|
ألحقوني أبغا أنحف خلال 15 يوم
يا جماعة الخير أنا وزني 105 كم وطولي متوسط، وأتمنى أن لا يدخل علي شهر رمضان إلا وأنا نقصت عشره كيلوا على الأقل، يعني أبغى برنامج معقول وسهل سواء كان رجيم أو رياضة أو أي شيء بس ألحقوني ياجماعة، الحقوووووووووووووووووووووووووووووووووووني يارب يسر الخير لمن ساعدني ووفقه في حياته |
الرياضه مع التخفيف
فيه جهاز رياضي اسمه ايروترك مرررررررررررررررررره حلو ما جربته بس اعرف ناس مجربينه واللي مجربه كان يستخدمه ساعه يوميا بس يمتنع عن الاكل لمده ساعه قبل التمرين وساعه بعد التمرين مع التخفيف يعني كل كل الي نفسك فيه بس (ذواقه ) ابتعد عن المشروبات الغازيه يعني اقطعها والله يحقق لك ماتتمنى |
الله يخفف عنك
ماشاءالله شكل عندك عزيمه قويه أنصحك أطلع أعمل رياضه آخر العصر جري أو مشي حاول تمشي ساعه كامله يومياً في البدايه راح تتعب بعدين تتعود بعد كذا حاول تمشي ساعتين لو ساعه نهايه العصر وساعه في الليل كانك تسهر قبل الفجر أو قبل كذا ابتعد عن الكبسات والخبز الابيض والحلويات والمقليات كثر من شرب الماء حتى وانت تجري او تمشي .. ركز على الخضار والفاكهه والخبز الاسمر والله يخفف عنك .. وانتبه لنفسك من الامراض لان السمنه مرض ننتظر النتائج |
اخوي انتو الرجال
ماشاء الله عندكم نوادي في كل حي وفي كل مكان وسعرها ما يزيد عن ال 300 وعندهم عروض اذا اشتركت ثلاث شهور يعطوك شهر مجاني غير الاشياء اللي جوة النادي ببلاش زي المساج وغيره انصحك تروح لاقرب نادي وتجلس فيه اكتر وقت تقدر عليه وتخلي اغلب الوقت يكون سباحه السباحه افضل رياضه مو زينا احنا البنات النادي الكويس بالف ريال في الشهر اتمنى تحقق امنيتك وتنحف نسيت اقولك ما تاكل غير شويه واقل من شويه كمان |
شوف بعطيك رجيم { كان} يسويه زوجي بس {الحين} ماشالله عليه ضعيف بس لازم تمشي عليه وربي انه اول كل يوم يطلع لي برجيم ولاطراه ينزل كيلو بس من سوى هالرجيم بسرعه ضعف
يتبع بعد الصلاه |
ما ابغي احبطك .. بس حط في بالك
مستحيل ينزل وزنك 10 كيلو قبل رمضان يعني بقى اسبوعين تقريباً بس على رمضان أنت تقدر تزل أكثر شي 4 كيلو بس ولا تطلب أكثر من كذا لأنه غير صحي بالمرة وتقدر تستمر على الرجيم + الرياضة في رمضان عشان تكون تمام في العيد وإن شاء الله الأخوان يعطونك نظام تمشي عليه مع الرياضة ضروري عشان جسمك يحرق اسرع |
جزى الله الجميع خيراً على التفاعل وعلى النصائح الطيبة وفي انتظار المزيد |
اسمعني اخوي
لا رياضه ولا خرابيط اسمع كلامي وماارح تندم ابدآ انا كنت105 والحين 89 هل انت مستعد انك تضعف عطني خبر وبعطيك كل المعلومات اللي تبيها واقص يدي اذا خليتك تجوووع انتظر ردك |
بقول لك الرجيم
لازم ما تتعشى وتمشي باليوم ساعه اول ماتقوم الصباح اخذ لك لتر ماي واشربه على فترات موشرط مره واحده واذا قدرت تشرب ازود من لتر اشرب تراه السر الفطور افطر اي شي بس ابعد عن الاطعمه اللي سعراتها الحراريه عاليه مثل المعجنات التمر الفواكه حط في بالك ان لو كليت تمره وحده يبيلك نص ساعه عشان تحرقها اذن بلاها دور بالنت جدول للسعرات الحراريه للاطعمه وبالنسبه للغداء عادي اكل لين تشبع وترى الرز المشخول مايضر مافيه اكثر من الاندونيسين ياكلونه ومالهم بطن |
