حطي نفسك بهالموقف ... - منتدى عالم الأسرة والمجتمع

25-09-2010, 09:58 PM

أعمق المشاعر

عضو مثالي

تاريخ التسجيل: Jul 2010

المشاركات: 689

حطي نفسك بهالموقف ...

حطي نفسك بهالموقف .........

خلص دوامك .. وطلعتي بره بالشارع تنتظرين السواق يجيك ..ولكن اتصلتي عليه .. جوال مغلق ..

اتصلتي على كل ارقام اهلك محارمك مافي ...

كلها مغلقة وبعدها طفا جوالك شحن ...

وبقيتي تنتظرين وتنتظرين لين ماراحوا كل البنات وماظل غيرك واقفة عند باب الكلية ..بعدها

قررتي تروحين للبيت مشي على رجولك ... وشوي الا سيارة فيها شباب دشارة ... أشكالهم ماتبشر بالخير أبداً...

تمشي وراك ويقطون عليك من الكلام ... ترقيم ..غزل ... دعوة انك تركبين معهم ... والشارع شبه فاضي ..

والبيت لسا بعيد ... والسيارة وراك وراك .. تراقبك وين مارحتي ...

كيف سيكون موقفك ؟؟

__________________
بنفس القدر من الجهد نجعل أنفسنا أقوياء أو ضعفاء

25-09-2010, 10:07 PM

الشتاء الدافئ

كبار شخصيات المنتدى

تاريخ التسجيل: Oct 2006

المشاركات: 1,347

ساتوجه وبكل ثقة بمن لا تغلق ابوابه ولا ينام
سادعو الله ان ييسر اموري
وانا على ثقة انه لن يخيبني

__________________

اللهم اعنا على ذكرك وشكرك وحسن عبادتك

25-09-2010, 10:21 PM

GREEN222

VIP

تاريخ التسجيل: Jun 2008

المشاركات: 11,121

آية الكرسي فورا احصن نفسي بها واقرأها كل الوقت

وادعو الله ان :وجعلنا من بيني ايديهم سدا ومن خلفهم سدا فاغشيناهم فهم لا يبصرون

ارددها كل الوقت

الهذه الدرجه الشباب ما في اخلاق ولا يوجد تكسي

الله يستر علينا جميعا

__________________
http://live.gph.gov.sa/
اللهم اني استودعك اولادي

25-09-2010, 10:28 PM

عطر المحبة25

عضو مميز

تاريخ التسجيل: Feb 2008

المشاركات: 224

زمان حصل لي نفس الموقف وصرت أسرع في الشارع
بس بصراحه هو كان واحد بس أنا مت من الخوف لكن الأن لو تقطعيني ما أمشي على رجلي في ظروف زي كذا ومعي أرقام سواقين كنت أتعامل معهم للدوام إذا ما لقيت واحد\ أدق على الثاني

26-09-2010, 12:13 AM

طيووف الأمل

عضو مميز

تاريخ التسجيل: Sep 2010

المشاركات: 1,091

شكرا اعمق المشاعر

قد صارلي موقف بس مدري شقول

وهو اني مررررة طلعت من التحفيظ متأخرة بعدصلاة العشاء وماكان عندي احد ابدا"

وكان الجو عندنا بالشرقيه برد ومطر

انا طلعت مافيه مطر وانتظر احد يجي مافيه المهم طلعت نزل المطر وقعدت اتخبط بالعباة

والطين وماعاد اشوف النقاب يالله وحاله يرثى لها وعباتي ثقلت كأنها بطانيه

ماشوف الا انوار السيارات

وخفت من الهنود الي بالشارع والله حسيت بيغمى علي

وامشي على الجدار لاصقه فيه مررررررررة

الله يهديك ذكرتيني بذاك اليوم

طبعا لما وصلت البيت

خلا ص ماراح اكمل

بس صحيح مثل ماذكروا الأخوات اتوكل على الله وربي ييسرلي

__________________
كبرنا كثيرا" يارفقه 8-8
ولم تُعد آآيامنآ كماكانت بسيطه

26-09-2010, 12:21 AM

عاشقة الغالي

عضو مثالي

تاريخ التسجيل: Aug 2010

المشاركات: 2,726

الحمدلله ماصارلي هالموقف قبل
بس اتوقع لو صارلي بجلس ابكي وبيغمى علي :S

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

26-09-2010, 12:31 AM

أعمق المشاعر

عضو مثالي

تاريخ التسجيل: Jul 2010

المشاركات: 689

الشتاء الدافىء + جرين + عطر المحبة + طيووووف الأمل .+ عاشقة الغالي ............ شكراً لكم جميعاً

