|
البهارات وما ادراني ما البهارات
مساؤكم فل
عندي استفسار بخصوص البهارات يعني بصراحة بحس حالة ملخبطة بموضوع البهارات متى نستعمل الكزبرة الناشفة ؟؟؟؟ متى بنستعمل الثوم الناشف او الزنجبيل ,,, الكمون لاي طبخات ؟؟؟؟ القرنفل المسمار لشو والجوزة الطيب لايش يعني بدي باختصار طبخاتنا التقليدية مع بهاراتها المظبوطة المقلوبة ........... الملوخية ........... الباميا........... المحاشي........... السلطات........... الفاصولياء البيضا والخضرا ........... الصواني ( دجاج او لحمة )........... السمك ........... وهكذا يعني انا بستعمل بهارات وماشي حالي بس بدي على الاصول |
اهلا اختي شكلك فلسطينية من كلامك عن الطبخات المقلوبة اكييييد انت فلسطينية :) اختي يعني
المهم شوفي البهارات الي انت طالباها المقلوبة ........... بهارات المقلوبة بتكون في مرقة سلق اللحمة او الدجاج وهية كل البهارات الموجودة عندك فلفل اسود قرفة بهار ورق غار هيل حب بردوقش ممكن كمان ملح و بصل اكيد و مسمار او قرنفل والاهممممم الكركم الي بعطي المقلوبة اللون الاصفر انا بضيفو بعد سلق الدجاج قبل اضافته للرز وممكن مع السلق مش فارقة الملوخية ........... الكزبرة الناشفة بهار خاص للملوخية او تتميز به الملوخية بتضيفي منو لمرقة الحم او الدجاج الي بتكوني سالقاه بالبهارات السابقة برضو ولكن لما تطبخي في الملوخية بتضيفي كزبرةناشفة والتقلية بتدقي توم وملح وبتقليه في مقلاية فيها زيت شوية واول متبدا ريحتو تطلع قبل ميتحمر عشان مايمرر طعمه بتضيفي كمان كزبرة ناشفة وبتطشيها في الملوخية وماتخلي التوم ينحرق او يتحمر كتير يادوب يشقر والا بعمل طعم مر ومش حلو ابدا الباميا........... برضو الكزبرة في المرقة والتقلية تنعمل كالتالي بتدقي فلفل وتوم وريحان طازة وعالنار مع زيت شوي تشويح سريع وبتحطي بعدين الكزبرة الناشفة عليهم وعالبامية عطول المحاشي........... بالنسبة الي خلطة المحاشي مافيها شي زيادة كل البهارات كمون وفلفل و بهار وملح وقرفة وعالملفوف كتري كمان الكمون عشان النفخة والملفوف كمان عالوش قبل متطفي عليه بخمس دق بتدقي توم وكمون وشطة خفيف شوي بودرة يعني وبتعصري عليهم لمون وبتحطيهم عوش الملفوف وسكري عليه وبعد 5 دق قدميه السلطات........... السلطات عالم واسع ولكن التتبيلة التقليدية للسلطة الخضرة العادية جدا هية زيت زيتون و ليمون و ملح وخل وممكن تحطي سماق و كمون شوي اما الفتوش نفس الشي ولكن بتدقي توم وبتحطي عليه وطبعا في سلطات منوعة وكتيرة وكل سلطة الها تتبيلتها الخاصة ولكن حسب نوعها زي سيزر سالاد تتبيلتها مختلفة تماما عن السلطة العادية فهاي بدك تشوفي كل سلطة وتكتبي طريقتها وتتبيعيها اما السلطة العادية فقلتها الك وسلطة الدقة الي هية تدقي بصل مع فلفل حراق وعين جرادة ناشف وتحطي البندورة و تدقيهم شوي وبالاخر زيت زيتون عالوش وممكن بدل البصل توم وممكن تتركي الجرادة المهم هاي كمان سلطة الدقة الفلسطينية التقليدية الفاصولياء البيضا والخضرا ........... الفاصوليا البيضة عادي مافي شي مميز ولكن ممكن ترشي زنجبيل بودرة حلو عالطبخات الي زي هيك وكتري كمون برضو عشان النفخة اما الخضرة فممكن تعملي دقة عبارة عن توم وملح و شوية نعناع اخضر او ناشف تدقيهم بالمدقة والهاون وتحطيها عالطبيخ بالاخر خالص بدون قلي انتبهي الصواني ( دجاج او لحمة )........... حسب نوع الصينية بصلصة او طحينة بهاراتهم عادية بتحطي بهار جاج او لحم و كمون وفلفل اسود و بتحطي الصلصة بالماء وعليها البهارات وبتضيفي او الطحينة انا بحكي عن صنية البطاطا بالجاج او اللحمة ازا قصدك اشي تاني احكي السمك ........... تتبيلة السمك التقليدية بعد تنظيف السمك كمون وملح وليمون وفلفل اسود وممكن كزبرة ناشفة ينحطو عالسمك وتنقعيهم قبل بليلة بعدين تقليهم تغمسيهم بالطحين او البقصماط وتقلي ولو شوي ممكن تحشي السمكة بدقة توم وفلفل حراق و ملح وكمون و كزبرة ناشفة او خضرة وتحشي السمكة وممكن هاي الحشوة للقلي كمان هاي التقليدية وفي اكيد خلطات مبتكرة اخرى وخلص ايدي تعبت من الكيبورد بس ادعيلي كتير بظهر الغيب الله يسهل اموري ويرزق زوجي عمل حلال ورزق واسع عاجلا غير اجل والله يسهل حملي واقوم بالسلامة ولو احتجتي شيش ماتترددي |
اهلين اختي ملك
يشهد الله اني احبك في الله واحب مشاركاتك وطريقة طرحها تخمينك نص صحيح يعني انا من شرق النهر وانتي من غربه انا عزيزتي من الاردن طبعا كلنا واحد المهم اننا عرب ومسلمين وقضيتنا وحده اه نسيت بالنسبة للبهارات انا بعرف فيها نص نص بس بحس الناس اللي حولي بتعقد الامور شوي يعني انا تقريبا اتعمالاتي 90% زي ما انتي كتبت بس لما يكون في حكي عن البهارات بسم الله ماشاء الله بيصيروا كل اللي بعرفهم عالمات في بحر البهارات وهذا بيجوز خلطه مع هاد وبهارات تانية اذا خلطية يمكن يصير عندك قنبلة نووية بتفجر المطبخ لحتى شككوني بمعلوماتي الله يجزيك الخير وطمنيني عن زوجك شو صار بشغله على كلا اذا بتخلي زوجك يبحث على النت في كتيير مكاتب توظيف جادة ممكن تفيده مبروك الحمل عزيزتي وان شاء الله ربنا يرزقكو برزقه امين يا رب |
الله يسعدكم والله
السؤال واجابته افادتني كثير :) بالنهاية كل واحدة لها نفس بالمطبخ ولها لمستها الخاصة وانا منك يا احلام ابين للناس انه خلطتي سرية ومافيش منها بالعالم |
بكر الشايب
نفسي اعرف معنى اسمك ؟؟ ( حشورة ) بالنسبة للبهارات بحس انو سر الاكل كلو بس بصراحة في ناس بتعقد الامور بس بصراحه ملك شادي ما قصرت اوجزت ووفت وبتمنى مشاركات اخرى للاستفادة لاني عملت سيرش على النت وما طلع الا خلطات واسماء علمية ما طلع اشي عملي ابدا شاكرة مرورك حبيبتي |
معنى اسمي اخاف اكتبه وتجينها كلمة من المشرفين بس اوعدك رح انزل فيه موضوع مستقل قريبا
بما انك من الاردن سؤال عن بهارات المنسف ! انا استعمل بهارات سلق اللحمة العادية طبعا .. لكن في شي اخضر مثل النعنع الناشف بس مو نعنع اكيد يحطونه في الجميد عندي اياه لكن قرب يخلص ومحتاجة اسمه علشان اشتريه ! :) |
