|
محتار بقرار الزواج ساعدوني
السلام عليكم ورحمة الله وبركاته الحمد لله اني عرفت هذا المنتدى اللي بعد الله بيساعدني في حل مشاكلي وتنفيس همومي اخواني واخواتي اليكم قصتي .. انا عمري 24 سنة وداخل 25 خلصت المرحلة الجامعية والان موظف براتب 9000 تقريبا المادية حلوه ولله الحمد واطمح ان اكمل دراستي ان شاء الله طبعا الوالدة والوالد متوفين وانا في سن 7 سنوات الله يرحمهم سكنت عند جدي الى صار عمري 18 طلعت وصرت لحالي وكملت دراستي وكنت ولله الحمد عاقل ولاني راعي دخان ولا خرابيط ولله الحمد كان همي الاول والاخير دراستي الحين تخرجت صارلي سنة ونص وطبعا جدي توفى وبديت فكر جديا في الزواج وكلمني عمي اكثر من مره انا بجد ابي اتزوج اصون نفسي عن الحرام بس عندي مشكلة انا ماحسيت بحنان طول عمري فقدت امي وانا صغييييير بغيت اضيع في مراهقتي لاني ماحسيت بحنان ولا اهتمام ابدا انا الحين ابي اتزوج انسانة اكبر مني حتى لو مطلقه ما ابي اصغر مني ابيها تحن علي ابيها تهتم فيني ابي اعوض شي من الماضي اللي فقدته بفقدة امي الله يرحمها اخاف اخذ صغيرة ولا تعطيني اللي ابي بالعكس هي اللي تبيني اعطيها حنان واداريها مدري هل تفكيري صحيح ولا لا انا لو بطرح الفكره لعمي بيرفض في البداية بس بيوافق لان شخصيتة مو قوية بس مدري انا ابي انسانة اكبر مني واتمنى تكون مطلقه يعني اكبر مني بسنتين الى 5 سنوات تكفووووون ساعدوني عظوني ارائكم ووووربي حيل محتار اخاف اخذ اكبر مني واندم واخذ اصغر مني واندم بس انا فاقد شي من يومي صغير وما اتوقع القاة الا عند انسانة فاهمه وتعرف ظروفي اللي مريت فيها وللمعلومية لو بخطب من اي بيت من اقاربي على طول بيوافقون لاني ولله الحمد معروف بالسمعه الطيبة في العائلة وكذا واحد من العائلة كلمني قبل يقول زوجتك جاهزة بس ما ابي من العائلة ومحتار اخذ انسانة بعمري ولا اكبر مني اسف على سوء الاسلوب بس لا تلوموني وربي ما صدقت القاء شي افضفض فيه انتظر ردودكم يالغالين |
للاسف ولا رد:rolleyes::rolleyes:
|
اخاف تاخذ كبيره وبعدين تعايرها وتقول انتي اكبر مني .. ويمكن تبي وحده اصغر منك بعد عشرة عمر ,,
ويمكن تاخذ مطلقه بعدين تقول ابي بكر وابي اجرب البكر كيف .. يعني قبل تقرر فكر مليوون مررره ولازم تصلي استخاره .. ومو شرط المطلقه او الكبيره تعطيك حنان .. ولو تاخذ من اقاربك يمكن احسن لانهم يعرفون حالتك عكس الغريب .. يعني قبل تقدم على اي شي فكر كثير بالمستقبل وبرغباتك حتى ماتظلم الزوجه معك وتجيك مراهقه متأخره ..والضحيه تكون زوجتك |
الله يفرج همك اخي الفاضل,اذا كنت مصمم على هالفكره فاتح عمك وكأنها مزحه وشوف ردة فعله؟؟
وبصراحه مو كل وحده كبيره اومطلقه تكون حنونه!!والله في من البنات من فيهم حنااان كبير حتى لو كانت مو كبيره..وممكن كلامك يكون صحيح بأغلب الاوقات.. المشكله في كيف تلقى الي تناسبك؟؟وتكون كما تتمنى؟؟بالنهايه هاذي حياتك وتختار الي تناسبك.. اذا عندك عمه او خاله او حتى اخت تثق فيها اطرح لها الموضوع وفهمها بوجهة نظرك وخليها تبحث لك عن من تتوسم فيها هاذي الصفات سواء من قريباتك او من بعيد,والله ييسر امرك ويفرح قلبك عاجلا غير آآآجل.. |
مساء الخير
بتسمع كلامي خذ وحدة تكون مرتاح لها موب شرط كبيرة والا صغيرة ،،، اهم شي راحة النفسية ،، وانت الله يهديك تحسب انك اذ تزوجت كبيرة راح تعوضك الحنان اللي فقدته ،، يمكن ايه ويمكن لا ،، والله يوفقك في حياتك |
خذ مقاربة لعمرك اي اصغر منك سنتين او ثلاث المهم تكون عاقلة ومتعلمة
وخلوقه وفقك الله ويسر الله امرك وعوضك الله بحياة اسرية مستقرة |
اقتباس:
حياك اختي واشكرك على تفاعلك معي لا ما توقع يجي اليوم اللي بعاي فيه زوجتي انها اكبر مني لاني انا اللي مختارها وما اوقع شي عيب انها اكبر مني صح مو شرط الكبيره تعطيني حنان وتهتم فيني بس الاولى انها تعطيني حنان اكثر من الصغيرة وبالنسبة للمراهقة المتاخرة اللهم لك الحمد عديت فترة المراهقة الحقيقية بدون اب وام وكنت من احسن اقراني وهذا بحفظ الله لي ولطيب نيتي ولله الحمد اما بخصوص اني اخذ من القرايب (جبتيها على الجرح خيتو) قبل ما يتوفى جدى كان يبي يخطب لي وانا في الثانوي متحمس جدي ذيك الايام وكنت اسمع الردود اللي يقول يتيم واللي يقول لا مانبيه ماديته زفت لان الوالد كان على قد حالة بس من يوم تخرجت وتوظفت ولله الحمد تغيرت حياتي انا من البداية مختلف عن اقراني ولله الحمد من عمري 8 سنوات وانا في مركز الملك عبد العزيز لرعاية الموهوبين عندي كذا جائزة وتكريم ولله الحمد وتغيرت ماديتي اللهم لك الحمد بعد مالاحظو الاقارب تغير حالتي المادية والاجتماعية صارو اللي رافضين ذيك الفتره يتمنوني اجي ومنهم خالتي وعمتي بعد شفتي يعني اشخاص قريبين جدا مني كانو يستحقروني لاني يتيم وماديتي قبل اقل من عادية والان انا الذي لا اريدهم لان من لم يقف معي في الشدة ماذا استفيد منه اختي الملاك وربي اكتب كلامي وانا خانقتني العبرة وربي مالي غيركم خواتي واخواني بعد الله الله يوفقكم دنيا واخره |
اقتباس:
حياك اختي حلوة الاخلاق .. عمي ماراح يرفض مررره بيرفض في البداية ثم يوافق شخصيته مو قوية يعني بقنعه بس اللي شايل همه الفكره وانا اخوك بكبرها ساعات وربي افكر اني اكنسل فكره الزوااااج كله تعبت من التفكير وربي وفعلا مثل ماقلتي وين تلقى اللي تناسبك ؟ هذا اللي متعبني وربي عندي عمه وخالة بس علاقتي بهم مش ولا بد منهم مو مني لان كل وحدة منهم تبيني اخذ بنتها وقبل كانو رافضين ابدا وكنت اذا جيت اسلم عليهم انواع التصريفات يحسبوني ابي شي وانا وربي ما ابي الا صلة الرحم فكنت احس بالقهر منهم والحين كل وحدة تتلزق عشان بنتها .. وللمعلومية انا وحيد امي وابوي اقرب شخص لي بالعائلة عمي هذا اللي هو اكبر من ابوي يعني كبير بالسن وربي خيتو بجد تعتب من التفكير واعرف انه اصعب قرار واهم قرار بتخذه في حياتي وساعات اقول ما ابي زوووواج خايف انصدم .. |
