|
زوجي يكلم اختي بالجوال ويحاول يستدرجها
السلام عليكم والرحمه
ايش المفروض اتصرف اختي المخطوبه تقولي ان زوجي يدق عليها ويحاول يتعرف عليها ومسوي نفسه غلطان تقول انها متاكده انه زوجي له الان عشر ايام وهي مطنشته وهو طبعا يدق من رقم غريب وحتى اختي اللي بالثانوي تقول ان زوجي كان يتصل عليها ومتاكده انه زوجي وغيرت رقمها قبل كم شهر والان توها تعلمني وش يبغى من خواتي؟؟ اهو قبل مايكلم اختي المخطوبه كان يقولي تتحديني اخرب ازواج خواتك؟؟والله اخرب حياتهم تتحدين ابقول فيهم وفيهم....امنيته زواجات خواتي تخرب عشان يعايرني فيهم قبل مايتزوجون وينخطبون كان مره مبسوط انهم ماتزوجو بس يعايرني فيهم الان منقهر حتى يحاول يختلط بزوج اختي اللي توها اتزوجت يبغى يخربه حتى اهو حاس اني عارفه انه يتمني هالشي ومره قالي اكيد انتي الان توصين اختك انها ماتخليني احتك بزوجها ويضحك وفعلا انا قلت لها هالشي وحذرتها بس الحمدلله زوج اختي مو طايق زوجي ومستحقره وكاشفه الظاهر على حقيقته وخطيب اختي قريب لنا ويعز اهلي كثير ولا راح يسمع له ولا له فرصه حتى احسه يدور له مدخل على اهلي عشان يخرب حتى لما يجتمع مع اهلي بس يراقب ويبحث ويدور له مدخل في شر مو طبيعي في شخصيته وجبااااان وخواف وحقود ايش يبغى وش يحاول يوصل احسه تزوج عشان يحارب ويخرب ويتمشكل مغ الزوجه واهلها وش الحل معاااااااااااااه |
اتركيه اذا انخرب بيتك افضل ما تنخرب بيوت بسببه وتطلع سمعه على العيله بطاله لا سمح الله
حسبي الله ونعم الوكيل فيه هل عندكم اولاد هل هو مسلم والله يخوف اكثر من الكفار تقولي عنه ابليس آسفه لقصاوة كلامي انما والله زوجك خرب بيوت والافضل اخربي بيته هو والله يعوضك باللي افضل منه |
أختي الحمد لله هذا الرجل أيش يحس فيه هذا نوع ضعيف الشخصيه ويحاول يثبت شخصيته ويلفت النظر ولا يعرف
كيف لفت النظر بالطيب والمعامله الحسنه وليس بأثارت المشاكل لكي يتفرغ له الجو هل لديك أولاد منه أسئل الله له الهدايه وبأمكانك تخلي خواتك يسجلو مكالمته وتواجهيه بصوت وتحاولين تعرفيه أنك كاشفه لعبته وتحاولي أن تنصحيه بالقول اللين وهل هو يصلي ولي رجعه على الموضوع بعد الأجابه على أسئلتي وهل هو صاحب ممنوعات ...شااااب |
اعوذ بالله زوجك مو طبيعي ليش هالحركات المفروض واحد كبير بالعيلة يوقفه عند حده هذا مرض وش راح يستفيد تفكيره غريب
|
والله مشاكلي كثير معاه وافكر بالانفصال لكن عندي طفل منه واخاف عليه يهددني انه بيحرمني منه
وهو انسان حقود واحسه مريض نفسي وعاني كثير بحياته مايصلي بس الان مع رمضان صار يصلي شوي يمكن فرض او فرضين باليوم انا قلت لاختي تسجل كلامه وبخلي الوالد يسمع لكن انا مابغى اوصل للطلاق لحد ماضمن ولدي يكون معاي لانه انسان بخيل ومريض وصعب المعشر ويحبببببببببببببب المشاكل ولا هو قدها يخاف اتمنى انكم تقراون مواضيعي السابقه عنه اهو قبل مايكلم اختي المخطوبه بيوم والله في رمضان قالي اما خربت بيوت خواتك واخرب ازواج خواتك ويضحك وده بالشي هذا لكن مو قادر والظاهر راح يسجل على اختي ويستدرجها يمكن يمكن عشان يرسله لخطيبها ويقول شوف خطيبتك تكلمني |
لا حول ولا قوة الا بالله
والله يا اختي الله يعينك بس ترى بتصرفاته هذه راح يكره كل اللي حولينه فيكم حاولي توضحي هالصورة لوالدك عشان لايدمر حياة اخواتك ولازم ياخد عليه موقف يوقفه لحده وحاولي تبعديه عن اهلك صح صعبة بس عشان لا تطلع مشاكل اكبر والحل تروحو مكان بعيد من اهلك وتخففي من الزيارات لهم والاحتكاك بس والله جراءة انه يدق وباي حق والدك لايدخل في نياته لانه راح تكبر المشكلة يعني انه حقود وغير ذلك لانه بياجج الموقف بس خليه يعاتبه ويوقفله وقفة قوية انه ليه دق على اخواتك ويكون الكلام بينه وبين زوجك ولحد يدخل ويوقفه لحده ويكون الكلام في اطار محدد فقط وما يدخل في نياته انه يبغا يخرب ومسوي علاقة مع خطيب اختك بس حول اتصاله لاختك وراح يوقف عند حده ان شاء الله وانتي لاتنقلي اخبارك كل شوي والتاني له الله يعينك |
