|
خطيبتي وطريقة التعامل معاها ؟
السلام عليكم ورحمة الله وبركاته
بنات ابغا رايكم في التعامل مع خطيبتي عمرها 16 سنة طبعا اتفقنا مع اهلها ان الزواج يكون بعد سنتين هل العمر مناسب في رايكم ؟ البنت عقلها اكبر من عمرها وبحكم ان ابوها وامها مطلقين اتعلمت الطبخ وشغل البيت وماشاءالله من هيا صغيرة اتحملت مسؤولية بس الى الان مافي مكالمات بيننا ... ايش رايكم اعطيها رقم جوالي ونبدا نتكلم ونتعارف اكتر ؟ هيا تقربلي من بعييييد واهلها يعرفوا اهلي مدري في دا السن كيف يكون تفكير البنت بايش تفكر وايش اكتر شي يهمها اعطوووني ارائكم ؟ وهل مدة سنتين كاافية ولا اقصرها انا قلت عشان البنت تكمل الثانوية وماتنشغل وكمان انا اكون جمعت شويتين بحكم اني توي متخرج سؤال اخير للمجربين خطيبتي مو سعودية وانا سعودي هل تاخد الجنسية لو اتزوجنا ؟ امها سعودية بس ابوها لا انتظر ردودكم وجزاكم الله خير |
يا أخي حالتي مثل حالتك بالضبط بالضبط.
أنت أخطر لأن أهلها مطلقين فقد تكون البنت بشدة أمها. أمانة أن تقرأ هذا قبل كل شئ و أنا متأكد ستستفيد. ولكن أقلب الصفحات فهناك كلام أكثر أخي. http://www.66n.com/forums/showthread.php?t=203118 |
اخوي شاكر لك ردك وانا ماعرضت مشكلة وابغا حل !!
انا ماكلمتها الى الان ياريت تقرا الموضوع جيدا قبل الرد وشكرا |
اقتباس:
أخي خطيبتي بعمر خطيبتك. اقرأ و شوف تفكير هذا الجيل كيف. لا انوي إلا نصحك |
ياخي تختلف الاطباع من بنت لاخرى يعني كل الي بعمر 16 ساروا زي خطيبتك مع احترامي لك ولها ؟؟
وايش قصدك ببنات دا الجيل ؟؟ في الطيبين منهم وفي الطالحين فرجاء ماتعمم ولو تلاحظ اني طلبت راي البنات لانهم الادرى بدي المواضيع : ) وشكرا لك |
اقتباس:
وعليكم السلام ورحمة الله بالنسبة لأخذ الجنسية لخطيبتك لازم تتأكد أنها بيعطونها الجنسية وتعرف الإجراءات والشروط جيداً حتى ما تقع بمشاكل وتواجه عوائق ومبارك مقدماً عزوبي:22: بس:d رجل:30: |
اخوي الافضل انو تخلي الزواج بعد سنتن لانو تكون هي نضجت في هالحاله
يعني يصير عمرها 18 مررررررررره كويس وقبل الزواج بكم شهر اربع شهور او سته شهور ابداء كلمها اريح لك واريح لها في كل الحالات اما التفكير مادري وش تبي تعرف باالضبط ......... |
عزوبي فعلا انا باشوف ايشالاجراءات بس اظن فيها تهيلات لانه مولوده في السعودية وامها سعودية
بابحث واشوف ايش الاجراءات بالضبط اختي انفاس العطور تسلمي على ردك انا قصدت انو فرضا لو كلمتها ايش المواضيع الي تكون تفكر فيها في دا السن ؟ |
اول شي بهالعمر الله اعلم وش تفيكرها .. يمكن تكون بنت ناضجه وعاقله وفهمت تجارب الي حولها ! ويمكن لاتزال طفله وتتفاجأ بتصرفاتها .. بس انك تأخر الزواج سنتين حلك سليم جدا .. وافضل شي تسـويه يعني بعمر 18 يكون الوضع احسن واذا تبي رقمها ليش لا بس بشرط تكونوا مملكين .. مو بس خطبه لأنها بكذا تكون غريبه عنك اذا عقدت قرانك بها من حقك شرعا انك تكلمها وتزورها .. من ناحية الزواج بأجنبيه هي تاخذ الجنسيه اكيد .. بس اذا خلفت .. يعني اذا ربي رزقكم بأطفال تاخذ اعرف واحد من جماعتنا متزوج تونسيه والآن هي