|
تكفون ساعدوني والله تعذبت مع زوجتي
السلام عليكم ورحمة الله وبركاته
أرجوا منكم ياإخوان النصح والمشوره الزينه لمشكلتي مع زوجتي وأبعدوا عن الطلاق ...... أنا متزوج لي ثلاث سنين وعندي بنت الله يحفظها وزوجتي أصغر مني بأربع سنين عمرها 22 من قبل زواجنا وحنا مملكين كنت أكلمها ودايم تتصنع مشاكل وترفع ضغطي للآخر خصوصا إحنا عيال قبايل ومانعرف الدلع وأقول يمكن إذا تزوجنا يتغير كل شي شكلها باقي صغيره ما أطول عليكم تزوجنا وخسرت أكثر من 200 ألف ع الزواج والبيت لأني أبغى أرتاح والله من زواجنا لحد الآن ماجاتني الراحه أهلاها محافضين وأهلي كمان والطلاق عندنا يعني نهاية مستقبلها ومستقبلي وإلا دايم أفكر فيه بس ماأقدر ، على العموم ماقصرت معها في شي شي أي حاجه تتمناها على طول تاجيها بدون ما أتمنن هذي زوجتي وواجب علي أوفرلها طلباتها والله يعلم كم خسرت وكم تدينت عشان أبسطها أمتلكت حاجات والله ما أحد من أهلها أو أهلي أمتلكه قبلها ، على العموم طولت عليكم وما شرحت مشكلتي أهم حاجه ماعمري طلبتها للجماع وجت كاي زوجه لازم أجلس بالساعات عشان توافق وإذا جت أكون مالي نفس خلاص قفلت أخلاقي وأكثر نومها برى غرفة النوم وأنا زي الأهبل كل ماقلت حركاتك ذي تخلي الشيطان يلعب في ويمكن أدور غيرك تقول روح الله لايردك ماهميتني الرومنسيه مافيه نهائيا لا وقت الجماع أو بدونه . زوجتي تكرهني وعند أتفه الأسباب تجلس تسب وتقول والله ندمانه على الزواج منك هذا أول شي ثاني شي والله ماعمرها أدت واجبها كزوجه نهائيا البيت أنا اللي أرتبه والوجبات والله جلسنا بعد الزواج يمكن 6 شهور ماطبخت لي والله ماعمرها غسلت ملابسي حتى صاحب المغسله تعب مني كل ماسألتها قالت جيب شغاله والله أنا أتعب يعني بإختصار مهمله لدرجه إذا سوت حاجه في البيت نظفت أو طبخت أجلس ساعه أمدح عشان تفهم بس ياحسره بنتي أحس بتمرض نفسيا إذا طلعت للدوام تجلس لوحدها وأمها ع النت والجوال وإذا رجعت تلعب معي كأنها أول مره تشوفني الله يعين المهم لازم مايعدي يومنا إلا فيه مشكله ممكن تكبر أو ممكن تصغر يعني ممكن توصل للمضاربه أضربها وهي كمان تمد يدها بس معاناه والله ماعمرها جلست تتفاهم معي في أي موضوع مع إني أحاول بس ماقدرت أتوصل لطريقه أتفاهم فيها معاها دايم ياتتقفل في غرفه أو أجلس أتكلم وهي ساكته .والله طولت عليكم بس والله تعبت أبغى حل واللا والله لو أجلس أتكلم لين بكره ماخلصت أبغى مساعده وش أسوي معاها......* |
كثير العينات هذه للاسف في هالزمن مالك الا الصبر علشات البنت اللي عندك
|
أولا يا أخي العزيز أسأل الله أن يفرج همك ويعينك ويوفقك ويحفظ لك بنتك من كل سوء بالنسبة لموضوع زوجتك إحتمال ان تكون نشأتها في بيت أهلها أو جاهلها جدا في الحقوق الزوجية بصفة عامة وحقك بصفة خاصة حاول انت ان تجلس معها جلسة قوية ومصارحة تعرض عليها سلبياتها ولابد القيام بواجبتها في بيتها والإهتمام ببنتها والإهتمام فيك أيضا ولابد مبدأ الأحترام فيما بينكما إذا إنعدم الأحترم فهاذي مشكلة إنعدم كل شي في حياتكم لكن حاول أن تمنع عنها النت لا ترخي معها حاول أن تكون حازم في أمورك إذا لم تتعدل هددها بالزواج عليها بمعنى أن تكون قاسي بعض الشي فأسأل الله أن يسر امرك ويجعل حياتكم يارب سعيدة ,,,
|
خلها في بيت اهلها وقت,,كنوع من العقاب
يمكن تتعدل |
عش دهرا تراعجبا
