|
خطابه تقول لامي اجبروها
السلام عليكم جميعا والعشر عليكم مباركه تقبل الله منا ومنكم صيامنا وقيامنا وجعلنا واياكم من عتقائه من النار الموضوع ببساطه خطبه بالقوه:18: من كم يوم كلمت وحده وطلبت امي وقالت لها انها جايه من طرف شخص وسمته باسمه - كان جاي للوالد قبل حوالي تسع شهور او اكثر يبي يخطبني لكن الوالد ما ارتاح له هذا غير انه متزوج وعنده عيال وانا لا يمكن اخذ واحد معه زوجه (موضوع غير قابل للنقاش) المهم ان موضوعه كان منتهي قبل حتى لايبدأ- ونسينا الموضوع لحد ما كلمت هالحرمه وقالت اسمه وحاولت تذكرنا به وقالت انه شاريكم وحاب انكم تعيدون النظر وانه حبيب وفيه وفيه..........الخ قالت امي والله البنت ماتبي واحد معه زوجه وتجلس تلح على امي الا تقبلونه وكل شوي اتصال وبعد تقول طيب كلمي الرجال يبي يقنعك طبعا امي رفضت وقالت ليه يقنعني مو انا اللي رافضه صاحبة الشان هي اللي ماتبي تدرون وش قالت :19: اجبروها مايصير تجلس بدون عرس ولا راح يجي احسن منه لا اكون قاعده على قلبها وانا ماادري!!!!!!؟:(:mad: قالت امي هي كبيره وعاقله وتعرف مصلحتها قالت عطيني اقنعها طبعا امي عطتني السماعه عشان تتخلص منها تقول ليه ترفضينه عطيني سبب مقنع وش فيه عشان ترفضينه - قلت انا ما رفضته لشخصه لكن ماابي واحد معه زوجه *ليه وش فيها صدقيني هو شاريك ويبي يسعدك -بس انا اعرف نفسي وش ماسوى ماراح اكون سعيده بوجود زوجه ثانيه * طيب كلميه يبي يتفاهم معك - ليه اكلمه وعلى ايش نتفاهم المهم انها طولتها وكل شوي مكالمه وتعيد نفس الكلام وحسيت انه معاها وهي تكلم وهو اللي جالس يلح قال ايش سببي مو مقنع و هو جاهز لاي طلب اطلبه فوش ابي اكثر من كذا المهم ما ارده ليه الرجال مو راضيه تفهم انه مولازم يكون فيهم عيب عشان ينرفض طلبهم قد يكون كامل ومافيه ولاعيب بس مايناسب ومو شرط يسعدني يعني مثلا لو كان عندي بلوزه (قميص ) جدا جميل وانيق مريح الوانه جميله وعندي تنوره ايضا من افضل التنانير عندي جدا انيقه ولونها جميل وخامتها راقيه لكن الثنتين مو لايقين لبعض لو لبستهم مع بعض بيطلع شكلي قروي:26: مع ان كل قطعه لحالها اكشخ من الثانيه ممكن البس مع القميص تنوره عاديه ويطلع لبسي ولا احلى وكذالك التنوره ممكن يناسب لها قميص ثاني حتى لوكان اقل من الاول وقد تكون هناك موانع اخرى مانرغب بذكرها حتى لانتسبب بمشاكل للاخرين او بمشاكل لنا مع الاخرين:16: فليه الالحاح هذا اللي ماله داعي ليه مانحترم رأي الاخرين حتى لو ما اقتنعنا فيه. واسفه على الاطاله ودمتم. |
الله يعينك ويرزقك بالزوج الصالح يارب قريبا
|
اختي الكريمة زهرة نجد
كل عام وانت بخير أسأل الله الكريم ان يرزقك بالزوج الصالح الذي تقر به عينك .. أود ان اجيبك عن نقطة هامة جداً لسؤالك اقتباس:
لذلك فإن وجود زبون مثل هذا الخاطب مغري مادياً بالنسبة لها ..فربما وعدها هذا الخاطب بمبلغ محترم في حال موافقتك ..ولاحول ولاقوة الا بالله العظيم .. بالطبع الخاطبة لاتفقه الا بلغة الحسابات واكثرهن مجربات لدينا ..ونادراً ماتجدين من تخاف الله في بنات الناس الا من رحم ربي .. لاتغضبي وتفسدي على نفسك هذه الايام العطرة الجميلة المعبقة بريحان الطاعة وعبير الشوق الى الجنة التي فيها كل امالنا واحلامنا وتطلعاتنا ومنتهانا بإذن الله تعالى .. اسألي الله من فضله وسيأتيك بإذن الله ماتقر عينك به .. ولاتنسي ان تدعي لهذه الخاطبة واشباهها بالهداية والصلاح ..وأن يكف الله شرهن عن بنات المسلمين . |
من إلحاح الخطابه اعتقد كما ذكر ابو فراس انها مسألة تجاره لا اكثر ولا اقل
والخطابه تبي قيمة السعي وممكن الرجال دافع لها مبلغ محترم ومغري .. ولاحول ولاقوة الا بالله ؛؛؛ اسال الله الهاب الرازق ان يرزقك ويرزق اخواتنا ازواجاً صالحين .. |
لاااا لاااا
مصختهااا مررررة هذي خطااابة ((نقاااقة )) خلااااص ما تبغين تتزوجين ايش تبغى عجيب؟؟؟ او تصدقين يمكن الرجااال حبك من اوول نظررة :o <<< ما ادري كاان فية نظرة اولااا وقاال بيبذل الغاالي والنفيس حتى تررضي وهي طاااحت بينكم امااا اذاا مرررة ما ودك تتزوجينة قولي لأمك لا عااد ترد عليهااا ابداااا اعرف في قديم الزماان كان الاب يجبر البنت الان الخطااابة <<<<<<عشناا وشفناااا اما مثااال التنورة والبلووزة <<<<<اعجبني جداااا:d:d الله يوفقك ويرزقك على قد نيتك يااارب |
طارق h
ومن قال آمين شكرا لك اخي ابو فراس واخي حسن شكرا لمروركم لكن للاسف هذا اللي كنت اضنه بالاول لكن الظاهر اني غلطانه لاني حسيت ان عندها احد وهي تكلم وانتبهت انها بين كل كلمه والثاني (طيب ليه ما تكلمينه كلميه وتفاهمي معه) اللى مضايقنب ان لساني زل وقلت كلمه مو حلو اني اقولها بس كنت ابي الفكه وتضايقت اكثر لمى حسيت انه كان يسمع كلامي خصوصا ان اهله هم النسايب الجدد لاهل طليقي ويقول انه يعرف سالفتي مع طليقي يعني معقوله يعلمون نسايبهم الجدد سوالف ولدهم وعلومهم الشينه بصراحه شيء ما يدخل العقل وغير مفهوم واللي ماينفهم يخوف ما اقول إلا الله يكفيني شرهم |
اختي دايموند
اسعدني مرورك ومافيه لا نظره اولى ولا اخيره ولا حتى اهله شافوني |
هلا اختي الغالية زهرة نجد والله إذا انتي مقتنعة انك ماتبينه اجل خلاص الموضوع انتهى
والخطابة ماتبي الا مصلحة نفسه واحسن حل مثل ماقالت اختنا لاتردون نهائيا على اتصالاته الله يرزقك بالشاب الصالح الي يسعدك موفقه-------------- |
أقول يا زهرة
اقتنعت و الا ما اقتنعت بكيفها بصراحة ما توقعت توصل لهالمواصيل ان الخطابة تلزم و تصر !!! إذل طولتها اطلبي من ابوك يسوي اللي عليه عشان توقف الأطراف المتحالفة عند حدها من جد حاجة عجيبة ! |
انا افكر بموضوعك
واعتقد ان الرجال خطبك ..لان طليقك طلب منه يجس النبض ويشوف وش سبب رفضك يمكن انتي رافضته عشانك مازلتي متعلقه بطليقك وبهالحاله يرجعك طليقك لعصمته والله اعلم او ان طليقك ذم فيك شي وهالشي عاجب الرجال وقال بياخذك عشانه والله اعلم |
اخواتي حنين للامل واطياف
اسعدني مروركم وفعلا هذا اللي سويته كل مره تكلم يصرفونها لحد ما يأست والحمد لله صار لها يومين ما كلمت وان شاء الله تكون ضيعت رقمنا اللي قاهرني انها عارفه انها لزقه وتقول لامي لا تعلمينها ان ابي اكلمها بكلم مره ثانيه واطلبها بدون ما يصير عندها خبر من انا وش ابي عشان تكلمني |
اقتباس:
عموما اكثر شيء ضايقني اني قلت ما ابي اتزوج عشان ما ياخذ طليقي عيالي مني وانا كل هالايام قاعده اضغط على نفسي عشان ابين لطليقي ان ما عندي مشكله اذا تبي العيال عندك ماراح يضرني لاني عارفته قاعد يدور اللي يعاندني به على امل اني اندم وارجع له او يحب ينتقم مني لاني رفضته واذا وصله هالكلام او وصل اهله بيخرب على كل اللي سويته الله يستر |
اختي وش سالفتك بالضبط؟؟
يمكن فعلا طليقك يبغاك .. بس مايبي يذل نفسه ... هو جااك وصديتيه؟؟ فكري بالموضوع اختي .. معقوله كرهتيه لهالدرجه؟؟ |
اقتباس:
بحاول اختصر انا ما انفع لابو عيالي بالرغم من حبه لي لكن للاسف حب تملك ما يبيني اضحك إلا معه ولا انشغل إلا به ولا افكر الافيه هذا غير انه يعتبر الحب ضعف يتيح لي السيطره عليه فكان يحرمني من حبه وحنانه ودائما يكون ضدي في اشد المواقف اللي احتاجه يكون معي فيها ووقت ما اوقف انا معاه او اسويله شيء زين يسعده يعاقبني عليه ويحاول يقلل من قدر اللي انا اسوي او يشكك في نواياي كله عشان يخاف اشوف نفسي عليه او امن عليه بالرغم من اني عمري ما حاولت ولا حتى فكرت لكن زي ما قالو اقاربه هذي عقدت النقص اللي عندهم وزارعتها امه فيهم من صغرهم وهذا الشيء نتيجة انه تربى على عقد نفسيه من صغره تحولت الى مرض نفسي وكنت احاول اكذب نفسي واقول بيتغير لكن كل ماله ويزداد وتصير الحياة معه لا تطاق وبعد ما طلبت الطلاق ظهر جنونه الحقيقي وما بقى احد من اقاربي اللى هم اقاربه ما قال هذا مريض يحتاج علاج وليه ساكته كل هذي السنين كل هذا كان ممكن يتصلح وارجع له لو كان فعلا جاد في الصلح وتعديل حياتنا للافضل والمريض يتعالج لكن المشكله موقف اهله بين لي الحلقه المفقوده بكل الامور اللي كانت تمر علي وانا مو فاهمتها وعرفتهم على حقيقتهم ( بشعه لدرجه ما اقدر اوصفها ولا حتى استوعبها) كنت انا واهلي ومعظم اقاربي مغشوشين فيهم حاولو يستغلون نقاط الضعف اللي في ولدهم في تقويته علي و تخريب اي اتفاق اصلح انا وياه عليه (بدافع الغيره من ولدهم ) وهو تحت شورهم مع انه عارف انه ضد مصلحته لدرجة انه يطلب مني احميه منهم ومن ضغوطهم عليه طبعا هذا الشيء غير ممكن بدون مساعدته هو تعقدت الامور بيننا وتسبب هو واهله بدخول الشرطه والمحاكم بيننا بعد ما سوو اللي ماينتسوى وكل ماراح لهم احد من اقاربنا عشان يكون واسطه خير يهينونه ويطولون لسانهم عليه المهم اني حصلت على طلاقي بعد سنه من خروجي من المنزل وبعد ما عافته النفس تماما وانا اقول الحمد لله اللي ربي خلصني منه ومن اهله حاول يرجعني اكثر من مره قبل ما توصلني ورقتي وبعد ما وصلت وبعد ما تزوج من ثانيه معتقد اني بغار واجي له اركض لكن كل محاولاته رفضتها لانه ما كان عنده اي استعداد يغير شيء وبعدين خلاص النفس عافت واللي صار منه ومن اهله خلال هذيك السنه ما يتصلح ابد المشكله الان انه مازال يتبع اخباري وطبعا هذا الشيء سهل لاننا اقارب ويحاول يضيق علي ويتحكم فيني من خلال عناده لي باطفالي واسفه على الاطاله |
| الساعة الآن 09:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©