|
<< عاله على المجتمع
أنا عمري 32 سنه وماتزوجت عند امي وابوي كبار بالسن
انخطبت بصغر سني وامي كانت ترفض تزوجني لان اللي يخطبوني قرايبي وعيال عمي وامي ماتحبهم حالياً فيني قولون عصبي وضغط والخافي اعظم يعني اللي يشوفني يقول عمري فوق الاربعين عسى الله يرحم حالي ابوي وامي عايشين على جيل اول يعني محد يجينا ولا نطلع لاحد ومانعرف احد بالدراسه خلصت ابتدائي فقط وبيتنا مافيه اثاث زي الناس يعني اللي يدخله زي بيوت زمان يعني مره مره مره قديم ياااااااااااااااااه ياكثر ماتمنيت اشتري واحط واعيش زي باقي البنات بس رب العالمين ما اراد مكتوب لي اعيش الشقا لين اموت >> قسم طاحت دموعي رحمت نفسي بس للحين عندي امل اتزوج واعيش زي باقي الحريم > تعديت مرحلة البنات عندي اخوان وخوات كلهم اكبر مني ومتزوجين وعندهم عيال وبنات ويسافرون وعايشين عيشة ملوك لدرجة انهم لمن يسافرو والا يشترو شي مايقولولي ويحاولو اني ماعرف عشان ماحسدهم تخيلو رحت لبيت اخوي وجابت بنته الصغيره تليفون تقول شوفيه جديد اشتريناه بعد اسبوع جاني اخوي يقول خرب تليفونا اعطيتيه عين تعالي اقري عليه تخيلو ساعتها وش كان موقفي؟ مادري ليش اصبحت عاله على المجتمع!! هل العيب فيني والا في الناس؟ المهم ادخل بمشكلتي دايم انا وامي هواش احيان اقول شكلها ماتحبني دايم تدعي علي وتهيني وتفشلني قسم بالله اني اخاف يجيني السكر ماعرف كيف اتحاشاها مادري وين اروح عنها دايم تشوفني غلط وماتبغاني اسوي اي شي يعني لولا الله ثم ابوي كان ورب البيت من زمان ضعت لمن اقول ابي جوال تقولي ماراح تدخلين الجنه اذا شريتيه لمن اقول ابي لبس تقول ماراح تدخلين الجنه اذا شريتيه تخيلو يمر عيد وعيدين ماشتريت ملابس ومايهمها!! ماعرف بالحياة شي نهائي يعني لبس الموضه والخرابيط كلها ماعرفها تربيت عجووز على قولتهم لمن اقول يمه مليت خلينا نطلع والا نعزم تقول لا مابي احد خليني بحالي صرت معزوله ماطلع لاحد ولاعاد لي زميلات مالي غير النت والشات اتمنى اصادق بنات بالنت بس مافي الله المستعان والله وبالله وتالله اني اكتب لكم ودموعي تخرخر تهاوشت معها قبل شوي عشان قلت اتمنى ادخل مطعم ودعت علي اني اتزوج واحد يعذبني قلت يمه تكفين استغفري وقامت تصرخ وتقول يارب استجب انا اعترف اني عصبيه وساعات اغلط على امي بس قسم بالله والله والله والله اني اتمنى اتحاشاها وهي غصب تنشب فيني وانا مريضه خلقه الله يلطف بحالي تكفووون أدعوولي ان الله يفرجها علي والا ياخذني وافتك من الحياة الله يجزاكم خير تحملوني والله اني مختبصه وماعرف كيف اكتب الموضوع |
الله يكون بعونك حبيبتي ويرزقك بزوج صالح يهنيك في حياتك وفي اخرتك
ويفك عنك كل كرب يارب ويهديك ويهدي والدتك وان شاء الله تتحسن الامور وما يكون الا خير بالنسبة لتعليقات الناس من الافضل ان تتجنبيها ولا تردي شئي لقلبك . |
