|
نظرة المجتمع للزواج من المليانه
ابغى اتزوج ....
انا عمري 27 وصراحه فاض بي الكيل وابغى اعف نفسي عن الحرام استغفر الله العظيم امارس العاده بشكل يومي من يومي صغيره وماعرفت اضرارها إلا لما وصل عمري 18 سنه والحمدلله كشفت على نفسي وماتضررت من الي كنت اسويه انقطعت شهر وزدت بشكل اقوى وإلي هذا اليوم وانا في هالدوامه الي احس مافي امل اني اخرج منها احيان اقول اعوذ بالله من الشيطان الرجيم امكن اقلع عنها في ذيك اللحظة لكن مااحس بهالكلمه واسوي افكر بأشياء وخصوصا قبل النوم حلي اكيد بالزواج لكن للاسف انا مليانه وطبعن محكوم علي بالعنوسه لان المجتمع الي انا فيه مايقبل يتزوج وحده مليانه وحتى الكل مااعتقد احد يرضى او بالاصح خلينا نقول امهات واخوات الرجال مايحبوووو يزوجو ولدهم او اخوهم لوحده مليانه حبتين حتى لو كانت كامله والكامل الله مابتعجبهم حتى الرجل المليان يبغاله وحده نحيفه وسهل يلاقي لكن انا لااقدر اطلب اهلي اني ابغى اتزوج ولا النصيب جآ فكرت اسوي ريجيم نحفت 5 كيلو والنفسيه تتعب وحارمه نفسي من اشياء كثيره وبالنهايه ان اشتهيت شي حلو واكلته انتفخت واحس جسمي امتلى رحت نادي رحت امشي سويت ابر صينيه رحت عند 3 اخصائيين تغذيه سويت تحاليل والحمدلله كل شي سليم عندي الغدد سليمه والوضع تمام ولله الحمد لكن السبب الاراده مافي وانا وحده كسوله مااحب اتحرك واسوي رياضيه اشجع نفسي واقول لازم انحف وكل شي بثمن لكني اتعب بالنهايه واستسلم واقول ليه وش فيني انا الحمدلله متعلمه ومتخرجه واشترك بدورات وورش عمل وكل هذا مافادني بشي لا اشغلني ولا كبرني بعيون الناس يعني لازم انحف ويكون جسمي سمبتيك واتعرى بالزواجات علشان ام فلان تنغري فيه وتخطبني لولدها انا الحمدلله مو مليانه بشكل بشع ملأ عادي لكن الامهات الي بيخطبو لاولادهم مايحبو تكون زوجة ولدها مليانه يمكن راسمه في بالها تزوج ولدها عارضه ازياء والله احيان لما اروح مناسبه افكر اني اتقرب من اخوات العروس او العريس اكثر علشان في نهاية الزواج يمكن يجي اخو العروس يسلم على اخته قبل ماتروح ويشوفني بالغلط وانا جالسه مع خواته وامكن يعجب فيه ويسأل عني ويخطبني :d لاني اعرف نظرة الرجال مو كذا موزي نظرة امهاتهم واخواتهم المعقدة سامحوني على اسلوبي لكن والله اني مقهوره لحد النخاع :( شايله هم ابغى ابعد نهائي عن ممارسة العاده لكني مااقدر ابغى انحف يمكن يكون هالسبب هو الي مأخر زوآجي من بعد الله لكني لااملك الاراده القويه ابغى اتزوج لكن النصيب ماجآ وهذا بيد ربي طبعن لكني مستعجله وابغى اتزوج استغفر الله ياربي وخايفه اختي الي بعدي تتزوج قبلي وانكسر اكثر مو حسد ولا غيره لكن انا من النوع الضعيف جدا هي بس جووها خطآب ومن بعدها صارت تشوف حالها علي اذا تخاصمت انا وياها تقولي انتي مستحيل تتزوجي فيك وفيك والثانيه تقولي عانس لكن سبحان الله تفركش موضوعها لكني خايفه من هالصيفيه !؟ |
عفواً أختي الكريمه تم نقله للقسم الأنسب
أسأل الله ان يرزقك الزوج الصالح عاجلاً غير آجل |
صدقيني الزوااااااج قسمه ونصيب ماله دخل بالشكل