اقتباس:
مساء النور اختي المشكلة مافيه وحدة ببالي يعني الحين باخذ رايكم في الفكرة اول يعني مافيه وحدة ببالي عشان اقولك مرتاح لها ولا لا واتوقع اني اذا تزوجت اكبر تعوضني بنسبة اكبر مما تعوضني الصغيرة ويمكن كلامي يكون غلط انتم ادرى ... والله يعطيك العافية على الرد |
اقتباس:
اشكرك على الرد اختي بس كنت ابي اعرف الاسباب اللي خلتك تقولين كذا عشان اقتنع واشكرك على دعواتك لي الله يسعدك |
ابني الكريم دعاني الشوق:
الحمد لله الذي يسر لك ما يسر لك من هذه النعم وأسأله أن يتم عليك وعلى الجميع كل خير. 1- من كتابتك وردودك يظهر أن لديك قدرات عالية في تقييم ذاتك وظروفك وهذا ييسر لي المتابعة معك. 2- يظهر أنك بحاجة لترتيب رؤيتك للحياة رغم ما لديك من قدرات ومواهب حيث تنقصك الخبرة وقد تجد ما تريد في الكبيرة والمطلقة والأرملة وقد لا تجده وقد يشغلك هذا الأمر عن أمور أهم وقد تبحث هي وهي كبيرة عما تبحث أنت عنه عندك وهكذا . 3- لما سبق أرجو تشريفي في العيادة (عيادة رجل الرجال النفسية) قسم العلاقات الأسرية والاجتماعية لوضع دروس وتدريبات لك لترتيب رؤيتك للحياة والدخول لعالم الزوجية بنفسية متوازنة تريحك وتريح من ستكون سعيدة الحظ. |
اخي بارك الله فيك
انا من رايي لا تتزوج انسانة اكبر منك تزوج ببنت تناسب سنك السن ليس له علاقة بالحنان تاكد من ذلك و لا اشجعك ان تتزوج من اقاربك لانك كما قلت يبحثون عن مصلحتهم فقط و لم يقفوا معك عندما كنت بحاحة لهم اسئل اصحابك يساعدونك و لك الحق ان ترى العديد من القتيات و بعدين تقرر من تخطب يعني تشوف و بعد تقرر و تستخر الله و تتوكل على الله تزوج بنت بكر و تناسب سنك و تخااف الله يعني اول شيء تبحث عنه الالتزام يا اخي |
بارك الله فيك اخي رجل الرجال كنت اقول لو يشرفنا و ينصحه يكون افضل
|
اخي خذ وحدة صغيرة قريبة من عمرك بسنة او سنتين انا اصغر من زوجي ب 8 سنوات لكنني عوضته بحناني واخاف عليه واداريه مو معناه الصغيرة محتاجة منك حنان وكذا هيا بس تحتاج دلع وحب
وعادي لو تاخذ وحدة بعمرك او مطلقة كما تريد اهم شئ نفسيتك ترتاح لمن تشوفها واسال عنها وعن اخلاقها وحنانها ......... الله يكتب لك اللي فيه الخير |
انت تحتاج الى احد يعوضك عن حنان الام وعطف الاب هذا لايعوضهما احد
ولكن الزوجة تمنحك الحب والود والاستقرار لذالك انت تحتاج الى زوجة مقاربة لك في العمر بكر تحمل خلقا ودينا وعلما ةاذا وفق الله بينكما سوف ترتاح من العناء الذي مررت به وماتحتاجه من حنان امنحه ابناءك ان شاء الله وايضا بادل زوجتك حبها وحنانها وحنان الام لايقارن بحنان الزوجة فالام لاتفارن بأحد وعليك ببر والديك بالدعاء لهما والصدقة غفر الله لهم |