يا قلبي عليك لا تفكري كذا ابدآ والله يرزقك بانسان يخاف الله فيك ولازم تغيري معاملتك لامك عارفه انا امي الله يهديها ويهدي امك والله والله بعمري ما رفعت صوتي عليها بالعكس ادفها بالعربيه واوديها للعلاج الطبيعي ورايحه جايه للمستشفى وما سمعتها تقول لي بيوم الله يرضى عليك او تضمني وانا اضمها وتتضايق وتقول تحبي ابوكي اكثر مني هههه الله يرحمك يا ابوي و و اخوي اللي ما يسوي لها شئ بس بالسياره يوصلنا انواع الدعوات تتدعيله والله شئ يقهر بس استغفر الله بس ذكريتني بامي برغم الفرق ههههه عارفه انتي كوني باره بامك احتسبي الاجر من الله صدقيني دعوة امك مو من قلبها ولا تخافي يمكن انتي عصبيه حاده معاها غيري من نفسك اختي ولا تتدخلي شات وتقضي وقت الله يحاسبك عنه وانصح نفسي قبلك وربي الله يحاسبنا على الوقت ادخلي تحفيظ قران وتعرفي على الناس وهم يزوركي وامك تشوفهم وتسمح لك انك تزوريهم وكمان كملي دراستك ليه ما تكملي ؟؟؟؟؟؟؟؟؟؟ وحاولي تقنعيها بالكلمه الحلوه رووحي الحين ضميها وابكي وابكي واطلبي منها تسامحك الله يحنن قلبها عليكي ويحفظها ويحفظ ابوكي يارب ........... اسفه على الاطاله
|
هلاوغلابك اختي نبض الخفوق
الله المستعان ،والله هذه الحالة لستي انتي فقط من يمربها هوني علىنفسك انتي الآن عندك قولون يظهرانك اصبحتي تفكرين كثير. عزيزتي /نفسك هي اهم شئ بهذه الدنيا ! من هذه الليلة فكري جيدا كيف تسعدين نفسك بحدود استطاعتك المادية والمعنوية. العيش مع اشخاص كباربالسن يحتاج لصبرواحتساب . انا معك في هذه النقطة؛لكن حاولي ان تستشعري اننافي الدنياوستنقضي الأيام ويبقى برك لوالديك هو الذكرى الجميلة التي تحمليها لهما . اذاكان لديك مصدردخل خاص حاولي تغيري الاشياء اللي تبغيها في البيت،حتى لوكانت بسيطة. اقضي وقتك بين اشغال المنزل ،وتلاوة القرآن وحفظه، وزيارة الأقارب،تعرفي على ناس طيبين يعني مثلا من دورالتحفيظ . ليه ماتكملي تعليمك في الفترة المسائية ؟ صدقيني الحياة جميلة اذا حسبناها صح اذا ربطناها بالآخرة اذا الله عزوجل أخرعنك حظ من حظوظ الدنيا صدقيني انه سيجزيك الجزاء الأوفى لكن اذا صبرتي وفكرتي جيدا. لاتنظرين لنفسك نظرة سوداء ؛لأن هذه النظرة للأسف المجتمع هو من يرسمها لك . انتي انسانة خلقت على هذه البسيطة لهدف وهو عبادة رب الأرض والسماء ؛فتعاملي مع الخالق ،بثي شكواك في سجداتك وان جلستي نصف ساعه في السجود ،تحدثي اشكي اخرجي مابنفسك فهناك من يسمعك ولايذلك هناك رب روؤف رحيم . قال عزوجل " واذا سألك عبادي عني فإني قريب " نحن اخوتك ولن ننساك من دعائنا فلاتنسينا . |
حبيبتي نبض