شوفي الي حولك هل كل الي متزوجات عارضات أزياء ؟! بالنسبة للعادة السرية هل تستطيعين ممارستها امام الناس ؟! انا متأكده انكِ تشعرين بتأنيب ضمير عند ممارستها فانصحك كل مافعلتيها قومي واغتسلي وتوضي وصلي اربع ركعات اطيلي فيها الركوع والسجود واكثري من الدعاااااء والاستغفار ورددي دائما ( اللهم اغنني بحلالك عن حرامك ) عندها الشيطان لن يوسس لكِ ! لانكِ كل مافعلتيها اتبعتيها بطاااااااعة واعتقد سبب ما أنتي فيه الفراااااااااااغ فأنصحك تدخلين دااااااار تحفيظ والله تشعريييييييين براااااااحة نفسية اسأل الله ان يرزقك الزوج الصالح الي يسعدك |
ابنتي الكريمة الوردية:
أسأل الله العلي القدير أن ييسر أمرك ويعجل بزواجك بالزوج الصالح ويرزقك الذرية الصالحة ويبعد عنك شياطين الجن واإنس: س- كيف تقوي شخصيتك وإرادتك في مواجهة هذا الموضوع: جـ- بما يلي: 1- إعلمي يقيناً وتعاملي مع القاعدة الإيمانية ( وأعلم أنك لن تذوق حلاوة الإيمان حتى تعلم أن ما أصابك لم يكن ليخطئك وما أخطأك لم يكن ليصيبك. 2- رتبي في ذهنك نعم الله عليكِ بانتادءً من الإيمان ثم العقل ثم صيانة العرض ثم حفظ البدن ثم الأمن ثم الخلو من المشاغل في الرزق ثم عددي حتى تصلي إلى نعم الزوج الصالح, وأنظري ترتيب هذه النعمة ستجدينها متأخرة عن النعم الكبيرة قبلها والتي قد لا تحصل لغيرك وإن كن متزوجات. 3- يبدخل إبليس على كل مسلم ليوسوس عليه فيما يحب فيدخل على التاجر من باب ماله وعلى الأم من ناحية أولادها ويدخل على من في سن الزواج بموضوع هل سأتزوج أم لا فيجعل هذه القضية بالنسبة لهذه الفتاة القضية الكبرى في حياتها وكأنها خلقت من أجل هذا ويغشلها بذلك عن صلاتها وعن دينها كلله وعن والديها ويدخل بينها وبين أهلها وأعز الناس لها منهم بالغيرة وسوء الأخلاق ويفتح عليها بهذه الوسوسة من أبواب الشر الشيء الكثير ويقلقلها في هذا الموضوع فلا تستطيع متابعة الدراسة ولا العمل ويحبطها من رزق الله القادم. 4- القضية الأولى في حياة كل مسلم هي تحقيق العبودية لله فيلتزم المسلم بذلك وينهج حياته بما يرضي الله وينتظر نصيبه المقدر له فإن كان له نصيب في الزواج فسيحضر وإن كان غير ذلك فسيقع ولا يلتفت إلى وساوس الشيطان ويمضي في طلب الرزق والعلم. 5- ابنتي الكريمة لا شك أن من لم يقع فيما أنتي فيه الآن لن يقدر مشاعرك بالانتظار ولكن أعطِ هذه القضية حجمها المناسب لها من حيث الاهتمام وحافظي على هدوءك فلن يجلب رزقك الاستعجال ولن يمنعه الاهمال وتأكدي أن شيئين سيدركان رغماً عنك وهما رزقك وأجلك فضعي هدف لك من أجل الآخرة وأعملي من أجله وهدفاً من أجل الدنيا وأعملي من أجله. بارك الله فيك وأتوقع من كلامك بأن فيك بإذن الله خير كثير وأنكِ فقط بحاجة للتذكير. |
اقتباس:
|
اقتباس:
آآآمين يارب وانا عارفه انو الزواج قسمه ونصيب لكن للاسف لا عندي وظيفه ولاشي اشغل نفسي فيه لما كنت بالجامعه ماكنت افكر بزواج بكثره زي الحين وبالنسبه للعاده احس اني مااشعر بشي بتأنيب الضمير نهائي لا قبلها ولا اثنائها لكن بعدها مباشره احس بتأنيب الضمير بشده واكره نفسي واكره كل الي حولي وافقد الامل بكل شي ان شاء الله ربي يساعدني |
اقتباس:
والله ياابليس انه ارحم من اهلي انا اساس خرابي هم اهلي واهمالهم لي |