اقتباس:
فالام لاتفارن بأحد وربي ابكتني هذي الكلمة فعلاّ من فقد الام لا يعوضة شي عنها يارب اغفر لها ولأبي واجمعني بهم في جناااتك جنات النعيم الله يسعدك دنيا واخره |
الله يوفقك بالدنياء والاخره وتاخذ الي تريحك ياااااارب
وبس اذا انت تفكر بمطلقه اخذ وحده صغيره من عمرك ياكثر المطلقات صغار ومضلومات وانا استغرب الي مايبي مطلقه لو صغيره وش ذنبها ياربي ارحمهما والله رحمتك من جد واهم شي اخذ وحده تخااااف ربي هي الي بتسعدك |
آآآآآه احسك مررره مقهوووور وفاقد امك الله يعوووضك ياااارب
سواء مطلقه ولا ارمله ..عسى ربي يوفقك باللي تسعدك وتعطيك حنان وكلامك عن اهلك بجد شي يقهر .. مالومك لو رفضت تتزوج منهم .. على كذا لازم تدور زوجتك بتأني ,, وبدون تسرع .. عسى ربي يرزقك بالزوجه الصالحه الحنونه |
ليس بشرط أن الكبيرة أو المطلقة هي اللي تفهمك وتقدر تحتويك وليس بشرط أن الصغيرة والبكر تأخذ أكثر مما تعطي المهم تجد من تفهمك والأهم تكن ناضجة بفكرها ومشاعرها لا تشترط الحالة الإجتماعية وبالنسبة للعمر الأفضل ترتبط من عمرك ولا يهم إن كانت أكبر بسنتين إلى خمس سنين أقدر شعورك بالنقص الذي تغلبت عليه في مراحل حياتك الأولى ولم تربطه بمستقبلك التعليمي والوظيفي ونصيحتي لا تربطه بمستقبلك الأسري أيضا لأنه يظل نقص ثانوي وبعد الزواج وتحمل المسؤلية سيتلاشى هذا الشعور ويتبدل بمشاعر أجمل ومنها الشعور بالأبوة والذي سيبحر بك لعالم آخر أسعد بإذن الله . وفقك الله وسدد خطاك |
[align=center]الله يرزقك بالزوجه اللي تتمناها واكثر..وزي ماقالوا الاخوات موشرط المطلقه والارمله اواللي اكبر منك تلاقي عندها
الحنان انا بنصحك نصيحه سمعتها من الشيخ الاحمد نصح فيها شخص وانفرج همه انوكل اللي بقلبك قله بسجودك مثل ماتكلمت ببدايه الموضوع قله بسجودك والله بيرزقك اللي تتمني واكثر ..لكن لاتربط كبر السن بالحنان موصحيح..الله يوفقك ويسعدك ويرحم اموات المسلمين..[/align] |
الله يرزقك بالزووجه الصالحه التقيه ..
أنا مع رأي أم لمار إنك تاخد بنت مطلقه وتكون اصغر منك بالقليل .. الله يديك على قد نيتك ويعوووضك بالانساانه الحنوونه الصالحه يارب العالمين .. =) |
اقتباس:
فكره حلو اني اخذ مطلقة وصغيرة بس هل فيه ما اتوقع واذا فيه قليل جدا .. وربي ما ابي الا وحدة تخاف الله وتصوني واصونها اذا تبي فلوس بعطيها واذا تبي اي شي بتلقاه عندها بس ابي اعوض شي من اللي فقدته |
اقتباس:
اما بالنسبة عن كلامي عن اقاربي هذا شي قليل وربي اقولك سالفة بس كنت اشتغل ايام الجامعة بمطعم عشان اصرف على نفسي ما ابي احتاج لاحد وكنت اخلي فلوسي عند عمتي يعني راتبي 1500 كل شهر اخلي عند عمتي 1000 واخذ 500 وبعد سنة وشوي رحت ابي اخذ الفلوس عشان اسدد ايجار الغرفة اللي ساكن فيها صارت عمتي ماترد وتصرفني وبعد مشاكل وحالة جحدة اني عطيتها مع العلم اني كنت اعطيها كل شهر 200 ريال لها وعندها اولاد متوظفين مايعطونها ولا ريال بعد مشاكل قالت خذ 2000 ريال صدقة مني لك ولا تفتري على اني ماخذه منك شي وخلتني كذاب قدام اقاربي كلهم اما خالتي كانت بين كل فتره وفتره تدق علي تقول نجمع تبرع لأمك انا وخوالك واعطيها مكافاتي حقت الجامعة ابي اتصدق عن امي ومرت فنره على هذي الحالة يعني اخذت مني فوق 6000 مبلغ لواحد ماعنده احد يصرف عليه كبير جداااا بس كنت اقول هذا لبري بأمي وقبل فتره اكتشفت انها كانت تصرف على بناتها من ففلوسي وشاريه لهم لاب توب وجوالات كل هذي من فلوسي تدرين متى اشتريت لاب توب يوم توظفت بعد شهرين من وظيفتي كنت ايام الجامعة اذا بغيت النت ولا احل واجبات على الكمبيوتر اروح لمحلات نت ماكنت اقدر اشتري لابتوب لان غالي على ولا ابي اطلب من احد وش تبيني اقول بس كنت اشتغل في الليل وادرس بالنهار و في الاخير انسرق من اقاربي ما اقول الا اللهم اغنني عماً اغنيته عني وووربي ما ابي شي منهم ابيهم يكفوني شرهم ومسامحهم الى يوم الدين على اللي سووه فيني |
اقتباس:
انا ولله الحمد مو ناقصني شي لو بدور بكر بلقى وبسهولة بس احس اني اميل للمطلقة والله يرزقني على قد نيتي |
وووربي ما ادري وش اقول لكم
بس الله يسعد كل من تفاعل معي وشاركني بهمي الله يوفق كل من رد على وحاول يساعدني بحل ربي يجمعني بكم في جنات النعيم |
الله يوفقك ويسر أمرك ويكتب لك إلي فيه الخير يارب
|
اخوي ..
ذكرتني بحالتي من قبل .. قبل اتزوج كنت اقول لامي ابي مطلق مابي اعزب لان المطلق يكون تالم وتعلم من الحياة طبعا خرعتني امي قالت يرجع مرته وصرفت النظر عنه .. حتى ما بعد تزوجت وتطلقت ولله الحمد .. ولكن .. لا زلت حتى وانا مطلقة افضل الزواج برجل يكون عانى معاناة تجعله يحتاج لي عشان يقدر عطائي له ولكن صعب طبعا الاقيه بنفسي ! لعدة اسباب مابي اتوسع فيها .. بشكل عام ما اييد تتزوج مطلقة .. حرام بحقك وانت شاب ما سبق لك الزواج ... انما ممكن تكون اكبرمنك ولكن مو حلو يكون الفرق كبيرة 3 سنوات واكثر ! وحقيقة ما املك الا اني ادعي لك بقلب صادق : اسال الله ان يهبك زوجة صالحة تقية تكون قرة عين لك امين .. |
اقتباس:
وانتم ادرى بس اتمنى تعطيني اسباب ليش ما اخذ مطلقة ووربي يسعدك ويوفقك ويرزقك اللي ببالك وربي محتاج دعواتكم خواتي واخواني |
صراحة كلامك حزني الله يعوضك ويرزقك الزوجة الصالحة يارب
