|
زوجي قال لي كلمة مهينة ولا يكلمني
السلام عليكم انا بالنسبة لي اضن ان زوجي فيه من صفات الشمالي من ناحية قسوته في فهم مشاعري انا صحيح احبه لكن من فتره من 3 سنوات صارت بينا مشكله كبيره شوي قست قلبي عليه بالرغم من اني احس بسعادتي بوجوده لكن قسوته علي خلتني اقسي قلبي عليه لاني عرفت اني اذا حبيته اكثر من نفسي ورضيت لنفسي ضيقة الصدر راح اموت من الغبن بعد المشكله صرت ابرد مايكون عند الزعل لما هو يكون غلطان صار مايهمني اني ارضيه عادي اتركه بصمت واهو كمان مرت ايام كان يزعل ويخليني وكنت اعاني وابكي واحاول ارضيه لكن الحين هيهات هيهات ان احاول ارضيه لان كانت محاولاتي تبين ضعفي له بالنسبه لي الان اتركه بصمته ما احاكيه ولا يحاكيني بعدها اروح اقول له بالفم المليان انا مايهمني ترد علي او لا انا بس بقولك ان انت غلطان وانك جرحتني انا مابيك تراضيني ابيك تعرف خطأك واروح واخليه. انا شخصيتي قويه مع الاخرين وعمره محد يتجرا يغلط علي لكن مع زوجي اخاف من سلاطة لسانه ما احب اسمع كلام يهيني اكره ها الشي لابعد الحدود انا غايه في الرومانسيه لكن سلاطة لسانه معي حرمتني الاستمتاع ببعض الرومنسيه انا ما اظلمه من ناحية ان مراعيني ومساعدني ومايقصر عني لكن انا افتقد للرومانسيه للكلام الجميل وللاحترام.اللي ممكن مع الايام افقد حبه بداخلي . انا عارفه ان كلامي مكركب بس لاني متضايقه شوي منه لانه بالامس صارت مشكله وقال لي كلمه مهينه بحقي (ح ي و ا........) انت اعرفوها بالرغم من اني بس قلت له بكل هدوء انت غلطان لانك ماقلت لي مسبقا ما اقول؟؟ قالي الكلمه اللي قلت لكم اياها قبل بس هذا اللي صار رحت خلصت واجباتي واهو كمان راح خلص واجبه لحال ونمت بعدها بوقت جاء ونام بس. انا الى الان ما احاكيه ولا يحاكيني رحنا للمعهد ورجعنا بصمت حتى في المعهد لما نكون في الفصول مانحاكي بعض . كل اللي ابيه اني افضفض لكم وتبينون لي وجهة نضري صح ولا خطاء من ناحية معالجتي لمشاكلي |
اتمنى القى منكم ردود تضيف لي الكثير
|
.
. اختي عفوا مشكلتك مش واضحه بالضبط .. يعني ايش العيوب اللي مزعلتك من زوجك بالضبط ؟؟ |
مشكلتك على سلاطة لسانه صح
غاليتي ترى اذا تكلم عليك بهذا الكلام ماراح تنقلب الدنيا بالعكس الدنيا ماتتغير بس احنا يا الحريم طبيعتنا ما نستحمل الكلام اللي يسم بدنا انا انصحك انك ما تكونين عنده اذا بدى يتلفض يعني اطلعي عن المكان اللي هو موجود فيه او حاولي انك تهدين الوضع من حركات او الفاظ اذا كنتي تقدرين تستحملين ... بعدين ممكن في بعض الاحيان يكون الرجل يمر بضغوط نفسيه ولايلقى الا زوجته يحط الحره فيها .. اقول لك اذا رحتي وقلتي انا ماراح اهتم برضاك او لا تراه بيصدق لأن طبيعتهم يصدقون الكلام اللي يقال لهم انصحك انك تلتزمين بالصمت والهدوووووووء وصدقيني هو راح يلاحظ التغيير اللي يحصل لك يحس ان هدووئك قوه ويصير هو اللي يتكلم معاك بدال ما انتي تتكلمين معاه ولاتعاندينه تراه راح يعانده اكثر واكثر يبغاله مسايسه وراح يطلع معاك تمام وسيطري على عصبيتك مثلا اذا حسيتي انك بتعصبين عدي حتى 100 او ابتعدي عن المكان ..... غاليتي انتي تستخدمين حبوب منع حمل ؟؟؟ تراها هي اللي تجيب العصبيه والنرفزه والاكتئاب وعدم تحمل الزوج |
