|
تكفون راسي بينفجر من التفكير والهم
السلام عليكم ورحمة الله وبركاته وياعلانه اموووت فيك. عاد أنتم عارفين بنات المدارس والبلاوي اللي عندهم من حب وبلا الا مارحم ربي. وانا والله من باب أني خايف عليها قلت أبي أنصحها من أصدقاء السوء. طرت على بالي فكره قلت أسوي أن واحد من زملائي مرت عليه مشكله مع أخته وكلمني فيها وأنا قلت أخذ رايك شنو يسوي.المشكله هي (أنه حصل محادثه أخته على المسن مع ولد وهو مايدري شنو يسوي الحين وأنها طاحت من عين أخوها وكرها وماتوقع الشي هذا يحصل وللأسف أنها خانت ثقة أهلها فيها ومن الكلام هذا......والتهديدات عاد ماعليكم أن أزود الكلام وأخوفها) أنا ماسويت كذا الا من خوفي عليها لان يمكن مالقت أحد يعلمها الشي هذا. وأخاف أني بطريقتي هذه أفتح على عيونها أشياء ماكانت على بالها وتروح تسويها.. وأنتم شنو راايكم يا عمالقة المنتدى ولكم مني جززيل الشكر والعرفان.أخواني وأخواتي جزاكم الله خير على ماتقومون به في نصح الاعضاء وكتب الله لكم أجركم موضوعي يا أخوان والله العضيم مو سهل وأنا أتيت إليكم بعد ما راسي أمتلئ بالهواجيس والتفكير والهموم بعد. لي بنت أخ حفظها الله في سن المراهقه وكلكم عارفين وضع هذا السن وبالذات البنات. بنت اخي عندها ايميل عاد انا أول المضيفين عندها. علاقتي معها زينه وحلووه بعد. يعني تقدرون تقولون مافي حواجز معها الا في حدود المعقول يعني أمووون عليها وهي بعد تمون علي.يعني أقدر أقول يمكن أفضل واحد لها من أقاربها. وأنا حاط في بالي أنها في سن المراهقه ولازم يكون واحد عندها يسمع لها وينصحها ويعطف عليها عاااد تعرفوون أنتم أساليب التعامل مع المراهقين. من زود أني معطيها وجه صارت تقوول عمي والله صرت متعلقه فيك:22: والله أني أضحك بيني وبين نفسي. لاتفكرون أني زعلت لا والله بالعكس هذا الشي اللي أبي أوصل له بحكم أنها بسن مراهقه وأذا مالقت أحد يعطف عليها ويسمع لها. دورت أحد ثاني. اللي أبي أوصله أخواني انا لاحظت عليها أشياء غريبه توبيكاتها حب وخرابيط ويافلانه وحشتيني |
ماله داعي يكون عندها ايميل في هذا العمر الدنيا فتن ومانسمع الا مصايب انت نبهها وقلها دايم خليك بنت اصول وخليك....الخ.... وانتبهي احد يضحك عليك اعرفي كيف تختاري صاحباتك الين ماتغرس الشي هذا في اعماقها ولاتكثر عشان لاتنفر منك بس كل بعد فتره ارمي عليها كلام كذا
حاول تقوي نزعة الدين فيها يصير يردعها لو واجهها بنات او شباب مايخافون الله قلها اعطيني رقمك السري عشان اشيك عليه وشفها وش تقول اذا خافت ورفضت حاول تنبه اهلها واذا اعطتك الرقم تطمن الا اذا كانت تعرف في الامور ذي وتعرف تطلع اكثر من ايميل |
حلو اهتمامك في ابنة اخوك استمر بالتواصل معاها خليها دايمآ تتكلم في هذا السن البنات يحبو احد يسمعهم وبنفس الوقت يثق فيهم لا تاخذ الرقم السري لكن لو جيت عندهم بالبيت سوي نفسك ما تعرف شئ بالايميل وتبغى تعرفه عن طريقها هي من غير شئ تفتح وتقولك كيف وكيف وشوف وعادي اخوي البنات بالهعمر توبيكات عندي بنت اختي وبنت اخوي نفس الشي والله براءه مو اكثر لا تسيئ الظن طالما واثق بتربيتها
|
السلام عليكم ورحمة الله وبركاته
جميل احتوائك واهتمامك بها لكن لابد أن يكون بعقلانية , لا إفراط ولا تفريط فكل شي يزيد عن الحد كالنقص تماما , أتفهم خوفك وقلقك "الدنيا تخوف " كما يقول البعض لكن لا تفسد علاقتك بها بكثرة تدخلك في شئونها كونها تعَبر عن حبها لفلانة أو اشتياقها لأخرى هذا لايعني انه بداية لسلوك منحرف لاسمح الله. ولا تنسى أن" الحرية " تعتبر من أهم حق وأول مطلب لدى المراهقين فتدخلاتك الكثيرة حتى وان كانت غير مباشرة فأنت ستوجه لها نصائح وإرشادات بالتالي ستتحول إلى نسخة أخرى لوالديها . وهذا ما سترفضة تماما بل سيبعدها عنك .حتى وان لم تعجبك أحد تصرفاتها كن أكثر مرونة و " ناقشها " ودع لها مجال في التعبير عن رأيها وتوضيح وجهة نظرها فكثير من الأشخاص يقعون في خطاء وهو تقديم النصائح والبدء بسرد الروايات والقصص عن الذئاب البشرية ورفقاء السوء وكأنة أمام آلة تسجل فالطرف الأخر "المراهق " مستمع فقط ولا يبدئ أي رأي بل أحيانا لا يسمح له بذلك مثل قولهم "أحنا اعلم بمصلحتك" " اكبر منك بيوم اخبر من بسنه ". بتالي يتربى على الخضوع وشعوره بالاضطهاد حتى أنة ليستطيع الدخول في أي نقاش ويصبح شخص سلبي جدا أو يحدث صدام شديد يجعل المراهق يتمسك برأيه ويصبح شديد العناد حتى وإن كان يتعارض مع مصلحته . تحياتي |
اقتباس:
صحيح أخي/تي العزيز أدمنتك أن في العمر هذا ماله داعي يكون لها أميل لاكن أنت عارف الوضع الان كل البنات عندهم أيميلات وصعب نمنعها من الشي هذا لاكن لازم يكون فيه مراقبه. صراحه أنا ماقد نبتها في الشي هذا وعشان كذا قلت أخذ رايكم وراي بني جنسها بالذات. وصراحه أنا ماخليتها أرسلها رسايل بالبريد دينيه وغيرها . هي سبق وأن أعطتني رقم أيميلها ودخلت عليه بس مافيه شي بس صديقاتها لاكن الكلام ذا قديم ونسيت الرقم الحين. بعدين أكيد أنها تعرف تسوي أيميل ثاني والله بنات المدارس ماخلو شي لاكن الله يحفظها بحفظه. جزيت خيرآآآ |
اقتباس:
مرحبآآآ بك في متصفحي والله الشي هذا غصب عني ولازم أسويه ولاكثير في بنت أخي . صدقت البنت في هذا العمر محتاجه أحد يسمع لها وأنا تاكدت بنفسي من هالشي. لاكن أحس أنها ماتنبلع سالفة أني ما أعرف شي بالايميل الأخ محاكيك دراسته (حاسب ألي) :27: . أنا واثق في تربيتها إن شاء الله لاكن صديقات السوء بعد يخوفون ومثلك أعرف. لأكن ما قلت رايك في المشكله المصطنعه هل هي مجديه أم لا. جزاك الله خير وأثابك. |
اقتباس:
برووود أعصاب حياك الله كلامك مليئ بالحكم والحنكه ليت الاباء والامهات يتبعون نهجك وطريقتك. كفيت و وفيت. هذه النقطه حاطها في بالي وهي عدم كثرة التدخل في شؤونها الخاصه. وغير كذا دخولها على النت يعني متوسط بحكم أن الجهاز لوادها . أنا لا أستخدم معها النصح مثل نصح الوالد أو الوالده لأبنته, نصحي وتعاملي معها كصديق ونفس الوقت كعم. للدرجه أني في بعض الأحيان أخذ رائيها في أشياء خاصه لي وأصطنع مشاكل لي وأطلب منها المساعده في حلها. ننتظرك في طرح رايك في نصحي لها بالطريقه اللتي ذكرتها تحيتي لك وجزاك الله خيرآ |
الأخوه أعضاء المنتدى القيم الاخوان ماقصرو في طرح أرائهم أثابهم الله وحفظ لهم ذريتهم طمعآ في الأستفادة لي وللأخوه الاعضاء والزوار.لذا أملي في الله ثم فيكم في طرح طريقة نصحي وهل الطريقه اللتي ذكرتها مجديه ولا تفتح لها أشياء هي في غنى عنها. ودي في شي يخليها ماتروح لأحد غيري يعني أكون أول واحد تجي يمه لأصار لها شي لأسمح الله أو في أستشاره لها أو مشكله تقع فيها, الاخوات الاعضاء الكريمات هن بالتاكيد يعرفون الاسلوب الامثل في التعامل مع البنات. تحيتي لكم. ولك دعوه في ظهر الغيب |
