حصلت مشكلة امس وودي اناقشكم فيها

قبل كم يوم كنت جالسه مع زوجي واخبرته بان زواج ابنه عمي بعد اسبوع وتمنينا لها التوفيق

المهم امس كنت اتكلم مع احد الصديقات في التلفون وارادت زيارتي واعتذرت منها لانها تريد زيارتي في نفس يوم زواج ابنه عمي واخبرتها اني سوف اذهب للزواج ومشغوله وكان زوجي بجانبي وبعد ان انهيت المكالمه رايته وكان شي ازعجه ولما سالته قال انتي الان تقولين انك ستذهبين لزواج ابنه عمك وليس عندي خبر انك بتروحين يعني لا استذان ولا غيره فقلت له اني قلت لك قبل كم يوم عن الزواج وقال انتي قلتي انها ستتزوج ولم تخبرني انك بتذهبين وان عمك لم يكلمني يعزمني على الزواج بحكم ان زواجهم عائلي فمن اين اتتك الدعوه فقلت اني ساذهب حتى ولو من دون دعوه واني ساذهب مع اهلي لبيت عمي فقال تصرفك خطأ والمفروض انك تبلغيني وانتي الان امرأه متزوجه واهلك ليس لهم حكم عليك او على ذهابك طبعا الموضوع تطور وقلت الحياه معاك لاتنطاق وانت تكبر المواضيع الصغيره ومافي شي غلط اصلا بس انت تبغى تسوي مشكله وابلغته انك قبل شهر عمك كان عنده عشاء ووجه الدعوه لك بمفردك ولم اكن معك وقالي انا رجال واختلف عنك فانا لااستاذن منك في خروجي اما انتي فيجب ان تستأذنين .

انا دايم اتضايق منه اذا صار اي شي يطنشني ويعصب ولا يكلمني وانا اقوله انت ليه ما تقول ايش ضايقك مني يقول انا متزوجك من خمس سنوات وعندي اطفال والظاهر كثر الكلام ماله داعي المفروض مثل هالامور ما تصير معاك وانك تفهميني .



الله يخليكم ايش رايكم

الله يهديك يا لميس!

معاه حق طبعا مليون بالميه


انتي في ذمة رجل لا تساوي نفسك فيه وتقارني المواقف لانه الدعوة يجب ان تتم للرجل


برأيي تعتذري عن الذهاب للعرس اذا لم تأتيه دعوه


لا تكبري الامور لانه فعلا انا ارى انه صح

__________________

بس المناسبه عائلية
وهو دائم يعصب على اتفه الامور

عزيزتي .. كان المفروض منك انك تعتذرين اول ما شفتيه متضايق وزعلان لكنك الله يهديك كبرتي الموضوع

وتناقشتي معاه في موضوع ما فيه اصلا نقاش وهو ( الاستئذان من الزوج )

ولكن اللي صار صار .. عليك الحين انك تروحين وتعتذرين منه مثلا قولي له : انا اسفه حبيبي وانت زوجي وتاج راسي

واهلي كلهم ... اذا ما تبيني اروح العرس خلاص ما اروح .. المهم ما تزعل مني ..وخطئي إني ما وضحت لك الموضوع

واوعدك ثاني مره استأذن منك قبل اتخاذ اي قرار ..

حتى لو كان عنده خبر بروحتك للعرس .. يمكن نسى ... وخذي هذه النصيحه من اخت ... لحظة النقاش مع زوجك

لا تقارنين نفسك بزوجك ولا ترجعين مشاكل قديمه اذا من البدايه سكتي عنها ... وبعدين اذا شفتيه معصب

حاولي تكونين هاديه وتمتصين غضبه ...لان هذا الشيء لصالحك

وانتي اكثر وحده عارفه وفاهمه زوجك .. فابتعدي عن الاشياء او التصرفات اللي تضايقه وتزعله ..والله يسعدكم ويوفقكم

ويبعد عنكم الزعل والمشاكل

اختك --- لمني بشوق

__________________

كل الحق مع زوجك

والكلام اللي قاله سليم 100%

أي رجل عاقل راح يتصرف نفس تصرف زوجك

واجب عليك إنك تعتذري لزوجك و تطلبي منه الإذن بالذهاب للزواج وأكيد ماراح يرفض طلبك

حتى لو كانت المناسبة عائلية

وشي طبيعي انه يعصب على أتفه الأمور بسبب مثل هالتصرفات منك

وإن كانت عائليه

انتي الآن عائلتك هي زوجك وأطفالك يا لميس

ومعاه حق يوم يقول صارلي معك خمس سنين والمفروض صرتي تفهمين طبعه واللي يزعله

اعتذري منه باسلوب لطيف

__________________

طيب ليه يطنشني ويلف وجهه ليه ما يقول اني زعلت منك ليش ينتظرني انا ابدأ في الكلام

كيف تروحي للزواج اذا لم تصلك دعوه ؟؟ حتى لو كان زواج بنت عمك .. انا شخصيا لا اقبل بذلك ..

هل بيت عمك قالوا لاهلك انك مدعوه معهم ام انهم لم يذكروا اسمك من ضمن دعوة بيت اهلك ؟؟

لنفرض ان بيت عمك قدموا لك دعوه و لم يقدموا لزوجك دعوه هل زوجك ينمعك من حضور الزواج لانهم لم يدعوه ؟؟

على العموم يا عزيزتي عندما قال لك زوجك انك لم تستأذني منه بالذهاب للزواج كان تداركتي الموقف و لفيتي و درتي

وانك آسفه انك غفلتي عن موضوع الاستأذان وانك لن تكرري هذا الشيئ مره اخرى من هذا الكلام عشان يخليكي تروحي

الزواج ..

اعتذري الان لزوجك و ان شاء يوافق على ذهابك للزواج ..

من الردين اللي كتبتيهم فوق واضح إنك مو راضية تعترفي بالخطأ و عندك شوية عناد

اذا حبيتي إنه زوجك مايطنشك أول شي تسويه لما تبدأي بالكلام معاه .. أعترفي بخطأك وندمك عليه وانك ماراح تكرري هذا الخطأ

وأكيد راح يسمع منك في هذي الحالة

لكن اذا جيتيه بأسلوب هجومي وبدأتي تقارني نفسك فيه وتحاولي تحمليه جزء من الخطأ فلازم تحمدي ربك إنك زوجك بيطنشك ومابيرد عليكي

لأنه لو رد عليكي يمكن يعصب عليكي زيادة أو تكون ردة فعله مو حلوة *