ياقولج عن تجربة ملموسة انا اكبر خواتي واخواني وامي ماشاء الله مثقفة وعلى درجة عالية من التعليم بس دايما انا معاها هواش وما نتوافق ابدا ابدا بالاخير قلت يا بنت كفي شرج عنهم وبس وقدر الله اني ابتعد عنهم فترة طويلة 3 سنوات تقريبا في هذيك الفترة عرفت يعني شنو ام ويعني شنو حنان الام ويعني شنو عطف الام حسيت اني فقدتها واااااااااااااااااااااااااااااااايد وكله افكر لا قدر الله لو تموت - بعد عمر طويل- شيكون حالي قمت ادعي بصلاتي اللهم اعني على بر والدي كما ربياني صغيره صح اني مو بارة بمعنى البر الحقيقي والله يغفر لي ويتجاوز عني بس فكرت قلت ياربي انا ابي اتزوج واقرب وسيلة هي دعوات امي شوي شوي قمت اتقرب منها وشوي وشوي قمت اضغط على نفسي عشانها تخيلي بعض المرات حتى اللبس اللي يضايقها ما البسه يعني امي ما تحب البس بنطلونات داخل البيت بحكم وجود ابوي الله يحفظه واخواني ،،، ضغطت على نفسي ولا قمت البسهم عشانها نصيحة لوجه الله امج كبيرة بالسن ،، وصعب التعامل معاها حاااااااااااااااااااااااااااااااااااااااااولي انج تكسبينها بكل اللي تقدرين عليه وحدة من صديقاتي هي ترتيبها الوسطية بين خواتها كل خواتها تزوجوا الا هي وامها من كثر ماهي مقهروه عليها تدعي عليها وتعامل ازفت معاملة بس رفيجتي ماشالله عليها عارفة شلون تلين راس امها والحين لما تزوجت امها ما افقدت الا هي ولا حست بقيمة اي بنت من بنتها الا هي عليج بامج يا حبيبتي |
العصبية مع الأم هذي أكبر خطأ..
أول شئ تعلمي تمسكين نفسك..واسمعي ثواب بر الوالدين وكيفية برهم.. وربي يقول..{واخفض لهما جناح الذل من الرحمة} خليك ( ذليلة لها )..مهما تسوي..مهما تقول..خليكي تحت رجولها..لاتخلينها تزعل مررره.. ودايم أحسني النية..وقولي بقلبك..عشان يرضى عني ربي ويعوضني.. دوري في النت عن دورات ومواضيع ( إدارة الغضب )..وأول شئ..اسمعي لأشرطة بر الوالدين والله يوفقك |
الله يعينك ويفرج كربتك
اصبري وحاولي تكسبين امك بالمعاملة الطيبة حاولي تشغلين وقتك بمدرسة تحفيظ واختلطي مع صحبة صالحة تعينك على الطاعة واعلمي ان التوفيق كله بطاعة الله ثم والديكِ موفقه بإذن الله |
يا ودود يا ودود يا ذا العرش المجيد اسألك بعزك الذي لا يرام وبملكك الذي لا يُضام وبنورك الذي ملأ أرجاء عرشك أن تفرج عن أختنا نبض الخفوق وترزقها زوجا صالحاً تجعله قرة عين لها وتجعلها قرة عين له اللهم واملأ حياتها سعادة وسرورا وارزقها الذرية الطيبة ... يا رب ... عاجلا غير آجل .. وصلى الله وسلم على نبينا محمد |
اهلين نبض الخفوق ..