من وجهة نظري على هالتعب اللي تعبتة تأخذ وحدة بكر بس تسأل عنها زييييييين وما تأخذ وحدة صغيرة ولا أكبر منك تأخذ لك وحدة عمرها مابين ( 22 و 23 ) بعد السؤال عنها تخطبها بتقول ليش قلتي أخذ بكر وبنفس العمر هذا أولاً : أنت أعزب خذ لك وحدة نفس حالتك الإجتماعية ثانياً : البنت لاصارت بعمرك راح يكون فية تقارب بالروح والمشاعر هي راح تحتاج لحنان نفس اللي أنت بحاجة له فتعطيها الحنان وتحتويها وتعطيك الحنان وتحتويك ثالثا : أنت شاب وبطبيعة الشباب يحب يأخذ وحدة بكر حتى الرسول علية الصلاة والسلام قال : (هلا بكراً تداعبها وتداعبك )وتقدر تأخذ بكر أكبر منك مثلا 26 و27 وبراحتك إذا ودك بالمطلقة الصغيرة خذ لك مطلقة الخيار لك حنا بس ننصحك لكن مدري ودي تأخذ بكر بعمر ( 22 إلى 23 ) والله أعلم وين الخيرة فية لأنك ماشاء الله تبارك الله أحسك رجال تشترى فية عوائل كثييييرة يشرون الرجال |
((اقولك سالفة بس كنت اشتغل ايام الجامعة بمطعم عشان اصرف على نفسي ما ابي احتاج لاحد وكنت اخلي فلوسي عند عمتي يعني راتبي 1500 كل شهر اخلي عند عمتي 1000 واخذ 500 وبعد سنة وشوي رحت ابي اخذ الفلوس عشان اسدد ايجار الغرفة اللي ساكن فيها صارت عمتي ماترد وتصرفني وبعد مشاكل وحالة جحدة اني عطيتها مع العلم اني كنت اعطيها كل شهر 200 ريال لها وعندها اولاد متوظفين مايعطونها ولا ريال بعد مشاكل قالت خذ 2000 ريال صدقة مني لك ولا تفتري على اني ماخذه منك شي وخلتني كذاب قدام اقاربي كلهم اما خالتي كانت بين كل فتره وفتره تدق علي تقول نجمع تبرع لأمك انا وخوالك واعطيها مكافاتي حقت الجامعة ابي اتصدق عن امي ومرت فنره على هذي الحالة يعني اخذت مني فوق 6000 مبلغ لواحد ماعنده احد يصرف عليه كبير جداااا بس كنت اقول هذا لبري بأمي وقبل فتره اكتشفت انها كانت تصرف على بناتها من ففلوسي وشاريه لهم لاب توب وجوالات كل هذي من فلوسي تدرين متى اشتريت لاب توب يوم توظفت بعد شهرين من وظيفتي كنت ايام الجامعة اذا بغيت النت ولا احل واجبات على الكمبيوتر اروح لمحلات نت ماكنت اقدر اشتري لابتوب لان غالي على ولا ابي اطلب من احد وش تبيني اقول بس كنت اشتغل في الليل وادرس بالنهار و في الاخير انسرق من اقاربي
ما اقول الا اللهم اغنني عماً اغنيته عني وووربي ما ابي شي منهم ابيهم يكفوني شرهم ومسامحهم الى يوم الدين على اللي سووه فيني[/COLOR][/QUOTE])) وربي قهرررررررررررررررر ابعد وفر من اقاربك فرارك من الاسد الي مايعرفك وقت الشده هذا مايستاهل العشرررره,عن جد انقهرت والله:( ,انصحك اخوي تبعد عن اقاربك وتبحث بين اصدقائك عن من تتمناها اكيد لك اصدقاء بالعمل او غيرهم وابدا باقربهم لك واكثرهم طيبه وباذن الله تلقى الي تتمناها عاجلا غير آجل.. والله دنيا عجيبه صاروا القرايب مافيهم خير يالطيف مايعرفونك الا وقت النعمه .......:22: صاروا الابعاد خير من القرايب:(والردود ماقصرت يمنع الترويج للمواقع الأخرى/ الإشراف |
أخي الحبيب .. حييت ..