هلا فيكم خواتي برجع اقولكم المشكله بكل وضوح امس انا كنت اكلم قريب لي ...كنا نتكلم وقلتكنت في السوق مع بنتي لوحدنا سالني هو ليش كنتوا لوحدكم انا رديت بكل صراحه ان زوجي حطنا وراح لصاحبك لانه يدور له على سياره هو كان يناضرني فجاء طير عيونه في وقال ليش تقولين انا قايل لصاحبه لا يعلمه .؟؟؟ اهو لما يتكلم معاي مابين لي انه مايبي احد يدري لاني متعوده انه يقول لقريبي كل شي خصوصا ان احنا كلنا مغتربين .. زعل.... ورمى كم كلمه من ضمنها اللي قلتها قبل انا كل اللي قلته انت غلطان ماقلت لي انك ماتبيه يدري ماتوقعت ابدا بصراحه ... والله كلمته بكل هدؤ وربي شاهد علي خلاص راح طلع من المكان اللي انا فيه انا انقهرت وحز في خاطري احنا مو بزارين عشان يتلفظ بالكلام هذا علي . انا ماحاكيته من امس الى الان واهو نفس الشي هل انا على صح ولا خطاء بس انا ما استخدم حبوب منع الحمل ولا حاجه |
عزيزتي ياما وياما سمعنا من الكلام اللي يسم البدن ..
أنا زوجي يوم يعصب مايدري من قدامه وهات كلام زي اللي قلتي وأكثر بالبدايه كنت أتنرفز واتضايق وأعصب وماأحاكيه.. بالاول يهتم وبعدين صار يطنش .. لكن بديت بطريقه جديده والحمدلله صار من نفسه يجي يعتذر لي .. أول مايتلفظ شي زي كذا أسكت بكل هدوء أقوله جزاك الله خير يعني هذا قدري عندك ؟؟؟؟ وربي مايمديني أسكت إلا هو معتذر .. الحياة تبي صبر وخاصة أنتم بغربه يعني أكيد تعانون من ضغوط الغربه أو الدراسه أو أي ضغط .. الله يوفقك .. |
السلام عليكم خواتي ورحمة الله شاكره لكم تعاونكم معي ومشاركتي بمشكلتي الحاليه انا بصراحه لازلت ما اتكلم معه , بس لايكون في بالكم اني ما همني لا انا متضايقه من استهتاره بخطأه تجاهي واصراره على الخطاء بعدم اعتذاره او على الاقل تقديم مبرر لي الان يومين ونص مانتكلم بس انا ابي اوقفه عند حده لانه لازم في هالمواقف الواحد يقوي من قلبه شوي . انا هذا رايي واتمنى تعطوني حل غير الاعتذار لاني ماراح اعتذر على شي انا غلطت فيه. لاني ماحب الزعل يطول ابي اقوله كلام يجمد على الشارب بكل هدوء اتمنى تزودوني بحلول. |
عفوا اقصد ماراح اعتذر على شيء ماغلطت فيه |
ولا يهونون الاعضاء اللي ردو علي لهم مني جزيل الشكر لكن 149 زياره واربع او ثلاث ردود فقط ؟؟؟ انا فعلا بحاجه لاراء الاعضاء التي قد تكون طوق النجاة بالنسبة لي. |
طنشي الوضع وسوي نفسك انك مو مهتمه
واكشخي وخاصة الاشياءاللي يحبها وعطيه حقوقه يعني لاتتغيرين عليه والتزمي الصمت وانشغلي بأشياء اذا كان موجود واذا قدرتي تتفنني في الاكل يكون احسن هو من نفسه راح يبدى في السؤال طبعا تناقشي معه بهدوء وقولي انت ما نبهتني اني ما اعلم ليش ماقلت لي؟؟لو انك قايل لي من قبل كان ماعلمت وانا اعرفك انت وياه مع بعض ؟؟ اتوقع ان زوجك علشان بيشتري له سياره نفسيته زفت لأن طبيعة الشمالي يتأثر باللي يشغل باله بشكل كبير ولا يتكلم ... ولاتنسين تسييح الشعر لأن طبيعتهم يحبون الشعر المسيح |
