|
متندمة على السكن في قريه
مسائـ / صباحـ .. الخير ..
تحية طيبة للاعضاء المتميزون .. فعلا لاغنى عنكم ولاعن ردودكم .. الوحدة اذا تضايقت ولجأت لرب العالمين ماتلقى متنفس لها غير هالمنتدى الراقي والمتميز بردود اعضائه واسمعوا سالفتي يالغالين :( زوجي ضابط في احدى القاعدات العسكرية برا الرياض يعني من تعاسة حظي ساكنين في قرية وطبعا انتم تعرفون الي متربية في مدينة بشوارعها واسواقها ومحلاتها ووووو ... وتسكن اخر شي بقرية شي شي مااقدر اوصفه لكم من طفش وملل وكآبة وووو طبعا بتقولون انتي عارفه قبل الزواج وليه وافقتي :29: أقولكم هذي كتبت رب العالمين وبالاضافه الى عدم الوعي الكامل بالمنطقه الي راح اسكنها يعني اول مرة اسمع عنها ولاتوقعتها بهالشكل ابدااا , والسبب الاهم والاكبر ابوي الله يصلح قلبه كان يشوفني من عداد العوانس اذا ماتزوجت الحين راح ابور عنده ولااحد يبغاني :19: تخيلوااا نظرته كانت حيييييل تجرحني وعمري كان في 22 يعني والله صغيرررره بس محطمة لابعد درجة من تفكير ابوي البدائي القديم ويمكن لانه يشوف كثرة العوانس في عائلتنا قال اكيد هذا مستقبل بنتي والله مدري وشلون كان يفكر بس مااقول الا الله يسامحه دنيا واخره .. طبعا زوجي احمد ربي واشكره مليوون مرة ماعليه كلاااام يحترمني ويعاملني احلى معامله بس الي كان يذبحني بالموضوع نظرتي الناقصه لحظي في الزواج يعني دايم اردد واقول بعد الدلال والعز والزيارات والوناسه اسكن هينا في سكن القاعدة وبين ناس والله والله مااعرف اتعامل معهم <<<< ماادري فهمتوني او لا؟ ولااطلع ولاجي ولااشوف باب الشارع يعني غمته مابعدها غمته وطويل العمر زوجي يجي تعباااااااااااان دايخ بعد الدوام وانتم اكيد عارفين دوام العسكرية والتعب .. الموهم بعد سنه من زواجي قدمت على دراسات عليا في الرياض ,, وكان بموافقه زوجي وظنا منه وقتها انهم مايقبلون الا الي معاه واسطه .. طبعا بفضل من الله وكرمه تم قبولي ورجعت لاهلي بحكم دراستي وكل شي اوكي بيني وبين زوجي يعني راضي وانا راضيه بس تعبااااااااااااااااااانه نفسيا من البعد وبس اندب حظي ليه انا كذا وليه وافقت عليه وهو بعيد وش استفدت من هالعرس الا الهم والغم لو ماتزوجت لو صبرت ووووو ... ووووش اسوووي مرررررررررررررة تعبانه نفسيا ابغى الدراسه وابغى احقق طموحي واخذ الشهادة واظمن مستقبلي وخاصة اني متفوقه ومتمكنه من دراستي ومعدلي مرة مرتفع وبنفس الوقت تعبت من البعد ومن العيشه عند اهلي ومن كلام النااااس ومن حاله زوجي مايجيني الا في الشهر مرة مع انها مو بعيييييييييييييده القرية بس 500 كيلو ولايجي الا اذا عنده شغله هينا يقضيها والاامه محتاجه له والا اخته تعبانه والا يجي عشاني يحسها كثيره علي :29: :29: الحين بخلص سنه دراسه ويبقى لي سنه ثانيه ومررررررررررررررررررررررررررررررررررة محتاره اكمل واعيش بنفس الهم والغم والبعد والصبر والا أرجع لزوجي وانسى الدراسه والطموح ؟؟؟؟؟؟؟؟؟؟؟؟؟ وليه الحرمه مسكينه كذا مايمديها تنجح في حياتها ولا تحقق ذاتها ولاتحترم رغبتها ؟؟ مع ان زوجي الله يصلح قلبه يقدر يجي الرياض ياخذ دورة يكون مثل الانتداب من دوامه لما اخلص السنه المتبقيه لي بعدين نرجع مع بعض لكن هو ابدددن راافض الفكرة ؟؟ يقول اخذها برا خارج المملكه استفيد اكثر لان الي ياخذ الداخليه تروح عنه الخارجيه طيب واناااااااااااااااااا ليه مافكر فيني :( |
500 كيلووووووووووووو لا فعلا قريبة ؟؟؟
وزوجك موافق انك تكملي هالسنة الباقيتلك بنفس هالنظام هذا ؟ |
صراحة حالتك صعبة والشتات مو زين ان شاء الله الاعضاء يفيدوكي
اتمنى لك حياة زوجية سعيدة |
السلام عليكم ....
