|
حطي نفسك بهالموقف ...
حطي نفسك بهالموقف ......... خلص دوامك .. وطلعتي بره بالشارع تنتظرين السواق يجيك ..ولكن اتصلتي عليه .. جوال مغلق .. اتصلتي على كل ارقام اهلك محارمك مافي ... كلها مغلقة وبعدها طفا جوالك شحن ... وبقيتي تنتظرين وتنتظرين لين ماراحوا كل البنات وماظل غيرك واقفة عند باب الكلية ..بعدها قررتي تروحين للبيت مشي على رجولك ... وشوي الا سيارة فيها شباب دشارة ... أشكالهم ماتبشر بالخير أبداً... تمشي وراك ويقطون عليك من الكلام ... ترقيم ..غزل ... دعوة انك تركبين معهم ... والشارع شبه فاضي .. والبيت لسا بعيد ... والسيارة وراك وراك .. تراقبك وين مارحتي ... كيف سيكون موقفك ؟؟ |
ساتوجه وبكل ثقة بمن لا تغلق ابوابه ولا ينام
سادعو الله ان ييسر اموري وانا على ثقة انه لن يخيبني |
آية الكرسي فورا احصن نفسي بها واقرأها كل الوقت
وادعو الله ان :وجعلنا من بيني ايديهم سدا ومن خلفهم سدا فاغشيناهم فهم لا يبصرون ارددها كل الوقت الهذه الدرجه الشباب ما في اخلاق ولا يوجد تكسي الله يستر علينا جميعا |
زمان حصل لي نفس الموقف وصرت أسرع في الشارع بس بصراحه هو كان واحد بس أنا مت من الخوف لكن الأن لو تقطعيني ما أمشي على رجلي في ظروف زي كذا ومعي أرقام سواقين كنت أتعامل معهم للدوام إذا ما لقيت واحد\ أدق على الثاني |
شكرا اعمق المشاعر قد صارلي موقف بس مدري شقول :( وهو اني مررررة طلعت من التحفيظ متأخرة بعدصلاة العشاء وماكان عندي احد ابدا" وكان الجو عندنا بالشرقيه برد ومطر انا طلعت مافيه مطر وانتظر احد يجي مافيه المهم طلعت نزل المطر وقعدت اتخبط بالعباة والطين وماعاد اشوف النقاب يالله وحاله يرثى لها وعباتي ثقلت كأنها بطانيه:d ماشوف الا انوار السيارات وخفت من الهنود الي بالشارع والله حسيت بيغمى علي وامشي على الجدار لاصقه فيه مررررررررة الله يهديك ذكرتيني بذاك اليوم طبعا لما وصلت البيت :30: خلا ص ماراح اكمل بس صحيح مثل ماذكروا الأخوات اتوكل على الله وربي ييسرلي |
الحمدلله ماصارلي هالموقف قبل
بس اتوقع لو صارلي بجلس ابكي وبيغمى علي :S |
الشتاء الدافىء + جرين + عطر المحبة + طيووووف الأمل .+ عاشقة الغالي ............ شكراً لكم جميعاً
أنا حصل معي هذا الموقف أكثر من مرة في الجامعة وبصراحة مهما قلت ماراح اوصف لكم حالة الذعر والرعب والخوف ....... مع اني اردد آية الكرسي طووووووووووول الطريق ..... ولما أوصل البيت تصيبني نوبة بكاء .... وأفش غلي كله بأمي لانها نستني وماتذكرتني ........... المهم اللي خلاني اتذكر ذيك الايام واكتب لكم هنا هو انه اليوم حصلي موقف مشابه .... طلعنا لاستراحة اليوم العصر ,,,, وراحو ابوي واخواني مع صلاة المغرب للمسجد .... وبعدها طلبتني اختي الصغيرة 7 سنوات ..