رحم الله حالك أنتم بصراحه شفيكم يالرجال ماتسأولون عن الااااام والبنت قبل الزواج بعد ماتولدون تبحثون عن حل@ الله يرحم ويجزا امهاتناخيرا اللي ربونا والله مشكلتك فيهاصعووبه من ناحيه زوجتك ومن ناحيتك انت أنت باين عليك عصبي وتمديدك عليهاتدرج ياأخوي بالعقاب؟ وعظ هجر ظرب مبرح بعدين رفضهالنوم انت وضحته انك مو رومنسي او عاطفي مع ان هذا السبب ليس عذرالهالترفض حقك وواجبك بل عليها ان تلبي وذكرهاأخي بتلعين الملائكه لها هذه باين عليهامتربيه ومتأثرة والعلم عند الله بالمسلسلات والنت تقرأ وتشوف وتبغى مثلهن ياااااااااه او ماسالفه النظافه كووووووم الله يهالدنياحظوظ اللي تكون سنعه وتنظف وتشتغل وتبيض وجه زوجهاعند اخوياه والله لاشكرولاثناءءءء واللمهمله هذه حظهافوووق شكلنابنهمل!هههه يالله الله يصلح حالك أدخل عليهامن الجانب الديني والتذكير بواجباتك وانه يجب عليهاحتى لو من طيب خاطر" |
اقتباس:
|
اقتباس:
|
اقتباس:
|
نصيحتي لك اذا انت عارف ان اهلك
راح يتقبلون زوجه ثانيه لو شرحت لهم وضعك بالتفصيل بلغ اهلك وخذ الثانيه اذا حسيتهم ماراح يوافقون خذها بالسر وحطهم قدام الامر الواقع هذي مايأدبها الا مره |
يالله رحم الله حالك وأعرف ان الدنيا ابتلاءات باين من معرفك انك مضغوط للآخر حاول معها وادعي لها بالهدايه
|
أخي الفاضل:
سأقول لك قولاً لعله ينفعك وإن كان قاسياً فاسمع، وإني لك ناصح: أولاً) من ناحية شخصيتك: أ) ألتمس في شخصيتك تردداً. ب) ألتمس في شخصيتك عاطفة كبيرة. ت) ألتمس في شخصيتك عدم الحزم. كيف تتغلب على هذه النقاط؟ أ) إذا قررت قراراً، وكنت مقتنعاً قناعة تامة بأن قرارك صائب فنفذه مهما كانت الأسباب...يقول الرسول صلى الله عليه وسلم (ما كان لنبي إذا لبس لأمة الحرب أن يضعها حتى يحكم الله بينه وبين قومه)...من هذا الحديث نجد أنه من توكل على الله، ثم استشار فليقدم على الأمر بلا تراجع. ب) إذا شعرت أن العاطفة قد غمرت قلبك بطوفانها فاستعذ ثلاثاً، واضغط على قلبك، ودس على عواطفك؛ لأن الزواج يحتاج لاستخدام العقل والقلب معاً وليس أحدهما منفرداً...معظم الرجال يشفقون على زوجاتهم، ولهم حنان عليهنّ، لكنه إذا تجاوز حده يصبح سامجاً، ويدفعك لأن تتنازل عن حقوقك. ت) لا يمنع هذا من الإنسان أن يستشير أهل الرأي، ويستخير، ثم ينفذ. ث) أنت رجل حر وابن أحرار، والحر له أنفة وكبرياء. ثانياً) من ناحية حياتكما: أ) أنتَ أخطأت في تلبية كل طلباتها؛ لأنه لا يمكن إجابة المرأة لكل ما تطلب، والمرأة تكره الرجل الخاضع لطلباتها كلها. ب) أنتَ أخطأت في السكوت من بداية الأمر قبل استفحاله...لكن الأمل موجود والعلاج سهل بإذن الله. ت) ربما أنت لم تستطع إشباعها عاطفياً، ودغدغة مشاعرها، واللعب على أوتار أنوثتها. ثالثاً) الحلول: 1) خذ لك أسبوعاً (7 أيام)+تعامل معها معاملة عادية في المنزل بدون أن تطلب حق الفراش+حاول أن تجلس مع نفسك كثيراً+استجمع افكارك وخواطرك لكتابة كل ما يدور في ذهنك حول زوجتك&كل ما تحتاجه منها+اطلب منها ذات ليلة الجلوس معها بعد أن تنام ابنتكما...ثم امدح فيها، واشكر لها...ثم قدم لها هذه الرسالة التي كتبت بها كل ما تريد أو تحدث معها مشافهة، واسمع منها...إن وجدت خطأً منك فعدها بالتغيير، ثم اطلب احتياجاتك منها، وبيّن لها أنك لن ترضى بأي خطأ أو تجاوز على شخصك، وأنك ستبدأ بالمعاملة بالمثل، وأن فلان السابق قد مات وانتهى...ثم تابع التغييرات عليها، وقيّم وضعها الجديد...إن رأيت تغيراً فالحمد لله...إن لم تتغير فحاول مرة أخرى أو لمح بالزواج بأخرى. 