تدرين .. أتمنى أمي ترجع تعيش لو يوم واحد في ذا الدنيا وتسوي فيني اللي تبي ان شاءالله تدوسني برجلها !! صدقيني كل دعاها عليك من ورى قلبها والله .. وأنا متأكده أنها تدعي لك كل يوم في صلاتها بس ما تبيّن لك .. وبعدين حبيبتي هي عقليتها كذا .. تشوف الجوال حرام، واللبس مو لازم، والزيارات مالها داعي ... معليش حبيبتي مالك إلا الصبر وبكره ربي إن شاءالله بيعوضك بالذريه الصالحة اللي تشيلك في كبرك وتصبر عليك جزا برك في والديك وصبرك وقيامك بهم .. معوضه خير إن شاالله بس احسني الظن بالله وتفائلي وكثري صلاة ودعاء وتحري أوقات الاستجابه واستغفري وبإذن الله ربي بيفرجها لك وبيرزقك من واسع فضله .. عندك نعمتين مهيب عند أحد "الصحة والفراغ" الفراغ استغليه بطاعة ربك ورضا والدينك .. وصحتك اهتمي فيها، لا فعلا يجيك شي كايد بسم الله عليك وتندمين .. تصبري وأنا أختك .. والقولون ما جاك إلا من الضغط والتفكير .. هونيها وتهون وترى الثقافه أهم من التعليم .. ياما ناس متعلمين وتصرفاتهم تصرفات أردى من الجهله و والله صدقيني فيه ناس ظروفهم جدا جدا جدا سيئه فوق ما تتصورين ولكن ما شاء الله ايمانهم عظيم ومتفائلين ومتطلعين لبكره وابتسامتهم من هنا لهنا :) وبعدين 32 مو مره كبيره ترا .. بقولك قصة وحده أعرفها عاشت ظروف مشابهه لظروفك ما كملت تعليمها وعندها أخو أقشر كل يوم محبوس وأبوها متوفي ولا عندها إلا أمها ومريضه بعد وعايشين في فقر مدقع .. قرايبهم يعطونهم ويتصدقون عليهم ويمنّون عليهم بعد أمها كانت طريحة فراش البنت اللي تقلبها وتنظفها وتشيل من تحتها الله يكرمك وراحت الأيام محد يزورهم غير قرايبهم اللي يمنون ويسمعون البنت كلام يسم البدن زي ما يقولون .. زي مثلا مسكينه !! وشلون عايشه كذا !! الله يكون في عونك !! ياصبرك على ذا الوضع ! ولا همها .. ترجي ربها مرت الأيام والبنت وصلت 40 وتوفت أمها .. وصارت وحيده بمعنى الكلمه ! نساها ربي ؟؟!!!! ما أمدا السنه تخلص إلا هي متزوجه من رجال من خيرة الرجال وظيفه وفلوس وبيت وأحسن معامله لها شايلها من الأرض شيل وجابت ولد والحين حامل ... ربي ما ينسى أحد (وفي السماء رزقكم وماتوعدون) (واصبر لحكم ربك فإنك بأعيننا) اصبري وارجي ربك وبتشوفين عاقبتك وشلون بتكون زينه بإذن الله الله يثبتك يارب ويربط على قلبك ويرزقك من واسع فضله إن شاءالله تحياتي لك،،، |
حبيبتى الله يعينك بس صسدقينى هى اختلاف ازمان وعقليات اجيال والله انى متاكدة انها تدعيلك بالزوج الصالح حبيبتى 32 توك بعز شبابك اهتمى بنفسك ببشرتك وبشعرك اعملى خلطات زورى الصالون مرة بالشهر التحقى بدورات تحفيظ القران هيك نفسيتك بترتاح وبتحبي شخصيتك وبتكونى صداقات-وامك صدقينى اول ماتصحى بوسي راسها وقبل لتنامى وقوليلها يماادعيلي الله يسعدك
|
لاتقنطي من رحمة الله ... هناك من تزوجت وعاشت حياة جحيم مع زوجها فالخير فيما اختاره الله .
|
أسأل الله العظيم رب العرش العظيم أن يفرج همك ويوسع رزقك ويعطيك من خيري الدنيا والآخره ويحنن قلب والدتك .