خلك مثل صديقها الصدوق لاتخاصمها على شي تعترفلك فيه تكون غلطت او ماشابه يصير ماتخاف منك وبتالي ماعاد تقلك شي انا اذكرخالي من كثر ماكنت افضفضله كنت اقله حتى حركات البنات معايا في المدرسه وكان طريقته جدا حلوه اقسم بالله ان حتى التليفون احب اسولف معاه كان يسولفلي كمان عن اصحابه وعمله والمواقف اللي يواجهها ونمزح مع بعض فخليك كذا يصير تقلك على اي شي اول باول ومن هنا تنصحها لو صادفت موقف غلط تنبهها عليه من بنات وشباب السوء
انا على فكره اخت لك في الله احترامي لك |
بنت مراهقه ماتدخل نت الا تحت مراقبه
مهما كانت الاسباب والاعذار والافضل ماتدخل نت نهائي |
الله يحفظها وينور دربها دام انك واثق صدقني ما راح تتاثر لانها متعوده تقولك كل شئ والله بنت اخوي كل يوم كأنها مسجل على راسي وتقول اشياء عن البنات وانا اسوي نفسي مو فاهمه الحركات وهي تقول اش يقصدو وكمان تعرف الصح من الغلط والله ما فيه بنت ما تعرف الصح من الغلط بالزمن هذا اهم شئ تفضض اما بخصوص المشكله المصطنعه قولها لها مع العيله كلها يعني مو كانك متقصد القصه اهم شئ النصيحه ما تكون مباشرة لها وان شاء الله اكون افدتك
|
السلام عليكم ورحمة الله وبركاتة
بخصوص المشكلة المفتعله اعتقد أن أفضل طريقة أن تبحث عن كتاب يتحدث عن مثل هذه الأمور التي تخشى أن تقع فيها وتناقشها بموضوعة بالتالي ستستطيع أن تنصحها وتبين لها وجهة نضرك ومساوئ خيانة ثقة الأهل وهذه بالطبع لان تكون الفائدة الوحيدة لان القراءة ستحسن مفرداتها الغوية وتنمية للعقل وهي استثمار لأوقات الفراغ واستفادة من تجارب الآخرين . تحياتي |
اناما أنصحك أبدا بالقصة لانهم بهاالفترة أذكياء جداً البنت راح تزعل و تفكر انك شاكك فيها
مادمها تحبك وتثق فيك صارحها وأكيد راح تتقبل كلامك |
اقتباس:
حيااك أختي ادمنتك أنا أتعامل معها هكذا أبد لافيه صراخ ولا شي. عذرآ أختي راح أزيد عليك التساؤلات بمأنك كنتي تفضفضي لخالك تحمليني شوي والله ليس مني من الخوف والهم. طريقه خالك اللي خلتك ترتاحي له وتقولي كل شي له وتعامله تذكريها أطرحيها هنا. لعلي أتبعها وتجيب نتيجه. بعدين حنا نتقابل ع المسن ليس كل يوم يعني دخولها مو كثير مره. وهي في مدينه وانا في مدينه عشان كذا أكثر تواصلنا عالمسن. بس عندي سؤال ثاني ؟ هي عندها أخت أكبر منها بشوي تتوقعين تقول لها كل شي عني وسوالفي لها أخاف تقول لها أن عمي نصحني وقال كذا . والثانيه بتشك فيها وأني شاكك فيها. أتمنى أنك فهمتي علي. أرجوك لا تجعليني في معضلتي لوحدي. أو أقل القليل الدعااااء لها. جمعكي الله مع من تحبين في جنات النعيم. تحيتي |
اقتباس:
حياااك الله لكوالله العظيم لو الموضوع بيدي لمنعت النت على جميع البنات الا الفئه الحكيمه واللتي لها درايه في نهاية العلاقه السويه. الموضوع الان طريقتي في النصح فقط لآن المنع راح يكوون من عند والديها. وأنا بعيد عنهم. تشكراااتي |
اقتباس:
ويحفظلك أهلك وذريتك. مدري يمكن لأنك مثلها بنت أما أنا أخاف يكون فيه أحراج وتكون مستحيه. بعدين أختي والله العظيم أن خوفي من بنات المدرسه والله أن عندهم بلاااوي. صحيح أنهم عارفي كل شي بس لأبد من النصيحه.. شوفي أختي لو قلت لها المشكله وقلت زميلي يمكن ما راح تعرف اني اقصدها. لانهم في مدينه وانا خارج مدينتهم يصعب جلستي معهم وأقولها للعيله كلها الله يسعدك و ييسر لك امرك |
