|
ترهل البطن بعد الولاده
مرحبا صبايا
شحالكم انا عندي مشكله ومعقده حياتي بعد ما كان بطني لازق فظهري بعد الولاده استوالي شوي ترهل من تحت ابدا ابدا مب حابه الشكل ما خليت كريمات ولا رياضه !! افكر اني اسوي عملية شد بطن حد عنده حل ؟ في امل انه يرجع مثل ما كان ؟ |
هلا عذووب
كم لك من ولدت ؟ ولا تستعجلين على العمليات وكم مره ولدت ؟ |
اول ولاده و بكمل السنه
بس ما عدت اقدر البس الملابس الخاصه لزوجي! :( |
عذوب .. ايش من رياضات سويتي ..
لانه حتى رياضة المعدة .. في رياضة مخصصة للجزء العلوي من البطن و في للجزء السفلي للبطن ( مكان الترهل ) |
هي اعرف نورا
سويتها كلها عندي سي دي خاص لمدربة البيجست لوزر الرابح الاكبر النسخه الامريكيه ومعروفه هذي المدربه تموتك بس نتايجها وااو طبعا النتايج طلعت بكل مكان الا البطن !!! كنت اسوي وضع اليد خلف الرقبه مع الرفع والنزول .. ورفع الرجل اتجاه البططن و حركات السيكل بالرجل و كثير والله انتي جربتي شي وفادك ؟ ولا شكلج ما صارت عندك نفس المشكله !! |
انا بعد الولاده الأولى الحمدلله ما كان في ترهل.. اللهم بس زي تمدد بسيط و من غير رياضه رجع بطني زي اول و السبب برأي في حالتي كان الرضاعه الطبيعيه الكامله و المشي يوميا اما الحين بعد الولاده الثانيه.. الله لا يوريكي كيف كنت البطن كان ماشي الحال من القسم العلوي بس ترهل فظيع في السفلي يعني اسفل السره و اشتركت في النادي و كان في مدربه خاصه لمدة اسبوع قلت للمدربه عن الوضع.. و ورتي تمارين نفس الي ذكرتيهم و زياده جهاز الدراجه لمدة 20 - 30 دقيقه او جري كمان 20-30 د الحين الحمدلله الوضع تمام :22: حاولي تتمرني 5 ايام في الأسبوع اقل شي و يوميا في الصباح قبل الفطور سوي sit ups و زيدي عدد المرات في كل اسبوع ابدئي ب30 اول مره و كل اسبوع زيدي 5, الين في الأخير تسوي 100 مره كل صباح |
والله يا ستي صارت على خفيف ... اذا نحفت زيااادة لل55 كيلو تبان واضح بس لما اسمن لل 60
و تطلع كرش خفيف .. تختفي بس للامانة ما اتريضت .. كسلت .. فا قلت اسالك لانه اغلب المواقع يقولوا الرياااضة تبعدها فا الحين انتي طمنتيني :).. كنت الوم نفسي على كسلي .. بس الظاااهر هذه ضريبة الامومة المهم ياستي مرة قرات هنا احد العضوات تقول الحل الوحيد .. هو الربط بعد الطفل الثاني قصدي ربط البطن بالمشد ... بس ماجربتها صراحة و اللي اعرفه انه ريط البطن يضر بالرحم .. فا ما ادري ايش اقولك ... شكلي بعد حملي هذا بربط على خفيف و اشوف النتيجة و بقولك صبرك عليا :) |
لوف ..
المشكلة مو بالعضلات و انما بالجلد تحسيه اتمدد و صعب يرجع لما كان عليه فا كيف الرياضة تفييد ؟ |
شوفي اختي عذوب 00 منطقة اسفل البطن من اصعب المناطق ترهل 00
وخاصة ما كان بعد حمل وولاده 00 وأنتي لك سنه فقط والده 00 هي ترجع 80 بالمئه بعد سنتين او ثلاث على حسب الجسم والإهتمام طبعا00 وإذا بدأت تتلاشى إلا وانتي مفكره تحملي ثاني 00 وتبدأ معك المشكله من جديد 00 الله ياجر نا حمل وولاده ونبي اجسام سوبر لوكس :d المهم تعرفين وش هو الشي اللي استفدت منه مع الرياضه 00 تدليك المنطقه يوميا مع الاستحمام !! لأنه جلد خارجي فقط 00 واستخدمت خلطة خل التفاح مع زيت الزيتون والجلسرين السائل وزيت الخروع وزيت اللوز المر 00 مفيده جدا 00خاصة أن الخل يشد الجلد ويسكر المسام00 تضعينه ساعتين لأربع ساعات والله يعينك على الريحه ومفيده ايضا للصدر00 وهناك بعض المراكز تستخدم لك اعشاب معينه لهذه المنطقه والقيام بتدليكها00 ولفتره معينه00 إن شاء الله اكون افدتك00 دمتي بخير حبيبه |
اقتباس:
الا يا نورا حتى الجلد يرجع يمكن مش مشدود زي زمان بس النتيجه جداااا مرضيه اتخيلي الناس الي اوزانهم كبيره و لما ينحفوا مع رياضه يرجع جسمهم مشدود لدرجة انك مستحيل تتخيلي ان الشخص هذا كان سمين في يوم الشغله يبغالها تعب و مجهود و صبر.. لأنه الي يصير وقت الحمل تمدد جدا كبير في وقت جدا قصير (9 شهور او اقل) يبغالها اقل شي سنتين شفت برنامج The doctors و كان في وحده في اواخر الثلاثين و حملت و جابت توأم و كانت تشتكي و تقول انها تتمرن يوميا و حرمت نفسها من اكلات تحبها و جابت مدربه خاصه تمرنها في البيت هي نحفت مررره و جسمها صار مشدود بس منطقة البطن زي ما هو ما تغير فيها شي تقولي حامل بأول شهورها و الدكتور قال شي عن طبيعة جلدها و ان العمر له دور و كمان لأنها حملت بتوأم و اشياء كده المهم انها سوت عمليه في الأخير |
اقتباس:
طيب كيف لو حملت للمره الثانيه و الثالثه وووو الغرب يكتفوا بواحد او اثنين و يسوا العمليات هذه اما نحنا لأ فكري هل راح تسوي عمليه بعد كل ولاده و كمان اضرار العمليات كثيره سوي بحث بسيط و راح تشوفي صور فظيعه عن النتائج النهائيه انتي سوي اللي تقدري عليه و الباقي خليها على الله لازم في الأخير تستسلمي و تتقبلي جسمك كيف ما كان تذكري ان جسمك مر بمرحله عظيمه و هي ولادة كائن بشري و الترهل و الخطوط دليل يذكرنا ان الأمومه لها ثمن :d |
اقتباس:
ممكن تعطينها كيفية التمارين اللي تشد اسفل البطن و تساعد للوصول لنتيجة مرضية على الأقل |
اقتباس:
هي ما فادتها الرياضه لعدة اسباب 1- عمرها قريب من الأربعين, و معروف ان الجسم يبدأ يفقد لياقته و ليونة الجلد 2- جابت توأم,, يعني اضربي الترهل اللي قاعدين نتكلم عنه في اثنين 3- نقطه ما ذكرتها, انها كانت مستعجله لأنها كانت تبغى ترجع تشتغل لما الأولاد يصير عمرهم سنه تصورا انها لما كانت في البرنامج و بعد ما سوت العمليه ان التوائم كانوا بس 10 شهور بصراحه يا مسز داني :) ما اعرف اشرح حركات الرياضه و ما اقدر انزل فيديو لأنه ممنوع و الا للأمانه عندي موقع اجني فيه جميع الرياضات المختلفه مثل يوغا و بيلاتس و ايروبيك و رياضات خاصه لمناطق معينه مثل البطن و الظهر و الجسم السفلي الموقع امريكي و المدربين اللي فيه هم مدربين خاصيين لفنانيين هوليود الملعونه :( يا ريت لو الإداره تسمح.. و الله من عيوني ما تتصوروا قد ايش استفدت منه |
بعد ولادتي الأولى ترهل البطن لكنه خف وصرت بكرشه بعد عدم وجود ها أبدا قبل الحمل
لكن بعد الحمل الثاني الترهل صار أكبر وشكله بشع ومو ناوي يروح وما جربت رياضة لحد الحين ولا أدري كيف وشلون أبدأ وأستمر لأن الرياضة يبغالها صبر اللي تغير في 9 شهور ما بيرجع في شهر ولا اثنين وبعدين طبيعة الأجسام تلعب دور يمكن انت ما استمريتي فترة طويلة بالرياضة ولا ما ناسبتك ولا ما كنتي تنفيذينها بطريقة صحيحة ويقولون أيضا طريقة التنفس وقت أدائك للرياضة تلعب دور بس العملية والله مادري أحس شيء يروع الله يعينا ضريبة الأمومة |
اهئ اهييييييئ
الرياضه من قبل ما اولد وانا رياضيه ويعد الولاده استمريت جسمي منحوت من الرياضه ما عدا هالجلد اللي قلتي عنه نورااااااا اللي تحت السره ..... يعني احس يبيله عمليه انا مفكره استشير دكتورة واذا ينفع اسوي عمليه وعقب احمل!! انا مب ناويه احمل قبل 3 سنين ما اتخيل هالثلاث سنين بظل بهالوضع و كابتوني لما قلتو علبيبي الثاني اسوء !!!!!!!!!!! ابغي بطنييي القبلييييي :( |
طيب جربتي تمارين جورج كروز
أنا شريت الكتاب من فترة طويلة سبق إني بدأت فيه ولكن ماانتظمت فما شفت النتائج ممكن تجربين هو مبسوط على نظرياته وعنده موقع عالانترنت واسم كتابه اللي عندي " 8 دقائق في الصباح من أجل بطن رشيق " الله يعين الجميع وتنشد بطونا |
انا جربت 20 دقيقه تمارين جوليان للبيجست لوزر
ونتايجها تمام الا الترهل !!! بسوي طله علي مستر كروز مشكوره كالور |
| الساعة الآن 07:59 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©