أنا عمري 32 سنه وماتزوجت عند امي وابوي كبار بالسن
انخطبت بصغر سني وامي كانت ترفض تزوجني لان اللي يخطبوني قرايبي وعيال عمي وامي ماتحبهم
حالياً فيني قولون عصبي وضغط والخافي اعظم يعني اللي يشوفني يقول عمري فوق الاربعين عسى الله يرحم حالي
ابوي وامي عايشين على جيل اول يعني محد يجينا ولا نطلع لاحد ومانعرف احد
بالدراسه خلصت ابتدائي فقط
وبيتنا مافيه اثاث زي الناس يعني اللي يدخله زي بيوت زمان يعني مره مره مره قديم ياااااااااااااااااه ياكثر ماتمنيت اشتري واحط واعيش زي باقي البنات
بس رب العالمين ما اراد مكتوب لي اعيش الشقا لين اموت >> قسم طاحت دموعي رحمت نفسي
بس للحين عندي امل اتزوج واعيش زي باقي الحريم > تعديت مرحلة البنات
عندي اخوان وخوات كلهم اكبر مني ومتزوجين وعندهم عيال وبنات ويسافرون وعايشين عيشة ملوك لدرجة انهم لمن يسافرو والا يشترو شي مايقولولي ويحاولو اني ماعرف عشان ماحسدهم
تخيلو رحت لبيت اخوي وجابت بنته الصغيره تليفون تقول شوفيه جديد اشتريناه بعد اسبوع جاني اخوي يقول خرب تليفونا اعطيتيه عين تعالي اقري عليه تخيلو ساعتها وش كان موقفي؟
مادري ليش اصبحت عاله على المجتمع!!
هل العيب فيني والا في الناس؟
المهم ادخل بمشكلتي
دايم انا وامي هواش احيان اقول شكلها ماتحبني دايم تدعي علي وتهيني وتفشلني قسم بالله اني اخاف يجيني السكر ماعرف كيف اتحاشاها مادري وين اروح عنها دايم تشوفني غلط وماتبغاني اسوي اي شي يعني لولا الله ثم ابوي كان ورب البيت من زمان ضعت لمن اقول ابي جوال تقولي ماراح تدخلين الجنه اذا شريتيه لمن اقول ابي لبس تقول ماراح تدخلين الجنه اذا شريتيه تخيلو يمر عيد وعيدين ماشتريت ملابس ومايهمها!!
ماعرف بالحياة شي نهائي يعني لبس الموضه والخرابيط كلها ماعرفها تربيت عجووز على قولتهم
لمن اقول يمه مليت خلينا نطلع والا نعزم تقول لا مابي احد خليني بحالي صرت معزوله ماطلع لاحد ولاعاد لي زميلات مالي غير النت والشات اتمنى اصادق بنات بالنت بس مافي الله المستعان
والله وبالله وتالله اني اكتب لكم ودموعي تخرخر تهاوشت معها قبل شوي عشان قلت اتمنى ادخل مطعم ودعت علي اني اتزوج واحد يعذبني قلت يمه تكفين استغفري وقامت تصرخ وتقول يارب استجب
انا اعترف اني عصبيه وساعات اغلط على امي بس قسم بالله والله والله والله اني اتمنى اتحاشاها وهي غصب تنشب فيني وانا مريضه خلقه الله يلطف بحالي

تكفووون أدعوولي ان الله يفرجها علي والا ياخذني وافتك من الحياة
الله يجزاكم خير تحملوني والله اني مختبصه وماعرف كيف اكتب الموضوع

الله يكون بعونك حبيبتي ويرزقك بزوج صالح يهنيك في حياتك وفي اخرتك

ويفك عنك كل كرب يارب ويهديك ويهدي والدتك وان شاء الله تتحسن الامور

وما يكون الا خير بالنسبة لتعليقات الناس من الافضل ان تتجنبيها ولا تردي شئي لقلبك .

__________________

يا قلبي عليك لا تفكري كذا ابدآ والله يرزقك بانسان يخاف الله فيك ولازم تغيري معاملتك لامك عارفه انا امي الله يهديها ويهدي امك والله والله بعمري ما رفعت صوتي عليها بالعكس ادفها بالعربيه واوديها للعلاج الطبيعي ورايحه جايه للمستشفى وما سمعتها تقول لي بيوم الله يرضى عليك او تضمني وانا اضمها وتتضايق وتقول تحبي ابوكي اكثر مني هههه الله يرحمك يا ابوي و و اخوي اللي ما يسوي لها شئ بس بالسياره يوصلنا انواع الدعوات تتدعيله والله شئ يقهر بس استغفر الله بس ذكريتني بامي برغم الفرق ههههه عارفه انتي كوني باره بامك احتسبي الاجر من الله صدقيني دعوة امك مو من قلبها ولا تخافي يمكن انتي عصبيه حاده معاها غيري من نفسك اختي ولا تتدخلي شات وتقضي وقت الله يحاسبك عنه وانصح نفسي قبلك وربي الله يحاسبنا على الوقت ادخلي تحفيظ قران وتعرفي على الناس وهم يزوركي وامك تشوفهم وتسمح لك انك تزوريهم وكمان كملي دراستك ليه ما تكملي ؟؟؟؟؟؟؟؟؟؟ وحاولي تقنعيها بالكلمه الحلوه رووحي الحين ضميها وابكي وابكي واطلبي منها تسامحك الله يحنن قلبها عليكي ويحفظها ويحفظ ابوكي يارب ........... اسفه على الاطاله

هلاوغلابك اختي نبض الخفوق


الله المستعان ،والله هذه الحالة لستي انتي فقط من يمربها هوني علىنفسك انتي الآن عندك قولون يظهرانك اصبحتي تفكرين كثير.