اقتباس:
بررود اعصاب الله يزيدك بروود في حدود المعقول:d والله العظيم أفضل شي يكون الواحد باارد ويرتاح من هموم الدنياااا اللي تشيبه. مثل ماذكرت للأخوان أنا في خارج مدينتهم. مشان كذا ما راح ينفع الكتاب. ولا الفكره زينه ولها فوائد عده. بيض الله وجهك ورزقك جنت الخلد |
اقتباس:
أنرت متصفحي حيالك الله. انا أشوف أفضل من أني أصارحه وتفكر أني شاك فيها. والله العظيم أني مدري وش أسوي. والله في بعض الاحيان من كثرت التفكير والهم والغم. أني اقول وش لي في وجع الراس أقول أخبر أبوها وأمها وهم بكيفهم . لااااااكن والله مااا يطاوعني قلبي وأرجع في همي وبلاااي . الله يعين بس ويستر على بناااات المسلمين. شكرا أخي على مداخلتك الله لا يحرمك الاجر |
أخواني الاعضاء أنا اليوم جايكم وأقسم بالله أني في حاله يرثى لها .والله أن الدنيا ظلمت في وجهي تكفوون يا أخواني مالي الا الله ثم أنتم والله أني صادق في كل شي. صار اللي شايل همه البنت اليوم دخلت على ملف التعريف حقها لقيت في الاصدقاء المضفين عندها نــك نـــيم لولد , وبعدين دخلت بعد العصر على ملفها جاااني أن الصـفحه لايمكن العثور عليها. وحاولت مره ثانيه لملف لواحد ثاني قلت يمكن البلا عندي وطلع معي الملف اووكيه يعني تاكدت أنها حجبت الملف عشان اللي أضافته آآآآه وربي شوي وأبكي تقدروون تفهموني وش يعني هذا . تكفوون حسو في ساعدوني أنا خلاص بدق عليها وألا على أبوها وأقوله قبل لا يصير شي . يا ناااااس لدرجه هذي البنات الا مارحم الله عقولهم صغار على فكره بنت عمها لها يومين تدخل من أيميلها. تكفوووون شوفو لي الموضوع الـــله يفرج هم اللي يفرج علي |
جميل جدا تعاملك معها
بس لاتغلط وتقولها على القصة لاتتوقع انو جيل هذا الوقت مايفهم بقولك شي انا ايام مراهقتي اي احد يجيب سيرة في مواضيع كذا اتضايق و اقول ايش مفكريني و اضح ان الكلام عشان افهم ... الخ فلما كبرنا حبتين حاولت احتوي اخواني الصغار بس كنت ابي مو نفس اسلوب خالاتي معي من ترهيب بقصص مخترعيها صادقتهم وكنت اعطيهم لاب توبي وجوالي وعطيتهم الثقه + الحريه + الحب وصارو يحكوني عن كل مشاكلهم ومشاكل اصحابهم حتى ماما اذا تبي تعرف شي عن اخواني الصغار كانت تسالني عنهم افضل على طريقتك و لاتتغير اما عن كتاباتها فلا تخاااااااااف كل البنات كذا يكتبو فلانه وحشتيني .... الخ من كلماتهم صدقني هي تتكلم من حسن نيه ولو كان عندها شي ماتكتب قدامك كذا وهي واثقه فيك لاتخلي اي شي يهز ثقتها فيك بالعكس قولها دايم بطلبك طلب اي مشكلة تتعرضين لها مهما كان حجمها راح تلاقيني قدامك و دايم راح اكون معك ولمصلحتك ... الخ من هذا الكلام عشان لو لاقدر الله صارلها اي موقف وتغلقت ابواب الدنيا في وجهها تتذكرك انت حاول دايم تفهمها انك انت انسان اووبن مايند عشان لو صار شي بعيد الشر ان شاء الله ماتقول انك معقد وبتسوي كذا وكذا الله يبعد عنها كل شر |
اخوي للاسف ردك الاخير توني اشوفه
