السلام عليكم ورحمة الله وبركاته

الحمد لله اني عرفت هذا المنتدى اللي بعد الله بيساعدني في حل مشاكلي وتنفيس همومي

اخواني واخواتي اليكم قصتي ..

انا عمري 24 سنة وداخل 25
خلصت المرحلة الجامعية والان موظف براتب 9000 تقريبا
المادية حلوه ولله الحمد واطمح ان اكمل دراستي ان شاء الله
طبعا الوالدة والوالد متوفين وانا في سن 7 سنوات الله يرحمهم سكنت عند جدي الى صار عمري 18 طلعت وصرت لحالي وكملت دراستي وكنت ولله الحمد عاقل ولاني راعي دخان ولا خرابيط ولله الحمد كان همي الاول والاخير دراستي
الحين تخرجت صارلي سنة ونص وطبعا جدي توفى وبديت فكر جديا في الزواج وكلمني عمي اكثر من مره
انا بجد ابي اتزوج اصون نفسي عن الحرام بس عندي مشكلة
انا ماحسيت بحنان طول عمري فقدت امي وانا صغييييير بغيت اضيع في مراهقتي لاني ماحسيت بحنان ولا اهتمام ابدا انا الحين ابي اتزوج انسانة اكبر مني حتى لو مطلقه ما ابي اصغر مني ابيها تحن علي ابيها تهتم فيني ابي اعوض شي من الماضي اللي فقدته بفقدة امي الله يرحمها اخاف اخذ صغيرة ولا تعطيني اللي ابي بالعكس هي اللي تبيني اعطيها حنان واداريها
مدري هل تفكيري صحيح ولا لا انا لو بطرح الفكره لعمي بيرفض في البداية بس بيوافق لان شخصيتة مو قوية بس مدري انا ابي انسانة اكبر مني واتمنى تكون مطلقه يعني اكبر مني بسنتين الى 5 سنوات
تكفووووون ساعدوني عظوني ارائكم ووووربي حيل محتار اخاف اخذ اكبر مني واندم واخذ اصغر مني واندم
بس انا فاقد شي من يومي صغير وما اتوقع القاة الا عند انسانة فاهمه وتعرف ظروفي اللي مريت فيها

وللمعلومية لو بخطب من اي بيت من اقاربي على طول بيوافقون لاني ولله الحمد معروف بالسمعه الطيبة في العائلة وكذا واحد من العائلة كلمني قبل يقول زوجتك جاهزة بس ما ابي من العائلة ومحتار اخذ انسانة بعمري ولا اكبر مني

اسف على سوء الاسلوب بس لا تلوموني وربي ما صدقت القاء شي افضفض فيه انتظر ردودكم يالغالين