ابنتي الوردية
ما ذكرتيه في الرد ناتج من وسوسة إبليس ليبعدك عن الله وعن أهلك وهو حريص على أن ترافقيه إلى النار وإن أهملك أهلك فلا تهملي نفسك لتسقط في أحضان إبليس وجنده أعاذك الله منهم. ألا بذكر الله تطمئن القلوب. |
أهلين ورديه
اول شي 27 ترى مو كبيره مره :) توك في ربيع العمر ثاني شي بسألك .. هل تضمنين ان زوج المستقبل بيكون احسن من اهلك ؟؟ ياختي ياما بنات عقدوا آمال على الزواج وزوج المستقبل وانه يخلصهم من جحيم اهلهم وفي الاخير عرفوا انهم غلطانين وإن نار اهلهم ارحم من هالزوج !! ورزقك عند رب العالمين مو عند الناس وزيادة الوزن ماهي عائق ترى ياما بنات سمان وتزوجوا فيه بعض الرجال يفضلون السمينه هذا غير إن النصيب لين صار مكتوب ما يضر ان كنتي سمينه ولا نحيفه !! انت مشكلتك الأساسيه الفراغ عشان كذا لو تشغلين وقتك دايما وما تكونين فاضيه ابدا قد ما تقدرين ... ليش ما تعملين رياضه ؟ أصري عليها لا تتركين نفسك على هواها وتقولين ما احب ! هي في البدايه صعبه لكن اذا استمريتي واصريتي بتحسين بإيجابياتها لأن لها ثلاث فوايد في حالتك ... أولها ينقص وزنك ثانيها تتحسن نفسيتك وتروح عنك الضيقه والهواجيس وترتفع معنوياتك ثالثها تخف من عندك العاده هذي اللي مو كويسه .. وبعدين أختي ورديه عليك بالصلاة ثم الصلاة ثم الصلاة كل ما ضاق صدرك قومي افرشي سجادتك وصلي واطلبي ربك وألحى في الدعاء وتضرعي بين يدينه سبحانه، وكمان كل ما حسيتي بهذي العاده اللي مو كويسه تعوذي من ابليس وقومي صلي على طول ... قوي عندك الجانب الإيماني والديني وكثري استغفار عشان ينشرح صدرك ويرزقك ربي وتصدقي .. واحضري ندوات ومحاضرات تطوير للذات او على الأقل اقري كتب ولا تقعدين لحالك كثير وانصحك تنزلين من يوتيوب حلقة لمشاري الخراز بعنوان كيف تتعامل مع الله اذا ابتلاك .. واختك مع احترامي لها ماعليك منها .. الشماته ماهي زينه مو من حقها تقولك ياعانس وما جاك خطاب !! ايش هذا ؟؟؟ وش ذا الاسلوب وذا العقليه ؟ يعني هي ضامنه تتزوج الحين !! ما سمعت بالمقوله لا تشمت في اخيك لعل الله يعافيه ويبتليك ؟ ادحري الشيطان وانا اختك وكوني اقوى من نفسك الأماره بالسوء وجاهديها ولا تكونين ضعيفه ابدا وأسيرة لهواجيس وافكار سلبيه ... الله يرزقك يارب بالزوج الصالح والذرية الطيبة وسعادة الدارين آمين تحياتي لك،،،، |
عزيزتي بلنسبة للعادة انا انصحك أول ماتجيكي الوساوس قومي بدون تفكير اتوضي إما صلي أو استغفري دة أولا وثانيا شوفي شئ يشغلك من اعمال نية اشغال يدوية يعني كل ماتجي تفكري
وفعلا بلنسبة للرجيم انا مثلك تماما مليانة شوي بس شوفي تهزيء اهلي وصحباتي لي ما احب الرجيمات وما احب الحركة بس اذا لقيتي حل قوليلي خخخ وبلنسبة للمضايقات مافي انسان خلي من كلمة من هنا أو هنا واذا اختك اتخطبت عادي بلعكس خليها تتزوج وتقولك كيف الزواج وشغل البيت ويكون عندك خبرة اكتر والله النصيب يلعب دور كبير وبلنسبة للزواج مالك الا الدعاء الله يزوج كل البنات يارب ويفرج الكرب |
حبيبتي انتي متعلقه ببشر ليس بيدهم شيء ونسيت رب البشر الذي بيده كل شيء تعرفين الدعاء؟ هذا السهم العجيب يسوي الهوايل وربي اللي خلقني اني كنت زيك وبالدعاء سبحان الله انقلبت حياتي ورزقني ربي بل زادني واكرمني اذا فكرتي بالعاده قومي وتوضي وصلي الوتر وادعي الله بتذلل شديد وقولي ربي اغنني بحلالك عن حرامك اللهم اجبر كسري وقوي ضعفي اللهم أني يأست من البشر الا انت املي بك عظيم كرريها بكل صلاة بل كل وقت وتلذذي بأنك تتقربين لله بالدعاء والتذلل استمتعي بالهم وان الله لم يحرمك الا ليعطيك وان الأجر مستمر مادمتي مهمومه وهذا اللي بيصبرك حتى لو طالت مدة دعائك لاتيئسي ابدا لو عشر سنوات ثقي ان دعائك راح يجاب لاتقولي انا مو حلوه انا مليانه انا عمري كبير من بياخذني رزقك بيجيك اي لا تتمللي ابدا فالرزق بيد الله حتى لو انك فالمريخ راح يجيك وبدون ما تتقربين من اخوات العريس فلا تسوي شي انتي تحزني انك تسوينه عشان يعطيك امل الأمل الوحيد بالله فقط واحسني الظن بالله (أنا عند حسن ظن عبدي بي فليظن بي ما يشاء ) قولي ربي اعرف انك ستكرمني ولا اعرف كيف ؟عليك اتوكل واليك انيب ارزقني من حيث لا احتسب يعني تفنني بالدعاء واحتسبي تجريحهم عند الله اقسم بالله اني اقولها من تجربتي*مريت بتجربة أقوى من تجربتك والحمد لله أستجيب لي دعائي
|
بالنسبه للسمنه حاولي تخففي وزنك موعشان أحد عشان نفسك أنتي دائما انظري للمرايه وقولي انا اقدر انحف انا قويه انا ما احتاج احد يقويني انا لست ضعيفه يعني عقلك الباطن راح يخزن هالكلمات وبيكون ايجابي وراح يقوي ارادتك من هالكلمات وتزداد ثقتك بنفسك وراح ينقص وزنك في فترة قصيره جدا ترا هذا كلام علمي
|
|
لاتفكرى انك ماتتزوجي بسب وزنك بنت خالى اصغر مني بعمرك بالظبط وزنها 100 وفوق ملكتها كانت من اسبوعيين وزنها مااثر على خطوبتها بس حاولى تخففى وزنك لصحتك مو عشان زواج الله يرزقك
|
احس الي يمارس العادة السرية او المدمن عليها مثلك انسان يتفرج على افلام ابحاية لوكنتي كذالك ابتعدي عن الافلام
|
سلام اختي الكريمة
و الله انك تهدري وقتك و مصالحك على شئ ما يسوى تدكري و انت تمارسين شئ مو كويس ان الناس تتمتع كأزواج لمنفعت المرأة و الرجل و للستر و فيه أجر عظيم للأثنين و أنت لحالك ما في متعة و لا أجر و عداب ضمير أيضا فكري في هدي المتعة الشيطانية و فائدتها ما راح تلاقي شئ أنصحك قبل الاقبال على الله تعرفي عليه بكتب التوحيد و الاصول الثلاثة و الاطلاع على الكتب العلمية المفيدة و الرزق لن يفوت احد هدانا الله و اياك لصالح الاعمال |
لكن للاسف انا مليانه وطبعن محكوم علي بالعنوسه
طبعا راح يحكم عليك بالعنوسة دام انك مقتنعه بهذا الشي حبيبتي اطلعي من اطار القناعات السلبية بالله عليك كل المتزوجات اجساهم اغراء لا والله اعرف لك وحدة والله والله لو تشوفيها تقولي مستحيل تتزوج مافيش جسم ولا شكل ولا حتى اسلوب ماشاء الله لا قوة الا بالله متزوجه ومافكر يتزوج عليها زوجها الله يوفقهم مشكلتك في نظرتك لنفسك لانه اللي انت تشوفي نفسك فيه هو نفسه اللي يشوفونه الناس الشي الثاني والمهم العادة السرية انت عارفه انه امر خسارة في الدنيا والاخره في الاخره هو امر محرم وتقيل من خوفك من ربك في الدنيا العاده السرية حبيبتي تفقدك