عزيزتي /نفسك هي اهم شئ بهذه الدنيا !
من هذه الليلة فكري جيدا كيف تسعدين نفسك بحدود استطاعتك المادية والمعنوية.
العيش مع اشخاص كباربالسن يحتاج لصبرواحتساب .
انا معك في هذه النقطة؛لكن حاولي ان تستشعري اننافي الدنياوستنقضي الأيام ويبقى برك لوالديك هو الذكرى الجميلة التي تحمليها لهما .
اذاكان لديك مصدردخل خاص حاولي تغيري الاشياء اللي تبغيها في البيت،حتى لوكانت بسيطة.
اقضي وقتك بين اشغال المنزل ،وتلاوة القرآن وحفظه، وزيارة الأقارب،تعرفي على ناس طيبين يعني مثلا من دورالتحفيظ .
ليه ماتكملي تعليمك في الفترة المسائية ؟
صدقيني الحياة جميلة اذا حسبناها صح اذا ربطناها بالآخرة اذا الله عزوجل أخرعنك حظ من حظوظ الدنيا صدقيني انه سيجزيك الجزاء الأوفى لكن اذا صبرتي وفكرتي جيدا.
لاتنظرين لنفسك نظرة سوداء ؛لأن هذه النظرة للأسف المجتمع هو من يرسمها لك .
انتي انسانة خلقت على هذه البسيطة لهدف وهو عبادة رب الأرض والسماء ؛فتعاملي مع الخالق ،بثي شكواك في سجداتك وان جلستي نصف ساعه في السجود ،تحدثي اشكي اخرجي مابنفسك فهناك من يسمعك ولايذلك هناك رب روؤف رحيم .
قال عزوجل " واذا سألك عبادي عني فإني قريب "
نحن اخوتك ولن ننساك من دعائنا فلاتنسينا .

حبيبتي نبض

ياقولج عن تجربة ملموسة

انا اكبر خواتي واخواني

وامي ماشاء الله مثقفة وعلى درجة عالية من التعليم

بس دايما انا معاها هواش

وما نتوافق ابدا ابدا

بالاخير قلت يا بنت كفي شرج عنهم وبس

وقدر الله اني ابتعد عنهم فترة طويلة 3 سنوات تقريبا

في هذيك الفترة عرفت يعني شنو ام

ويعني شنو حنان الام

ويعني شنو عطف الام


حسيت اني فقدتها واااااااااااااااااااااااااااااااايد

وكله افكر لا قدر الله لو تموت - بعد عمر طويل- شيكون حالي

قمت ادعي بصلاتي

اللهم اعني على بر والدي كما ربياني صغيره


صح اني مو بارة بمعنى البر الحقيقي والله يغفر لي ويتجاوز عني



بس فكرت قلت ياربي انا ابي اتزوج

واقرب وسيلة هي دعوات امي

شوي شوي قمت اتقرب منها

وشوي وشوي قمت اضغط على نفسي عشانها

تخيلي بعض المرات حتى اللبس اللي يضايقها ما البسه

يعني امي ما تحب البس بنطلونات داخل البيت بحكم وجود ابوي الله يحفظه واخواني ،،، ضغطت على نفسي ولا قمت البسهم عشانها

نصيحة لوجه الله

امج كبيرة بالسن ،، وصعب التعامل معاها


حاااااااااااااااااااااااااااااااااااااااااولي انج تكسبينها بكل اللي تقدرين عليه



وحدة من صديقاتي هي ترتيبها الوسطية بين خواتها كل خواتها تزوجوا الا هي

وامها من كثر ماهي مقهروه عليها تدعي عليها

وتعامل ازفت معاملة

بس رفيجتي ماشالله عليها عارفة شلون تلين راس امها

والحين لما تزوجت امها ما افقدت الا هي ولا حست بقيمة اي بنت من بنتها الا هي


عليج بامج يا حبيبتي

__________________
لا اله الا انت سبحانك اني كنت من الظالمين

العصبية مع الأم هذي أكبر خطأ..

أول شئ تعلمي تمسكين نفسك..واسمعي ثواب بر الوالدين وكيفية برهم..

وربي يقول..{واخفض لهما جناح الذل من الرحمة}

خليك ( ذليلة لها )..مهما تسوي..مهما تقول..خليكي تحت رجولها..لاتخلينها تزعل مررره..

ودايم أحسني النية..وقولي بقلبك..عشان يرضى عني ربي ويعوضني..

