|
اصبحت مشهوره عالمياً انتبهي
يا اخوات انتبهو من وضع صوركم على الكمبيوتر او على الجوال او على اي حافظة الكترونية الجوال ممكن يضيع منك بأي لحظه وممكن يسرق ووقتها تكون الطامه طامتين والكمبيوتر العن والعن ممكن احد يهكر عليك او احد اخوانك الصغار يرسل صور بدون مايحس بخطورة الوضع ما اطول عليكم وبقولكم شو صار معي مالكم بالطولة قبل كم يوم رحت لحراج السيارات وكنت ابحث عن سياره بشتريها المهم وانا اشاهد سيارة واترك الثانية وادخل من صاله واخرج من صاله وانا خارج من احد الصالات متوجه للثانية ماشي ومعي عدد من اخواني واحبابي شفت CD ( اسطوانة كمبيوتر ) مرمي على الارض ونظيف اخذته وناظرت فيه شفت ان السيدي مليان اخذت منديل ومسحت التراب من عليه وحطيته في جيبي اخواني يقولوا ويش تبي فيه وووو فأنا ضيعت الموضوع وكملنا طريقنا للصالات وكنت ابحث عن سيارة نظيفه لكن للأسف مالقيت جيت البيت رميت ال CD في الدرج وخرجت مع بعض اخواني ومارجعت الا اخر الليل جيت بشيك ع النت تذكرت ال CD وحطيته في الكمبيوتر وللأسف ويش كان فيه ؟؟؟؟؟؟؟؟؟؟؟ كله صوره لرجل وحرمه وبنوته صغيرررررره وواضح انها عائلة صور الزفاف وصورهم وهم في البيت ومع اهلهم وصور فاضحه مرررررره وصور الزوجه مع اخواتها وصور العجايز ومع زوجه وشي عجيب مررره ال CD يمكن فيه 200 صور و مقاطع شوفوا هالزوجه اللي صورت هالصور هل كانت تتخيل ان هالصور بتوصل لاحد ؟؟؟؟؟ هل كانت هالزوجه تتصور ان الاسطوانه ذي بتضيع في حراج السيارات ؟؟ والله لو كان عندها تصور ربع في ال 100 ما سوت هالشي فلا تثقون بالتقنيه مهما كان الوضع وكل صورك احذفيها من الجهاز ما تدري شلون بتوصل للناس يمكن تغفلي عنها ساعه وتروح كل الصور اخيراً اتمنى تكون عبره لكل انسانه وبالنسبه لل CD ترى كسرته وحطيته في كيس وحذفته في الزبالة وانتم بكرامه |
جزاك الله خير اولا على حفاظك على سمعة الحرمة بانك كسرت السى دى وماحاولت انك تعطيه لاحد من ربعك
او تنشره على الانترنت وثانيا للنصيحة العزيزة جعله الله فى ميزان حسناتك وستر على حريماتك |
بارك الله فيك أخي الكريم.....
والله أنا أتفادى اخذ الصور خاصة في الزفاف...ولا أضع صوري لا في الجوال ولا كمبيوتر.. جزاك الله خيرا أخي وسترك كما سترت هذه العائلة.. أكثر الله من أمثالك.. |
شكرا اخي الكريم لامانتك وربنا يجزيك خير والله انا لما قريت القصه افتكرت قصه حكهالي جوزي عن مساويء وجود الصور علي الكمبيوتر عن واحده منزله صورها علي الفيس بوك واحد زملاءها اخد الصور وعمل فيها منتجه وعمل لها صور مخله وهي رفعت قضيه والمشكله دلوقتي في المحاكم الواحد لازم ياخد باله احنا في عصر التكنولوجيا الرهيب الله يحفظنا ويحفظ نساء المسلمين جميعا |
وودي اعرف هل القصة دي حصلت لك او لاحد غيرك او منقولة
ماهي خاشة مزاجي اغلب شباب لو شافوا صور حريم عالطول يحاولوا يستفيدوا منها |
جـــــــــــزاك الله خير ياصاحب الموضوع على النصيحة القيّمة التي قد يغفل عنها الكثير .. ****** تعبت والله !!! ((وودي اعرف هل القصة دي حصلت لك او لاحد غيرك او منقولة ماهي خاشة مزاجي اغلب شباب لو شافوا صور حريم عالطول يحاولوا يستفيدوا منها)) !!!!!!! ************************************************** *************** نفهم من كلامك أنه انتهى الخير من شبابنا ؟؟ وانه مافيه ناس محترمة ؟ وأن سوء النية دائما ً مقدم ؟ وحتى لو ماكان صاحب الموضوع ملتزم دينيا ً ( هذا بالافتراض وقد يكون العكس ) .. مايغار على اخته المسلمة ؟؟ ياليت نتريث بنياتنا و كتاباتنا ... حتى لا نُجرح في الآخرين بلا قصد .. ودمتم بود , |
اقتباس:
اقتباس:
وعلى فكرة احب اقولك الشي الغريب ان حراج السيارات عندنا في مدينتا انه بعيد عن السكان يعنى كله شباب وعماله وافده وكله شباب يشتغلون شريطيه مو داخل المدن والشي الثاني انه مزدحم حيييييل انا اتوقع ان احد كان ال CD في سيارته وجاي لاحد هالصالات وهو طالع لسيارته بيروح سقط ال CD بدون ما يعلم لانه كان قريب من احد الصالات وبعدين لا تعممي تقولي الشباب يستغلو ووو ترى الناس فيهااا خير والحمد لله بلدنا طيب واهل الخير كثاااااااار وانا ماحطيت هالقصه عشان احد يثني علي او يقول الايميل او او او لكن عشان البنات ياخذو العبرة يعنى سبحان الله صاحبة ال CD مستحيل يكون تتوقع انها حتفقده وفجئه يضيع ووين يضيع ياليته في مكان محترم او مكان فيه ناس طيبه مكان كله عماله وناس الله اعلم بحالهاااا |
اقتباس:
اخي وفقك الله لكل خير جزاك الله خير على النصيحه ربما الله اراد حتى يكون ستر لهم عندماكان شخص خبيث كان معه واراد الله اضاعته حتى وجدتها والله اعلم حتى يسترهم الله اعلم لما لم تغلق مباشرة عندما رايت في بدايته وعلمت ...!! اول نظره لك والباقي تحسب عليك هداك الله وغفره الله لك اللهم آميييييييييين |
أخي الايميل
انا ماعممت لكن من قصة حصلت لي أجزم لك ان كل الشباب راح فيهم الخير الا القليل شاب كان ملتزم ويكتب في المنتديات بااسلوب داعية وعلى نياته وكان يدعو ناس يهودين ونصرانين ماسنجره كله بنات للضحك عليهم وتكذيب عليهم وأيضا يشتركون أصدقائه في تبادل الافلام العرض وتهديد الفتيات أي شخص يستنكر ان يفعل هذا الشيء بالله ويش رائك بهذا الشخص انا ماصرت أثق بااااااااااااااحد بس سالتك بالله ان تكسر دسك حق المراه لان حدثت لقريبة لي كانت تقتني جوال وفيها صورها مع زوجها ونسيته في مطعم والمطعم أغلق ولله الحمد أن زوجها ماطلقها ومن حسن الحظ حصلت الجوال ماانسرق الدنيا ماصار في أمان وانا اتفق مع راي اخت سابقة ماكان يحق لك تشوف صور |