القدرة على المعاشرة المثيرة بعد الزواج وصدقيني ماراح تحسي بالاكتفاء من الزوج اذا استمريتي على العادة اذا جاك الاحساس :25::25: على طول اشغلي نفسك بطاعه اي طاعه توضي وصلي واسمعي محاضرة او اطلعي من الغرفه واجلسي من الاهل كلمي اي صديقه او قريبه روحي المطبخ سوي لك طبخه جديدة او حتى كوب كوفي صغير او رتبي ان شاء دولاب او درج المهم طلعي نفسك من التفكير ابتعدي عن المشاهدات الجنسية والصديقات اللي يحرضون على هذي الاشياء لا تستقلبي في الببي او حتى الايميل اي مقاطع جنسية او حتى صور نساء عاريات بحجة الازياء جاهدي نفسك واتذكري ان الله حرمك الزواج لانك حرمتي نفسك الطاعه استبدلتيها بالمعصية فالجزاء من جنس العمل اسأل الله ان يتوب علينا جميعا ويغنينا بحلاله عن حرامه وبفضله عمن سواه واكثري دعاء واستغفار |
يا أختي مو شرط المليانه ماتتزوج
بنت عمتي ماشاء الله عمرها 26 ووزنها يمكن 85 وتزوجت ومعها عيال مو شرط المليانه ماتتزوج أحمدي ربك عمرك 27 أنا عمري 34 ومو مليانه أقل من المليانه بكثير وماتزوجت والحمدلله على قضائه وقدره أنتي لاتقولي أنا مليانه وماراح أتزوج لا ثقي بالله أنه راح يرزقك والعاده أمشي كل يوم ساعه وأشغلي نفسك بالإستغفار وبإذن الله راح تتركين العاده والله يسعدك يارب |
الله يوفقك ومو علشان سمنتك او نحفك هاذي ارزاق عند ربي وماتدرين يمكن حياتك الان احسن من لو تزوجين وبالنسبه لسمنتك مافكرتي تسوين عمليه اذا تبين موقع يفيدك بالعمليات اكتبي بقوقل عن الدكتور سلطان التمياط |
أختمي القرآن كل ثلاثة ايام او كل ستة ايام او كل شهر على حسب قدرتك
وبتشوفين الخير مقبل من كل حدب وصوب الله يوفقكِ |
السلام عليكم ورحمة الله وبركاته
يسعد صباحك ياقلبي بكل الخير والسرور اتمنى تكوني بسعاده فديت قلبك بالبدايه ااسال الله لك السعادة بالدنيا والاخره وراح ادخل معاك بالموضوع بااسلوب بسيط وقريب لقلبك واتمنى منك تعتبريني اخت لك ومحبة لك شوفي يالغاليه كل انسان في الدنيا ربي مقدر لك كل شيء بحياته اب وام واخوه واخوان واصحاب واهل وزواج ابناء ....... الى ان نعود للثرى وبحياتنا لازم يكون فيه محطات صعبه نمر فيها ونعاني كثير منها والحمدلله انتِ مافيك الا كل خير وفديت قلبك النصيب اذا ربي كاتبه لك راح يكون ومااحد ياخذ او يفسد نصيبك ولاتهتمي لكلام الناس فديتك وصدقيني مو اهم شيء بالحياه الجمال والجسم والرشاقه وربي اعرف لك وحده وزنها 120 كيلو وتاخرت بالزواج وتزوجت اختها الي اصغر منها وكانوا الناس يقولون عنها كلام مو حلو طبعاً هي تضايقت كثير وحست كل شيء مسكر في طريقها وبالصدفه التقيت فيها وحصلتها مكسوره .. ماعندها ثقه بالنفس ماقلت لها كلام معجزه لكن كل الي قلته لها ترضين تفشلين بالاختبارات بدراستك قالت لا قلت طيب ليه تفشلين بااختباراتك بالدنيا قالت كيف قلت ليه تسوين كذا بنفسك وانتِ مثل القمر قالت اي قمر شوفي اختي اصغر مني وتزوجت وانا اكبر منها بـ 5 سنوات ماتزوجت قلت طيب مين الي سخر لها هذا الزوج قالت الله قلت ليه تسخطين كذا وتضيعين عمرك وشبابك بااوهام وماترضين بالقضاء والقدر ممكن تتزوجين ويكون لك شيء مو كويس وثقي مثل