جزاكم الله خيراً جميعاً على هذه المعلومات والتي إن أخذت بها فسأموت قبل رمضان :d ((أنوثة الفرس)) شكله المعلومات عندكم بفلوس ياليت تعجلوا بالمعلومات ألحقووووووني أنا من الصباح إلى الآن ما أكلت شي:24: |
اقتباس:
|
سوري يا اخوي لا بفلوس ولاشي
افا عليك وصدقني المعلومات اللي بيعطيها لك من غير رياضه لانه اكبر غلط تمشي وانت فوووق 80 لا اسباب كثيرة من ضمنها انحناء في الظهر وو الالم الركبه طيب نرجع لموضوعنا شوف ..... لازم تسمع كلامي بالحرف الواحد اول ما تقوووم الصبح على الرييييييييييق >>> لازم على الريق تتسبح بماي دافي الى حااار قليلا لدرجه انه جلدك يستحمل الحرارة وتركز على الاماكن اللي فيها دهووون وتحمل تحط الماي الحااار على وجهك او شعرك وبعد ساعه ونص تاكل والاكل وشهو عندك عده خيارات 1- سلطه خضراء تتكون من خس + خيار مع السلطه تحط روووب او لبن وبعدها تشرب ماي عادي اذا تبي 2- تمرتين مع لبن 3- تبوله من غير برغل مع روب او لبن هذا الفطووور والحين بنجيك بالغداء وعندك عده خيارات ولازم الدجاج اللي تستخدمه يكوون ابو 600غرام او 700 او 800 غرام طبعآ مستغرب وش معنى هالاعداد انا بقولك الدجاج ابو 600 او 700 او 800 فيه الفايده احسن من بو 1000 او 2000 لانه كلهم فيها بروتينات يعني ما في فايده نرجع لدجاج وتقدر تاكل هالدجاجه في الغداء او العشاء او دجاجه من الطازج اللي الوجبه ام 19 ريال اللي هي تتكون من ( دجاجه وطحينيه فقط ) من غير بيبسي ولا خبر ) طيب نرجع للغداء الدجاجه هذي تقدر تسويها اكثر من صنفين مثلا تاخذ ربع الدجاجه وتسويها شوووربه وتاخذ الصدر الدجاج وتعملها سلطه دجاج والباقي تشويه او تسوي الدجاجه كلها وتنظفها وتحطها داخل الفرن مشويه مع الكوووسه والفلفل البارد والجزر والطماط طبعآ الطمام ما تاكله لانه يسبب احتباس الماي في الجسم او تاخذ نص الدجاجه مشويه والنص الثاني شوووربه وراح اقولك الشوووربه من شنو تتكوون طيب نرجع للغداء الغداء 1- دجاجه من اللي قلت عنه وراح تحس بالفرق من دجاج ام 1200 والدجاج ام 600 او 700 او 800 مع الشوووربه ووتتكون من جزر وكوسه وفلفل بااار والبهااار ضروري يكوون هيل ومسماار وفلفل اسوود قليل وكموون وملح قليل مع السلطه والروووب 2- دجاجه من الطازج ام 19 ريال مع سلطه خضراء وروب او لبن 3 - شيش طاووق حق شخص واحد يعني تقريبآ فيه سيخين شيش طاووق مع سلطه خضراء طبعآ الاكل كله من غير خبز ولا عيش >> رز او معكرونيه العشاء اذا انت شبعان اكتفي باكل 1- الخس او الخيار 2- روب او لبن ومش مهم كامل الدسم او قليل كلهم كذابين 3- او شيش طاوووق مع سلطه 4 او دجاجه من الطازج 5- او تسوي نفس الغداء بالدجاجه نصها مشويه ونص الباقي شووربه او نصها مشويه او شوووربه اي شي لك الاختيار او اذا تبقى شي من الشووربه اشربها باليل مع كاس ماي او لبن وربي ما خبيت عنك ولاشي وعط نفسك بالضبط 14 يوم وانت ناقص 7 الى 8 كيلو طبعآ بتشوووف كله بتقوول اشويه بس نت جرب وراح تشوووف انه يشبعك مااشا ءالله وبعدن على فكرة انا سويت هالرجيم لزوجي وكان وزنه 210 والحين اقسم بالله وزنه 167.40 طبعآ بمده ثلاث شهووور لانه كنت اسامحه انه ياكل اللي يبي احيانآ الموووهم انت بالبدايه لازم ما تزعل من وزنك لانه الزعل يرفع الوزن السفر كمان يرفع الوزن خلك طبيعي وبتشووف الناس اللي حواليك يقوولون لك وااااااااااو ضعفت وبعدين بعد كذا يووم بتحس انه معدتك راح تصغر وبعد الـ 14 يوم لك ثلاث ايام اجازة طبعآ المقالي تبتعد عنها فقط اذا تبي اكل كل شي وا تخاف من زياده الوزن لانه اذا كملت الثلاثه ابتدي مرة ثانيه بالرجيم ربنا يسهل عليك ويفرج همك ويضعف زوووجي اكثر واكثر ^_^ وتقبل مروري واي استفسار انا حاظرة |