أعرف ظروفك ووضعك تمام المعرفة بيننا عهد سابق ... نصيحتي ؟ اذا ما عندك أولاد ... شدي حيلك وخلصي دراستك تراها فرصة ذهبية ما شاء الله لا تفرطين فيها ... و 500 كيلو أقرب من 1500 كيلو ( اللي كان فيها زوجي ) يعني 4 ساعات وانتي عنده وهو عندك .. والاجازات عندنا ما شاء الله على قفا من يشيل ... وبعدين وجود زوجك هناك وانتم خفاف من غير عيال ميزة ... لأن السنة بسنتين ... فياخذها الحين أحسن من بعدين .. وانتي تحملي ولا يهمك كلام الناس ... الناس عمرها ما تسكت وانشغلي بدراستك الله يوفقك وينجحك يا رب بس اسمعي مني أنا ندمانة أن خروجنا ما كان بدري أيام ما كنا تونا متزوجين وما عندنا عيال كان الحين بألف خير لكن قدر الله وما شاء فعل ... ومن الأسباب اللي تعبتني وخلتني ما أروح أني ما أبي أدخل عيالي مدارس القرية ..أبي لهم أحسن تعليم مش أي كلام ومدارس حكومية وأسلوبهم القديم الجاف ...وفي قرية بعد !!! دمتي في حفظ الرحمن ،،،، |
اهلاا اختي ملاك ..
والله زوجي انا مو عارفه له مرررة احيانا يكلمني متضااايق وخلااااص لاتكملين السنه واجليهاا .. واحيانا أحس عااادي وكل كلمه والثانيه خليها بوقتهااا خليها بوقتهااا ولاادري وش مصيري السنه الجايه .. وتخيلي كان بيجيني هالويكند بس صار عنده زواج لصديقه الخميس الي بعده قال اجل خلااااص اخليها مرة وحده وانا لي تقريبا شهر ماشفته يعني يحس كثيرة يجي بس عشان يشوفني مررررررة متضايقه ماتتخيلوووون .. رحت وارسلت له قبل شوي رساله عتاب وليه ماتجي عشاني لازم يكون عندك شغله ولارد علي وانا عارفه انو صاحي مانام .. الله يصبر قلبي المسكين بجد انا حظي منيل في هالدنيااا |
بياعة الورد تسلمين والله يعطيك العافية ...
