السلام عليكم ورحمة الله وبركاته
اسعد الله اوقات الجميع بالخير والبركه وكل عام وانتم بخير
لقد عدت اليكم والى المنتدى الغالي وانا لي امل ورجاء ان اجد فيكم من يرشدني ويعينني على ما انا فيه بعد عون الله وتوفيقه ربما شاهد البعض وشاركني مشكلتي السابقه وخاصه الاخوات الفاضلات وهاهي تتجدد ولم اجد مخرجا لا اعلم اي سبيل امضي فقد اعياني التفكير ...

http://www.66n.com/forums/showthread.php?t=225526

سبق وقلت اني مو متطمنه وحاسه ان زوجي عنده شي لاني افهمه من عيونه ومن كلامه ومن كل شي فيه كنت شاكه وبقوه ان معاه جوال وبالفعل حصلت الجوال وسبحان الله كيف ربي خلاني احصله بدون تعب بالرغم انه ماكان بالبيت بس صدفه حصلته بالسياره وفتحته طبعا حاطله رقم سري بس حصلت بنفس الجهاز رسائل توضح الللي بينهم انه محولها فلوس وياليتها الف الفين الووفاات علشان بيتها اللي تبغى تبنيه وبتطلب الخلع من زوجها وكمان بينهم وثيقه انها تسددها على دفعات يعني كمساعده معطيها المبلغ وطلعت برنت المكالمات وحدث ولا حرج لهم اكثر من خمس اشهر متواصلين مع بعض بعد ماشفت رسائل التحويل والمبالغ المحوله دخلت ع رصيده بالبنك وعملت كشف حساب وطلع كل المبالغ المحوله الحين انا ماسكه عليهم هالادله ورجااء لا احد يقول هذا تجسس وهذا حرام انا ادافع عن بيتي وكنت حاسه ان فيه شي غلط ففتشت وحصلت هالاشياء وسبحان الله بعد استمراري بالدعاء ان ربي ينصرني عليها حصلت كل شي ورى بعض وبدون تعب ..عرف اني اخذت الجوال هددني اني ارجعه مارضيت طبعا وديته عند اهلي لانه لو بالبيت كان اتهور وخلاني غصب اطلعه لما رحت بيت اهلي قبل رمضان بيومين طلعت من كل شي نسخه وارسلتلها ع بيت اهلها نسخه وهو اعطيته نسخه وقلت هذي هدية العيد قبل لا يدري اني طلعت كشف الحساب كان ينكر وبقوه انه محول وكمان كان ينكر ان عنده جوال وحاول يهدي الامور ونرجع لبعض وبعد ماعرف اني دخلت ع كشف حسابه عصب وزعل وانهال رسائل سب بس بعدها ع 2 يوم برمضان هدي شوي وجاني وجلسنا نتناقش كثيييراحيانا احسه صح ندمان وتائب واحيانا احسه يكابر يقول ماسويت شي عادي قريبتي وطلبت مساعده مثلها مثل اي رجال وساعدتها ..طيب والمكالمات اللي بالهبل يقول تضيعة وقت طيب ولما اطلبك شي بالبيت تتحجج ماعندي ماعندي ميزانيتي ما ادري وش فيها وغيري فلوس بالهبل تتحولهم بدون وجه حق المهم اعتذر بس مو بإلحاح وقلتله بقول لامها قال لو قلتيلها انتِ طالق بالثلاثه
ثالث يوم برمضان اتصل قال اجيك قلت لا شوي اتصل عليه قلت طيب اوكي ((امي تبكي مو عارفه وش السبب تحسب بس مكالمات تقول ذنبه عليه وعيشي حياتك وكل شوي تدعي اللي يحنن قلبك ع اطفالك لانها شايفتهم طفشانين وبابا بابا ومايبغون يجلسون عندها لانهم مايرتاحون))
رجعت البيت واحسه يعتذر بطريقه غير مباشره يعني يهتم بالاطفال ياخذنهم عني ويخليني انام ويساعدني بالبيت اول يوم جهز السفؤه قال انتِ ضيفه عندي ..هو انسان جدا طيب ومو عارفه هذي كيف ضاحكه عليه هو يقول انه قالها خلي امك تطلبها مني افضل قالت لا..قالي ع كلام كثير دار بينهم يعني لو غيره مايقول كذا وحلف انه اتهاوش معاها من قبل لا اكتشف الجوال لانه قالها في رمضان ما ابغى اسمع صوتك وهي مستعجله بتجمع فلوس قبل رمضان وطلبته مبلغ كبير وقالها زودتيها وانا ماخلفتك ونسيتك ويحلف انه متزاعلين وقالي خلاص التواصل في ارجاع المبلغ عن طريقك قلتله اعطيني نص المبلغ مارضي
انا الان محتاره نفسي امها تدري بنفس الوقت ما ابغى زوجي ينفضح مو عارفه شسوي احس كذا ولا كأني سويت شي نفسي اعيشها بقهر مثل ماعيشتني الايام اللي فاتت نفسي انتقم منها وزوجي كمان مقهوره منه بس هو يقول تاب ويقول يحبني ويقول انسي والله غلطه وحده كنت بس بتسلى بالمكالمات ويحلف انه ماكان يبغى شي كبير ابد واني مو مقصره معاه بس الشيطان شاطر وانه يمكن اكتشفت هالشي علشان الموضوع فيه خيره له قولولي شسوي؟ انا ما ابغى اهدم بيتي ما ابغى اطفالي يعيشون بعيد عنا احسه جد تاب بس الحيوانه يمكن ترجعله كالعاده وهو من اول يحس بود تجاهها ويمكن يضعف وبالوثيقه يمكن ان هذا المبلغ مهر لها بعد ماتطلق من زوجها الاول لانها قالتله سلفني وفكر شوي لقدام يمكن هذا بيتك شوفوا الاسلوب ؟اخاف اوصل الكلام لامها زوجي ما راح يسامحني لاني خليته يطيح بنظر اللي حوله وبرد حرتي فيهاوش اسوي؟

قلتله ماسكه شي عليك يقول لا بس متفشل من امها قلت وينك من اول مافكرت بالفشله

شكراً لكِ روح

اخاف مثل بداية المكالمات اسكت ويرجعون يكلمون بعض ولما اكتشفت وقلت لامها امها تمشي وتطلع اني اتبلى عليهاواني غيرانه واني واني وانا مقهوره من وقاحة البنت نفسي اوقفها عند حدها بس كمان اخاف الموضوع يقلب ضدي وحتى بالبراهين يطلعوني غلطانه لانهم يقربون لبعض وانا مو منهم

زوجها صعبه يدري اخاف ينفضح زوجي مهما كان هو ابو اطفالي وسمعتنامن سمعته بس لو امها تدري احسن بس مو عارفه كيف

انا اليوم افكر اتصل على امها واكيد الطلاق بيقع بس تعتبر طلقه ولا طلاق بدون رجعه انا ماعاد يهمني الطلاق بس اللي كاسرني اطفالي ماراح يريحوني عند اهلي قلتله اعطيني الشقه علشان استقرار الاطفال النفسي مو راضي هو فيه محاسن كثيره حلوه بس بعد اللي صار احس لو سكت كرامتي بالارض مو عارفه محتاره احيانا اقول امي تقولها بس امي ماتعرف يبان عليها الخوف طيبه ماتعرف تاخذ حقها وكمان اصلا موداريه تحسب مكالمات بس

شكراً اختي موهبة الكويت....مو عارفه وش فيه انا مصدومه فيه بقوه هو مو من السهل احد ياخذ منه شي وهذي يقول مساعده وبترجعها وابدا يقول البنت اخلاقها مافيها شي عادي قريبتي وطلبت مني خدمه وانا بيدي اسويها وسويتها بالرغم هو ما اظن بيده لانه باع سيارته اللي نفسه فيها وماحسب ان اشتراها وماكملت كم شهرما اقول غير حسبي الله ونعم الوكيل

ليه الغرور الله يسعدك يارب
مو عارفه جد ندمان ولا مثل المره اللي قبل رجع يصلي بالناس ويقولي انتِ تجيبين سيرتها بالرغم هو احيانا يمزح ويثقل بالمزح ويقولي انا اتوب وانتِ ترجعيني واحسه من كلامه بس علشان رمضان الحين بس بعد رمضان كأنه بيكلمها علشان نتواصل لتسديد اللي عليها
واني اروح لبيتها صعبه بتصير فضيحه وبيقولون اني اتهجمت عليها وما احد بيصدق شي مع كثرة الكلام بس بيحطون اللوم علي وهي واضح انها مصيبه شوفيها لما ارسلتلها الورق المفروض تتصل او ترسل وتقول اوكي برجع الفلوس ع اتفاقنا بس انا حاسه ان عندها شي خايفه انهم يكونون متفقين يقولها زوجتي علي وماراح تقول لأمك ومطمنها اجل ليه ماوضحت ابد انها غلطانه

اخوي مازن عبدالله ...نورا..روح المساء ..عدسه برونزيه..انا كذا ..الملاك يونا
الله يسعدكم جميعا..وبالنسبه لموضوع الاتصال هو يقول خلي كل شي بعد العيد يعني الظاهر بيكلمهاوبيتفق معاهاولما شافني ارسلتها رساله قالي كنت احسبك كفوللاتفاق بينكم بس الحين مافيه عاد موعارفه جد غير رايه ولا لالاني ارسلتلها جيبي فلوسنا هههه لانها كانت تقولي اناغنيه ومومحتاجتكم قبل لاتشوف كشف الحساب...هو يقول خلاص انا تبت والموضوع عادي قاهرني يقول مايحتاج كل هالزعل يكابر مو عارفه ليه ..اخواتي يقولون احتسبيها واسكتي وانا نار بصدري شلون اسكت اخاف مثل اللي قبل يرجعون يكلمون بعض ووقتها ما اقدر امسك شي عليها ويروح تاريخ التحويل يعني اكيد بيقولون هذا وقت لما كنا نشتغل مع بعض..وهو حلف انه ماراح يتزوجها بس صرت ما اصدقه خايفه يسولولي مصيبه بفهم يقول يحبني ومو مضحي فيني ويقول لاتتهورين وتقولين لامها علشان مانخسر بعض طيب كيف اخذ حقي منها يوم كانت تحرضه علي والاشهر اللي فاتت عيشتني بتعب وقهرموعارفه استقر مع زوجي بسببها كذا اسيبها واقول ربي ياخذ حقي منها كيف ابرد على قلبي كيف ارجع معاه ولا كأن شي صايركييييييف بس..انا لو وصلت الموضوع لامها ماراح يكون مني مباشره لانه قالي لو هاللسان قال لامها انتِ طالق بالثلاث بحاول اوصلها من طريق ثاني بس مع مين اخواتها اخاف يقلبون علي والله مالي غير ربي ينتقملي منها حسبي الله عليها شتتنا وضيعتنا حسبي الله عليها

ابغى اراء الرجال قولولي وش الصح؟ والدي رجل الرجال لو فرضا احتسبتها وسامحته وش يخليني اعيش معاه بود مثل قبل بدون ما احس اني مظلومه وما اخذت حقي بالرغم اني كنت بموقف القوه وخليت نفسي بموقف الضعف هل اقدر انسى ؟

اللهم امييييييين يارب...الله يجزاك خير اسهرني الجرح
والله مقهوره مو عارفه وين الصح واقول لامي اتدخلي اقل شي هم كبار راح تفهم امها ع امي بدل ما تطلع مثل الكلام اللي قبل اني غيرانه واني واني هي واختهااللي يصيروا عمات زوجي

لو سكت يمكن يرجعون بيكونون اكثر حرص راح يطلع شريحه بدون اسم مثل المره الاخيره طلعها لما اكتشف اني عرفت الرقم الثاني بس ما اخذت اربع ايام الا سبحان الله طاحت بيدي بقدرة ربي احس بالقهر..

الحمد لله كما ينبغي لجلال وجهه وعظيم سلطانه

الحمد لله كما ينبغي لجلال وجهه وعظيم سلطانه

الحمد لله على نعمه ظاهرها وباطنها

الحمد لله في الاولى والأخره

الحمد لله .....الحمد لله...الحمد لله

صارت امور كثيره واحداث كثيره ومازالت ..والأهم إن الاحداث لصالحي والحمد لله
مثل ماقلتلكم كنت محتاره بوصل الموضوع لأهلها ومو عارفه استخرت كثير وماارتحت اقول لأمها لاني خايفه اني اشتت اطفالي بالطلاق بلحظه غضب...اتصلت ع وحده من اخواتها حصلت رقمها من زماان عندي وبالبدايه خفت بس اتشجعت لأن امي مو راضيه تتدخل وتكلم امها ومافيه الا اني انا اسوي كل شي بنفسي...اتصلت عليها ..كيفك وكل عام وانتِ بخير ..انا فلانه...وشوي وشوي قلتلهابكلمك بموضوع خطير وما يتحمل تأجيل ..وقلتلها كل شي بالبدايه قالت مو عارفه وش اقول لك..انا شفت الورق اللي جبتيه وقللها وش هذا قالت فلانه تقول اني اكلم زوجها وع طول قطعته..قلتلها انا كل شي عندي تبغيني ارسله ع ايميلك او ع البيت واواجه اي احد ماعندي مشكله انا صاحبة حق ومو خايفه من شي وكل شي يثبت انهم يكلمون بعض وبينهم تحويلات..اخر شي قالت خلاص وعد ماعاد تتصل عليك وزواج اتطمني..قلتلها انا مو علشان الزواج اول شي هي ع ذمة رجال وحتى لو اتطلقت مثل ماهي مخططه مو شايله هم هالشي قد مو قاهرتني وقاحتها وكلامها علي واستغلاله لزوجي وقلب زوجي علي بكل شي صح بزعل بس اهم شي مايكون بالحرام وبإستغلال بعد ...صار نقاش طويل ووقلت ادري كثير بيكذبوني قالت ماعليك انا معاك ومصدقتك وهي اوريك فيها ارسلي رقمها الثاني (لانهم مو عارفين انها مطلعه رقم ثاني)قلت اهم شي امك تدري وتوقف الاثنين عند حدهم لانها هي اللي لها سلطه عليهم....طبعا هي ممهده لامها الموضوع وقايلتلها ولد اخوك حولي المبلغ الفلاني طبعا اقل بكثير من اللي حوله واختها تقول بس ما ادري ليه قالت كذا قلت لان لي اسبوع اهددها بقابلك عند امك واوري اهلك كل شي فحبت انها تمهد وتقلب راسكم قبل لا اجي وبعدين لو محولها ما سألتوها كيف حولك؟ وكيف عرف انك محتاجه هالمبلغ وع اي اساس يحولك؟كان قال لامك اقل شي...شوي ارسلت اختها علي رساله تقول ارسلي كل شي بالايميل واعطيتني ايميلها تقول لانها انكرت كل شي...وامها اتصلت ع زوجي ونادته وحاولت تفهم تقول فلانه تقول اخذت منك المبلغ الفلاني وانك انت تقولها بساعدك علشان تتطلقين من زوجك واتزوجك..وحلف عندها انها تكذب قال هي تتصل وتبكي وتقول محتاجه وما احد وقف معاي لا اهلي ولاغيره وابغى منك هالفلوس سلف ولما اسكن ارجعها اقساط وقلتلها تخليها عن طريقك وقالت لا..وجاني يقول ربي اخذ حقك منها ومره يتبسم ومره ينقهر يقول ليه تكذب علي ليه ما اعترفت انها طلبتها مساعده وليه ماتقول المبلغ كامل؟
بعدها بكم يوم عمته قابلته وشكلها متغيره وزعلانه غير المره الاولى ..المره الاولى كانت تحط اللوم ع بنتها ليه تطلب الرجال واحنا عندها ومو مقصرين..المره الثانيه تقوله ما ادري وش قصتكم انتم كل واحد يقول مبلغ وما ادري كيف اعطيتها اياه؟قامت تشك فيه ان عنده شي
كم يوم ثانيه واتصلت علي بنفسهاوتقول ما ادري وش اقول وما ادري قلتلها وليه متصله بما انك مو عارفه شتقولين..وكل شوي ترمي بالكلام وتلمح ان زوجي فيه وفيه تحاول تشككني فيه وانه هو اللي يجري وراها ويقولها بساعدك وبساعدك..قلت اول شي كيف قدرتي تحطين راسك ع المخده وانتِ عارفه انك ظالمه وحده؟ ولما كنتي تلعبين مع اطفالك في بيتهم وتمزحين معاهم ما اتذكرتي ان فيه وحده هي واطفالها عند بيت اهلهابالاسابيع ويصرخون ع امهم نبغى بابا ونبغى بيتنا ونبغى ونبغى وانتِ السبب في حرمانهم من ابوهم..وتسكت وتقول مو عارفه ليه متصله..حتى بإتصالها ما حسستني انها ندمانه او انها غلطانه احسها تكابر بشكل كبيرسبحان الله..وقلتلها واذا زوجي طفشك بالمساعده هو وش عرفه لرقمك؟مو انتِ اللي اتصلتي عليه؟ مو انتِ اللي لما كنا نتمشى انا وهو بعد المشكله اللي قبل ارسلتيله هذا رقمي الجديد خلينا نتواصل عليه وانت طلعلك رقم بدون اسم؟ مو انتِ اللي كل ماقلك زوجتي شاكه تقولين هي شيطانه وش يدريها انك تكلمني؟ مو انتِ اللي كل ما ارسلتلك رساله طبعا بعد ما اشك شك كبير انكم لسا مع بعض تقولين زوجتك طفشتني كل شوي تتصل وترسل ويجي يعصب علي ويكسر الجوال ويسوي حركات ماقد شفتها منه..مو انتِ اللي تقولين فكر لقدام يمكن يكون بيتك وانا مو مرتاحه للمكالمات نفسي نكون مملكين,,وانكرت كل شي تقول هو يكذب عليك وانتِ تصدقينه قلتلها اجل اصدقك انتِ وانا اعرف حركاتك معاي ..واذا فرضا زوجي طفشك بالمساعده كيف تاخذين الفلوس وتصرفينها؟وليه ماقلتي لأمك واشتكيته عليها اذا فعلا انتِ صادقه ولا عجبتك سالفه الفلوس بدون تعب تقول ما اخذت فلوس قلت لا اجل التحويلات تقول هو يحولها..معقوله شخص يحول بدون ما احد يطلبه وبعدين وش عرفه لرقم حسابك؟قلتلها وش المطلوب الحين تقول بتصالح معاك قلت روحي اتصالحي مع ربك وانا ماراح اسامحك وراح ادعي عليك وع اللي ظلمني طول عمري ورقمي لا عاد تتصلين عليه وقفلت بوجهها.....احس ارتحت كثير الحمد لله صار كل اللي ابغاه
وزوجي اللي مضحوك عليه لحد اخر لحظه كان يقول حرام ذحين ظروفها صعبه لاتطلبينها الفلوس الحين خليها لماتسكن وتجيبها اقساط مثل ما اتفقنا...وحرام هي شكلها مسكينه كل ماكلمتني القران شغال وتقول صحيني للفجر استغفر الله ياربي استغفر الله
بس لما عرف انها ما اتعرفت بالمبلغ كامل وانها اتصلت علي وحاولت تشوه صورته عندي قال والله ما احسبها كذا..قلت كويس انك معترفلي بالكلام اللي بينكم لاني كل ما اقولها قلتي كذا تتفاجأ وتسكت وماتعرف ترد وتقول هو كذاب وهو اللي يحول بدون ما اقوله ويقول مساعده وانا لي شهرين بس اكلمه قلتلها البرنت عندي وواضح انك لك اكثر من خمس شهور تكلمينه..

اخواتي الغاليات...سنا نجمه ..اسهرني الجرح...سيدة الموقف...ليه الغرور؟...خالتنا الغاليه قرين..حبيبي دوما
اشكركم جميعاً لوقفتكم معاي واسأل الله الكريم في هذا الشهر الكريم ان يكتب لكن الخير
بالنسبه للإقتراحاتكم انا ما اتجاهلتها بس اخذت فتره ما ادخل علشان النت مفصول وكنت كمان استخير...والله ارائكم دايما تعجبني بس هالمره احسها مره صعبه علي اني افضح زوجي يعني لو خبرت زوجها اكيد بينفضح زوجي وانا ما اتمنى هالشي لانها بقووه صعبه
هو ماشاء الله ملتزم بالصلاه واخلاقه عاليه بس مو عارفه وش اللي وصله لهالشي احيانا يقول لما اتصلت المره الاولى كنت اطنش بس بعدين صرت انتظرها وكل شوي اقول ارد او ما ارد وشوي اقول ارد وش عندها وبشوف اخر هالشي ايه..انا خايفه يكون اتعود ع هالطريق احيانا اقول لا شكله جد تاب واحيانا اقول ما ادري اخاف يروح يكلم غيرهالأني بالفتره الاخيره لماكان يكلمها كنت محاصرته وكل مايسوي شي ينكشف عندي اخاف يصير من داخله بيثبت انه يقدر يسوي اشياء وانا مو عارفه ...والله خايفه اني اصير شكاكه بزياده

اختي تهاني اقدر لكِ حماسك وغيرتك ولكن لا اتمنى ان تتحسبي عليه فهو زوجي وابو اطفالي صحيح انه غلط بالتمادي معاها بالمكالمات وبمساعدتها بالمال ولكني اعرفه جيدا لايمكن ان يفعل اكثرمن هذا
وبالنسبه لزوجها انا وصلت الموضوع لأهلها وصار نقاشات كبيره بيني وبين اختهاوزوجي بالبدايه كان بالبدايه مصر انها تستحق المساعده لظروفها القاهره اللي طبعا هي وصلتها بطريقتهااللي تكسر القلب من دموع وحزن ومعاناه وغيرها وزوجي كان متعاطف معاهالأبعد حد وكمان هو كان يحمل لها بعض من الود زمان اما على حد علمي الآن تغير الحال لانه يقول اكتشفها على حقيقتها بعد كذا موقف وانكشفت الحقيقه قدامه وهذا الاهم عندي وهو الحمد لله اعتذرلي كثير وطلب مني اسامحه ووعدني يعوضني عن كل شي..اما الأخت فأنا ماكنت ابغى إلا ان اهلها وزوجي يدرون حقيقتها وانها كانت دائما تطلعني اني ع غلط واتبلى عليها....طبعا الان بينهم اختلاف على المبلغ هو يقول كلام وهي تقول كلام بس كلام زوجي مثبت بالورق اما كلامها هي حاولت انها تشكك في زوجي لما كلمتني وفي اخلاقه وانكرت المبلغ وكنت كل ماقالت شي عن زوجي اقولها مو انتِ قلتي كذا وهذا رده ع كلامك فأحس انها اتفأجأت بصراحة زوجي لي بأشياء ماكانت تتوقعها وبعدها بكم يوم ارسلت كمان رساله صريحه انه كان براسه زواج وبعدين لما اتأكد انها رافضته كان براسه شي ثاني..جلست مع زوجي وطلبت توضيح واللي خفف علي وخلاني اعتبر هالشي مراوغه منهااسلوبها معاي من زمان وقلب الطاوله علي بكل شي بالرغم وكمان زوجي قبل لا احصل الورق اللي يثبت كل شي لما حصلت الجوال والرسائل قالي كل شي وان الجوال ما حصلته الا وكل شي منتهي وهذا اللي وضحي من الرسائل الاخيره...وسبب الخلاف انها طلبته مبلغ وكان راتبها نازل بعد الطلب بيوم فأستغرب وقالها راتبك توه نازل وما امداك شيكتي عليه الا وتطلبين الظاهر انك مو محتاجه ولا شي وهذا اللي حصلته بالرساله واللي هو اكدلي اياه..وهي استمرت تطلبه وهو كان يقولها ما ابغى برمضان نكلم بعض وانتهينا والمبلغ مثل ما اتفقنا بعد ماتسكنين ترجعينه اقساط..وهي كانت تقوله اجل ليه اضيع وقتي معاك واكلمك مدام ماتعطيني فلوس؟..
وقال كل المكالمات كانت فضاوه والحين لما اتذكرها اضحك على نفسي لانها مره مالها داعي كلها عن شغلها وعن شغلي وعن عايلة فلان وفلان لانهم يقربون لبعض..وحلفته اذا دخلوا بأمور خاصه حلف انه ماكان يتجرأ يدخل بأشياء مثل كذاولو ان هناك امور صار فيها تلميح ..مثل لما نصحها انها ماتطلق من زوجها ردت بكلام شوي غير لائق..بس يقول هو اخذها بحسن نيه
ولما وريته رسالتهااللي تقول ان براسه زواج وبعدين شي ثاني ولمارفضت الشي الثاني صحي لنفسه وقام يطالب بالفلوس....الزواج قال شاورتك فيه قلت لو تطلق وش رايك اخذها وزعلتي علي وصارت هوشه كبيره وبعدين انا قلتلك خليني اشوف شي واكرهاا وانا شفت هالشي ومو لازم اصرحلك فيه وشلت الفكره من راسي اما الشي الثاني انا من بداية مكالماتها معاي لما كانت تطلب المساعده وانها خايفه انه يستغلها علشان هالشي قلتلها ان شاء الله تنشل رجلي اذا نويتك بشي مو زين وكلميها قدامي واتحداها تنكر هالشي واذا ابغى شي ثاني ماكان كل فتره اعطيها دفعه من المساعده(ثلاث دفعات وكلها مبلغ محترم )كان من اول دفعه طلبت هالشي بس هي كانت تكلمني دقيقتين وخمس دقايق تبكي وتقول ظروفها وظروفها وتحلف انها بترجعها...وعلى طلب المبلغ هو ماطلبه قالي الموضوع عندك خليها بينكم تتفقون كيف ترجعها بس خليها ع اتفاقي انا وهي بعد ماتسكن هذا الكلام قبل لاتكذب عليه عند اهلها وعندي..وهي حست اني وهو متفقين وانه هو اللي مرسلني علشان المبلغ ماتدري اني انا اللي كشفت كل شي ووصلت الموضوع لأهلها

انا الأن متطمنه انها ماراح تكلمه لأن امها عرفت واخواتها وهي حست اني وزوجي متفقين عليهافأكيد ماراح تتطمن وتكلمه اكيد تخاف يقولي شي لانه الحمد لله وضحلها قد ايه هو كان صريح معاي وانا متأكده الكلام اللي قاله عنها صح لانه اعرفه من عيونه لما يكون يكذب او يخبي شي علي
بس احيانا اجلس اشك اقول هو حاول يمثل علي اول وش اللي يمنعه مايمثل علي مره ثانيه بالرغم اني كثير كنت اكشفه ولحد امس يقولي انا مستغرب فيك كيف كنتي تكشفيني والله لما اكون اكلمها تجين انتِ ترمين كلمه كذا ولاكذاولا تطالعين فيني نظره اشك بنفسي اني مكتوب شي على راسي..وقلتله وانا مستغربه كيف كنت تمثل علي احيانا واقول لاحرام هو مايسويها شكلي ظالمته ..يقول تعلمت منها تقولي لاتجيب سيرتي عندها واذا هي جابت سيرتي طنش ولا سب حتى وخليك مستمع وقولها قلتي اللي بنفسك خلاص طيب فكينا من هالسيره انتِ بكلامك تخليني ارجع لها..وكنت بالفعل لما يقول كذا اقول شكلي بأسلوبي ارجعه عليها واجلس كم يوم هاديه وبرضه ارجع احس بشي غلط..قلت وش استفدت من الكلام معاها؟ بس خسرنا الثقه اللي بينا وسببت جروح ومشاكل علشان مين ؟ يقول والله اني كنت بغيبوبه وحسيت بغلطي قبل لاتكشفين شي وانا قلتلك بتغير معاك واعوضك بس انتِ بعدها بكم يوم حصلتي الجوال وقلبتي الدنيا علي وقلتلك لو شفتي شي بالجوال تراه ماضي والافضل انك ماتشوفينه علشان لانخسر حياتنا
قلتله ليه احيانا تتكلم علي وتصدقها هي وتكذبني انا يقول كنت ابغاك تسكتين واضغط عليك علشان كذا بس انتِ ماكنتي تفوتين شي قلت يعني تخويف قال ايه

اهلا اختي الغاليه تهاني....أن شاء الله تنتهي ع قولتك هالفصول..وتمنياتي كمان لك بالسعاده

هو شغله مخلص معاها بس باقي المبلغ اللي اخذته انا ارسلتلها رساله معاها هالشهرين هذي علشان ننتهي من هالموال ومو عارفه بتماطل ولا تخلينا ننتهي ..انا بالبدايه قلتله مالي شغل بالفلوس خلك مثل ما اعطيتها اياها تتحمل النتيجه بس اخاف يرجعون لبعض..هو استأذني بيرسل لها رساله بعد العيد بيقول بوريها يوم تسب فيني وتقول اني اجري وراها علشان شي بوريها قدرها صح بس قلتله ايه علشان انت ترسل وهي ترسل وشوي شوي تتكلمون وتجلس تبكي عندك ونرجع للموال القديم قال ليه وربي ما ارجع لو ايه بس قاهرتني ليه تشكك فيني قلت خلاص انا رديت عليها بكلام قوي ماله داعي تدخلنا بموالات جديده خلاص انتهينا....
الله يكفينا شرها ويرد كيدها في نحرها ويشغلها بنفسها يارب ويهديلي زوجي ويسخره لي

انا اتصلت ع اختها واختها وصلت الكلام لأمهاوان شاء الله يقدروا عليهاومايصدقوها بالإفترااات