اختي الكريمة يكفيك أن جميع من في المنتدى تعاطف معك ودعى لك بالخير فهذا ياحبيبتي دليل على أن الله عزوجل راضي عنك (بإذن الله ) فسبحانه سخر خلقه لك يدعون لك بكل خير. خذي بنصيحة الاعضاء والتحقي بدور التحفيظ منها تتعلمي كتاب الله وتختلطي بالناس. حاولي اكمال دراستك . |
اسال الله العلي العظيم ان يفرج عنك ويحفظكـ وان يعجل بفرجه القريب اهم شي الصلالالالالالاه |
تعرفي أختي أنك في نعمة كثير من الناس حرموا منها وهي برك بوالديك
صدقيني يالغالية وامني دائما أن الله سبحانه وتعالى يجعل لكل شيء سبب وقد يكون تأخير زواجك عشان تبري والديكي وتكوني سبب في رعايتهم والعناية بهم أخبرك عن وحده إلتقيت بها في المستشفى كانت قايمه في المستشفى مع أمها المريضه كانت قايمه مع أمها لسنوات في المستشفى فقط تذهب لمنزلهم فترة يومين وترجع مع أمها في المستشفى إضطرت أنها تطلع من المدرسة وقطعت علاقتها الاجتماعية تقول صرت ماعندي لا صديقات ولا حياة إجتماعية تعودت خلاص اني اعيش هنا في المستشفى مع امها المريضة وصدقيني انها كانت متفائله تقول أنا في نعمة صحيح أني بلا حياة إجتماعية ولا دراسة ولا زوج لان عمرها كان في 30 وبعدها ما تزوجت زينا هههههههه المهم بعد فترة من الزمن سألت عنها لما رحت المستشفى وقالوا أن أمها توافاها الله وأنها بعد فترة قصيره رزقها الله بزوج أعطاه الله العلم والمال والجاه وهي عايشة في احسن حال بر الوالدين مافي منه جنة ونعمه حرم منها الكثير أختي العزيزة ربك رحمان رحيم عادل وسعت رحمته السموات والأرض أحسني الضن بالله تعالى وجعلي نية رعايتك بوالديك طاعه لله وسبب في رزقك اكيد ان الوالدين وخصوصا الكبار في السن يحتاج معهم الصبر وطولة البال وأكيد العقليه مو وحده هم جيل وأحنا جيل ومع ذلك نحتاج لطولة البال لنهم جنة ونار لنا الله يرزقك ويبارك في حياتك ويحنن قلب والدينك وأخوانك عليك الصبر أختي الصبر |
يالله والله احس ببكي يوم قريت حكايتك :( بجد الله يعينك :(
واتمنى تعتبريني صديقتك من الحين |
لست عالة على المجتمع ولست عالة على أحد بل أنت من يقوم بوالدك ووالدتك الطاعنينِ بالسن براً وإحساناً بهما ، والبرّ بهما ليس هيّناً كما يظنّ البعض أتذكر ما أتذكر عن احدهم انه لم يصعد الطابع العلوي لأنّ أمه في الطابق السفلي وأحدهم كان في وسط الدرس يلقيه بين طلابه فتقول امه يا فلان؟ فيقول لبيك يا أماه؟ فتقول تعال وأطعم الدجاج؟ فيقول مغلقا كتابه وسط تلامذته الذين تحلقوا حوله فيطعم الدجاج ويعود إلى إكمال درسه وهو ذو شأن عظيم في الدين والعلم شعور مهين حينها ولكنا نتذاكره هنا لعظمه ولجلالته.. قد تشعرين أنّ امك منعتك من متعة الحياة ونعيمها لكن تذكري أنها تعيش معك في نفس الخندق وتأكل معك من نفس الصحن وتجلس على نفس الأثاث فهي لا تظن ذلك ولا تشعر ما تشعرين طالما تفعل ما تفعلين وتأكل ما تأكلين ولكنها الأم. لن تشعري بقيمتها إلا حين تفقدينها واسألي من فقدوا أمهاتهم عن شعور الفقد في قلوبهم الذي لم يملؤه لا الأزواج ولا الأطفال ولا أيّ نعيم في الدنيا.. أسأله أن يحقق أمانيك.
أخوك. |
اقتباس:
اللي ماله أم حاله يغم :eek: لكن الحمدلله على كل حال .... اسأل الله تعالى أن يرحم أمي ويسكنها الفردوس الأعلى وجميع موتى المسلمين ويخليلك أمك يارب ويآلف بين قلوبكم ويرزقك برها على النحو الذي يحبه ويرضاه .. |
اختي لا تحزنين ولا تضيقين خلقك انا باقول لك شي
معروف ان اللي تكون ماهي سعيده في بيت اهلها يعوض عليها الله بزوج ما تحلم فيه وبحياه ثانيه مختلفه عن عيشتها قبل وبعدين انتي عايشه مع امك وابوك وان شاء الله انك بااره فيهم دامك قايمه فيهم وتدارينهم ان شاء الله ان ربي بيكرمك بسبب تحملك وصبرك الله يفرج همك وييسر امرك ويرزقك من حيث لا تحتسبين |
زي ماقالوا حاولى تقربي من امك اكثر واكتر وهدي نفسك واذكر الله لو عصبتى او صلي ركعتين حاولى تمسكي اعصاابك
الله يرزقك يارب بي الزوج الصالح ياارب الا يقر عينك عاجلا غير اجل والله يفرج همك يااااارب واعتبرينا اخوات لكي ان شاءالله قبل مانكون صديقات |
ربي يسعدك ويوفقك في كل امور حياتك ويحفظ لك امك من كل مكروه ويرزقك من حيث لاتعلمي ولاتحتسبي
اختك في الله |
أختى الكريمة : نبض الخفوق : السلام عليكم ورحمة الله وبركاته..