2) بخصوص النت فعليك أن تهمشه قليلاً من البيت، أو تعطل جهاز الكمبيوتر، أو إذا رأيتها تستعمله فاطلبه لكي تستعمله أنت. 3) بخصوص الجوال فعليك أن تقلل من شحنه لها، وإن أرادت ساتخدام الجوال فقل لها: استخدمي جوالي، وإن رأيت أنها أطالت المكالمة فأشر لها بيدك كي تستعجل وتغلق الخط. 4) بخصوص النظافة فعليك أن تطلب منها تنظيف البيت على شكل مراحل، وعليك أيضاً أن تكثر من دعوة أهلها لبيتك كي تتحمس لنظافته، وعليك أن تمدح زوجة أحد أصدقائك في شأن نظافة بيتها، وامدح أمها وطيبتها ونظافتها أمامها، ثم قل لها: يا ليتك مثل أمك، أو قم بتنظيف بعض الأشياء أمامها وقل: أنا أريد هكذا. 5) أشبع زوجتك بالكلام العذب، وتعود عليه، وأحرق جوالها برسائل الحب والأشواق فهي تحتاج منك هذا كي تكون في كامل الجاهزية لك. 6) لا تسمح لها بالسب والشتم...وإن فعلت فقف في وجهها بقوة، وانظر في عينيها، ثم قل: اتق الله في نفسك؛ فأنتِ أنثى مسلمة، وعيب أن يخرج منك هذا القول...فإن فعلت مرة أخرى فاقرص كفها أو كتفها. 7) لا تسمح لزوجتك أن تمد يدها؛ لأن هذا يطعن في كبرياءك يا رجل، ويقلل قدرك في عين ابنتك؛ لأنها ستحتفظ بهذه الصورة في ذهنك...وإن فعلت فالوي ذراعها، وادفعها بعيداً عنك برفق وشدة ممتزجة لكن بدون ضرر بالغ. 8) أشغل زوجتك بدراسة، أو عمل، أو سفر أو اي شيء آخر. 9) الزم الدعاء بأن يؤلف الله بين قلبيكما، مع الصدقة. ::: أخبرني بالتطورات أولاً بأول. أخوك في الله:حاتم بن أحمد-الرياض |
كلام أخي البليغ في مكانه...
المشكلة في أكثر من موضوع زي موضوعك إن الرجل ييأس بسرعة ويقف موقف سلبي... يتعب من كثر الكلام والتشكي ويلزم الصمت وتمشية الحال والزوجة تفهم المسألة ضعف وعدم انتباه لازم يكون هناك حزم مع عطف وصرامة بغير شدة بعض النساء تجي بالكرم والإحسان والحنان بس البعض تحتاج لشدة وصرامة.. |
اخوي انا لو مكانك ما تجلس عندي ولى دقيقه
بس مدامك ما تبي الطلاق انا انصحك تروح لبوها او اخوها الكبير وتقوله السالفه كلها وتخليها شهرين او ثلاثه عند اهلها واذا ما تعدلت تزوج الثانيه |
لاحول ولا قوة الا بالله وش فيهم هاذول الحريم وليه متزوجين عشان تمسك نت ولا جوال يارب لا تبلانه وين حريم زمان الله المستعان
|
خذها يوم يومين لافخم الفنادق كهدية تقرب نفسياتكم
ناقشها بوضعكم هل هي راضية أو كارهة الوضع ونفسها تتغير حاول تفهم منها أسألها عن ملاحظاتها عليك واوعدها انت كمان تتغير انصحها عشان تربية البنت ونفسيتها يعني حدد لها أهداف زوجتك لسى مانضجت ومحتاجة احتواء وتوجيه حط النقط ع الحروف وخليها توعدك بمحاولة التنفيذ اعطيها مهلة ولا تستعجل النتائج نقول مثلا 3 شهور بعدها ابدأ بالتذكير والتنبيه اذا أصرت على إهمالها اهجرها وجافيها ولا تناقشها بشي خليها تجري وراك تستنى منك ابتسامه الهجران مذكور بالقرآن واعتقد انت فاهم ومستوعب نوع الهجران داويها بنفس اسلوبها والله تحب الارض اللي تمشي عليها احرمها دلعك ترى الحرمان أقوى علاج الله يكون بعونك |
روح يوم عند امها واشرب القهوة وافتح معها الموضوع باحترام وتشوف حل يريحك
اذا وقفت الام بصف بنتها وحسيت مافيه فايده ........... قول لهم ترى بتزوج لاني ابغى احد يهتم بي واعف نفسي |