انا مثلك مااعرف واستفدت من الاخت ملك الشادي ...يابكر الشايب اتوقع واخمن ان معنى لقبك انتي اكبر ابناء ابوك ...مدري صح ولالا اخااف تظربيني على هالخمين ههههه
|
بصراحة احنا بنفضل المنسف بدون بهارات بس لعيونك بحثت في النت وطلع معي
عشبة الحندقوق او ما يطلق عليها بحوايج السمن المكون الاساسي وهو عشبة الحندقوق ويعرف أيضا باسم (اكليل الملك)، الكزبرة ، البقدونس ، عريف الديك ، الزعتر ، الزعتر البري الفارسي ، كزبرة ، بابونج ، نعنع سيل ، نعنع عادي ، الشومر ، السمينة ، المحيلبة ، والرشاد. وتبين الدكتورة ردينة بطارسة الفوائد الفعلية لهذا البهار: لقد قامت الجدات والأمهات قديما باضافة نكهات خاصة الى اللبن (الرشوف) المرافق للمنسف ، تضاف أثناء الطهو ، بهدف اعطائه مذاقا لذيذا ومميزا في نفس الوقت ، ولذلك عمدن الى تقليد سنوي يمارسنه في كل ربيع من السنة ، وهو عادة جمع بعض أنواع النباتات والأعشاب البرية التي تنبت خلال أشهر الربيع ، من ثم يقمن بتجفيفها وطحنها على شكل خلطة بهارات خاصة بالمنسف دون ، ومن أهم مكونات هذه الخلطة المميزة الأعشاب التالية: عشبة الحندقوق ويعرف أيضا باسم (اكليل الملك) ، وتمتاز هذه النبته بفعالية طبية حيث أنها لاتحتوي على مادة الكومارين التي تسكن الآلام وتفتت الأورام وتطريها ، يمكن شرب المستحلب منها لتسكين أنواع المغص ومعالجة النزلات الشعبية ، وتحتوي الخلطة أيضا عشبة الكزبرة البرية والتي تمتاز برائحة مميزة والجزء المستخدم منها في الخلطة هو البذور فقط والتي تمتاز بفعالية عالية لمنع تكوين الغازات المعوية ، كما تحتوي الخلطة على نبتة الشومر و هي عشبة ذات رائحة عطرة وتحتوي بعض المواد الطبية الفعالة منها زيت طيار مع مادة الأنيتول والفانشون وهي مادة مقشعة ومثيرة لافرازات الغدد وطاردة للغازات ومسكنة للتشنجات ولها خاصية في معالجة نوبات الربو والسعال الديكي والتهاب الحنجرة وكذلك فعالة في علاج التهابات المسالك البولية ، خاصة عند الأطفال والشيوخ ، كذلك يفيد للمرأة الحامل في القضاء على الاضطرابات الهضمية ويزيد من ادرار الحليب عن المرضعات ، كما تحتوي الخلطة على عشبة العصفر (الكركم) والذي يعطي اللبن اللون الأصفر المميز لشراب المنسف والذي يحوي مادة الجفانين المانعة للتشنجات المعوية ، ومن المكونات أيضا زهرة الأقحوان الصفراء أو ما يعرف شعبيا بنبتة البسباس ويعرف في مصر باسم (زهرة الذهب) ، وهي من فصيلة نبات الأقحوان الذي يمتلك العديد من الخصائص الطبية ومنها احتوائها على زيت طيار مع التوجون ومواد طاردة للديدان المعوية ومسكنة لآلام أعضاء الحوض الصغير (المثانة والبروستات عند الرجال ، والمبيض والرحم عند النساء) ، كما يمتلك فعالية في تقوية الدم وتحتوي الخلطة أيضا نباتات وأعشاب أخرى لم تعرف بعد فوائدها الطبية مثل عشبة عرف الديك وغيرها من الأعشاب ، هذا ومن ناحية أخرى نقول أنه ومع تقدم العلم ووجودنا في زمن الأنترنت الا أنه لا يمكن في أي حال من الأحوال أن يصبح منسفنا وجبة سريعة يحضر بالميكروويف..،،. بصراحة المنسف عندنا بالبيت الو بروتوكولات يجب احترامها كل جمعة لازم منسف وعلى اصوله جميد مش لبن خبز شراك لوز وبقدونس على الوجه صحن بصل اخضر وفجل وجرجير ومخلل و هجووووووووووم |