لاتكلمها و لاتقول لابوها الحل بسيط جدا جدا انت في نفس مدينتهم ؟؟ اذا نفس المدينة الحين يعني معهم روح عند بيتهم وجيب معك لابتوبك وقولها عندك مشكله في ايميلك وضرووري الحين هي تفتح ايميلها عشان تبي تتاكد من ايميلك يعني عطها جهازك وقولها تفتح ايميلها وشييك على راحتك اذا حصلت شي وقتها بنعطيك حلول ثانيه بس لاتستعجل .. وعشان ترتاح حاول ترسلها ملف تجسس في المسن وبكذا تراقب كل تحركاتها في جهازها |
كم عمرها ؟؟؟؟؟؟؟؟؟؟؟؟ والله انا باحسن الظن فيها ؟؟؟؟؟ عارف هي مشكلة الام والاب يعني لما تكلمك تكون في صالة بيتهم ولا في غرفتها لانه فيه فرق اذا بالصاله يعني الكل بيشوفها.................... وما تخاف من شئ اتمنى ما تكبر الموضوع وتهدأ عشان تفكر بدهاء كيف تعرف كل شئ عنها ؟؟؟ خليك زي منت ... اذا رحت عندهم سوي نفسك ناسي الابتوب وادخل جهازها وانت وشطارتك ؟؟والله انا ما اعرف كثير في بس في وحده تقول تجسس مدري ايش سوي اللي تقوله ولو اني ما احب الطريقه بس عشان ترتاح وتتطمن بس الله يرضى عليك لا تقول لابوها بتسوي مشكله بعدين
|
السلاام عليكم ورحمة الله وبركاته أخواني رولادا و رووح بيضاء جمعت ردودي لكم في رد واحد لكي لا يتشتت الموضوع . الله يفرج همكم ويزيل غمكم الحمد لله رجعت اليوم دخلت على ملف التعريف وفتح معي بس أسم الولد موجود للحين الاسم (المـاجد الزهراني). بس حاط صورة بنت وبعدين يا أخوان فيه شي ضروري لازم تعرفونه دخلت على ملف التعريف حق اللي ضايفته عندها اللي بسم الولد ولقيت ضايف واحد حاط صوره أقسم بالله أنها مخجله وما ودي أقولها هنا لأحترام الاعضاء. أختــي رولادا أنا الان خارج منطقتهم وما يجمعني غير الجوال و المسن وقليل. رووح بيضاء عمرهااا 17 أتوقع بالنسبه في جلوسها والله مدري لأكن أتوقع أنها في الصاله لأن كم مره أسولف معها وأختها عندها يا عزيزي والله أني في هم لاكن الله يعين تكفووووون يا أخوان خليكم معي الله لاا يوريكم مكروه أنا الان أكتب لكم على عجاله ولي رجعه |
للــــرفع يا أخوان أنا في أنتضاركم |
ما دامك خبير ليه ما تحط برنامج مراقبة؟؟ بدون لا تدري
|
وعليكم السلام ورحمة الله
اسال الله ان يفرج همك وهم كل مسلم ومسلمه ملف التعريف احتمال تكون بنت مو شرط ولد واللي ضايفتهم ممكن يكون اقربائها وصح الواحد ينصدم لما يشوف كذا ؟؟؟ لكن لا نكذب على انفسنا طبيعي وما نقدر نغير عقول البشر او طريقة تفكير صديقاتها اهم شئ هو الرقابه الذاتيه ويكون مزورع فيها من الصغر خوف الله هذا يعني يا اخي مزيد من الحوار معها لمعرفة مدى خوفها من الله وعليك التاثير ............والتذكير ....... والتخويف المشكله المفتعله ارسلها لها عبر البريد الالكتروني وارسل لها عن الموت وسكراته والغفله وعلامات القيامه ويكون مختصر ومؤثر ولما تروح عندهم تحدث مع جميع اخوانك فقط وليس ابنائهم عن مضار النت واحكي لهم قصص مؤثره عشان كل واحد يفكر بأبنائه وتبدأ المراقبه اخيرآ ابحث في النت حلقات الدكتور محمد الثويني عن الشباب هو كان يجي كل سبت بقناه وكنت اتابعه ومفيد جدآ اذهب الى المكتبه فيه كتب وقصص البنات مع النت اشتريها واهديها لها ولاخواتها وان شاء الله اكون افدتك واعتذر عن الاطاله |
انا ضد النت مع البنت خصوصا في هالعمر كلم ابوها بس لاتدري عنك دامه لمصلحتها ماعليك منها بتلقى شي يفيدها غير خراب البيوت هذا كلم ابوها وقله ان البنات ماينفع يكون معهم لابتوب وخوفه من المصايب اللي تصير من وراه خصوصا في عمر بناته خله يشيله احسن من يصير شي تندم ندم عمرها عليه تزعل ذحين افضل بمليون مره