سبحان الله هذا حال كثير من الأزواج يدلع زوجته ولو ماتتطبخ يسمي عليها وإذا وصل حده من الإنفعال قال شوفو لي حل معه زوجتي!!!!!!!!!!!! طيب ليش الدلع من البدايه صح الأايام الأأولى دلع بعدها يا كل زوج خذ حقك مو تصبر أكثر من سنه وتقول شوفو لي حل يعني بعد هالفتره تقدر تربي زوجتك!!!!!!! مافيه حل بعدين تقول ما غسلت ملابسك من 6 شهور ملابسك يغسلها الغسال والله أزواج آخر زمن!!!!!!!!!!! وين رجولتك!!!!!!!!! وين العين القويه كل هذا دلع الحين أحصد نتيجة دلعك الحل الوحيد في مثل حالتك الزواج بالثانيه لأنك تقول ما ابي أطلقها خايف عليها بعد هالدلع طيب تزوج ثانيه عشان تتربى زوجتك وتشوف حياتك مو تجلس وترضى بالهموم الله يكون في عونك واسمح لي على العتاب بس والله من القهر بس هذا حالكم يارجال الواحد يدلع زوجته \ وإذا طفش من الدلع والمصروفات اللي مالها داعي جاء يشتكي!!!!!!!!!! ليش ما تتطلع رجولتكم من البدايه!!!!!!!!! |
الله يهديها لك ولبنتها
|
تقول عمرها 22 واللي فهمته الحين عمرها 22 ومتزوج من 3 سنوات
انسانه تزوجت وعمرها 19 سنه واذا بيت الاهل فيه خادمه فالبنت عاشت لنفسها نت وجوال مثل ماهي جالسه تعيش الحين بداية زواجها ماتقبلت التغيير وانت جاريتها بهالشي ماضغطت عليها وماحسستها بفرق حياتها فتمادت وواصلت حياتها مثل ماكانت .. بعد 3 سنين صعب التغيير لكن مو مستحيل ان شاء الله بذكر لك تجربتي انا تزوجت من 3 سنين برضو وطول حياتي معتمده ع الخادمه بمنزل اهلي فأول زواجنا زوجي علمني ابسط الامور الشاهي والقهوه ! ساعدني الغساله اتوماتيك فمايطلبني غسل ملابسه يحطها وينشرها بهدوء "اعجبتني هالحركه" وهو اللي بادر فتعودت عليها بعد فتره قال غسلي ملابسي وكذا كنه طلبني شي خطير وهي راس مالها احطهم بالغساله وخلاص لكن لانه عودني يخدم نفسه بنفسه الشي الوحيد اللي للحين مامسكته الكووووي يكوي ثوبه بنفسه من يومه ببيت اهله .. فعودني على هالشي 3 سنين فماتغير بعد 6 شهور اولى عذاب عرفت اللي لي واللي علي البيت مسؤووليتي نظافته والطبخ ولو انه الحمد لله نحب الطلعه وكذا فبعض الايام مطعم وبعضها بيت يعني تغيير روتين فماكرهت الطبخ .. وللامانه للحين يساعدني وحنا "قبايل" ونعرف الدلع .. ليه القبايل مايعرفون الدلع الا دلعها لجل تدلعك الحين اجلس معها وخبرها كل اللي بخاطرك وقول شيلي اللامبالاة واسمعيني زين لاني ماعاد بسمح لاكثر من كذا اهمال وراح اعااااونك انا لين تقدرين توفقين بين احتياجاتي وبيتك وبنتك الحياة اخذ وعطا ساعدها يوم بالاسبوع وشوف كيف بتنحرج وتتغير قولها بندخل المطبخ انتي تطبخين وانا اغسل لك المواعين شرايك ؟ وبتنبسط تعال يوم ونظف قسم الرجال قل قسمي خليه علي هالمره وانتي كملي داخل البيت لاجيتو تطلعون قول بلبس البنت وانتي جهزي نفسك وخلوكم متعاونين وباذن الله تتغير شي ثاني راع العمر اللي بعمرها للحين واجد ماتزوجو ويمكن هي تقارن بينها وبين صديقاتها اللي ببيوت اهاليهم فتهمل تقليد لهالبنات .. فتره وتعدي ان شاء الله نصيحه لاتفكر بالزواج من ثانيه دايم ابوي يقولي اول خمس سنين للتفاهم بين الزوجين اصبررر عليها اكثر واكثر وحاول لو مو عشانها عشان بنوتتكم الله يخليها لكم |
اش الي صاير كثرو الزوجات المهملات والله كل ما ادخل المنتدى اقر نفس القصص
نفسي اعرف وش حالهم ذولي البنات ليه يتزوجون ومو قد زواج <<<<<<على بالها الزواج بسطه وجوالات وخرجات الظاهر يا خوي كلم امها ترى والله حالة ماراح تحسس بالاسقرار وتقعد بمهذل على ذا الحال احرمها من بعض الكماليات شوي >>> مو تفكها ولا وديها بيت اهلها كم اسبوع تتأدب وقلها باخذك لما تتعلمين تسرين مره سنعه تعرف تقدر زوجها وبيتها الله يعين بس والله مالوم زوج تزوج ثانيه وزوجته بذا الحال |