اني اروح معها للسوبرماركت وكانت بعيدة شوي ... وانا رفضت ... بعدين قالت لي والله عادي مرة رحت لها مع ابوي وكلها بنات كبار لابسات عبايات ..... <<هي تكذب علي ... بس تبغى عشان اروح معها ... المهم رحت ... وتفاجأت السوبرماركت كلها شباب مليااانة ... ومافيها ولابنت ....... والمشكلة مافيهم ولا واحد محترم ...... من الارتباك اعطيته 5 واشتريت عصيرة وحده بريال ....... وطلعت بسرعة وعكست الطريق نسيت ....... وبعدها لاحظت اثنين شباب راكبين السيارة يمشون ورانا ....... والطريق جديد علي وش السالفة ,,, مختلف تماماً مو نفس اللي جيت منه ........... امشي والف واوقف واناظر يمين يسار ,,, وانا في منتهى الرعب والخوف ..... والشباب كانهم حسو اني مضيعة وبدوا يتمادون بالكلام ............. وربي ستر لما شفت اخوي جاي يمنا .............. <<<< خلاااااااااااااااااااااص ماأعودها اروح بلحالي لاي مكان |
يا رب ما انحط في هاذا الموقف في يوم من الايام ،،،الله يحفظك اعمق المشاعر لازم ادوين حل ثاني،،،،انا مره صارلي بس شوي غير عنك،،،كنت اتدرب تطوعي وواحد من الموظفين همس لي انه يبي اميلي،،،، مع انه متزوج قريب،،،،،عملت نفسي ولا كائن سمعت شي،،،،والحمد الله طلعت من المكان ،الله يحفظ جميع بنات المسلمين
|
اخلي معايا بالشنطة مطوى احتياط :) تحسبا لهكذا ظروف
و اذا حصل هذا الموقف اتوكل على الله .. و اذا جد الجد و ووقفوني علي و على اعدائي اطلع المطوى :) و ياقاتل يا مقتول الله يحمي بنات المسلمين و يهدي شبابنا |
ههههههههههههههههه نورة ياخطيرة انتي الله يحفظك يارب ويحفظ جميع بنات المسلمين
اختي عمق صراحة غلط الي سويته شكلك لسا ما تبتي من التجارب الي ذكرتيها لاعاد ترجعي تسوي كذا مو كل مرة تسلم الجرة الله يحفظك يارب انتبهي على نفسك |
الحقيقة ماصار معي هيك موقف من قبل
لأنا بلادي مافيها شوارع فاضية ابدا وماعنا نتصل بسواق عشان السواقة مسموحة عنا بتمنى ماادخل هيك موقف الله يعينك بجد موقف صعب بس لومكانك اقرأ قرآن وماابين للشباب اني خايفة ومهتمة بحركاتهم وامشي عادي بكل ثقة ولا كأني بشوفهم .. الله يحفظنا بحفظه من كل شر موضوع حلو بتشكرك كتير,, |
مرااحب
انا باهالمواقف اصير قويه مرره ماادري ايش الشعور اللي يجيني احس اني بكفخ الكل وياجبل مايهزك ريح:18: وكثير جدا تصير لي هالمواقف ااقوى موقف صار لي انه مره نزلو من السياره ولحقوني 2 من الشباب تحسبني صرخت والا هربت ابدا كملت الين جو بجنبي وقربت عند بوابه البيت وهم واقفين معايه صار اللحين هم اللي مفروض يستحون على وجيهم ويروحون:( بس اللي اختشو ماتو ... وطلعت النهايه كلها انو بس يبوني اخذ الرقم :d انا احس اهم شي ان البنت تبين انها قويه وواثقه من نفسها ولاتطالع فيهم وهم يتكلمون ولاترد عليهم والله يستر علينا وعلى بنات المسلمين |
اقتباس:
ماشاء الله تبارك الله ........ بجد والله انك قوية ........ وبعدين كلامك صدق والله : انا متأكدة وعارفة انهم ماراح يسوون شيء فعلاً ... مجرد كلام وتخويف للبنات ... بس مع ذلك يظل موقف صعب ومخيف .......... |
اقتباس:
حياكِ الله أختي رحيل .... بس مسألة ابين اني واثقة وعادي ....... هذي صعبة والله ... الخوف لازم يبين |
اقتباس:
مشكوووووووووورة على مرورك ....... :) اقتباس:
اقتباس:
هذي مواقف طارئة ..... تحصلي غصب عني ......... مو مسألة اني اتوب او مااتوب مشكوووووووووووووووووووورة على مرورك :23: |