يا سلام عليك يا أحلام
تسلم الأيادي رح ادور عليها مع اني اشك القاها بالسوبرماركت .. يعني لازم مشوار للعطار :) تسلمي حبيبة قلبي |
خبز شراك ما عندي بستعمل بداله خبز رقاق (قريب منه لكنه اعتقد اخف) وطبعا البقدونس واللوز والكماليات هذه كلها موجودة
صار المنسف برغم انه مش من اكلنا من اطباقي المميزة وزوجي ما يعزم إلا عليه ماشاء الله لكن عندي مشكله بالجميد .. ما القاه دائما .. وهالايام استخدم جميد الكسيح السائل .. للاسف كان عندي جميد كركي وخلص ! وانتظر حد يروح للأردن يشتري لي :) بالنسبة لاسمي صح انه يعني اني بكر الشايب (والدي) ولكن المعنى المطلوب فيه اسمي يعود على زوجي وليس ابي (بكرة الشايب - هي ناقة مفضلة عند راعي الحلال لا يمسها أحد سواه - و سماني زوجي بكر الشايب حتى اضع الاسم في المنتدى الخاص فينا ولا يكلمني ا حد من الشباب (البدو يعرفون معنى بكر الشايب جيدا ولا يتجرأون على محادثتي) :) - بس خلصت القصه |
100 أهلين و سهلين بأهل الأردن و أهل فلسطين و أهل لبنان .............ألخ
الظاهر نفس الغالية ملك شادي طيب عالأكل باين من جوابك .... و أفا عليك يا احلام المحيط أردنية و تبحثي بالنت عن بهارات المنسف ؟ ليه ما سألتي الوالدة ؟ غاليتي بكر الشايب : بهارات المنسف تتكون من عشبة الحندقوق بتطلع بكل مكان و بتتنشف و بنخلطها مع حلبة محموسة و مطحونة + عصفر لو إنك جارتي كان أعطيتك جميد و بهارات كمان جبتهم معي من الأردن |
ملك الف الف شكر .. ردك افادني كثيييييير
فغالبا استخدم بهارات الكبسة لكل اكلة :)... و الف مبروك على الحمل ... حقيقة تفاجاءت لي فترة اتساءل عن سبب غيابك .. الله يعينك على الوحم ياقمر ربي يتمم حملك و يقومك و البيبي بالسلامة و ان شاء الله فهد مايغير :) الشكر موصول لاحلام المحيط .. موضوعك كثييير افادني حبيبتي جزاكم الله كل خير |
اقتباس:
اي والله فادنا كلنا يا كده الطبخ يا بلاش بس في سؤال وين البهار الحلو الي تستعملوه في كل طبخه ما شفناه هنا انذكر ولا يمكن انحولت من كثر اسماء البهارات ،،،،،،،،،،،،،،، ومبروك لملك الحمل ان شاء الله تقومي بلسلامه وتجيبي احلى بيبي وعقبالك يا نوره (( قريت انك ناويه قريب )) جيبولنا طقم بنوتات :15: |
ههه البهار الحلو عندنا احنا يا الغربة المره
بلبنان بيستعملوه اكثر وبسوريا |
غربة استخدم بهارات مجموعة
يعني اطحن كمون و فلفل اسود و ورق قار و هيل و قرنفل و قرفة مع بعض و استخدمهم لكاااافة الاشياء صراحة الاكل طلع حلو ... بس حلو لما نستخدم البهار الصحيح في الاكلة الصحيحة :) ... |
وعرفنا سر بكر واسمها الي حيرنا سنين قصدي شهور
اي لقيته و باستعمله في كل طبخه و مستغربه انكم ما جبتو سيرته هنا الله يخليلك زوجك ويحفظكم لبعض |
سوري يا غربة غيرت ردي :)
