|
انا وزوجي ومشكلة جديدة
حصلت مشكلة امس وودي اناقشكم فيها
قبل كم يوم كنت جالسه مع زوجي واخبرته بان زواج ابنه عمي بعد اسبوع وتمنينا لها التوفيق المهم امس كنت اتكلم مع احد الصديقات في التلفون وارادت زيارتي واعتذرت منها لانها تريد زيارتي في نفس يوم زواج ابنه عمي واخبرتها اني سوف اذهب للزواج ومشغوله وكان زوجي بجانبي وبعد ان انهيت المكالمه رايته وكان شي ازعجه ولما سالته قال انتي الان تقولين انك ستذهبين لزواج ابنه عمك وليس عندي خبر انك بتروحين يعني لا استذان ولا غيره فقلت له اني قلت لك قبل كم يوم عن الزواج وقال انتي قلتي انها ستتزوج ولم تخبرني انك بتذهبين وان عمك لم يكلمني يعزمني على الزواج بحكم ان زواجهم عائلي فمن اين اتتك الدعوه فقلت اني ساذهب حتى ولو من دون دعوه واني ساذهب مع اهلي لبيت عمي فقال تصرفك خطأ والمفروض انك تبلغيني وانتي الان امرأه متزوجه واهلك ليس لهم حكم عليك او على ذهابك طبعا الموضوع تطور وقلت الحياه معاك لاتنطاق وانت تكبر المواضيع الصغيره ومافي شي غلط اصلا بس انت تبغى تسوي مشكله وابلغته انك قبل شهر عمك كان عنده عشاء ووجه الدعوه لك بمفردك ولم اكن معك وقالي انا رجال واختلف عنك فانا لااستاذن منك في خروجي اما انتي فيجب ان تستأذنين . انا دايم اتضايق منه اذا صار اي شي يطنشني ويعصب ولا يكلمني وانا اقوله انت ليه ما تقول ايش ضايقك مني يقول انا متزوجك من خمس سنوات وعندي اطفال والظاهر كثر الكلام ماله داعي المفروض مثل هالامور ما تصير معاك وانك تفهميني . الله يخليكم ايش رايكم |
الله يهديك يا لميس!
معاه حق طبعا مليون بالميه انتي في ذمة رجل لا تساوي نفسك فيه وتقارني المواقف لانه الدعوة يجب ان تتم للرجل برأيي تعتذري عن الذهاب للعرس اذا لم تأتيه دعوه لا تكبري الامور لانه فعلا انا ارى انه صح |
بس المناسبه عائلية
وهو دائم يعصب على اتفه الامور |
عزيزتي .. كان المفروض منك انك تعتذرين اول ما شفتيه متضايق وزعلان لكنك الله يهديك كبرتي الموضوع وتناقشتي معاه في موضوع ما فيه اصلا نقاش وهو ( الاستئذان من الزوج ) ولكن اللي صار صار .. عليك الحين انك تروحين وتعتذرين منه مثلا قولي له : انا اسفه حبيبي وانت زوجي وتاج راسي واهلي كلهم ... اذا ما تبيني اروح العرس خلاص ما اروح .. المهم ما تزعل مني ..وخطئي إني ما وضحت لك الموضوع واوعدك ثاني مره استأذن منك قبل اتخاذ اي قرار .. حتى لو كان عنده خبر بروحتك للعرس .. يمكن نسى ... وخذي هذه النصيحه من اخت ... لحظة النقاش مع زوجك لا تقارنين نفسك بزوجك ولا ترجعين مشاكل قديمه اذا من البدايه سكتي عنها ... وبعدين اذا شفتيه معصب حاولي تكونين هاديه وتمتصين غضبه ...لان هذا الشيء لصالحك وانتي اكثر وحده عارفه وفاهمه زوجك .. فابتعدي عن الاشياء او التصرفات اللي تضايقه وتزعله ..والله يسعدكم ويوفقكم ويبعد عنكم الزعل والمشاكل اختك --- لمني بشوق |
كل الحق مع زوجك
والكلام اللي قاله سليم 100% أي رجل عاقل راح يتصرف نفس تصرف زوجك واجب عليك إنك تعتذري لزوجك و تطلبي منه الإذن بالذهاب للزواج وأكيد ماراح يرفض طلبك |
اقتباس:
وشي طبيعي انه يعصب على أتفه الأمور بسبب مثل هالتصرفات منك |
وإن كانت عائليه
انتي الآن عائلتك هي زوجك وأطفالك يا لميس ومعاه حق يوم يقول صارلي معك خمس سنين والمفروض صرتي تفهمين طبعه واللي يزعله اعتذري منه باسلوب لطيف |
طيب ليه يطنشني ويلف وجهه ليه ما يقول اني زعلت منك ليش ينتظرني انا ابدأ في الكلام
|
كيف تروحي للزواج اذا لم تصلك دعوه ؟؟ حتى لو كان زواج بنت عمك .. انا شخصيا لا اقبل بذلك ..