دوري في النت عن دورات ومواضيع ( إدارة الغضب )..وأول شئ..اسمعي لأشرطة بر الوالدين

والله يوفقك

الله يعينك ويفرج كربتك

اصبري وحاولي تكسبين امك بالمعاملة الطيبة

حاولي تشغلين وقتك بمدرسة تحفيظ واختلطي مع

صحبة صالحة تعينك على الطاعة

واعلمي ان التوفيق كله بطاعة الله ثم والديكِ

موفقه بإذن الله

__________________

يا ودود يا ودود يا ذا العرش المجيد اسألك بعزك الذي لا يرام وبملكك الذي لا يُضام وبنورك الذي ملأ أرجاء عرشك أن تفرج عن أختنا نبض الخفوق وترزقها زوجا صالحاً تجعله قرة عين لها وتجعلها قرة عين له اللهم واملأ حياتها سعادة وسرورا وارزقها الذرية الطيبة ... يا رب ... عاجلا غير آجل .. وصلى الله وسلم على نبينا محمد

اهلين نبض الخفوق ..

تدرين .. أتمنى أمي ترجع تعيش لو يوم واحد في ذا الدنيا وتسوي فيني اللي تبي
ان شاءالله تدوسني برجلها !!
صدقيني كل دعاها عليك من ورى قلبها والله .. وأنا متأكده أنها تدعي لك كل يوم في صلاتها
بس ما تبيّن لك .. وبعدين حبيبتي هي عقليتها كذا .. تشوف الجوال حرام، واللبس مو لازم،
والزيارات مالها داعي ... معليش حبيبتي مالك إلا الصبر
وبكره ربي إن شاءالله بيعوضك بالذريه الصالحة اللي تشيلك في كبرك وتصبر عليك جزا برك
في والديك وصبرك وقيامك بهم .. معوضه خير إن شاالله
بس احسني الظن بالله وتفائلي وكثري صلاة ودعاء وتحري أوقات الاستجابه واستغفري وبإذن
الله ربي بيفرجها لك وبيرزقك من واسع فضله .. عندك نعمتين مهيب عند أحد "الصحة والفراغ"
الفراغ استغليه بطاعة ربك ورضا والدينك ..
وصحتك اهتمي فيها، لا فعلا يجيك شي كايد بسم الله عليك وتندمين ..
تصبري وأنا أختك .. والقولون ما جاك إلا من الضغط والتفكير .. هونيها وتهون
وترى الثقافه أهم من التعليم .. ياما ناس متعلمين وتصرفاتهم تصرفات أردى من الجهله
و والله صدقيني فيه ناس ظروفهم جدا جدا جدا سيئه فوق ما تتصورين
ولكن ما شاء الله ايمانهم عظيم ومتفائلين ومتطلعين لبكره وابتسامتهم من هنا لهنا
وبعدين 32 مو مره كبيره ترا .. بقولك قصة وحده أعرفها عاشت ظروف مشابهه لظروفك
ما كملت تعليمها وعندها أخو أقشر كل يوم محبوس وأبوها متوفي ولا عندها إلا أمها ومريضه بعد
وعايشين في فقر مدقع .. قرايبهم يعطونهم ويتصدقون عليهم ويمنّون عليهم بعد
أمها كانت طريحة فراش البنت اللي تقلبها وتنظفها وتشيل من تحتها الله يكرمك وراحت الأيام
محد يزورهم غير قرايبهم اللي يمنون ويسمعون البنت كلام يسم البدن زي ما يقولون .. زي مثلا
مسكينه !! وشلون عايشه كذا !! الله يكون في عونك !! ياصبرك على ذا الوضع !
ولا همها .. ترجي ربها
مرت الأيام والبنت وصلت 40 وتوفت أمها .. وصارت وحيده بمعنى الكلمه !
نساها ربي ؟؟!!!!
ما أمدا السنه تخلص إلا هي متزوجه من رجال من خيرة الرجال وظيفه وفلوس وبيت وأحسن
معامله لها شايلها من الأرض شيل وجابت ولد والحين حامل ...
ربي ما ينسى أحد (وفي السماء رزقكم وماتوعدون)
(واصبر لحكم ربك فإنك بأعيننا)
اصبري وارجي ربك وبتشوفين عاقبتك وشلون بتكون زينه بإذن الله

الله يثبتك يارب ويربط على قلبك ويرزقك من واسع فضله إن شاءالله
تحياتي لك،،،

__________________
لا اله الا انت سبحانك اني كنت من الظالمين

حبيبتى الله يعينك بس صسدقينى هى اختلاف ازمان وعقليات اجيال والله انى متاكدة انها تدعيلك بالزوج الصالح حبيبتى 32 توك بعز شبابك اهتمى بنفسك ببشرتك وبشعرك اعملى خلطات زورى الصالون مرة بالشهر التحقى بدورات تحفيظ القران هيك نفسيتك بترتاح وبتحبي شخصيتك وبتكونى صداقات-وامك صدقينى اول ماتصحى بوسي راسها وقبل لتنامى وقوليلها يماادعيلي الله يسعدك

__________________
ادعولى ربي يرزقنى الذرية الصالحة