فهمت قصدك .. والبهار الحلو اكثر شيء بلبنان وسوريا اتوقع يستخدمونه عندي صديقات فلسطينيات واردنيات ما اشوف عندهم البهار الحلو بالمره لكن لا يكاد بيت لبناني يخلو منه |
إيش هو البهار الحلو ؟
|
اعتقد انو all spice
شفت مرا صورتو بيشبة حبات الفلفل الاسود حجمها كبير ولكنها غير حارة ببرنامج فتافيت كانو يستعملو مرات مع الحلويات مع القرفة واليانسون وجوزة الطيب وهاي صورتو http://www.cookingcafe.net/dictionary/126.jpg |
حمد لله علسلامه
هذا موضوع فيه كل شي عن البهار الحلو http://www.66n.com/forums/showthread.php?t=191658 |
نورة بهارات كبسة لكل الطبخات هههه حرام عليكي شو جاب لجاااااااب
خلي كل اكلة مميزة بالنسبة للحمل بديت الشهر التالت ماشاءالله وكنت ناوية اخليه سر في المنتدى هههههه لكن خلص عشان تدعولي وطبعا جاء بدون قصد منا ( حقدت عكل عضوة نصحتني بالوسائل الطبيعية هههه المرة الجاي بتعلم) بس ارادة ربنا وفهود مش داري عن الدنيا وبكون عمرو سنة ونص بس يجي البيبي الجديد الحمدلله :) بكر الشايب انا مابعرف شو البهار الحلو لكن عندي بهار لحمة وبهار دجاج وانواع اخرى كتير زي مكتبت اما البهار الحلو يمكن بستعملو تحت مسمى اخر وكل الي استفاد من ردي يدعيييلي بظهر الغيب ولزوجي بايجاد عمل والله يرزقنا يارب ويسهل علية حملي والله يبارك فيكو يابنات وادعولي اقوم بالسلامة |
البهار الحلو اسمه البهار الحلو بتلقيه بالمطحنه تحت هالاسم
بالانجليزي اسمه all spice احنا بنستعمله بكل شي في اكلنا اكيد استفدنا يا ملوكه الله يتمم عليك يا رب ويرزقك الخير وزوجك يااا رب باذن الله نسمع اخبار مفرحة قريبا |
اه عرفتو بكر بجيبو احيانا بس بحسو زي البهار العادي او يمكن انا شكلي خرفت مع الحمل الجديد خلص
عقبالك يارب قصدي عقبالك تحملي مش عقبالك تخرفي وان شاءالله تحتفظي بقواكي العقلية مايصيرلك الي صارلي:d احلام المحيط نسيت اقلك اني كمان بحبك وشكرا الك و اي سؤال في الطبخ او غيرو اسالي ولاتترددي |
هلا والله باخواتي الطباخات ....
بالنسبه للبهارات صراحة انا اكثر الاكلات استخدم الملح والفلفل الاسود فقط .... يعني اقصد حمسات الدجاج واللحم والمرق بانواعه مااحب احوس بالبهار طبعا لازم احط قرون الفلفل لانها تعطي نكهه وريحه حلوة.... الكبسه طبعا لها بهارها وكمان لازم اعواد القرفه والهيل والمسمار في سلق اللحم او الدجاج.... المقلوبه احط فيها بها الكبسه لاني احمس بصل وطماطم واحط فوقهم الباذنجان والبطاطس ويمكن طريقتي غير اهل الشام... والملوخيه طبعا زي ماقالت الاخت ملك لازم الكزبرة الناشفه.... ومن غيرها ماتصلح الملوخيه ابدا والسلطه لازم ملح وليمون وزيت زيتون وسماق طبعا هذي السلطه العاديه .... ملوكه حبيبتي مبروك الحمل وليتك سالتيني كنت بقولك لا والف لا لالا على المانع الطبيعي انا ضده وبقوة لاني جربته وتوهقت وجاني دودو الله يحفظه مطلع عيوني ... ملك الشايب اذا هم يبون يعرفون معنى اسمك انا دايم افكر في قصة زواجك ؟؟؟؟؟؟ |
إحم إحم ..