هل بيت عمك قالوا لاهلك انك مدعوه معهم ام انهم لم يذكروا اسمك من ضمن دعوة بيت اهلك ؟؟ لنفرض ان بيت عمك قدموا لك دعوه و لم يقدموا لزوجك دعوه هل زوجك ينمعك من حضور الزواج لانهم لم يدعوه ؟؟ على العموم يا عزيزتي عندما قال لك زوجك انك لم تستأذني منه بالذهاب للزواج كان تداركتي الموقف و لفيتي و درتي وانك آسفه انك غفلتي عن موضوع الاستأذان وانك لن تكرري هذا الشيئ مره اخرى من هذا الكلام عشان يخليكي تروحي الزواج .. اعتذري الان لزوجك و ان شاء يوافق على ذهابك للزواج .. |
اقتباس:
اذا حبيتي إنه زوجك مايطنشك أول شي تسويه لما تبدأي بالكلام معاه .. أعترفي بخطأك وندمك عليه وانك ماراح تكرري هذا الخطأ وأكيد راح يسمع منك في هذي الحالة لكن اذا جيتيه بأسلوب هجومي وبدأتي تقارني نفسك فيه وتحاولي تحمليه جزء من الخطأ فلازم تحمدي ربك إنك زوجك بيطنشك ومابيرد عليكي لأنه لو رد عليكي يمكن يعصب عليكي زيادة أو تكون ردة فعله مو حلوة * |
الدعوه وصلتني عن طريق اهلي يعني زوجه عمي كلمت امي وقالت نادي بناتك
وهو حتى بعد المشكلة يقول عادي روحي يعني زوجي ما يمنع حتى لو ما عزمه عمي |
مؤيد كلامك نفس كلام زوجي بس ما احس اني عنيده
لاوبعد يقول انتي تستعبطين والله انا طيبه وعلى نياتي بس ما ادري احس انه هو الغلطان |
لميس
بقول لك موقفين ولأقاربي مره .. مره جتني دعوه ومره ما جتني الاول اللي جتنا فيه دعوه .. كان زواج ولد عمي وقعدنا نسولف انا وزوجي وانه ماشاء الله الله قدره وبيتزوج اخيرا وووووو وفرحنا له.. سألت عن الكروت قدامه وطلعت عند اهلي.. بعد 3 اسابيع كان ليلة الزواج جت الساعه 2 ظهر .. يالله حبي ودني المشغل ليش؟ اليوم الزواج! اي زواج؟ زواج ولد عمي! محد ناداني ........ قلت لا ياشيخ ؟ قايله لك كروت دعوتنا عند اهلي ومن قبل اقول لك روح جبها قال ماتروحين هذا اذا تحترمين زوجك وبطلي حركاتك هذي .. تقررين من راسك... قلت وش اقرر يا آدمي احنا مو رايحين الزواج سوا؟؟؟؟؟؟؟؟؟؟ وش تغير؟ رحت دقيت على امي قلت لها اعتذري لي.. بعد ربع ساعه قال انا اسف .. ماتعوذت من الشيطان .. والله ما ادري اشفيني عليك ساعتها قلت له رح مجلسك ولا اشوفك كارهتك والله ولا تزعل انا اعتذرت من الروحه وكنسلت حجز المشغل .. صاح قال لا انتي مجنونه قومي روحي .. هذا ولد عمك حتى لو بدون دعوه نروح.. طالعت فيه قلت انت من جد مو طبيعي وقاعد تستنزف اعصابي .. والله ما اطب .. انت اصلا مدري اشفيك.. .. ومن وين لي حجز مشغل بعد ماراح؟ قعد مسكين يستسمح .. وانا خلاص قفلت من ناحيته يأس مني وراح... جا الساعه 8 قال تعوذي من الشيطان .. مارديت عليه..بس حس بتأنيب الضمير مره .. راح الزواج... ارسل لي رساله انه الزواج ما يسوى وانتي مو فيه( وين هالاخلاق من اول) ارسلت له شكرا على مشاعرك المتأخره جدا جدا جدا جدا جدا ولا طول ...رجع قال والله ماتهنيت الجلسه.. قومي نطلع نتمشى ونتعشى .. قلت شكرا جزيلا مالي نفس .. زواج ولد عمي اللي من سنين ننتظره راح علي .. شكرا تاااااااااااااب .. بس سويت اللي طلب مني.. قال ما تروحين مارحت ولو انه قال لي بعدين روحي بس بعد ايش بعد الانهيارات العصبيه .....وتضييع الحجز؟ اما اذا زوجك اذا ماجته دعوه ماتروحين هذا الموقف الثاني في زواج خالي ........اخوووووو امي بس من ابوها ارسلوا لكل الناس دعوات الا انا وزوجي وعمدا اهلي كلهم دقوا علي قالوا مو حلوه ماتجين وبنكلمهم قلت ولا تكلمون ولا شي .. والله ما اطب .. اشحذ انا ؟ زي ماقدروا الناس يقدروني انا وزوجي وفعلا ما طبيت ولاني ندمانه وزوجي قدر لي هالحركه جدا قال الله يعلي مقدارك يوم انك تعلين مقداري ولا رحتي مع انه خالك.. فرق في الموقفين وسامحيني طولت عليك بس حبيت ابين لك ان هالمواقف تحصل |
اقتباس:
يابنتي ماشي حلو القفشان اللي عملتيه ولكن على 8 بعد مايكون ريقة نشف كنتي جهزتي و تروحي وتنبسطي طبعا.. ايه كوافير وحجز .. كنتي امشي في خطتك الجافة قدامه بس من وراه تحضري نفسك يعني تسيبيه يضيعلك الليله بسهولة كدا هو كل يوم ابن عمك هيتجوز وهتحصل اللمة دي !! |
ههههههههههههههههههههههههههههههه
الله يقطع ابليسك helwaya انا مختصره من السالفه لان الموضوع مو موضوعي فما حبيت اطولها بعد ما دقيت على امي واعتذرت استلمني البكااااااااااااااااااااااااا.. لدرجة الشهيق بكيت والله الين جاني غثيان وصداع شديد وجهي تنففففففففخ عيوني صار من تحتها اسود مره ونفسيا صفر على تحت ورا الشمال لأنه ذكرني بمشاكل واسلوبه زمان اللي وصلنا لحافة الطلاق .. فالموضوع كان مختلط عندي لكن خليته يحرم يسمح للشيطان يدخل بينا ... واغلاط اول لا يعيدها يعني ايش استأذن منه واحنا رايحين سوا بعد؟ بالله صاحي؟ |
يالميس انتي غلطانه وستين غلطانه
يالله احين تروحين تعتذرين من زوجك |
انا لومكانك اروح بعد مااستاذن منه اكيد!! بس هو ماله شغل عطوني دعوه ولا ماعطوني عرس بنت عمي وبروح والاهل مابينهم دعوات..!!!