طيب خلها تدخل وتشوف موضوعك -اجلس معها بهداوه وقول لها انتي الحين شايفتنا عايشين براحه زي باقي الناس؟؟ انا رجال لي حقوق وابسطها اني اجي القى غداي جاهز وثيابي مغسوله ومكويه -قلها شوفي انا كتبت موضوع بمنتدا وابغاك تقرينه بعدها -ان تعدلتي وصرتي مره والا بطق لي ثانيه تحشمني وتراعيني-ونصيحتي لك الايام الجايه تكون حازم معاها -تجبرها تطبخ وتجبرها تغسل ملابسك وتكويها وتحرمها من بعض الطلعات الين تتعدل -وحاول تثقل عليها عشان هي تروح تدورك-بالنسبه للجنس اهجرها فتره تصل لكم اسبوع خلها تتسائل ليه؟؟ وتجي تدورك احس زوجتك يبيلها كربة حجاج وتمشي-
طيب هل تحس انها تحبك؟؟؟ |
هذي مايادبها الا زوجه ثانيه
|
الله يفرج همك ويبدل احوالكم للاحسن ..
|
انصحك يااخوي خذ بالردود الزينه واللي تعمر بيتك ماتهدمه
وخل عنك الطلاق والزوجه الثانيه ومدري ايش زوجتك الحمدلله مافيها عيب كبير بحيث تستحيل الحياة الزوجيه معها اولا عمرها صغير وحالها من حال الكثيرات تربت على الخدم وامها تطبخ وتنظف وتلقى كل شئ جاهز وصرت من نصيبها والنعم فيك ماشاء الله دلعتها وعاملتها من احسن مايمكن فالخلل اخوي انها لسى ماعرفت واجباتها كلمها بكل صراحه وقولها انا متضايق من كذا وكذا وكذا وحتى انا مااحب اني امد يدي عليك وازعلك وووو ووو افتح قلبك لها وعاونها انها تبدا من جديد واصــــــبر التغيير مايجي على طول وحط ابالك ماجلست معاك 3 سنوات وجابت منك بنوته ربي يحفظها الا بقلبها لك معزه بس الحريم وخذها مني مزاجيات وكلمه توديهم وكلمه تجيبهم الحل بين يدينك جرب معها المصارحه جرب انك تساعدها بالترتيب وتعلمها واذا شفتها سوت شئ كافئها انت ادرى بزوجتك واعرف مننا بشخصيتها وش اللي ينفع معها وش اللي مايضبط وبعدين لمن تصارحها خلها تفضفض حتى لو عيبت عليك اسمع لها عشان تكمل الصوره عندك يمكن فيه امور انت فاهمها غلط وهي من جهتها فاهمتها بطريقه مختلفه صدقني مافي احلى من الصراحه + الصبر وعمرررررك لاتعطي الشيطان مجال يهدم بيتك وتتشتت بنتك كل بيت وفيه مشاكل موفق |
أعوذ بالله شسالفتهم الحريم ؟!! يمكن هذا رابع أو خامس عضو يشتكون من نفس السالفة الله المستعان طيب ابي أفهم طالما البنت على هذي الشاكلة وهي عارفة نفسها ليه تتزوج؟ وتورط الرجال ولا تحسب الزواج طلعات ووناسة وسفريات وفلوس؟؟ إنت تحتاج الحزم الحزم الحزم مع زوجتك مو بكيفها ماتنظف مو بكيفها ماتطبخ ومن قلة الحيا تقعد تسب وتلعن وتقول الله لايردك ؟! ومو حلوة بحقك تقعد تترجاها عشان الفراش وبالأخير تهون أحسها مذلة إنت ذكرتها إنه الملائكة تلعنها حتى تصبح خوفتها من عقاب الله مسكتها وكلمتها بصراحة وأسلوب حازم ويخوف شويات |
الله يعينك ...ليه ماتهددها بالثانية ....وشوف عسى ربي يهديها ويصلح حالها ويخليلك بنتك |
اخوي الله يعينك على جنس حواء لكن ابي انصح وراح تدعي لي انت الحين لازم تشد حزامك انت رجل حــر ابيك تسوي اللى باقول لك واترك عن الزواج مرة ثانية انت مثقل بالديون ودوبك متزوج اول شي لازم تتغير 180 درجة وتكون قد الشي هذا ومستعد يعني دلع مافية مع زوجتك لان زوجتك اخذت الدلع كلة وتمردت فوق ذالك وهذي النتيجة يعني لا تشحن جوال ولا تهدي هدايا ولا كلام حب خلك انسان بارد طبعا لا اوصيك اطلع كثير من البيت وحاول تجي متاخر والنوم خلك في غرفة لحالك ولا تطلب منها المعاشرة في هذة الفترة ( فترة التغيير ) واذا تكلمة معاك خلك عادي وردك