وترى انا امرأم مو رجال
على قولة بكر الشايب مدام المختار هههههههههه <<شكلها اعجبها اللقب |
حبيبتي اكيد بينيله انه غلط بحقك،،ولا تعلميه انه يسبك ثاني ويشبهك بالحيوانات،،،
حاشى لله ان الانسان الذي اختصه الله بنعمة العقل يسمى كذا.. حبيبتي خليك على وضعك،واذا كلمك ناقشيه بهدوء وفهميه غلطه حتى ما يكرر لي قاله مرة ثانية ´ الله يسعدك ويهنيك |
اختي فالي طيب؟؟؟
يمكن هو منحرج من قريبج عشان كذي اهو مطلع حرته فيج!!؟؟؟ ع العموم لاتكبري السالفه وتخلي الشيطان يدخل بينكم، انتو فالغربه وكل واحد محتاج لثاني . ( اسألي المجرب)....... ومازلت انتو مو فبلادج اي مشكله صغيره او اختلاف فالراي تروحي بيت اهلج عسب تغيري جو او تنسي الموضوع او بمعنى اصح ماتردي لبيتج الا والحل بيدج انتي بعيده ماعنده الا رب العالمين ومن ثم زوجج يكفي هم الدراسه ومشاكلها بعد تتناقرون ع ابسط الامور ، خلي المشاكل والخصام لشي يستاهل . ولاتخلي زوجج ينام وهو زعلان حتى لو انتي الزعلانه خلج الاحكم والاصلح وسيري كلميه ، وكلميه بطريقه عاديه واذا شفتيه مارد ادخلي بالموضوع واشرحي له سبب زعلج وفشو اخطأ معاج،،،،، والاهم من هذا كله لاتعوديه ع الخصام لانه اذا تعود ماراح هتم فيج لو تميتو سنه متخاصمين بيقول فخاطره تعودت وما راح يهتم ’ خلج الاحسن شو فيها لازم احد منكم يتنازل عشان تصلح الامور وتمشي الحياه اتمنى لج الصلاح في الدنيا والاخره تقبلي مروري |
انا من رأيي تكونين انت طرف في الصلح و الخير و اسألي مجرب انا انسان سمعت زوجتي اعظم من اللي قالك زوجك بأضعاف حطي نفسك مكانها تكلمت في امها وابوها و اعز ما لها في هالدنيا و مع ذلك هي اللي تجي و انا المخطي عليها
ما اقول ان اللي يخليها تجي هو تكبري و كرامتي الزايدة و انما عقلها و تفهمها للأمور و اقسم لك اختي الكريمة اني الآن احسب للكلمة الف حساب قبل لا تطلع ليه .......؟ لأنها هي سحرتني بكلامها دايم تقولي انت جرحتني في اهلي و في اعز ناسي بس عادي لانك زوجي تخيلي زوجك سوى كذا معك اختي ان من البيان لسحرا و نصيحة لوجه الله انسي فكرة انه هو الغلطان وهو المفروض يعتذر و شوفي حسني النية مع الله و ادعي ربك انه يسخره لك ودايم استشعري ان زوجك ترك بنات العالم كله و اختارك له زوجه و كان بإمكانه ما ياخذك و الكلام ينطبق عليه بمعنى انك انتي قبلتيه زوج لك و تركتي كل الرجال واكيد تقدم لك غيره كثير صح ؟ المهم بنبهك على نقطه ترى بعض الناس ما ينفع معه الأسلوب المباشر و اولهم محاكيك ينفع معي التلميح لمحي لزوجك من بعيد لبعيد و من واقع تجربه شخصية (انا ما دمر بيتي إلا سالفة كرامه و سالفة هي المخطية لازم تعتذر و لازم كل واحد يتغلى على الثاني ) والله ان ما فيه كرامه بين الزوجين داخل البيت بحدود الشرع و المعقول . اختي لو ان زوجك جاء في يوم من الأيام بيرمي الزبالة وانتي بكرامه و بدال ما يطلعها برا حطها قبالك وش راح تسوين معه ؟ اتوقع بتفقعين و جهه صح ؟ لا زم تتذكرين قصة خير الأنام عليه الصلاة و السلام مع اليهودي اللي كان يرمي الاوساخ امام بيت النبي عليه الصلاة والسلام و لما فقد الاوساخ استغرب وسأل عنه و لقاه مريض و راح وزارة . ثقي ثقه تامه اني اريد الخير لك ورب العزة والجلال سأكتب نقاط و تأمليها : 1. كيف ساد محمد عليه الصلاة و السلام في الأرض و اصبح اعظم شخصية ناجحة عبر الأزمنة والعصور ؟ هل ساد بسبب محافظته على كرامته كما نزعم نحن ؟ و هل ساد بسبب الحساسية الزائدة ؟ اترك لك الجواب جاوبي في نفسك 2. زار محمد عليه الصلاة و السلام شخض اهانه برمي الاوساخ عند باب بيته ، زار شخص اساء إليه ،زار شخص لا يؤمن بالله و اليوم الأخر اما زوجك فيؤمن بالله اليوم الأخر و يصلي و يصوم ، زار شخص اخطأ عليه بالفعل الذي هو اعظم من القول بكثير ومشكلتك على حسب علمي انه اخطأ عليك بالقول ، اختي ما النتيجة من فعل خير الأنام مع اليهودي ؟ اليهودي اسلم و جاء في صف محمد عليه الصلاة و السلام ما بالك لو قابله محمد عليه الصلاة والسلام بنفس ما قابله به اليهودي اليس زيادة الطين بله و زيادة الامور تعقيداً . اختي هذا زوجك المسلم و انتي زوجته المسلمة تذكري انك مأجورة على ما تفعلين تذكري ان زوجك عليه من الضغوط و المشاكل خارج البيت ما الله به عليم و ليس من الضروري ان يفصح لك عنها ، تعالي له بأسلوب لبق و اتركي عنك سالفة كرامة ما كرامه و قولي له كم كلمه حلوه يمكن يلين و يعطف و بقولك شي : ألحين لو شبت حريقة في بيت وش راح يكون الحل المناسب ؟ اكيد ان الحل هو الدفاع المدني 998 و لا لا ؟ طيب وش راح يسوي الدفاع المدني في هالحالة ؟ أكيد راح يطفي النار لان هذي شغلته صح ؟ طيب وش راح يطفيها به ؟ اكيد بالنار صح ؟ >> وش رايك بهالجواب الغبي ؟ الدفاع المدني راح يطفيها بالماء تدرين ليه لأن النار عمرها ما طفت النار اختي تخيلي زوجك (نار) و تخيلي نفسك الدفاع المدني ، جيتي و لقيتي زوجك مولع نار هل راح تطفينه بنار و تزيدينه نار و لهب و لا بكتبين عليه مويه و بعض المواد اللي تناسب للقضاء على الحرايق خلاص اعتبري كلامك الذوق و العسل لزوجك هو الماء اللي راح يقضي علي ناره تجاهك ودايم الكلام الزين هو اللي يلبي لك اللي تبين و تأكدي انك راح تاخذين الشي بالحلم اكثر من انك تاخذينه بالعنف و العصبية و اسألي مجرب . 3. ترى الحياة ما تسوى نكد و مشاكل لأنها مو من طولها تروح في نوم و دوام و مشاغل مالها اول و لا تالي وش بقى لنا فيها ما بقى إلا الذكر الحسن و العيش في رغد و هنا بعيداً عن المشاكل . 4. إذا جيته بأسلوب قمه في الذوق راح يخجل ويرضى رغم عن انفه و إذا قابلك بغير ذلك قولي : اللهم اجبرني في مصيبتي و اخلفني خيراً منها و ربي راح يعوضك و ما راح يخليك و رب خلق ما ضيع . 5. كتابتك للموضوع يدل على انك تبين حل صح ؟ خلاص اقطعي العرق وسيحي دمه مثل ما يقولون روحي و تفاهمي معه بهدوء ورواقه وحسني النية مع الله و دايم صلحيها فوق (مع الله) تصلح تحت و ربي يكتب لك الله فيه الخير و الله ما ابي لك إلا الحياة السعيدة لك انتي و زوجك وراح ادعي لك من كل قلبي واسف على الإطالة . |