|
اقتباس:
من جد ناس ماينفع معاهم إلا هالأسلوب وأكثر كمان |
بصراحه يأخت لميس إنت غلطانه تدرين ليش ؟ لأن الرجال الرجال بمعنى كلمة رجال موته وقهره إن حرمته إذا قال لا توقف بوجهه وتقول لا بروح ومع اهلي ... الخ ويحب إن زوجته تستأذن في كل صغيره وكبيره عشان كذه الفطره في قلب كل رجل القوامه وعلى فكره ترا الرجال يحبون التحايل واللين فالواجب عليك يوم تبين شيء من زوجك تخاطبيه بلين وتتحايلين عليه وشوفي النتيجه ولو كان يحب المشاكل وعصبي داريه منتي خسرانه شيء راح يرضى بسرعه ولا تنسي حق الزوج على زوجته والله يأختي حقه عظيم :- - تخيلي فضل الأم و الأب وربنا إيش أمرنا أن نقدم لهم من طاعة ولين حتى لو كانوا غلط وإحنا صح تخيلي طاعة الزوج مقدمه على طاعة الوالدين . - الرسول عليه الصلاة والسلام في معنى الحديث (( لو كنت آمرن أحدن أن يسجد لأحد لأمرت الزوجه أن تسجد للزوجها ) أو كما قال صلى الله عليه وسلم - ولا تنسي أن إذا زوجك نام وهو غضبان عليك تلعنك الملائكه حتى تصبحين . أسأل الله أن يحل مشكلتك وفرج همك و يعينك ويهدي زوجك لكـ وتحضري زواج بنت عمتك وإنت مبسوطه |
اقتباس:
مازلت في وجهة نظري راااااااااااسك يابس في التصرف ده كنتي استعملتي كيد الحريم معاه ظاهريا موافقة ومكنسلة وممكن كمان تتفقي مع اهلك يبستفوه .. ويقولوله (مشكلتي) بتكلمنا وبتقول كنسلتوا ليه يا وليدي والكلام ده .. وكله بالاتفاق مابينك ومابينهم وباطنيا بتجهزي نفسك وهو اساسا هتلاقيه راح في النهاية عشان منظروا.. يعني كان كدا كدا هيروح يانهار على دموعك الاربع اربع سلامتك .. وجعتي قلبي بجد انتي عارفة انا فاكرة مشاكلك القديمة فعلا وكتير بتيجي على بالي خصوصا في مشكلة معينة بس مش هفكرك عشان ماقلبش المواجع الحمدلله ان انتي كويسة دلوقتي وده المهم:14: |
والله رجالكم فاهمين القوامة غلط.. ماقد استأذنت زوجي عشان احضر زواج قريب لي او صديقة عزيزة اذا جتني الدعوة ابلغه انه وصلتني دعوة واقوله التاريخ واذكره قبلها بيوم عشان هو بيوديني المشغل وخلافه لكن عمره ما قال ما استأذنتي ولا مافيه روحة..
انا استأذن منه لما ابغا اعزم ناس او بنرتب جمعه مع صديقاتي او قريباتي لازم استشيره ويوافق وطبعا هو مايعارض بس لازم استأذن واقوله اي يوم هم يفضلون وممكن يقول لا اليوم الفلاني بنخرج سوا او بنروح لاهلي خليها يوم ثاني وارجع اكلم صديقاتي ونرتب يوم ثاني يعني اتفق معاه واتأكد انه موافق لكن اذا زواج ولا عزيمة كبيرة طبعا مافيه مجال يأجلون اعطيه خبر وخلاص.. يا رجال ارحمو من في الارض يرحمكم من في السماء تبون تروحون استراحات وطلعات وسفريات على كيفكم واذا الزوجة بتروح زواج ولد عمها ولا عزيمة خالتها لازم تستأذن وحوسة ويمكن توافق ويمكن لا ..ويمكن توافق ويوم العزيمة تطنقر وتغير رايك وبالاخير الكل يلوم الزوجه ويقول كان تأسفتي وسمعتي كلامه !!! |
~~~البحلة بالنفس~~~ تدرين ليش يا أختي نقول لازم تتأسفين لزوجك وتسمعين كلامه . عشان رضى زوجك سبب دخولك الجنة |
ياجعله دوم يكون راضي .. لكن اذا وصلت انه يستعبدها ويعيش حياته بالطول والعرض وهي يحرمها من ابسط الامور اقوله حرااااااام علييييييك.. صدقني ياخوي سافرت اماكن كثير وعاشرت ناس من جميع الجنسيات ماشفت استعباد رجال لزوجاتهم زي ازواج الخليج والسبب سلبية الزوجة المبالغه فيها تحت شعار تأسفي واسمعي كلامه واصبري وغيره وصار الرجال يعتقد للاسف انه له الحق ان يفعل ما يحلو له حتى لو كان قمة الظلم وماعلى الزوجة الا الانقياد !
|
والله صادقه فعلاً هذا من الأسباب الأساسية لكثرة المشاكل على المستوى الخليجي لكن أفضل شيء هو أن ترضي الزوجه زوجها بحيث يكون في حدود الوسطيه ( لا إفراط ولا تفريط ) يعني لا لدرجة العصيان ولا لدرجة الدلال وأنا أعتبر أفضل طريقه للتعامل مع الرجال هي تعامل الزوجات مع اطفالهم وهي طريقة الحرمان يعني لا تعطيه الزوجه كل ما عندها ويمل منها ولا تحرمه من كل شيء و يكرهها .. ~~~ ( البحلة بالنفس ) ~~~ دمتي ودام قلمكـ |
| الساعة الآن 11:44 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©