تصرفاتي التي ظهرت في وقت الخطبة ؟؟!!
 

السلام عليكم ورحمة الله

ان شاء الله انكم في اتم الصحة والعافيه

اولا صراحه حبيت هالمنتدى من طريقة التسجيل السهله والميسرة ومن المواضيع المفيدة والي بتفيدنا الي زي حالاتي المقبلين على الزواج :22:

ثانيا ندخل بالسالفه دغري

قبل اسبوع خطبت عند ناس من الجماعة

وصراحه الخطبة كان شعور هستيري بالنسبة لي

طلعت مني تصرفات عجيبه ولا شعوريا ههههههه :26:

قبل كل شي في البداية رحنا انا والوالدة الله يحفظها عند اهل البنت

والوالد المشكله ما جاء معي لانه كان مسافر وهذي مشكله حد ذاته بالنسبه لي انا ولا اقدر اقول اني بأجل الخطبه لان ما عاد فيه وقت ابد وصراحه بيني وبينكم ابي البنت هذي :30: من زمان

طبعا جيتهم من زمان بس قالوا لازم اختها الكبيره تتزوج والحمدلله جاء يوم زواجها وراحت

المهم دخلت بيتهم وجلس في المجلس وسواليف مع الاب والاخوان وطول الجلسه ابي اصرف اخوانها الي بيصيرون في المستقبل انسابي ان شاء الله :28: ناشبين في حلقي حتى من الله طلعو من المجلس ومابقي الا انا وابو البنت واللحين جاء الوقت الصعب وشلون ابدا هههههههه وقتها كنت محتاج الوالد الله يحفظه على شان يتكلم بدالي ولكن تجرأت وتكلمت وطلبت يد البنت

المهم يوم الاب قال لاولاده ازهمولي فلانه انا قلبي من وقتها جلس يرقص سامري وركبي ترتجف تقول كأني داخل قاعة اختبار حتى الشاي شربته في جغمه وحده وهو حار بعد توه صبوه لي بس ما حسيت شي هههههه :d

وجاني خجل مو طبيعي طول الوقت جالس اناظر اسفل وانا من عاداتي احب الفله والوناسه والضحك

يعني بأختصار شين وقوي عين :)

ومن يوم دخلت البنت وجلست قدامي مدري ويش جاني طالعت فيها عيوني ما نزلت عنها

حتى رمش واحد ما رمش قازها قز مو طبيعي حتى ابو البنت يقول يابنت طالعي فيه وهي المسكينه ما قدرت تطالع انا ما اعطيتها فرصه حسيت اني اناني :27:

المهم طول الوقت امها وابوها جالسين يقولون لها يابنت طالعي فيه وهي ماهي قادره ترفع راسها حتى انا بيني وبينكم طفشت وقلت لهم خلاص يالله انا بطالع فوق بالسقف هههههههههههههه :d احس انه تصرف دلخ مدري بلاهه مدري وشو مني .. من جد انا مدري ويش جاني ذاك اليوم حتى يوم قلت كذا كل الي بالجلسه ضحكوا ومستغربين مني

المهم بعد سلمنى عليهم وطلعنا جالس افكر طول وانا ماشي على الطريق وشلون هالتصرف طلع مني واخاف انهم يقولون هذا واحد دجه ما نبيه لبنتنا والا شي :11:

المهم امس الحمدلله جانا خبر ان اهل البنت والبنت وافقوا وانا وافقت والحمدلله انتهت اول مرحله من مراحل المقبلين على الزواج :d

ونسأل الله العلي القدير بأن تتم لي على خير وعلى جميع المقبلين على الزواج

وسؤالي هنا ... هل التصرفات الي طلعت مني هذي عاديه ؟؟ وتصير عند كل مت يخطب ؟؟

هاذي ربشة الموقف ههههههههه

بتجلس انت وهي تضحكون عليها بعدين هههههه

الله يوفقك خيو وييسر لك

الله يوفقك ويتمم بينكم على خير يارب
والله جدا ضحكتني وفرحتني يا اخوي

بالعكس كان حركتك حلوه ولطفت الجو الرسمي تبع الخطبه خصوصا انه البنت بتكون قلقانه ومستحيه فا انت حاولت اتشيل هالقلق

تمنياتي لك بالسعاده وعقبال كل العاوزين يارب

ههههههههه
شكلك صغير

عموما مبروك

يا حبيبي أنتبه شخصيتك هي قيمتك عند البنت وأهلها , الركادة والرزانة هي رسمة لك أمامهم

والإنطباع الأول هو ما يحفر في أذهانهم ..

ههههههههههه ~>تخيلت أشكالكم

بالعكس لآتصرف خطآ ولا تاخذك الأفكار والوساويس ..
هاذي مجرد أرتبآك مع خوف وكلن يمر بهآ ... وبعدين لطفت وغيرت جوهم شوي :)

لو مآشروك مآوافقو عليك الله يسخركم لبعض ويتتم فرحتكم وعقبال العزابيه


البرنسيسه~N

,
,

أضحك الله سنك

على فكرة إحمد ربك انه ابو البنت فاهم

لو غيره يمكن يقولون هذا الظاهر متعود ع البنات ويخوزز بهم واجد عشان كذا مانزل عينه من البنت والوضع عادي عنده !

الله يباركلك بأهم شي العشرة بالتي هي احسن وان تحسن إليها وتفرفشها

موفق لكل خير

,
,

اسعد الله اوقاتكم

وشاكر لمروركم العطر

ولأرائكم الي تهمني وصراحه حسستوني بأنكم العائله الثانيه لي :d

وبنسبه لعمري الي يقول صغير :26: 25 يعني لا صغير حيل ولا كبير حيل :22:

وبالنسبه علاقتي مع الجنس اللطيف في حياتي ما قد قابلت بنت وجه لوجه وكلمتها بصراحه

بس مرات كلمتهم عن طريق الشات واذكر مره من المرات كلمت وحده عن طريق الجوال بس كلها وناسه وطقطقه يعني مافيه حب ومحبابه وذيك الايام كانت ايام جامعة ومراهقه :o

بس والله احس ان الزواج غيييييييييير

راحه نفسيه لابعد الحدود

تحياتي لكم العطرة

عادي جدا يا الغالي
أنا لما خطبت وعقدت قراني طلعت مني تصرفات للآن أستغرب إنه كيف عندي جرأة أفكر إني أعملها !!

الفرح العارم اللي تشعر فيه لما تتم أمورك على بنت بتحبها لا يعادل أي فرح .. توكل على الله ولا تنسانا من العزومة ;)

هههههههههه حلوة جملتك تضحك تدري انا خطيبي من الربكة ضل ساكت ومانطق بكلمة وحدة بس يخز زي حالتك وتضايقت منة بعدين قالي اني كنت مرتبك وميت خجل يخليلكم انتو الشباب زينا خجل وارتباك لية الكل ماخد فكرة انةو بس البنت اللي ترتبك بهالمواقف عالعموم ياخوي الحين تصرفك طلع عفوي بس انصحك بعد كذا انتبة لنفسك ترة بعض البنات مايحبون زي كذا بتحس انك مو شخصية قدام اهلها فانتبة المرة الجاية و الله يوفقكم يارب ويسعدكم

الله يعطيكم العافيه

وشاكر لآرائكم ومروركم العطر

هههههههههههههههههههه الله يوفقك ويتمم لك على خير

احلى شي الفللللللللللللللله

الله يتمم لكم على خير.. الثقل مش حلو بين الزوجين ابد ..ومبروك مقدمااا

اهل خطيبي طلبوني ع اساس انهم يشوفوني ف طلعت وسلمت عليهم كانو مستعيلين لبسوني البله وكل شي وعقب قالوا انهم بيتوكلون بيروحون البيت ف نادوني اهليه واهل خطيبي قالولي تعالي سلمي ع خطيبج رحت تطالعنا وانا كنت خجووووووووووووووووله مرت اخويه قالتلي سلمي عليه انا ما طعت قالتلي سلمي عادي هذا خطيبج وسلمت وابتسمنا
اخوي عاااادي هالشي طبيعي

الله ييسر لك أمورك كلها ويختار لك إلي فيه الخير
أنا حسيت من كلامك إنك شاب فلاوي تحب المزح وهذا المطلوب طبعا موقفك عادي لأن أنا أحس أصعب فترة هي النظرة الشرعية لما يتخللها المزح هذا معناته إنك تلطف الجو
الله يوفقك وجعلها الله زوجة صالحه لك