اقتباس:
كلامك صحيح لكن تعرفي حب الاستطلالالالالالالالالالالالاع وشي في النفس ودك تكتشف ووو لكن بالأخير ما راح يرجح الا راي العقل والحق انو حرام احد يشوفوه فكسرته وبعدين انا حاط القصه عبرة للبنات اللي يقولوا واثقين وصورنا ماحتنسرق ووو مو جاي اقول شنو اسوي شكراً لك |
اقتباس:
معك حق يا خوي لكن انت شوفت واحد احنا شوفنا 10 و 20 و 30 لكن مو يعنى كذا ان الشباب كلهم كذاا بالعكس الواحد ما يعمم والدنيا بالخير ودايم الانسان يقول الللهم ارنا الحق حقاً وارزقنا اتباعه وارنا الباطل باطلاً وارزقنا اجتنابه وفقك الله لكل خيررر |
فعلا مشكلة
شكرا للتنبيه أخي جزاك الله خيرا |
بارك الله فيك أخي الكريم أحسنت التصرف وفقك الله |
ااااااااااااااخ بس
قبل اسبوع زوجي اخذ جوالي وانا حريصة جداً عليه بس كان جواله معطل واخذه جوالي يستخدمه وكل يوم احن عليه ابغى جوالي وراح المطعم ومدري كيف انسرق الجوال لانه خلص عشاء والظاهر انه حاطه ع الطاوله رجع ما حصله وانا ميته رعب من يوما بالرغم ما فيه شي الا صورة عاديه لي ووحده لبنت اخته بس بجد من يومها ما نمت نهائي وللأن تجيني افكار غريبة وفضلت ادق على الجوال لحد يومين لكن ما فيه رد يارب يكون راح مع الزباله ولا ينحط في يد ناس ما تخاف الله الله يستر على الجميع مشكور على النصيحة |
الله يستر علينا دنيا و اخره
|
اقتباس:
في وقتنا هذا قليل تلاقي رجل بهذه الرجوله ...... لوانه من اللي مايخافون من الله استغله بمايغضب الله ....... بدل ماتقولي كلمة حق فيه انتقدتي !!!! احييك اخي الكريم ......على النصيحه وستر الله عليك وعلى زوجتك رجل بمعنى الكلمه......... |
شكرا على النصيحة ..
|
الدنيا لسى بخير جزاك الله خيرا
من ستر مسلما ستره الله يوم القيامه |
اخي الكريم ... من كل قلبي اقولك الله لا يحرمك اجر مافعلت ويجعله بموزاين حسناتك وصدقني بتشوفه بنفسك ومالك واسرتك ...
والله سبحانه وتعال هداك لتاخذ ال CD لتستر اخوانك المسلمين .. سترك الله في الدنيا والاخرة .................... واكيد يوجد الكثير من ابناء الامه الخيرين والطاهرين العفيفين ولكن القله هم الطائشين والمفسدين ... حفظنا الله واياكم من كل شر ......... |
بسم الله الرحمن الرحيم
جزاك الله خير اخوي واحسن اليك سبحان الله فيه نساء هنا نعتقد انهن يبحثن عن الفائدة في هذا المنتدى المبارك واخذ العظة والعبرة وفي نفس الوقت يشاركن بمشاركات في هذا الموضوع لا اعلم ماذا يردن منها بالضبط .!! وحدة ليش تشوفه والثانية تشطح لي بقصص ليس لها علاقة بالموضوع والثالثة والرابعة ... الخ سبحان الله ترمين صوركن وفضائحكن في الشوارع ولا تردن احداً ينظر لها هههههه شر البيلة ما يضحك احمدن ربكن انه حس بمسؤوليته وحذركن من رمي صوركن في الشوارع وايميلات الذئاب البشرية الذين يضحكون على عقولكن بكلمة وكلمتين ويجعلونكن تفشين ليس اسراركن فحسب بل اسرار جيران جيرانكن .!! ومن ثم تأتيتن هنا وتتفلسفن . اما نظرة اولى وثانية فهذا ليس بشغلكن ، احفظن اعراضكن أولاً ولن يستطيع احد النظر . بارك الله فيك اخي وجزاك الله كل خير |
| الساعة الآن 01:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©