بارد واذا سالتك قول مافية شي وبعد فترة اطلع انت وخويانك سفرة الى اي منطقة ( يومين بس ) جدة او ينيع مثلا طبعا بعد ما توديها لامها ولا ترسلها اي رساله بس كلمها واسال عن بنت الله يحفضها وبالنسبة للبيت لا تلمسة ولا تنظف ولا تمدحها اذا سوت شي ( بس خلال الفترة هذي فقط ) اترك البيت لو يصير زباله الله يكرمك تحمل شوي معليك وحاول انك تعزم اهلها او اي احد يقرب لها وخلها تروح فيها اصبر شوي الله يعينك ولا تدخل اي احد في الموضوع سوا اهلك او اهلها ( نصيحة ) لانك في هذة الحال راح تفقد شخصيتك كرجل وبقلون الناس ما قدر على زوجته وراح تدمر حياتك من كلام الاقارب وتحطم طبعا انا ليش قلت سوي كذا من الاول عكس الناس اللى قالوا صارحها وكتب لها ورقة وامدحها واطلع معها فندق ووو لان انت لو سويت كذا وبعدين صارحتها صدقني ما راح تتغير ابدا وممكن تتغير يومين وترجع عالشان كذا هي لازم تحس انك بديت تبتعد عنها وتبداء تراجع نفسها وتخاف انك تتطلق او تتزوج لان زوجتك واثقة فيك فلازم انك تحسسة انك تغيرت بعد كذا هي راح تجيك بنفسها وما راح تطول اكثر من اسبوعين وتجلس معك جلست مصارح بنفسها وتسال ليش انت وش فيك وليش انت تسوي فيني كذا ؟ عاد انت في هذة اللحظة قول كل اللى في قلبك بكل صراحة وحزم وبعدين بعد الكلام الطويل تنزل القرارات وياليت تكون قرارات قوية زي تنظيف الملابس و تنظيف البيت والاكل من البيت ولاهتمام بي كزوج ولاهتمام بالمعاشرة الزوجية وعدم رفع الصوت او الكلام الغير في حالة حدوث مشكلة لاسمح الله طبعا لو ما استجابت معك انا اقولك وش راح تسوي بعد كذا معها لكن انا متاكد انها راح تتغير بس انت خلك قوي وشديد في اي قرار تتخذه ولا تستجيب لكل طلبات المراءة حتى لو انك تستطيع ولا تكلف نفس فوق طاقة وفي النهاية اسال الله ان يولف بين قلوبك وان يهدي زوجتك |
السلام عليكم
شف اخوي انا من زمان ما سجلت دخول لكن دخلت علشان ارد عليك واطلع انا وضعي كان مثل وضعك بالضبط الا من ناحية الجماع لأني انا اللي ما يكون لي نفس من الهم والضيق من تقصيرها قلنا عروس جديده وبندلعها ومصخوها ماراح اتفلسف عليك واحط نقاط واحلل شخصيتك لكن هذي الحرمه ان عطيتها وجه ودلعتها رقت فوق راسك وارتفع صوتها الحل اللي سويته انا طال عمرك : وبما اننا من قبايل ما تحب الطلاق كلمت ابوها وقلت له لازم يجي يتغدى عندي اليوم لازم ولازم ولازم وقلت له والله لو ما تجي تتغدى عندي قسم بالله حياتي مع بنتك ماراح تستمر قال خير ان شاء الله خلص دوامه وبدل وجا على طول لبيتنا قلطته بالمجلس وهو كله غبار والطاولات بغبارها ووسخه وشرحت لخالي كل شئ وقلت له فهمها واشرح لها وكلمها انا ماحبيت الموضوع ينحل الا من راسي لراسك وقلت له ترا مافيه غدا وهذا حالنا كل يوم وكذا وكذا وكذا وكذا ........ وزوجتي ماكانت تدري ان ابوها جاي شاف الغبار واحس كانه تفشل وقلت لها وش بتغدينا اليوم خالي ضيفنا ردت وقالت ما طبخت رح جب من المطعم وشكل لنا مشاوي وحركات حلوه وهي مبتسمه قلت خير ان شاء الله والله وطلعت وجبت الغدا تغدينا والأحوال ماتسر احد راح خالي وزوجتي انفجرت وقالت انت تتشكى عند ابوي انت وانت وانت وانت وارجع اتصل على ابوها قلت الله يطول عمرك ياخالي تعال جا ابوها قلت بنتك ماعاد ابيها الزوجه اللي ما تقوم بواجبات بيتها وتتحجج انها تعبانه من الوظيفه مابيها انا ماوافقت اتزوج موظفه الا بشرط انها ما تقصر بحقوق البيت وهذا اكبر تقصير وابوها ما قصر قال