:30: :30: :30: أناااااااااا هنااااااااااا:d تسلمي يا ملك على المعلومات المفيدة والقيمة ..ومبروك عليك الحمل .. وعقبالنا ياااارب ... اسأل الله أن يرزق زوجك الوظيفة المناسبة ويرزقكم رزقاً حلالاً طيباً مباركاً فيه .. أحلام المحيط استفدنا من موضوعك ألف شكر لك غاليتي .. |
الف شكر لكل من قام بالرد
سؤال ما هو بديل جوزة الطيب وخصوصا انني بحثت وتاكدت من حرمته الان انا بعمل شوربة الفطر ومن اساسياتها برش جوز الطيب ممكن استبداله مثلا بمسمار القرنفل او القرفه او كلاهمها طيب كيكة البهارات ايش بديل جوزة الطيب ؟؟؟؟ يالله يا طبخات بدنا عصف ذهنيييييييييييييييييييييي وشكرا مسبقا |
شوفي يا أحلام
بصراحة اول مرة اسمع انها حرام لكن اللي متأكده منه تماااما ان جوزة الطيب ممنوعة منعا باتا في الكويت لسبب انها تندرج تحت (المخدرات) !! هل انت متأكده من الفتوى ؟ بالنسبة لي اصلا ما استخدمها لأني ما احب طعمها نهائي ! وشوبة الفطر عندي مافيها أي بهارات غير الفلفل الأسود والملح لأني احب اتمتع بنكهة البصل والفطر الطازج وما اظن انهم بحاجة ابدا لمنكهات زيادة غير عن البقدونس في النهاية! كيكة البهارات من زماان ما عملتها :) لكن اتذكر فيها جوزة الطيب ! جربيها بدون وشوفي |
اهلين ببكر الشايب
بصراحة زوجك ما شاء الله عليك اختارلك اسم اتوقع % 99.99 ما رايحين يفهموا معناه الفتوى : حكم استخدام جوزة الطيب الحمد لله وحده والصلاة والسلام على من لا نبي بعده وبعد ......... كنت استمع لاذاعة القرآن الكريم وسأل مستمع كريم عن حكم استخدام ثمرة جوزة الطيب فى الطعام فأجاب الشيخ بأنها حررررررررررررررررام لذا بحثت على شبكة الانترنت لمعرفة الاحاديث النبوية الشريفة الخاصة بهذا الموضوع وجمعتها لكم في هذا الموضوع حتى ننتفع بها جميعا. جوزة الطيب نوع من أنواع التوابل تستعملها بعض ربات البيوت وأصحاب المطاعم كمادة منكهة للأكل بأنواعه أو القهوة حيث يضاف قطعة صغيرة من جوزة الطيب الكبيرة ولونها بني مخططة بخطوط بيضاء . جوزة الطيب تحتوي على مادة دهنية مائلة للاصفرار تعرف بدهن الطيب ويحتوي هذا الدهن على نحو 4% من مادة مخدرة , وجوزة الطيب إذا استخدمت بكميات كبيرة أو استخدمت بطريقة عشوائية فإنها تسبب بعض المضار كالهلوسة وقد منعت الجهات المسئولة في السعودية بيعها بسبب ما ظهر من أضرارها . الجوزة فثبت أنها حرام عند الأئمة الأربعة الشافعية والمالكية والحنابلة بالنص والحنفية بالاقتضاء أنها إما مسكرة أو مخدرة . وعلى كل حال فإن ثبت أن هذه الجوزة تشتمل على مواد مسكرة أو مفترة وهذا يقرره أهل الاختصاص فإنها محرمة لحديث أُمِّ سَلَمَةَ رضي الله عنها قالت : نهى رسول اللَّهِ صلى الله