الله يحفظنا
انا صراحه جدا خوافه وافقد تركيزي وقت الخوف الشديد.. ممكن اضرب بااب اقرب بيت على طريقي على اساس انه بيتنا يخافون ويروحون ومنها لو طلع اللي فتح الباب ناس كويسين استنجد فيهم بعد الله.. |
لا مستحيل اروح على رجولي بارجع للكلية لين يتذكروني أهلي ويرجعون
أو بدور شاحن للجوال أكلم الحارس المهم مستحيل امشي بالشارع وهو فاضي |
ذكريات لاتغيب
صدق كلامك ولو انا ماامشي ابدا ابدا انتظر دام البيت بعيييييييد موقف حصل لي في هاذي الاجازه موقف وهو ان زوجي ارسل لي رساله بلصبح وانا مستحيل انه اذا ارسل ماارد علييييييه لاوم تبادل بيننا الاهم اخوي لصغير عمره 12 سنه قلت له دق علئ السوبر ماركت خله يجيب بطاقة شحن لي !! فقال اخوي وييييييييين ياهمس مافي توصيل الان الساعه 9 الصباااااااااح قلت تكفئ حاول دق على السوبر ماركت قال مافي توصيل فقلت لخوي يلله انا وانت نرووووووح الان للسوبر ماركت ؟؟؟ قال يلله طبعا رحت معه لان الشوارع فاااااااااضيه تماما !! واستئذنت من امي ورحنا وحتئ ابوي ماهو بلبيت مافي بلبيت الا امي واخواتي واخواني الصغار طبعا انا الاخت الكبرئ لهم ورحت انا وهو ومتحمسه بعد ...... اني ارد لزوجي احلئ رسااااااااله ......خخخخخخخخخخخخ الاهم وقفت عند باب السوبر ماركت وكانت علئ الشارع العاااااام ونادر تمر سيااااااااره !!!! الا وتمر سياره بيضاء بسرعه شوووووووووووووووووووووووووووي الا ويرجع يريوس قريب من السوبر ماركت فكنت اقوله يارب تكفين شره!! ووقف بلقرب مني ومن السوبر واخوي جوا السوبر الاهم يفتح شباك السياااااااره !!!وينزل نفسه ويناظر فيني عطيته ظهري وكنت اقول بخاطري والله ثم والله ثم والله ن نزل هلرجااااااااااااااال لاانزل جزمتي واضربه ضرب وافشله وربي لااسؤيها ,.... وشفت مانفع معه اني عطيته ظهري !!!! واخوي طول بداخل السوبر .... والرجال حسيته بينزل ويرقم وشفته يأشر بيده لي ... قمت وفسخة الجزمه وأأشر له ؟؟!!!وهو بعيد شؤي عن السوبر وربي انه سكر الشباك ومشئ وطلع اخوي وهو يضحك ويقؤل شفتك وربي فشلتينا شفتك وانا احاااسب وجزمتك بيدك !! قلت خله تنسد نفسه علئ باله اني معجبه بذاك الوجهه .... هههههههه. لكن اتذكر بعدييين فااقول وري موقف يخوف شوااارع فاضيه ولا اي بشر يمشي وابؤي ماهو بلبيت !!!!!!!!!! وانا اهدد انا ووجهي بجزمه لاهي تنفع ولا تضر . وتبت اني مااعيد هلروحه واذا مافي رصيد فبرسل لزوجي كولمين وهو بيفهم . |
معليش تدخل بموضوع ما هو من شأني
بس حبيت أوضح شيء من باب الفائدة صحيح لابد أنها تكون حذرة وما تطلع بأوقات تكون الشوارع فاضية لكن الضرورة لها أحكام وأهم شيء ما تتجاوب مع الشاب ولا تنظر إليه أبدا وتحاول تتماسك ولا تبين الخوف والشيء الثاني وهو مهم لا تتهور وتسوي شيء ينقلب ضدها مثل : تاخذ حصى وترمي السيارة وتضرها لاحظوا تضر السيارة أو تكسر القزازة أو تضر الشاب بشيء لأنه بيحاول ينتقم ويحط راسه براسها (والله المستعان - شباب بلا حياء ولامروءة ولا ضمير) أما التهديد فعادي ما فيها شيء إذا تتطلب الأمر مثل هذا إذا كان مجرد محاولة ترقيم. أما إذا زاد الأمر عن حده وتعدى فصحيح ممكن تحاول تدافع عن نفسها بأي وسيلة مناسبة أو تحاول تبين أنها تتصل بأحد أقاربها وعليها بالتوكل على وسؤال الكفاية من شره الله يحفظكن ويحفظ بنات المسلمين |