لمي اغراضك مانتي كفو بيت وزواج انتي بتفشلينا ومن ضفت اغراضها وراحت بيت اهلها اول ماترجع من الدوام بترتاح ابوها راجع من دوامه يمسكها ويصحيها ويشغلها ببيتهم مسح وكنس وطبخ وغسيل ملابس ولعن جدفها الى ما مشت على الصراط المستقيم جلست عند اهلها حدود شهرين وانا ازورهم اشوف ولدي والعب معاه ونتقهوى ونطلع اخر شئ هي اللي اتصلت وقالت ابي ارجع والحين الحمد الله حامل بالطفل الثاني وما تغيرت معاها مثل ما انا وهي اللي تغيرت بفضل الله ثم ابوها وارجع لمواضيعي اول وشوف حوالي 3 او 4 مواضيع طرحتها عن مشاكلي معاها ^_^ والله ما نفع لا كلام ولا تفاهم ولا هواش ولا تهديد ولا مسايسه مانفع الا شدة ابوها ورجع رباها من جديد وأهلها للزواج ومسؤولية بيت نصيحتي كلم ابوها وقابله واجلس معه واشرح له كل شئ وخله ياخذها ويضغطها شوي وترجع لك فله شمعه منوره وانتبه لاعزمته على الغدى وقالت المره ما طبخت لانه ماجاب اغراض اترس الثلاجه بما لذ وطاب ولا تخليها تقلب الموضوع عليك هههههههههههههه وبالتوفيق |
طيب مسكينة زوجتك با عاشق الجواهر ,موظفة و تكرف بعد الدوام,وش صار مدام الله منعم عليكم انتو اثنين موظفين ان تكون عندكم شغالة , بلاش شغالة ساعدها في التنظيف لأت اثنينكم عندكم وظايف ..
و يا صاحب الموضوع , تافف من الوضع خاصمها , لعل تعتدل و الله الهادي |
اقتباس:
هي تأدي واجباتها وانا اادي واجباتي وانا اكرهـ الشغالات خصوصاً ان بيتنا ذاق المر بسبب الخادمه الأندونيسيه اللي سحرت اخوي الكبير من فتره ومازلنا نعاني منها الى الآن وانا مو معنى انها تشتغل وتأدي واجبات البيت يعني خلاص انا بشغلها خدامه لا بالعكس آخر مره اشتكت انها تتعب بالغسيل اشتريت لها غساله ونشافه ومكواه بخاريه كلها في جهاز واحد اوتوماتيكيه اشتريتها بمبلغ وقدره ابي راحتها مابيها تتعب وتنظيف البيت مو يومي بالأسبوع مرتين وهي مبسوطه وتوها حست بمعنى الحياة والبيت ومبسوطه الحين اكثر من اول وكنا نتهاوش في الاسبوع 6 ايام ويوم نتصافى فيه ونرجع نتهاوش الحين بالـ 3 الى 5 شهور نتزاعل مره ونتراضى بنفس اليوم وماحد ينام وبخاطره شئ عكس اول ينام كل واحد على طرف السرير لو تجي نمله تدفه طاح من السرير ههههههههه والحمد الله رب العالمين متفاهمين ومنسقين احوالنا الماديه على اكمل وجه |
نفس الشكوى تكررت هذا الاسبوع
والله عيب على بناتنا اللي يسوونه وحتى شبابنا ايش هذي الانهزامية في قيادة الاسره العمر يا اعزائي ليس بعذر بنت عمي ماشاء الله لا قوة الا بالله عمرها 17 ومتزوجة تعالوا شوفوا الاصناف اللي تسويها والنظافه والدلع وفوق هذا كل اسبوعين او ثلاث تغير اماكن الاثاث لدرجة انها تطبخ وتنزل لجيرانها وجارهم كبير بالعمر صار يجيب خضراوات وفواكه ويعطيهم في البداية زعلوا منه بس اصر انهم يقبلونها ( شكله استحى لانها دائما تنزل لهم لانهم يحبوووووووووووون طبخها ) القضيه مو بالعمر القضيه في التربيه وفي صرامه الزوج من بداية الزواج هذي مو شكوى من موقف حاصل بين الزوجين هذا خلل في بناء الاسره واستقامه الحياة الزوجية ياشباب ارجوكم هذا الامر لا تهاون فييييييييييه ونصيحه عاشق الجواهر رائعه جدا اهم شي شوف شخص من اهلها حازم ورشيد وممكن ينفع مايضر |
|
رأي الأخ عاشق الجواهر جميل جداً لكني أراه مقيداً بطبيعة شخصية والد الفتاة؛ حيث يشترط فيه وجود الحكمة والعقل والرزانة وبعد النظر، وليس السذاجة والخفة والرعونة والسير على مبدأ (أنا بنتي ما تغلط)...