عليه وسلم عن كل مُسْكِرٍ وَمُفَتِّرٍ . رواه أبو داود (3686) بسند حسنه الحافظ في الفتح 10/44 وصححه المناوي في التيسير بشرح الجامع الصغير 2/475 وعن جَابِرِ بن عبد اللَّهِ رضي الله عنهما قال : قال رسول اللَّهِ صلى الله عليه وسلم ( ما أَسْكَرَ كَثِيرُهُ فَقَلِيلُهُ حَرَامٌ ) رواه أحمد (14744) وأبو داود (3681) وعن سعد بن أبي وقاص رضي الله عنه عن النبي صلى الله عليه وسلم قال ( أنهاكم عن قليل ما أسكر كثيره ) رواه النسائي ( 5608) وأبو يعلى (694) وصححه ابن حبان (5370) لذا فالذي ينبغي ترك هذه المادة حتى ثبوت خلوها مما ذكرته فعن النُّعْمَانِ بن بَشِيرٍ رضي الله عنه قال سمعت رَسُولَ اللَّهِ صلى الله عليه وسلم يقول ( إِنَّ الْحَلَالَ بَيِّنٌ وَإِنَّ الْحَرَامَ بَيِّنٌ وَبَيْنَهُمَا مُشْتَبِهَاتٌ لَا يَعْلَمُهُنَّ كَثِيرٌ من الناس فَمَنْ اتَّقَى الشُّبُهَاتِ اسْتَبْرَأَ لِدِينِهِ وَعِرْضِهِ وَمَنْ وَقَعَ في الشُّبُهَاتِ وَقَعَ في الْحَرَامِ كَالرَّاعِي يَرْعَى حَوْلَ الْحِمَى يُوشِكُ أَنْ يَرْتَعَ فيه ) رواه البخاري (1946) ومسلم ( 1599) واللفظ له والله تعالى أعلم وصلى الله وسلم على نبينا محمد وعلى آله وصحبه . عن موقع صيد الفوائد |
طبعا جوزة الطيب حرام وهيك قلتي يا بكر في الكويت ممنوعة وتندرج تحت المخدرات معناته انو مخدرة
من زمان وانا عارفة انها حرام وهي احلام المحيط ادرجت الفتوى وفعلا هية بتسطل الواحد مرة ايام الجامعة اكلت عند صديقتي كيكة بجوزة الطيب وماكنت عارفة انو فيها جوزة الطيب لانو حرام وماباكلها وعجبتني الكيكة اكلت اكتر من قطعة والله سطلت و نعست وروحت نمت عطول ولما عرفت هزأتها وقلتلها حرام جوزة الطيب راحت قالت ايش الحرام فيها بلاش هبل يعني بتفتي من عندها |
احلام المحيط بالنسبة لي اصلا شوربة الفطر لما بعملها بحط فيها معكب مرقة دجاج و بحط فلفل اسود وبس ولو احتاجت ملح
|
شكرا اخت ملك على الرد
بخصوص جوزة الطيب انا طريقة شوربتي والله وبشهادة الجميع اطيب من المطاعم والسبب يمكن لجوزة الطيب الطريقة اخدتها من برنامج فتافيت وبتطلع كتير طيبة بس بتعرفي اجانب ومو مهم المسكر والمنبه وغيروو بالعكس هم بيضيفوا المشروب بمعظم اكلاتهم الله عافينا رايحه اجرب يدون جوزة الطيب ويمكن اضيف شوي قرفة ومسمار مطحون واشوف النتيجة بصراحة كلو ولا الحرام وبالمناسبة الف مبروك ملك على الحمل لا تحملي هم بكرة ان شاء الله لما يكبروا شوي بتسلوا مع بعض وبيصيروا متل التوام وعلى فكرة انا عندي بنتي الكبيرة ضلت 6 سنوات من غير اخوة وربنا رزقني بعدها اخوات توأم متعلقين ببعض بطريقة مو طبيعية ودايما مشغولين بحالهم هلأ صارو 3 ونص وما بحس فيهم عاملين لحالهم جو واختهم الكبيرة هلا عمرها 10 نوات دايما كلمة اوووووووووووف زهقانة ومرات بتنكش مخها على اخواتها وبتصير تلعب معهم ومو بس لعب لا انسجام الله يخليهم ويحفظهم يا رب |
