة والخيط يمكن تكون أحسن وما تغلبك. لا تزعلي مني هشان هيك حكيت. الله يسعدك ويخليلك النونو. |
اهلا شكرا الكو اخواتي
ساندي حبيب اهلا حبيبتي ولايهمك ليش ازعل؟؟؟يعني الي فهمته بتمزحي ولا قصدك تحكي شي بزعل؟؟؟؟؟؟؟؟:) وفعلا الخيط والابرة احسن بس انا عشان السرعة بعمل هيك |
تسلم ايديكي يا ملك
والله شهيتيني على الجاج المحشي بردو انا لما اعملو غالبا بيطلع عندو شوية تخلف بس المهم الطعم وانا ما بعملو الا بالكيس ... وبحط معو بطاطا وبصل الله يخليلك النونو |
طيب تصدقي ان شكلها شهي جداااااااااااااااا وجوعني جدا جدا جدا
ان شاء الله اطبقها انا كمان تسلم ايدك يا قمر |
يسلموا ايدكي
شكلها ما ماله شيء ان ما غلطنا وخبصنا ما بنتعلم المطبخ والطبيخ تجارب وانا اول واحده كنت اخبص ويزبط وما يزبط الاكل حتى تزبط مرة ثانية معك الحشوة لازم تكون اقل من هيك مثل ما بتعمل والدتي بتفلفل الحشوة نص فلفلة بس تبرد شوي بتعصر عليها ليمونه وبتبلش تحشي بتجيب ظرف الدجاج وبتحط فيه خضار من البيت بطاطا فاصولياء ارضي شوكي فلفل ملون مشروم بتبهره وبتعصر له ليمون وبتعبي الاكياس وعلى فكرة بنستعمل النكاشات للدجاج المحشي وللرقاب المحشية اذا كانت كمية الحشوة مزبوطة ما بتخرج يعطيكي العافية ويسلموا ايديكي |
اقتباس:
أوامر. بس . الله لا يجيب زعل. |
والله مووووووت من الضحك
أصلى انا جااااهله فى المطبخ لذلك لما بعمل حاجه بتبقى حووووووووووووووسه بس بالهنا لشفا المهم رضعتىىىىىىىى الفهوووووود ولا سيباه لسه يعيط |
بصراحة وعن جد الدجاجة شكلها روعة والله ما عم اجامل ......تسلم ايدك
|
هلا بالغاليه...
الدجاجه شكلها روعه ومافيها مشاكل بس يمكن التتبيله مرة نشفت انا احبها يكون فيها شويه ليونه والتتبيله مااحبها تنشف مرة .... بس وزوجي يحبها نفس طختك مرررة ناشفه ويطلع الطعم بعد لذيذ ... اهم شي الرز استوى معاكي ولا لا ؟؟؟ والله يعينك على فهودي هم ترى مايزنووووووووووا الا وقت الاكل .. |
الله عليك ام اخف دمك وازكاك
وحلاوة الاكل بغلبته والله يسلم اديك ويعطيك العافية على هالاكلة الطيبة و فعلا شكلها لذيذ وبالنسبة للنونو الله يحميه فانا ابني نفس الشي ما بيحلاله الرضاعة الا وقت الاكل |
شكرا اخواتي عالردود والتشجيع بارك الله فيكو
سالي حبيب شكر الك وعالكلام الحلو بس بدي اسالك لفت نظري في المنتدى في 3 اسمهم فلانة حبيب سالي حبيب وساندي حبيب و كمان وحدة والله نسيت انتو خوات؟؟؟؟ولا صدفة؟ |
اقتباس:
اسمحيلي انا أرد عليكي . إحنا 3 أخوات وقررنا نسمي أنفسنا بأسماء قريبة من بعض ساندي حبيب (أنا)** وسندريلا حبيب** وسالي حبيب . وحكياتنا قريبة من حكياتك عشان هيك لفتنا كلامك. الله يوفقك في حياتك ومع النونو. |
ما شاء الله
شكل الدجاج تحفة الف هنا و شفا عليكم |
اهلا وشكرا الك اخت مسكتة
اخت ساندي اهلا وسهلا فيكي انت وسالي و سندريلا صراحة بتلخبط اساميكو وبنسا الواحد على مين رد:) الله يخليكو لبعض شرفتو |
| الساعة الآن 03:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©