الحمدالله ماقد حصلي دا الموقف ابدا
بابا مايرضانا نرجع مشي ولحالنا ابدا جامعتي كانت كم متر وبيتنا وابويا يقول عادي انتظري داخل ولاتروحي مشي ولو مررررررررررررررررررررررررررررررررررررره لازم اتصل على ماما واستاذن منها اني ارجع مع صحبتي اللي سواقهم شاااايب هههه والبيت كلها كم متر واوصل |
الله يهدي الشباب يارب
اذكر موقف يخوف بس ربي ستر عن تصرف الشباب الطايش هذا كان داخل البيت ليته ف الشارع كان بيتي وبيت ام زوجي واخوانه جنب بعض في حوش واحد والبواب البيوت تفتح عل الحوش هذا غيرالبيبان الخاصه لاهل البيت التي تفتح عل الشارع المهم كان زوجي مسافر ونا لحالي في البيت وبيتي في سط البيوت يعني ماعلي خوف البيوت متلاصقه كانت صالتي وغرفة امه مابينهن الا الحائط فهمتو وكان شتاء وبرد ينسمع كل شئ بسب الهدو مافيه حنت مكيفات وكان الوقت ليل الساعه 2 وكنت نايمه وقوم عل صوت حركت باب وهزهز بس غير متواصل ورجع ونام وزادة الحركه والهزه اناء طراء عل بالي هواء قويه تحرك الباب والصوت من الباب البيت اللي في جنبي وفجه يسكت وفجه يزيد بعدين صحصحة خلاص طار النوم من حركت لباب وتضح لي ان الباب يهز ولا فيه صوت هواء وجاني خوف وقلت خلنيني اتطمن عل بابي وزرفله كنت مازرفلته وهو باب ذو درفتين يعني هزتين ينفتح وروح مسرعه وزرفله بشويش تدون ليش عل شان اشوف الحرامي كان فيه فتحه صغيره جدا اشوف بس الي قدام الباب (هذا فلم رعب ماهو موقف) والحمد لله ما قدر يفتح الباب كان قوي مزرفل واهله نايمين ما حسو في شئ خلاص ايقنت انه ماهو هواء وروح واقف قدام الباب وطل عل شان اشوف الحرامي واحفظ شكله اذا صوب ناحيت بابي بعدين اتسمع اذا سمعة فتح باب احد ابي اطلع له بس ماسمعت شئ وقف هز الباب وانا واقفه اطل الا هذا اشئ راس ارتفع من تحت لفوق ونه ملاصق لباب ناظر لسقاطه تحت وقام ليناظر السقاطه للي فوق تدرون ليش ما خفت علشان معي مسدس مرخص لزوجي واقعد طالعه شوي احفظ شكله وشفته شاب شكله سكران حتى عصقوله الله يهديه وكنت مزهبه المسدس اي حركه يثور حت طلقه خساره فيه واكلمه خير وش تبي انا اعرفك من باب التخويف وعل طول هرب وروح اطق الحائط عل ام زوجي وهي تطلع عل طول ما تدري وش ابي وناعل طول افتح الباب قبل لا تطلع خفت عليها يكون موجود ومعه ساطور او اي شئ يضربها فيه وهي يوم شافتني معي المسدس وهي ترجع خافت قلت حرامي وهي عل طول تصحي عيالها ويجون ويفتشون عنه ونه كد هرب وش رايكم يصلح فلم اكشن هالقصه طلع ماهو موقف زوجي وامه وخوانه قالو ليه ماصوبتيه قلت حرام وراه ام وابو واهل يرجونه والله تذكرت اهله وجهله القتل ماني قاتلته بس كنت لو قاوم او سواء اي شئ بس ابي اصوب عل الرجوله الله يهدي الشباب |
| الساعة الآن 11:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©