اهلين بأحلام المحيط بنت بلدي..:17::17:
ماشاء الله ملوكة كفت ووفت بس عندي بعض الاضافات.. الفاصولياالبيضا بنحط عليها تومة كتير..:26::26: والفتوش اوالسلطة من تجربتي حطي حامض وملح وزيت زيتون وشوية سماق وشوية نعنع ناشف ودوقي الطعمة بتجنن..:22::22: وكمان البهار الحلو حطي مع اي تقلاية لحمة مفرومه بطلع طعمه رائع.:23::23: وبحشوة الملفوف حطي رشة قرفة بتعطي طعمة زاااكية..:p:p واضيفي لصينية البطاطا والدجاج تومة مفرومة.:26::26: وترى انتبهوا لمسألة جوزة الطيب لانها حررام.:29::29: فعلا استفدنا من الموضوع شكرا يااحلام. شكلك يابكر عاملة ضجة في المنتدى عشان اسمك.:30::30: صحيح ملوكة مبارك الحمل بس معلش بدي اسألك و لوانه خارج الموضوع ..بس مش انت كنت حاطة الابرة المانعة للحمل اللي بتنحط تحت الجلد.. يعني احملتي وانت حاطاها?لان كنت بفكر بهاي الطريقة بعد الطفل التاني..طيب كيف وحامك حسيت في فرق عن الحمل الاول يعني اخف?........الله يستر ماتنحذف هالمشاركة. |
اخت هلا اهلا فيكي
بس بعرف التوم عالصواني بس بدايق من طعمه خاصة مع الحمل والفاصوليا البيضة مابحط توم بحس مو لابقلها والفتوش مرات بحط توم مرات لا وطبعا النعناع والسماق اساسي بالنسبة للحمل حطيت الابرة لكن جسمي تحسس كتير من الهرمون وماناسبتني بجميع المقاييس نفسيا تعبتني كتير قربت اروح مستشفى المجانين جسديا نزيف 3 شهور اخر شهر صار النزيف اكتر من النفاس والدورة !!! وظهري وبطني وجع وكلي تعبانة و دايخة واشي فظيع شلتها ومالحقت ارتاح وحملت الحمدلله نصيب انا بقول اعملي استخارة انا ماعملت استخارة يمكن لهيك ماتيسر امرها قرري انك تركبيها بعدين اعملي استخارة وشوفي شو الله بيسر لانو في نسوان بتناسبهم بشكل غريب مابحسو فيها الا لما يلمسوها بدون قصد في ماعملت فيهم اشي ابدا لا نزيف ولا تعب نفسي ولا جسدي ولااي شي باختصار انبسطو كتير عليها لكن هاي اجسام وفي كمان ستات حطوها 3 سنين ومن راحتهم عليها شالوها ورجعو حطو لانو هية اقصاها 3 سنين وفي تقطع الدورة عليهم يابختهم انا لهيك ركبتها عاساس ارتاح من النزف المستمر من بعد الولادة اتوكلي على الله وحامي بشكل عام معقول في الحملين بس الحمل هادا تعبانة زيادة كنت في رمضان متت تعب بعد رمضان اهون لكن بضل الوحام والتعب موجودين بس عادي معقول وكل حمل مختلف ممكن حملك التاني اصعب من الاول عفكرة والله يوفقك |
| الساعة الآن 11:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©