ومن وجهة نظري الخاصة أن يبدأ الأخ صاحب المشكلة باتباع الحلول المناسبة له معها بينه وبينها أولاً، ثم يقيّم الأمر ثانياً... إن نفع فالحمد لله. إن لم ينفع فبإمكانه استخدام رأي الأخ عاشق الجواهر... والله أعلم. |
لا هيك كتير
اقعد معهاها وفهمها احكي لامها تفهمها هادا ما بيصير وان شاء الله كلشي بيتعدل هدد مجرد تهديد بس بالزواج من اخرى اما بصراحة هيك حراااااااااااااااااااااااااااااااااااااااااااااااا ااااااااااااااااااااااااااااااااااام مو عشانك عشان البنت كمان |
رد الأخ عاشق الجواهر
رائع جدا وصراحه يا أخي حياتي هموم نصييييييييييييييحه لاتعطي زوجتك وجه خذها مني نصيحه أنا بنت وأدري عن طبع البنات دلوووووووووووعات والمشكله إذا زوجها عطاها وجها تهمل واجباته الله يكون بعونك صراحه بنات هالزمن ما ينفع معهم إلا العين الحمراء عشان يتركون الدلع أجل ليش تتزوج البنت!!!!!!!!!!!! إذا زوجها يبها للفراش تقول لا غسلي تقول لا أجل وش تبي البنت الدلع بس !!!!!!!! |
مكرر ارجو حذفه
|
عاشق الجواهر ... اعجبني حزمك في حل الموضوع وكما قال اخي البيلغ على حسب شخصيه ابوها .. كان حزمك من غير مده يد او سب او او او من الطرق المبتذلة .. يدل على قوه شخصيه من غير عنف و رزانه في التصرف .. و فيها اجبار على احترامك بطريقه لم تقلل بها من احترامك وهيبتك .. لأن بعض الزواج هداهم الله يرمي بالسباب والشتم او مده اليد فيفقد احترامه .. اخي صاحب المشكلة ... نفذ خطوات البليغ للعوده بها الى خط الأتزان حتى تتعدل واذا لم تتعدل او طبق ما قاله لك عاشق الجواهر |
اقتباس:
دام امها فاهمه وعارفتها خلاص مالك حل الا انك توديها عند امها وتشتكيها عندها وتعلمهم انها ماتنام في غرفة النوم..وتجلس على الجوال والنت بالساعات وتخليها في بيت اهلها حتى تتعدل هذي يبيلها حزم مو بس تهديد بدون فعل وهي متاكده انك ماراح تتزوج عليها او تروح لغيرها والدليل انها تقول روح الله لايردك. قول لامها كل شي وهي تتصرف معاها وتربيها من جديد...ان كنت فعلا تبي تخلص من الغم هدا ضروري تشكيها عند اهلها.. ولو انك مقتدر ماديا تزوج وشف كيف تركض وراك وتدور على رضاك.. |
اقتباس:
هذي النوعيه مايربيها غر اهلها خصوصا اذا كانوا ناس مايحبون الطلاق ولازم تحطهم في الصوره تجيبهم عندك البيت بدون علم زوجتك عشان يشوفوا .. ابغى افهم كيف تجلس هذي النوعيه من الحريم على الوصاخه يعني الواحد لازم ينظف مكانه الي عايش فيه ..الله لايبلانا بس.. اذكر قبل سنتين تقريبا ابن خالتي جا يشتكي لامي زوجته الي تصير هي بنت اختها وامي تصير خالتهم ولان امها متوفيه جاء لوالدتي يشكي زوجته في اشياء كثير ومن ضمنها انها ماتنام في غرفة النوم واخد امي معاه البيت وكان صادق في كل كلامه والبنت ترى موصغيره عمرها 25 ولها 6 سنوات متزوجه...يعني كل الي بتسويه قلة حياء ماتستحي على وجهها ولاتستحي من الرجال الي مخليها اميره في عيونا كل شي تملكه و صابر عليها الين ماطق |
الله يكون بعونك بس الصبر زين والله بيفرجها وتذكر بنتك ومستقبلها حرام تعيش مشرده بين الام والاب والله يسخرها لك انشاء الله يارب
|
| الساعة الآن 05:16 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©