سعوديه مليون بالميه .. يعني انسى انها تونسيه طبعا اكبر اولادها عمره 20 .. اخذت الجنسيه من زمااااااااااااااااااااان وايضا شخص اتزوج مصريه واخذت الجنسيه .. بس لازم تتأكد ان زواجك موافقين عليه ومطلع تصريح للزواج من اجنبيه .. عشان تتسهل اجرئات الجنسيه وسويت بحث بقوقل عن شروط الزواج من اجنبيه ووجدت شروط مالها اول ولا تالي .. سوي بحث واقرا وياليت تتوجه لوزارة الداخليه او الأحوال المدنيه ...{ مادري بس شوف وش االشروط ! وهل انت استخرجت تصريح .! لزواجك او لا ! وهل اصلا تحتاج ؟ بما ان امها سعوديـه .. والله يووووفقك .. |
دام امها سعوديه ومولوده في السعودية ما تحتاج تصريح على طول عقد في المحكمه بعد الفحص الطبي
لا تشيل هم كلامي عن تجربة .. ت ح ي ا ت ي .. |
شعاع فعلا قرات انو الي مولودة في السعودية ومن ام سعودية
مايحتاج اذن من وزارة الداخلية او الامارة فقط الاجراءات تكون في المحكمة سلمت اخووووي اختي دانتيل ... على راسي كلامك ربي يوفقك وان شاءالله التحاليل سليمة : ) |
انا انخطبت وانا
2 متوسط 14 وتزوجت تخيل وانا بعمر18 ولي 2ونصف متزوجه واعيش حياه سعيددددددده ولله الحمد ... اما عن البنات بعضهم علئ قؤلتك الصالح والطالح ... هداهم الله |
هذا الشيء يعتمد على شخصية خطيبتك .. إذا كانت طبيعية فإنها في هذا السن لا تفكر إلا في الرومانسية وفارس الأحلام التي ستعشقه وتكون قصة حب معه .... كن معها خلوق - لأن الفتيات بشكل عام يتحسسن من أي كلمة - وكن وكريم وأخبرها أنك تود أن تبني أسرة مسلمة يسودها الود والإحترام والحب وكن متدينا معها والتزم وصايا النبي صلى الله عليه وسلم مع النساء واجعلها تعلم ذلك فيك فإن رأت ذلك - وكانت سوية فسترد الجميل .. وستعطيك حقك . ومن أول زواجك عودها على الذي تريد باسلوب لطيف بمعنى لا تجعلها تتعود على نظام معين لا يعجبك ثم بعد ذلك تريد تغير هذا النظام ! لا تمنعها من الدراسة اجعلها تدرس ولكن اعلم انها اذا دخلت تخصص صعب وكانت مجتهدة فإن هذا سيؤثر قليلا على حياتكم . قربها إلى الله أكثر ، وايقظها لصلاة الفجر ، وسمع لها اسبوعيا مقطع من القرأن ، ولو صفحة .. ارشدها الى دورات ( تقام غالبا في بداية الإجازة الصيفية ) ومدتها قصيرة مثلا أسبوع ولكنها مفيدة جدا جدا . عن طرق التعامل مع الزوج ... واجعلها تسجل فيها ( فهذا إن شاء الله له أثر كبير ) . أسأل الله أن تكون مخطوبتك من الصالحات وأن يبارك لكم في زواجكم .. ويرزقكم ذرية صالحة عابدة لله عز وجل . |
همس انتي جيتي ع الجرح
هيا الله يعينك على اسئلتي ..... اول شي ايش رايك بعد قراية الفاتحة اكلم البنت ولا لا ؟ الملكة حتكون بعد سنة بالتمام اذا ربنا اراد وكل شي باذنه سبحانه مدري ايش رايك بالموضوع انا نفسي اكلمها مدري ليش ... طيب همس ايش رايك في ايش تفكر البنت في دا السن ايش اكتر شي يعجبها ؟ وتحبه ؟ واكتر شي يقهرها ؟ بشكل عام اعطيني نصااايح ونقاط وجزاكي الله الف خير |
اختي عابدة كلامك على عيني وراسي ونصائحك ماشاءالله قيمة
|
اقتباس:
|
| الساعة الآن 01:42 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©