اصبحت مشهوره عالمياً انتبهي
يا اخوات انتبهو من وضع صوركم على الكمبيوتر او على الجوال او على اي حافظة الكترونية
الجوال ممكن يضيع منك بأي لحظه وممكن يسرق
ووقتها تكون الطامه طامتين والكمبيوتر العن والعن ممكن احد يهكر عليك او احد اخوانك الصغار يرسل صور بدون مايحس بخطورة الوضع
ما اطول عليكم وبقولكم شو صار معي
مالكم بالطولة
قبل كم يوم رحت لحراج السيارات وكنت ابحث عن سياره بشتريها
المهم وانا اشاهد سيارة واترك الثانية وادخل من صاله واخرج من صاله وانا خارج من احد الصالات متوجه للثانية ماشي ومعي عدد من اخواني واحبابي
شفت CD ( اسطوانة كمبيوتر ) مرمي على الارض ونظيف اخذته وناظرت فيه شفت ان السيدي مليان
اخذت منديل ومسحت التراب من عليه وحطيته في جيبي اخواني يقولوا ويش تبي فيه وووو
فأنا ضيعت الموضوع وكملنا طريقنا للصالات وكنت ابحث عن سيارة نظيفه
لكن للأسف مالقيت
جيت البيت رميت ال CD في الدرج وخرجت مع بعض اخواني ومارجعت الا اخر الليل
جيت بشيك ع النت
تذكرت ال CD وحطيته في الكمبيوتر وللأسف ويش كان فيه ؟؟؟؟؟؟؟؟؟؟؟
كله صوره لرجل وحرمه وبنوته صغيرررررره وواضح انها عائلة
صور الزفاف وصورهم وهم في البيت ومع اهلهم وصور فاضحه مرررررره وصور الزوجه مع اخواتها وصور العجايز ومع زوجه
وشي عجيب مررره ال CD يمكن فيه 200 صور و مقاطع
شوفوا هالزوجه اللي صورت هالصور هل كانت تتخيل ان هالصور بتوصل لاحد ؟؟؟؟؟
هل كانت هالزوجه تتصور ان الاسطوانه ذي بتضيع في حراج السيارات ؟؟
والله لو كان عندها تصور ربع في ال 100 ما سوت هالشي
فلا تثقون بالتقنيه مهما كان الوضع
وكل صورك احذفيها من الجهاز ما تدري شلون بتوصل للناس
يمكن تغفلي عنها ساعه وتروح كل الصور
اخيراً
اتمنى تكون عبره لكل انسانه
وبالنسبه لل CD ترى كسرته وحطيته في كيس وحذفته في الزبالة وانتم بكرامه
31-05-2009, 02:35 PM
ضوابط المشاركة
العرض الشجري