|
اقتباس:
مرحبآ بك والله ما أعرف هذي الطريقه ولا سويتها وأرتحت. شكرآآ لك |
اقتباس:
جزاك الله خيرآ آخيتي وجعل الفردوس دارك صحيح أنه يمكن تكون بنت وأتمنى ذلك. بس ما أتوقع البنت تحط أسم ولد وش تستفيد. وصدقتي أن الواحد ما يقدر يغير تفكير البشر لاكن بمقدرته أن يوضح لهم لعل أنهم يتغيرون وهذا اللي أنا أبي اوصله وخاااااصه أنها الحين صارت تحط رووابط أغاني. والله أني نصحتها. والله ان أبوها واخوها ناس فاهمين وعارفين ومتعلمين بعد. أنا ما ودي أضلمهم أكيد أنهم مو خلينها على راحتها ويراقبونها وينصحونها ويعلمونها الغلط والصح. بس عشان هي مرتاحه معي وتمون علي ما حبيت أني أتركها يمكن تتقبل مني وتاخذ معي وتعطي. بعدين يا أختي كل العالم عارفه بلاوي النت ومضاره مافي أحد يجهل هذا. والنـــــاس ألحين تغــــيرو والله تروح تنصح الـــواحد في ولده ولا بنته زعل عليك وقال عيالي وأنا مربيهم زين وعارفهم يعني انت شاك فيهم . صرت في وضع أنت في غناااء عنه. وربي أن هذي البنت أني أعزهااااا وأحبها من بينهم كلهم . تحيتي لك وأسعدك الله |
اقتباس:
مرحبااا بك أختي مجددآ والله أنك أنسانه فاهمه وعارفه. وأنا معك ضد هذا الشي. وأبوها عارف البلاوي وعشان ما أضلمه ولا أضلم أحد في العايله هم ما يخلونها تدخل كثير يعني من فتره لفتره ومن جهاز أخوها. بس شنو في يدي أنا لو كلمتهم وقلتلهم ونصحتهم أن ما يصلح تخلونها تدخل النت وكذا.... أنا متاكد أني برجع مكسوور الخاطر وزعلان من ردهم . أختي العزيزه الناااااس اللحين تغيروو وربي في ناس ما تتقبل النصح من أخوانهم وأنتي عارفه وشايفه الزمن هذا. لااااااكن في نفس الوقت أقسم بالله أن مايهون علي أني أتركها تضيع لاسمح الله. دعوووووووواتك لها ولبناات المسلمين حفظ لك ربي غواااليك. تحيتي |
طيب هي تدخل من جهاز أخوها يعني أخوها مايعرف أخته وش قاعده تسوي على النت ومثل ماأنت عرفت أنها ضايفه واحد أخوها كيف عرف وأمها وينها عنها البنت في هالسن مش مشكله لودخلت النت وكان عندها أميل بس المفروض أمها تراقبها بدون ماتدري وتكون حريصة على بنتها لأن مهما أنت سويت مارح تقدر تحتويها مثل أمها بنت أختي عمرها 14 وعندها أميل وتدخل النت بس أمها مره حريصة عليها وتراقبها دايم بس بدوون ماتدري
على العموم دامك قريب منها صارحها بهدوء وبين لها أنك تحبها وتخاف عليها وأن شاء الله أنها تاخذ بكلامك بهاسن البنت تكون تتأثر بسرعه خصوصا أذا جت النصيحه باأسلوب حلو |
اقتباس:
مرحبا بك والله مثل ماقلت للاعضاء ما ودي أضلم أهلها والله هم حريصين وحنا عايله متحفظه جدآآ. وأكيد أنهم ينصحونه وأخوها متأكد أنه مايخليها على كيفها. أنا يا أختي مقصدي أوضح لها الاشياء الغلط . أكيد هي عارفه كل شي ومتأكد بعد. لاكن هذا مايمنع أني أزيد عليها وأنصحها. والله حنا يوم كنا كبرهم نعرف كل شي وماقصروو أهالينا علمونا الصح من الغلط . بعدين أختي شنو رأيك أحسن لها يوم تمر عليها مشكله أو شي تجي عندي وتشاورني فيهااا أو تروح لوحدها من صديقاتها وعاد تشور عليها بشي غلط. تشكرااااتي لك وتحيتي. |
| الساعة الآن 12:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©