والله شوفي .. انتي لاتكلمينه ولاتقولين شى .. اضحكي مع عيالك مع بناتك سولفي معهم وخلي الوضع عادي وهو راح تحز فيه صدقيني وراح يجي ويكلمك او يتآسف وخليه يلاحظ هذا الشى انك منتي ملقيه له بال وعسى الله يوفقك ان شاء الله ويفرج همك .. وسعي صدرك ولا تضايقين |
يالله تصلح قلوبهمـــــــ يارب اختي وعزيزتـــي فالي طيب كوني لزوجـــك صديقه . اكثر من زوجـــه . خصوصا في هذه المرحلـــه من حياتكم . واعلمي ان الخلافات ملح الحياة .ولن تستمر عند العقلاء . تصوري ان زوجتي تقول لي ...والله ان ودي انك تهاوشني على شان تصالحني . بمعنى الصلح بعد الخلاف يكون له موضوع اخر....... ومشاعر اخرى...... ورومانسيه .. ودلع . وهنا يبين الغلاء والمحبه . فارجوك لاتضيعي هذه الايام الجميله من حياتكم بالخلافات والزعل . واذا هو ماراضاك بادري انتي بمراضاته ... واخبرينا بالنتايج ........ اختي الحياة قصيره وقصيره جداااا مهما طالت . ومن هنا اقول لك ولي وللجميع . اغتنموها بالانبساط والفرح والفرفشه . (على فكره انا شمالي ) |
ماشاء الله عليكم كلكم عندكم خبره بالشخصيات والبوصلة الشخصيه
عناز بيك انا توقعتك شمالي .....ههههههههههههه بس اللي لاحظته في شماليين مايحبون الزوجه تعتذر او تبين وجهة نظرها يعني ماتقول .. انا سويت كذا عشان كذا وكذا وتشرح كثييييير حتى توصل وجهة نظرها او تقول انا ودي اروح المكان الفلاني عشان بشتري كذا وكذا وووو او اذا هاوشهها وقال ليش مانظفتي مثلا تقول انا جهزت الصابون ورحت شوي و وووو مايحب التبرير ... بس مدري اذا كان لك وجهة نظر اخرى اختي صاحبة المشكلة ... مثل ماقالو لك الاخوان والاخت المختار انتي لاتبيني انك زعلانه الشمالي مايهتم بزعل زوجته كثير يعني خلك عاديه معه .. سوي طلباته وكلميه لما يسألك بحدود ..ولاتتناقشي معه او ترفعي صوتك او تراددينه ولا تقولي سبب غلطتك لانه خلاص عرفها ... خلك هاديه والعبي مع ولدك وانشغلي عنه ... ولو طلبك سوي نفسك عادي مو زعلانه بس علطول ساكته ماتتكلمي الا للحاجه ... صدقيني هو بنفسه بيبحس بغلطه وبيراضيك والشمالي له اساليب كثير حتى يراضي زوجته اما بالفراش او انه يشتري اشياء انتي تحبينها سواء اكل او شرب او غيره اما انه يحاول يسولف معك او يرمي وجهه عليك ... |
أختي أنا من رأيي تطبقي كلام
فارس الهم كلامه ميه ميه انا ماضيع حياتي وتطلقت غير الكرامه اللي مالها داعي بين الزوجين الله يوفقك اختي |
بما ان اساس المشكلة هي كلمة لم يليقي زوجك الغالي عليك لها بال تذكرت ان النبي صلى الله عليه و سلم اتهم بأنه شاعر و كاهن و اتهموه بالكذب لكن لم يلقي لتلك الترهات بالاً و مضى لهدفه الأسمى الا وهو تحقيق العبودية لله و دعوة الناس لها نعم ليكن لنا مبدئ في الحياة و من خلاله نعرف كيف نتصرف مع العلم ان موضوعك له صله قوية بما ذكرت اختي الكريمة الم تسمعي قوله (لو كنت امراً احدا ان يسجد لغير الله لأمرت المرأة ان تسجد لزوجها)
اختي ادحري << بمعنى اسفهي و بقوة . ابليس واسمعي كلامي أني لك من الناصحين و التطنيش و التسفيه ماراح يجيب نتيجه لأنه يزيد الأمور تعقيد فوق ما هي معقدة خذي الأمور بساطة و اريحية و بالنسبة لكرامتك يا اختي انتي كرمك ربي من سابع سما بقوله (ولقد كرمنا بني ادم ) و انت من بني ادم فالرب وضع لي كرامة من عنده عز و جل و بالتالي لن آبه بمن حكى و طعن فيني فله رب يحاسبه على كل ما قدم<< ليكن هذا هو المنهج و الطريق الذي نسير عليه في هذه الحياة الفانية و دائما خليك كالنخلة يقول الشاعر كن كالنخيل عن الأحقاد مرتفعاً يرمى بصخر فيلقي اطيب الثمر كوني كالعود كلما زادت الحرارة من تحته اخرج لنا اطيب الطيب يخاطبني السفيه بكل قبح فأكره ان اكون له مجيبا يزيد سفاهة و ازيد حلماً كعود زادة الإحراق طيبا طبعا اكرم زوجك الغالي عليك عن السفاهه لكن جاء هذا البيت عرضا كوني كشجرة الصندل التي تضرب بالفأس و مع ذلك فهي تعطرة |
اقتباس:
لتصنيفي بشمـــالي وانا بالفعل كما توقعتي بل انني اقول كما قال الشاعر النبطي / الجهات اربع وانا عاشق شمال = كن قلبي بوصله تشر عليه ولكن هذا الانتماء لايعدو كونه حب فطري للارض الشماليه ولاتجاه الشمال بصوره عامه ... جغرافيا فقط . مع جُـــل الاحترام والتقدير لكل الارض . اما تصنيف الشخصيه حسب الاتجاهات فانني اراه اجتهاد ليس بالضروره ان يكون مطابق للواقع . رغم انني اتصف بالكثير من تلك الصفات المختاره للشخصيه الشماليه . بالنسبه للزوجه بالعكس ان احترم الزوجه الي تعتذر عندما تخطي , واراه شي رائع واقبل عذرها . وانا كذلك عندما اخطي واعرف نفسي اني مخطي اعتذر ولا اراه عيب ابداااا . ومن منا لايخطي , واذا لم نتنازل ونغض الطرف نوعا ما وفي حدود المسموح لن ننجح . اشكر لك اختي الكريمه . واعود لاختنا /فالي خير واقول اقري ردي السابق , مع دعائي لك بالتوفيق .... |
السلام عليكم ورحمة الله شكر خاص وكبير (المختار - ولد حائل - عناز بيك- الملاك يونا - فارس الهم - الوتين 20- hermosa - malak_3lgagah) تفاعلكم معي اسعدني ونصايحكم على عيني وراسي واسفه عالتاخير بالرد لكن زي ماقلت لكم انا عندي دراسه واتابع ردودكم من الجوال ووالله ردودكم اسعدتني . بالنسبه لي انا لازلت لا اتحدث مع زوجي لكن انا شفت انه الان الجانب شوي ويحاول يسرق النظرات وممكن يرمي كلمه من هنا بس انا الى الان ماني قادره. بالنسبه لي انا كنت بالسابق اراضيه ما احاول اخليه يزعل لكن اهو من كثر مايزعل ويطنشني صرت مثله اطنش لاني تعبت من محاولة ارضاءه واهو كان يزيد كبريأ لكن يمكن اليوم احاول اكتب رساله بالجوال واقوله اغلى ماعندي بالدنيا انت عشان كذا راح انسى اللي صار . بس اذا عندكم راي ثاني لاتبخلون ماراح استعجل بالارسال. شكرا لكم مره ثانيه.:17: |
| الساعة الآن 03:01 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©