اقتباس:
اخوي ابو الحداح بمعنى العيش المسلوق او الابيض يا عزيزي الاندونيسيين هذولا لين يا كلوون ما يقعدوون حياتهم كلها عمل في عمل يعني يا كلوون ويحرقوون الاكل وياكلون اكثر منا لانهم لما يروحون الجمعيه او السوووق كله مشي في مشي والله المستعاان على الخليجين اكل ومرعا وقله صنعا |
ماقصرتي اختي انوثه وضحت المعنى
ميزه هالرز خالي من النشاء وخفيف ع المعده وحلو |
جزاكم الله خير على المعلومات الطيبة
وغداً يبدأ الرجيم إن شاء الله |
ابو الدحداح ياليت تبشرني كل يووم وراح اكووون معاك كل يوووم عشان اعرف وش اكلت اليوم واذا حسيت بدوخه قولي ولا عليك امر كل يوم راح اشيك على موضوعك
|
اقتباس:
|
الله يوفقك يا رب
|
انا بخبرك بطريقتي وهي ماتحتاج شي
ومن تجربتي خلال شهرين ونص شهور نزلت 12 كغ في عشبه اسمها سنمكه وتنوجد عند العطارين هي ورق مطاول الشكل صغير هالعشبه تعمل ملين للمعدة كل يوم قبل النوم تغلي ماء وتضيف مقدار ملعقتين كبار من سنمكة وتتركة 10 دقائق حتى يبرد بشكل دافي وتشربه بمصاصة مته او شلمونه او صفيه واشربه هاي خطوه معدتك رح تلين وتصير كل وجبه تطلع الحمام لان مكوث الطعام بالامعاء لفترة تقطع 5 ساعات واكثر تجعل امتصاص الدهون والنشا يزيد وذلك يؤدي للسمنة عالأغلب الناس السمينه تعاني من امساك اذا لازم نلين معدتنا وهاد نبات طبيعي بالبداية يوميا لمدة شهر وبعدين كل يومين مرة حتى نمرن المعدة والامعاء ومايجدث كسل وتعود عليها خطوة ثانية الغي الخبز من حياتك وعوض عنة بالرز او بطاطا او معكرونة وطبعا ليوم اكلت رز بالغدى ماناكل بطاطا هاد او هاد وكول قد مابدك ولاتعمل سلطة غسل خس وخيار وبندورة حطن بطبق وكل بلا معلقة ورقة ورقة افضل وافيد والياف اكثر وبلا زيت وملح لان كثر الملح يخزن سوائل وانت مش ناقصك خلك عملح الطبق الرئيسي وبعد الاكل بنص ساعة بتروح الحمام لان العشبه صارت تشتغل بتحس براحة وعدم ثقل والاكل بنهضم عمهل خطوة ثالثه الغي السكر من مشروباتك وبدل بسكر قليل السعرات في سكر صناعة سعودية يستخلص من نبته نصحو فية الاطباء لان طبيعي ومابحتوي على مادة الاسبرتايم لون العلبه اخضرفاتح جيد استخدمو ل بدل السكر العادي والعشا تعشى قبل ساعة 8 وكول بدون خبز اشرب مي شي 3 كاسات ولبن أب مخضوض هيك بتحس معدتك امتلائة فيك تاكل شي خفيف بيضة مسلوقة او بسكوت شوفان اي شي والسهرة فواكة اوعصير طبيعي صدقني انا مشيت هيك ونزلت من 87إلى 75 وربنا يوفقك صديقاتي 3 اتبعن نفس نظامي وكلهن نحفن |
اناعندي حميه في رمضان حابب تسوي في رمضان ولا خلاص
اذاحابب اناراح انزلها اليوم اخدتها من اخصائية تغذيه |
جزاكم الله خيراً جميعاً ، والنفس تنشط أحياناً وتضعف أحياناً أخرى والوزن نقص شيئاً ما والحمد لله
وأعتذر للجميع عن التأخر في الرد بسبب انشغالي ، ولكم تحياتي. ورمضان قرب ينتهي والله المستعان يا (أموت في أولادي) الله يحفظهم لك. |
| الساعة الآن 03:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©