أنت تحاول استقراء المستقبل من خلال ردود الأعضاء .. أخي أنت في داخلك تساؤلات وتخوف من الإقدام على هذه الخطوة بالزواج من مطلقه .. ماأظنه أنك لم تتوصل لقناعه معينه في هذا الموضوع .. أنت تخاف فيما بعد لو أخذت مطلقه أن تواجه بتساؤلات وتعجبات من أقاربك خاصة عمتك وخالتك.. أنت تريد منا أن نقول هيا اقدم وتزوج من مطلقة .. أتمنى أن تفكر جيداً بالموضوع من جميع جوانبه ، وحين ترسخ الفكرة في ذهنك اقدم عليها دون تردد مادمت قد اقتنعت .. انظر أخي القناعه هي الأهم .. هل انت مقتنع بما تقول . أخي الحياة متشعبة فقد تجد فتاة بكر تكون أفضل مئة مره من أي امرأة كانت .. وقد تجد مطلقة أفضل ألف مره من أي فتاة .. اذاً هذا الأمر يتعلق بالبحث من قبلك أنت ..!! ما أتمناه منكَ الآن هو التفكير بجدية في هذا الأمر ، ثانياً القناعة بهذه الفكره .. ثالثاً البحث الجدي من قبلك عن الفتاة سواء كانت فتاة أو مطلقة سواء صغيره أو كبيرة فالأخلاق تفوق أعلى بكثير من أي أمر مهما كان . فابحث عن ذات الدين تربت يداك .. الدين والأخلاق . أسأل الله أن يوفقك في حياتك ويرزقك الزوجة الصالحة الناصحة أياً كانت . |
والله ياخوي المطلقه الصغيره زي البكر الا الفرق بكارته والبكر كم يوم وتصير زي المطلقه اما تاخذ وحده اكبر منك بكثير مثل وهي بكر او مطلقه احساسي ماتقدر تعيش معها بتصير كانها امك ماكانها زوجه والحين انت الي تبغاه تكون زوجه تخاف ربي يعني ملتزمه بدينهاسواء بكر او مطلقه والله قهرتوني في نظركم للمطلقه ماتصلح لشاب طيب الي ماتحب مطلق لانه ضلم زوجته قبلها كيف تاخذه ولا معدد وش تسوي اسمحلي اخوي طلعت الي بقلبي بموضوعك
|
اخوي الحنان مب مرتبط بوظع امراة دون الاخرى
الاهم ان تجد المراة المناسبة بغض النظر عن وضعها الاجتماعي بالعكس انا مطلقة واحتاج الرجل اللي يحن علي والزواج مشاركة و عطاء من الطرفين |
الله يوفقك ويبارك لك بس فيه شيء لازم تعرفه انو مو شرط انها كبيره راح تكون حنونه يعني على حسب اخلاقها
واهم شيء تتعرف على شخصيتها قبل ماتتزوجها يعني انا عندي اصغر اخت لي حنونه كثير وتحب الاطفال الي اكبر منها ماتحب الاطفال ولا تتعامل بالمشاعر يعني العمر مو مهم على حسب شخصيه الانسان والا فيه مثل اعلى هو الرسول صلى الله عليه وسلم حرم من حنان الام والاب وتزوج السيده خديجه الي تكبره بكثير لانو كان فاقد حنان الام . والله اعلم الله يرزقك بالي تعوضك عن سنين الحرمان الي عشتها قول امين وبرضو ادعي واستخير أرجو الانتباه لصيغة التخاطب بين الجنسين / الإشراف |
انصحك تتزوج وحده بعمرك او اصغر
اعتقد والله اعلم ان الاصغر منك بتكون احن لك لأنه ترى فيك الاب والام بينما الاكبر منك تنظرلك غير والله اعلم |
اقتباس:
باقل من عازبة .. لازم يكون فيه عدل بالامور هذي انا مثلا لو جاني عازب برفضه !! وصحيح توقعك فعلا المطلقة احتمال يكون فهمها للحياة اكبر بحكم معاناتها ولكن طبعا مهو دايم .. بالمقابل يمكن تكون تطلقت من زوجها وهي تحبه وتصير تقارن بينك وبينه بالتعامل !! هذي سلبية الله ييسر لك امورك وين ما رحت |
أخي الكريم
أهم مافي الموضوع أن تبحث عن فتاة صالحة دينا وخلقا , حاول أن تتيح لنفسك فرصة أن تتقرب منها لترى دفء شخصيتها عن قرب ... الحالة الاجتماعية لا تحدد كون المراة حنونة أو لا ... أعانك الله |
ينقل لقسم المقبلين على الزواج
|
خذلك وحده قريبه من سنك تفهمك وتفهمها
وتكون لك الام والاخت والزوجه والصديقه |
طمنا عليك اخي احنا في انتضارك
|
| الساعة الآن 12:09 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©