ويسمع منك ياااارب ... حياة سعيدة لي ولك ولكل الاعضاء .. |
اقتباس:
هلاااا وغلاااا اختي رسيل .. يعني عايشه نفس ظروفي :( تعالي نواسي بعض .. الحين وش صاار عليك وكيف قدرتي تتحملين وكم جلستي في القريه ؟؟؟ أنا ماعندي اطفال ومتزوجه تقريبا من سنه ونص ... يعني برايك الدراسه اهم من زوجي وحياتي خاصة ان البدايه هي الاساس .. ومافهمت كيف ندمانه ان خروجكم ماكان بدري ؟؟؟ |
خلاص كملي هالسنة لو متحملة الوضع هدا وبعدين استقري مع راجلك وين ما يكون وخلفيلك عيل وتونسي بيه وخلاااص
|
أنصحك اختي ان تكملي دراستك
تقربي من زوجك كلما شعرتِ أنه يمكن يرفض هذا الأمر لما تنتهي من دراستك لكل حادث حديث لكن إياكِ و ندب الحظ و الندم على هذه الزيجة و كأنك معترضة على قدر الله ! لا تفكري بهذه الطريقة السلبية ، فكري بايجابيات زوجك و بأجر الإيئار و التضحية التي ستقدمينها مقابل ارضاء زوجك لا تشعري زوجك باستيائك من العيش معه في قرية و لكن أكثري من الدعاء أن يعيدك الله إلى أهلك انتِ و زوجك و يكتب لك العيش في مدينة سواء مدينةأهلك أو غيرها المهم يصير عندك حياة اجتماعية !! و ان شاء الله بعد الانجاب ستنشغلين باطفالك و لن تشعري باكتئاب الوحدة إلا قليلاً الأهم عدم الاستياء و عدم اظهاره لزوجك على الاطلاق لا تقولي نادمة على هذا الزواج و تعودي بتفكيرك لأيام العزوبية لا تعيشي الماضي ، خليكي باليوم و وضعك الحالي !! العودة للماضي وا لندم أول طريق الاكتئاب و الجحد بالنعمة ، انتبهي يا اختي !! السعادة أكثر من 50% منها يعود لأسباب نفسية !! أسعدي نفسك بكل لحظة حسب ظروفك ، انتِ عروس و لاحقة عالهم و الغم !! |
ابتدي من وين ولا وين ؟؟
حالتك مثل حالتي سابقا .. الا انه وضعك ارحم .. بينك و بين زوجك 500 كيلو ... لكن بيني و بين زوجي كانت بلاد باكملها هو ببلد عايش و يشتغل و انا عند اهلي ادرس الجامعة دراستك سنتين ... دراستي 4 سنوات ماعندك اطفال ...انا حملت بالسنة الثانية .. اتخيلي شعور زوجي وهو بعيد عن زوجته و ابنه و شعوري انا . اول حمل لي زوجي ماكان وياي و لا بولادتي و لا باول ايام من عمر ابني ... لذا يا قلبي عارفة شعورك .. محتاجة لزوجك و فاقداه و انت عند اهلك .. و اذا رحتي لزوجك اختلف عليك الجو و الغربة و بعد الاهل و الدراسة ... فتعيشي بين نارين ... و ساعات مثلك كانت تجيني ساعات اندب حظي ليش البنات كلهم متزوجين جنب اهاليهم و انا الوحيدة اللي متشحططة من بلد لبلد :) بس الوحدة ياغاليتي تحمد ربها ... شوفي صفات زوجك الطيبة و احمدي ربك عليها زوجك طيب و يحبك و يحترمك ووافق تكملي دراستك ... قولي لي هل ممكن اي زوج يوافق على بعد زوجته بس عشان تكمل دراستها ؟؟ هذه لحالها جميلة من زوجك خليها فوق راسك طول العمر .... ما كان اناني و قال و انا ايش بسوي لحالي و انا اتزوجت و لازم تكوني معي .. مخليك على راحتك .. و ضحى براحته و بالنهاية تشتكي انه ما يجي .. طيب حبيبتي انتى ادرى بدوامه و تعبه .... و انت اللي اخترتي البعد و الدراسة اذا تحملي تبعات قرارك .. و لا تبيني لنفسك انك المظلومة او المقهورة بهذا القرار .. انتي مستحملة البعد و العيشة بيبت اهلك .. لا حبيبتي خلينا واقعيين .. انت المرتاحة .. عايشة بين اهلك معززة مكرمة .. تدرسي ووقتك مشغول ... لكن مسكين هو اللي يرجع من شغله .. تعبان مهدود .. مايلقى حد يستقبله .. يقضي يومه وحيد لا حد يسوي له لقمته و لا يهتم به ... و مستحمل عشانك .. و انت تشتكي منه ان ما يجيك .. حبيبتي برضه الرجال يستحي من اهلك مومعقول كل شوي يجيكم .. فا قدري موقفه ... اخيرا .. معاك فرصة ذهبية لا تضيعيها .. لما تكلميه بالتلفون لا تكلمية عن التعب و البعد و انك خلااااص ما تقدري تعيشي .. اكتمي مشاعرك عشان لا تأججي مشاعره و كملي السنة الباقية لك و بعدين سافري له ... الحمدلله انا كملت دراستي و الحين انا عنده نقلت من اسبوعين و لله الحمد .. مبسوطة اني اخذت شهادتي .. حاسة اني انجزت شي بحياتي .. فلا تضيعي هذه الفرصة دام انها برضاه الله يتمم دراستك بسرعة و على خير و ربي يجمعكم بالقريب العاجل |
عزيزتي عروس مغتربة
غير المشاكل الي ذكرتيه اشعر عندك مشكلة اخرى انتي مو مقتنعه بوضعك مع زوجك ودائما تشوفين الناس الثانيين وتقولي ليش انا كذا وهم لا ..عزيزتي اذا كان تحليلي صحيح ..بقولك شي في الدنيا محد ياخذ غير نصيبه ومهما حاولنا ماراح نغير شي من النصيب بس الانسان الذكي والفطين يحاول يتعايش مع وضعه بأي وسيلة ويحاول يقنع نفسه انه هو عايش افضل عيشة وحاولي ترلين لنفسك رسائل ايجابية مو تحطمين نفسك انصحك تقرين رواية ’’رواية حقيقية ليست من وحي الخيال ’’ اسمها السجينه لـــــــــــ مليكة اوفقير .. راح تعرفين ايش معنى التعايش والصبر .. اما موضوع دراستك اذا ماباقي غير سنة كملي وكلها سنة وحده .. وطبعا انصحك تستخيري الله يوفقك يارب تحياتي |
وضعتي زوجك في كفة ودراستك في كفة ورجحت كفة الدراسة على زوجك , فكيف تريدين من زوجك
أن يشتاق لك وأنت من تركتيه لأجل الدراسة , فأي شوق ترجين منه ؟ حقيقة لو كنت مكانه , لن أسألك عنك نهائيا وسأعيش حياتي مع غيرك من تعرف أن الزوجة تتبع زوجها ولو على رأس جبل , وتعيش ظروفه بحلوها ومرها , لا من تعرفه في رخاء المدن , وتمل منه في حياة القرى .. بالفعل عرفتيني قيمة زوجتي , وقد أخبرتني أنها لن تتركني ولو ذهبت لأقصى العالم , رجلي برجلك وحالي من حالك .. |
^^^^^^^^^^
هي لم تتخلى عنه ولكن اتتها فرصة دراسية لاتعوض كما هو حقق طموحة وذاته هي ايضا من حقها ان تكمل تعليمها واعتقد انه لايخفيك ان تعليم المرأة اصبح من اساسيات الحياة تساعده في المعيشة مع زوجها وغير هذا العلم نور وايضاتذكر ان من سلك طريقا يطلب فيه علما سلك الله به طريقا من طرق الجنة وإن الملائكة لتضع أجنحتها رضى لطالب العلم وإن العالم ليستغفر له من في السماوات ومن في الأرض والحيتان في جوف الماء وإن فضل العالم على العابد كفضل القمر ليلة البدر على سائر الكواكب وإن العلماء ورثة الأنبياء وإن الأنبياء لم يورثوا دينارا ولا درهما |
اقتباس:
اقتباس:
شوفي عزيزتي .. أنا خليت زوجي وجلست في الرياض .... ليه ؟ 1- عندي أطفال أبي ادرسهم في مدارس زينة .. 2- ما أقدر أفصل عيالي عن الرياض وانفتاحه وأصك عليهم في قرية مملة لأبعد الحدود لا خروج ولا ملاهي ولا أهل ولا أقران ( أنا انسانة حذرة من الجيران ولا أحب التعارف كثيرا من كثرة القصص اللي أسمعها ) أي شخصية ستبنى عندهم ؟ عدم صفر ... تمنيت أنني من البداية ذهبت مع زوجي ونحن بدون أطفال وبقيت معه هناك ..لا مانع لدي ... لكن لحد عيالي وأحط خط احمر وأوطى على قلبي.. وهذا اللي خلاني أترك زوجي 3 سنوات وأجلس في الرياض .. وفي البيت وحدي أيضا ما رحت لأهلي لو سويناها من البداية أيضا كان حصلت فرصة لزوجي أنه يجلس أكثر من 3 سنوات وأنتي عارفة تأثير الخدمة في المناطق النائية على المستوى المادي وراتبه ... أحسن طبعا ... يا ليتني لما جلست 3 سنوات سويت حاجة مفيدة في حياتي زي أكمل دراستي مثلا .. مع أني حاولت لكن لم أقبل في الدراسات العليا ... فأنتي ... كل الظروف متيسرة لك لتفادي أخطاء وقعنا نحن فيها ولأن قلبي عليك أكره أن أرى أحد أمامي يكرر أخطائي وأنا أستطيع نصحه وتنويره ... الله يفرج همك ،،، |
اقتباس:
أسعدك الرحمن مثل مااسعدني ردك النابع من رقي تفكيرك .. فعلااا كلامك سليم 100% بس احيانا يكون غصب عني والله الواحد له مستوى في التحمل واحيانا اشوفه فوق مستوى صبري وتحملي .. الله يصبررررررررررررررررررررررررني ياااارب |
اقتباس:
نوووره تسلمييييييييييييييييييييييين ياقلبي كلامك مثل البلسم الشافي على قلبي .. وفعلااا انا حاسه ان زوجي يعااااني ويضحي من اجلي بس يااربي وش اسووي حتى انا مااتحمل العيشه هناك واشوفه شي فوووووق ارادتي وصبري احيانا اقول البعد والدراسه فكتني من العيشه هناك ع الاقل هينا احقق ذاتي وارضي طموحي لكن فـ الحقيقه العب على نفسي لامرتاحه ولاشي وكارهه وضعي واندب حظي بكل مافيه.. انا فعلااا حسيت بعد هالزيجه ان كثييييييييير الي يعانون من نفس الوضع :29: طيب ياربي انا ويني فيه قبل اوافق كنت نايمه في العسل يعني لوشايفه او سامعه احد بوضعي كاااان ابدددن مااوافقت .. بس الحمد الله ع كل حال ويااارب قنعني بمارزقتني ورضني به ... انا راح استخير قبل تبدا السنه الجايه والله يكتب لي الخيرررررة ياااارب .. |
اقتباس:
يسلموو اختي رولادا .. بالعكس والله مقتنعه بزوجي واحبه حب جنوووني والله يحفظه ويخليه ويطول بعمره .. بس الي مومقتنعه فيه سكني بالقررريه هذي بسسسسسسس .. والحمد الله زوجي بشخصه اعتبره احلى نصيب جمعني فيه رب العالمين .. يعني زوجي ماعليه اي كلاااام ومررررة راضيه ومقتنعه .. بالنسبه لموضوع السنه المتبقيه يااارب اكتب لي الي فيه الخير ياااارب .. وراح اصلي صلاة الاستخاره .. ويعطيك العافيه ماقصرتي .. |
اقتباس:
زوجتك هذي حطهاا فوووووووووووووووووووووق راسك ..صااابرة وراضيه ومقتنعه والي مثلها وبهالوقت قليل الله يخليهاا لك ..ويسعدكم يااارب .. |
رسيل
يسر الله امرك واسعد قلبك .. وعقبال عندي يااارب ارجع من هالقريه :( الله يصبرررررررررررررني يااارب |
| الساعة الآن 10:58 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©