وياعلانه اموووت فيك. عاد أنتم عارفين بنات المدارس والبلاوي اللي عندهم من حب وبلا الا مارحم ربي. وانا والله من باب أني خايف عليها قلت أبي أنصحها من أصدقاء السوء. طرت على بالي فكره قلت أسوي أن واحد من زملائي مرت عليه مشكله مع أخته وكلمني فيها وأنا قلت أخذ رايك شنو يسوي.المشكله هي (أنه حصل محادثه أخته على المسن مع ولد وهو مايدري شنو يسوي الحين وأنها طاحت من عين أخوها وكرها وماتوقع الشي هذا يحصل وللأسف أنها خانت ثقة أهلها فيها ومن الكلام هذا......والتهديدات عاد ماعليكم أن أزود الكلام وأخوفها) أنا ماسويت كذا الا من خوفي عليها لان يمكن مالقت أحد يعلمها الشي هذا. وأخاف أني بطريقتي هذه أفتح على عيونها أشياء ماكانت على بالها وتروح تسويها.. وأنتم شنو راايكم يا عمالقة المنتدى ولكم مني جززيل الشكر والعرفان.

ماله داعي يكون عندها ايميل في هذا العمر الدنيا فتن ومانسمع الا مصايب انت نبهها وقلها دايم خليك بنت اصول وخليك....الخ.... وانتبهي احد يضحك عليك اعرفي كيف تختاري صاحباتك الين ماتغرس الشي هذا في اعماقها ولاتكثر عشان لاتنفر منك بس كل بعد فتره ارمي عليها كلام كذا
حاول تقوي نزعة الدين فيها يصير يردعها لو واجهها بنات او شباب مايخافون الله
قلها اعطيني رقمك السري عشان اشيك عليه وشفها وش تقول اذا خافت ورفضت حاول تنبه اهلها واذا اعطتك الرقم تطمن الا اذا كانت تعرف في الامور ذي وتعرف تطلع اكثر من ايميل

__________________
(أفحسبتم أنما خلقناكم عبثا وأنكم إلينا لاترجعون )
قول الله تعالى

حلو اهتمامك في ابنة اخوك استمر بالتواصل معاها خليها دايمآ تتكلم في هذا السن البنات يحبو احد يسمعهم وبنفس الوقت يثق فيهم لا تاخذ الرقم السري لكن لو جيت عندهم بالبيت سوي نفسك ما تعرف شئ بالايميل وتبغى تعرفه عن طريقها هي من غير شئ تفتح وتقولك كيف وكيف وشوف وعادي اخوي البنات بالهعمر توبيكات عندي بنت اختي وبنت اخوي نفس الشي والله براءه مو اكثر لا تسيئ الظن طالما واثق بتربيتها

السلام عليكم ورحمة الله وبركاته
جميل احتوائك واهتمامك بها لكن لابد أن يكون بعقلانية , لا إفراط ولا تفريط
فكل شي يزيد عن الحد كالنقص تماما , أتفهم خوفك وقلقك "الدنيا تخوف " كما يقول البعض لكن لا تفسد علاقتك بها بكثرة تدخلك في شئونها كونها تعَبر عن حبها لفلانة أو اشتياقها لأخرى هذا لايعني انه بداية لسلوك منحرف لاسمح الله. ولا تنسى أن" الحرية " تعتبر من أهم حق وأول مطلب لدى المراهقين فتدخلاتك الكثيرة حتى وان كانت غير مباشرة فأنت ستوجه لها نصائح وإرشادات بالتالي ستتحول إلى نسخة أخرى لوالديها . وهذا ما سترفضة تماما بل سيبعدها عنك .حتى وان لم تعجبك أحد تصرفاتها كن أكثر مرونة و " ناقشها " ودع لها مجال في التعبير عن رأيها وتوضيح وجهة نظرها فكثير من الأشخاص يقعون في خطاء وهو تقديم النصائح والبدء بسرد الروايات والقصص عن الذئاب البشرية ورفقاء السوء وكأنة أمام آلة تسجل فالطرف الأخر "المراهق " مستمع فقط ولا يبدئ أي رأي بل أحيانا لا يسمح له بذلك مثل قولهم "أحنا اعلم بمصلحتك" " اكبر منك بيوم اخبر من بسنه ". بتالي يتربى على الخضوع وشعوره بالاضطهاد حتى أنة ليستطيع الدخول في أي نقاش ويصبح شخص سلبي جدا أو يحدث صدام شديد يجعل المراهق يتمسك برأيه ويصبح شديد العناد حتى وإن كان يتعارض مع مصلحته .

تحياتي

خلك مثل صديقها الصدوق لاتخاصمها على شي تعترفلك فيه تكون غلطت او ماشابه يصير ماتخاف منك وبتالي ماعاد تقلك شي انا اذكرخالي من كثر ماكنت افضفضله كنت اقله حتى حركات البنات معايا في المدرسه وكان طريقته جدا حلوه اقسم بالله ان حتى التليفون احب اسولف معاه كان يسولفلي كمان عن اصحابه وعمله والمواقف اللي يواجهها ونمزح مع بعض فخليك كذا يصير تقلك على اي شي اول باول ومن هنا تنصحها لو صادفت موقف غلط تنبهها عليه من بنات وشباب السوء



انا على فكره اخت لك في الله احترامي لك

__________________
(أفحسبتم أنما خلقناكم عبثا وأنكم إلينا لاترجعون )
قول الله تعالى

بنت مراهقه ماتدخل نت الا تحت مراقبه
مهما كانت الاسباب والاعذار
والافضل ماتدخل نت نهائي

__________________