أولا: اقول لك بكل أمانة أكبر خطأ أن نضع أمامنا هدف واحد فى الحياة ونوقف حياتنا على هذا الهدف ... يجب أن نعيش حياتنا بشكل طبيعى حتى ولم تتحقق كل أهدافنا فى الحياة.. يجب فورا أن تخلقى لنفسك حياة جديدة عالم خاص بك أنت فقط... أبحثى داخلك عن مايميزك عن البشر ستجدين الكثير.. فقد أعطى الله لكل البشر كامل الحقوق ... لكن البعض يأخذ حقوقه فى مجال الرزق والبعض فى الأولاد والبعض توزع حقوقه بشكل متساوى ...إلخ مادمت تتنفسين جيدا وأمراضك ليست خطيرة ولامستعصية فأنت بخير والحمدلله.. ثانيا : أفهم جيدا انك تتعذبين عندما تقارنين نفسك بالآخريين وخصوصا أخوتك ..نعم من حقك أن تعيشين حياتك .. لكن لتعلمى اكثر شيىء يجعل الإنسان يحيا فى جحيم هو مقارنته بالآخرين ... يجب أن نرضا بما قسم الله لنا ... وصدقينى ستجدى الآخريين عندهم ماينغص حياتهم... ثالثا: كثير من الآباء معاملتهم جافة مع الأبناء بحكم تربيتهم أو سنهم...لكن يجب دائما أن لانقف بوجههم ..لأننا الخاسرون فدعوة منهم علينا هى الجحيم فى الدنيا والآخرة... إكسبى ودهم ..حتى ولو كان ذلك بالبعد عنهم..حتى لاتحدث مشاكل بسبب عصبيتك.. أخيرا أنت لست عالة على أحد لأن من يرزقك الله وليس البشر .. إنسى البشر فهم فانيون وكونى مع الله ... دائما نحن هنا معك بالكلمة الطيبة والنصيحة الصادقة. تحـــــياتى,, اخوكم m.s |
الله يهديكي يا اختي ... ,,احمدي ربك على العافية ,, تعتبرين نفسك عاله على المجتمع ,,غيرك يا اختي مقعدة على كرسي .. او كفيفة .. او فيها صمم ..او ممده على السرير ماتملك من نفسها شي وغيرك فيها امراض خبيثة ,, وانتي بصحة وسلامة لا تنظري للمفقود وتنسي الموجود..؟؟؟ احمدي ربك على العافية .. وترا الحياة مو متوقفة على الزواج ...اذا كان الزواج موفي يدك في حاجات ثانية تقدري تسويها وتشغلي نفسك فيها .. كملي دراستك على سبيل المثال ,, قوي علاقتك بأمك وحاولي تكسبيها ودام ابوكي معاكي الله يطول عمره انتي موعاله هلى احد لأنه ملزوم فيكي ... وامك صدقيني تحبك وتتمنالك الخير مافي ام في الدنيا ماتحب بنتها وتتمنى تشوفها عروسة..حاولي تكسبيها .. ورح تستغني عن كل الناس ولا تحتاجي صديقات ,, يمكن برك فيها يخليها تدعيلك .. ويجيكي نصيبك ,, يارب يفرج همك ويعينك ويعجل بزواج بالرجل الا يخاف الله فيكي.. |
مافي شي في هادنيا يدوم
لا نعيمها يدوم ولا أحزانا تدوم الله يفرجها علينا وعليك .......................... |
ممكن اتواصل معك..المشكله مافي خاص؟؟
اختي انتي من اي منطقه؟؟ |
| الساعة الآن 04:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©