مازوجها ربي ومانساها ماراح ينساكِ لانك مؤمنه بس لاتضعفين ايمانك وتخسرين السعاده بالدنيا والاخره بااوهام تقلل الدين فيكِ وتستلمين للشيطان وتخلينه يعبث فيك ثقي ان ربي ماحرمك من امنياتك او بالاصح اخرها عنك الا لانه مقدم لك خير كبير وانتِ ماتثقين ان زواج اختك او اي جميله بيكون سعيد قالت لي بس هي جميله وجسمها حلو قلت حتى انتِ حلوه واحلى مافيك روحك وقلبك والحلا حلا الروح فديتك وصارت تستجيب لي بعدها صرت اتواصل معاها عن طريق المسن واقولها كلام بسيط جداً بس الغرض منه ان ثقتها وايمانها بالله يكون اكبر وفعلاً صارت قويه بايمانها وسبحان الله صارت خير لكل الي حولها وقلت لها لاتهتمين بالزواج بس ادعي ربي دائما يقدم لك الخير بكل شيء وصارت ملتزمه وايمانها قوي ومايأثر فيها كلام الناس وبااقل من 5 شهور تقدم لها رجل آيه في الدين والجمال والطيبه واتصلت فيني وقالت هو احلى مني بكثير وانا كبيره قلت وانتِ احلى منه بكثير واهم شيء بالحياه والتفاهم وشافها وحبها كثير وتم الزواج ولله الحمد ورغم كل الفروق بينها وبين زوجها مااثرت بحياتها تعرفين ليش لانها فروق ظاهريه او سطحيه الزوج مايستفيد من الزوجه اذا صار جسمها حلو وجميله بس قلبها اسود او نفسيتها مو كويسه الزوج بعد الزواج يحتاج زوجه توقف معاه بالشده وتكون معاه بالرخا وسبب بسعادته هذا الي يطلبه اي زوج واختها كانت تقول انتِ مستحيل تكونين سعيده لانك سمينه ومو واثقه بنفسك الحين مطلقه ..! لانها وللاسف ربي يهديها اعجبت بجمالها وكرهت زوجها بالعيشه معاها وحس زوجها بالذل معاها وطلقها انا اعتذر طولت كثير عليك فديتك لكن يشهد ربي اني اعتبر الكل حتى لو مااعرفهم مثل اخواتي واخواني عشان كذا لاتيأسين وثقي بالله اولاً واخيراً وشوفي كيف حياتك بتتغير والزواج مو كل شيء ياعمري واعرف لك بنات تزوجوا وهم اكبر من 35 سنه وعايشين بسعاده ولله الحمد بعكس الي يتزوجون وهم صغار يعني العمر مو سبب بالسعاده او معنى للعنوسه ممكن وحده ماتزوجت وكبيره بس تقدر الحياه بكل تفاصيلها و افضل بكثير من وحده متزوجه وصغيره وماتعرف ايش معنى الزواج وانتِ مسلمه والمسلم مبتلى واذا تبين السعاده فديتك اصبري ثم اصبري ثم اصبري ثم اصبري وشوفي كيف بتكون حياتك من سنه ونصف ابتليت بمرض خطير جداً لاشفاء منه ومع كل كلام الاطباء الغير مبالين صبرت ومااهتميت فيهم وشفيت بااعجوبه ولله الحمد لأن املي مو فيهم املي باللي خلقني وكل شيء في الحياه سبب للسعاده او الحزن عشان كذا عززي ثقتك بالله اكثر وربي يوفقك ويحقق لك كل امنياتك حبيبتي |
كثير مايتكلمون النساء ويحبطون انفسم بانفسهم بحكم اني رجل ومايدور بمجتمع الرجال فهم أكثر مايبحثون عنه الجمال
بصراحه وبعدها يتسلسل ماجاء بحديث الرسول صلى الله عليه وسلم ولاكن اني سمينه ماراح اتزوج أو أني مطلقه ماراح يرضى فيني أعزب أوأرمله ماراح يتزوجني إلا مطلق أو أرمل ليش تحطمون أنفسكم بأنفسكم الله يهديكم لا صدقوني هناك شباب يرضون بالمطلقات والأرامل وشباب عزاب ولاكن يبقى التوفيق بيد الله تحياتي ..... شااااب |
| الساعة الآن 04:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©