أنا حصل معي هذا الموقف أكثر من مرة في الجامعة وبصراحة مهما قلت ماراح اوصف لكم حالة الذعر والرعب والخوف ....... مع اني اردد آية الكرسي طووووووووووول الطريق ..... ولما أوصل البيت تصيبني نوبة بكاء ....

وأفش غلي كله بأمي لانها نستني وماتذكرتني ...........

المهم اللي خلاني اتذكر ذيك الايام واكتب لكم هنا هو انه اليوم حصلي موقف مشابه ....

طلعنا لاستراحة اليوم العصر ,,,, وراحو ابوي واخواني مع صلاة المغرب للمسجد .... وبعدها طلبتني اختي الصغيرة 7 سنوات ..اني اروح معها للسوبرماركت وكانت بعيدة شوي ... وانا رفضت ... بعدين قالت لي والله عادي مرة رحت لها مع ابوي وكلها بنات كبار لابسات عبايات ..... <<هي تكذب علي ... بس تبغى عشان اروح معها ...

المهم رحت ... وتفاجأت السوبرماركت كلها شباب مليااانة ... ومافيها ولابنت ....... والمشكلة مافيهم ولا واحد محترم ...... من الارتباك اعطيته 5 واشتريت عصيرة وحده بريال ....... وطلعت بسرعة وعكست الطريق نسيت ....... وبعدها لاحظت اثنين شباب راكبين السيارة يمشون ورانا ....... والطريق جديد علي وش السالفة ,,, مختلف تماماً مو نفس اللي جيت منه ........... امشي والف واوقف واناظر يمين يسار ,,, وانا في منتهى الرعب والخوف ..... والشباب كانهم حسو اني مضيعة وبدوا يتمادون بالكلام .............

وربي ستر لما شفت اخوي جاي يمنا .............. <<<< خلاااااااااااااااااااااص ماأعودها اروح بلحالي لاي مكان

__________________
بنفس القدر من الجهد نجعل أنفسنا أقوياء أو ضعفاء

التعديل الأخير تم بواسطة أعمق المشاعر ; 26-09-2010 الساعة 12:34 AM

26-09-2010, 01:29 AM

وصلت حدي

عضو نشيط

تاريخ التسجيل: Jan 2010

المشاركات: 182

يا رب ما انحط في هاذا الموقف في يوم من الايام ،،،الله يحفظك اعمق المشاعر لازم ادوين حل ثاني،،،،انا مره صارلي بس شوي غير عنك،،،كنت اتدرب تطوعي وواحد من الموظفين همس لي انه يبي اميلي،،،، مع انه متزوج قريب،،،،،عملت نفسي ولا كائن سمعت شي،،،،والحمد الله طلعت من المكان ،الله يحفظ جميع بنات المسلمين

التعديل الأخير تم بواسطة وصلت حدي ; 26-09-2010 الساعة 01:32 AM

26-09-2010, 01:46 AM

أم يوسف2

كبار شخصيات المنتدى

تاريخ التسجيل: Sep 2003

المشاركات: 8,245

اخلي معايا بالشنطة مطوى احتياط تحسبا لهكذا ظروف

و اذا حصل هذا الموقف اتوكل على الله .. و اذا جد الجد و ووقفوني علي و على اعدائي اطلع المطوى

و ياقاتل يا مقتول

الله يحمي بنات المسلمين و يهدي شبابنا

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

26-09-2010, 01:53 AM

#10

عاشقة الغالي

عضو مثالي

تاريخ التسجيل: Aug 2010

المشاركات: 2,726

ههههههههههههههههه نورة ياخطيرة انتي الله يحفظك يارب ويحفظ جميع بنات المسلمين
اختي عمق صراحة غلط الي سويته شكلك لسا ما تبتي من التجارب الي ذكرتيها
لاعاد ترجعي تسوي كذا مو كل مرة تسلم الجرة
الله يحفظك يارب انتبهي على نفسك

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه