السلام عليكم ورحمة الله وبركاته
اسعد الله اوقات الجميع بالخير والبركه وكل عام وانتم بخير
لقد عدت اليكم والى المنتدى الغالي وانا لي امل ورجاء ان اجد فيكم من يرشدني ويعينني على ما انا فيه بعد عون الله وتوفيقه ربما شاهد البعض وشاركني مشكلتي السابقه وخاصه الاخوات الفاضلات وهاهي تتجدد ولم اجد مخرجا لا اعلم اي سبيل امضي فقد اعياني التفكير ...

http://www.66n.com/forums/showthread.php?t=225526

سبق وقلت اني مو متطمنه وحاسه ان زوجي عنده شي لاني افهمه من عيونه ومن كلامه ومن كل شي فيه كنت شاكه وبقوه ان معاه جوال وبالفعل حصلت الجوال وسبحان الله كيف ربي خلاني احصله بدون تعب بالرغم انه ماكان بالبيت بس صدفه حصلته بالسياره وفتحته طبعا حاطله رقم سري بس حصلت بنفس الجهاز رسائل توضح الللي بينهم انه محولها فلوس وياليتها الف الفين الووفاات علشان بيتها اللي تبغى تبنيه وبتطلب الخلع من زوجها وكمان بينهم وثيقه انها تسددها على دفعات يعني كمساعده معطيها المبلغ وطلعت برنت المكالمات وحدث ولا حرج لهم اكثر من خمس اشهر متواصلين مع بعض بعد ماشفت رسائل التحويل والمبالغ المحوله دخلت ع رصيده بالبنك وعملت كشف حساب وطلع كل المبالغ المحوله الحين انا ماسكه عليهم هالادله ورجااء لا احد يقول هذا تجسس وهذا حرام انا ادافع عن بيتي وكنت حاسه ان فيه شي غلط ففتشت وحصلت هالاشياء وسبحان الله بعد استمراري بالدعاء ان ربي ينصرني عليها حصلت كل شي ورى بعض وبدون تعب ..عرف اني اخذت الجوال هددني اني ارجعه مارضيت طبعا وديته عند اهلي لانه لو بالبيت كان اتهور وخلاني غصب اطلعه لما رحت بيت اهلي قبل رمضان بيومين طلعت من كل شي نسخه وارسلتلها ع بيت اهلها نسخه وهو اعطيته نسخه وقلت هذي هدية العيد قبل لا يدري اني طلعت كشف الحساب كان ينكر وبقوه انه محول وكمان كان ينكر ان عنده جوال وحاول يهدي الامور ونرجع لبعض وبعد ماعرف اني دخلت ع كشف حسابه عصب وزعل وانهال رسائل سب بس بعدها ع 2 يوم برمضان هدي شوي وجاني وجلسنا نتناقش كثيييراحيانا احسه صح ندمان وتائب واحيانا احسه يكابر يقول ماسويت شي عادي قريبتي وطلبت مساعده مثلها مثل اي رجال وساعدتها ..طيب والمكالمات اللي بالهبل يقول تضيعة وقت طيب ولما اطلبك شي بالبيت تتحجج ماعندي ماعندي ميزانيتي ما ادري وش فيها وغيري فلوس بالهبل تتحولهم بدون وجه حق المهم اعتذر بس مو بإلحاح وقلتله بقول لامها قال لو قلتيلها انتِ طالق بالثلاثه
ثالث يوم برمضان اتصل قال اجيك قلت لا شوي اتصل عليه قلت طيب اوكي ((امي تبكي مو عارفه وش السبب تحسب بس مكالمات تقول ذنبه عليه وعيشي حياتك وكل شوي تدعي اللي يحنن قلبك ع اطفالك لانها شايفتهم طفشانين وبابا بابا ومايبغون يجلسون عندها لانهم مايرتاحون))
رجعت البيت واحسه يعتذر بطريقه غير مباشره يعني يهتم بالاطفال ياخذنهم عني ويخليني انام ويساعدني بالبيت اول يوم جهز السفؤه قال انتِ ضيفه عندي ..هو انسان جدا طيب ومو عارفه هذي كيف ضاحكه عليه هو يقول انه قالها خلي امك تطلبها مني افضل قالت لا..قالي ع كلام كثير دار بينهم يعني لو غيره مايقول كذا وحلف انه اتهاوش معاها من قبل لا اكتشف الجوال لانه قالها في رمضان ما ابغى اسمع صوتك وهي مستعجله بتجمع فلوس قبل رمضان وطلبته مبلغ كبير وقالها زودتيها وانا ماخلفتك ونسيتك ويحلف انه متزاعلين وقالي خلاص التواصل في ارجاع المبلغ عن طريقك قلتله اعطيني نص المبلغ مارضي
انا الان محتاره نفسي امها تدري بنفس الوقت ما ابغى زوجي ينفضح مو عارفه شسوي احس كذا ولا كأني سويت شي نفسي اعيشها بقهر مثل ماعيشتني الايام اللي فاتت نفسي انتقم منها وزوجي كمان مقهوره منه بس هو يقول تاب ويقول يحبني ويقول انسي والله غلطه وحده كنت بس بتسلى بالمكالمات ويحلف انه ماكان يبغى شي كبير ابد واني مو مقصره معاه بس الشيطان شاطر وانه يمكن اكتشفت هالشي علشان الموضوع فيه خيره له قولولي شسوي؟ انا ما ابغى اهدم بيتي ما ابغى اطفالي يعيشون بعيد عنا احسه جد تاب بس الحيوانه يمكن ترجعله كالعاده وهو من اول يحس بود تجاهها ويمكن يضعف وبالوثيقه يمكن ان هذا المبلغ مهر لها بعد ماتطلق من زوجها الاول لانها قالتله سلفني وفكر شوي لقدام يمكن هذا بيتك شوفوا الاسلوب ؟اخاف اوصل الكلام لامها زوجي ما راح يسامحني لاني خليته يطيح بنظر اللي حوله وبرد حرتي فيهاوش اسوي؟