لا مو صاحب ممنوعات
بس اخاف ادا تطلقت منه يستمر بشره علينا راح يطلع علينا كلام ويسوي اشياء انا عارفه وهو هدد بالشي هذا كان مملك قبلي وحده وعلقها ثلاث سنوات ماتزوجها والان لها سنين ماتزوجت لانه خرب سمعتها |
والله اهلي مايحتكون فيه كثير ونا السبب امنع هالشي لاني عرفت انه انسان مايتعاشر ووصخ وعقليته مقرفه
ووالله يحاول يحتك بخواتي ويسال عن ادق التفاصيل حتى الدوره الشهريه يسال عنها وطبعا يضحك ويسوي نفسه يمزح ويستهبل بس انا ماصدق انه مزح ويسا ويسال ويزعل اذا ماجاوبته ويقولي ليش انتي انسانه ماتحبي تسولفي؟؟؟افتح معاه اي موضوع ثاني مايعجبه الا السوالف عن اهلي وخواتي بالذات يوم خواتي ملكو جلس زعلان يقولو اهلك الان بيسحبو علي وبينسوني؟؟؟؟وصلن العلاقه مو قويه بينهم حتى ازواج خواتي بس اهو يبغى يصير الكل في الكل ونه اهو اللي رحمنا وتزوج من بيتنا وماحد دق غيره الباب ويتشمت ويعاير على راحته الان انتهى هالشي ومقهور |
بالله فيه احد بهالطريقه !!!
عالعموم حذري خواتك ويغيرون ارقام جوالاتهم وانتي لاتحفظي ارقامهم بجوالك او اتصلي عليهم بالجوال القديم اعتقد والله اعلم زوجك هذا مخه فاضي مافيه شي يفكر فيه ابداااا واعتقد حتى اصحاب ماعنده ووظيفته مو بالحيل تشغله مالقى حاجه تشغله.. الله يعينك يارب |
ماشاء الله عليك اخ وليد فعلا انسسسسسسسان فااااااااااااااااااااااااااااااااضي
دوامه مو متعب يداوم بالجوال وهو بالبيت مايحتاج يطلع مريح جداااااااااااا ماعنده ساعات عمل اي وقت يطلع ويخلص اشغاله بالدوام ومع هذا وده يفصل ولا عنده اصحااااااااااااااااااااب ابدا طفشني بس بوجهي مشاكل ومضارب ولا عنده اهله بنفس المدينه ولاشي مفرغ نفسه لي ولاهلي بخصوص اني ماحفظ جوالات خواتي بجوالي انا زوجي مركب برنامج تجسس بجوال ويسمع المكالمات ويشوف الارقام ويقرا الرسايل والارقام وكل شي وماخذه يمكن من مكان عمله لانه مجال عمله يوفر له الاشياء هذي فراح يعرف الارقام حتى لو ماحفظتها |
ابنتي الكريمة
قلتي في معرض حديثك أنه لا يصلي وهذا سبب يحرمك عليه ويحرمه عليك شرعاً فلا تلتفتي لشيء بعد هذا استفتي العلماء أو سماحة المفتي حفظه الله لتعلمي حكم البقاء مع رجل لا يصلي. ومن ترك شيءً لله عوضه الله خير منه واستعيني عليه بالصبر والصلاة نسأل الله له الهداية ولك المخرج من هذه المحنة. |
لآ حول ولآ قوة الا بالله ..
والله باين عليكي طيبه وقلبك ابيض وحنووووونه لابعد درجه .. والدليل انك متحملة تصرفاته الغريبه دي وأهم شي انك رافضه فكرة الطلاق عشان قلبك معلق بابنك .. وحابه ادعيلك ياقلبي الله يفرج همك ويصلح بالكم ويغير احوالكم للأحسن يارب =) أختك : رمانه |
إنسسسسآإن حقير وش هـَ آلتصرفآت ..!!؟
إسمعيني الله يكفيكم شره.. سسسجلي كلآإمه ولآتخافين إلا من الله سبحآإنه.. قولي لخوآإتك يقولن لآزوآجهن شفتوآ فلآن (زوجك ياصاحبة الموضوع) مريض نفسي ومبهذل إختي حتى يكون عندهم فكَره إنه مو طبيعــي ..! وأنتي لآتسمحين له يتعبك نفسيآإ تري أنا تزوجت وآحد متزوج وطلع مريض نفسي قسم دمر نفسيتي صرت سمرآ ونحيفه أخررررع حسبي الله وكفىَ .. ولآ إرتحت لين تطلقت إنتبهي تحملين منه ذا مو رجآل مو كفو التضحيه والحشيمه.. وبعدين أنا بقولك شي مــــهـــــــــــــــم.. إختك ترد على إتصآلاته..؟ إذا ترد تتحمل مايجيهآإ وإذا ماترد لآتخاف تري لو بس تقول ألو بيسجل صوتهآإ وبيظلمهآ.. إسمعي لاترد على أي رقم غريب خليه يموووووت من الحقرآن لو مو غيرآإن منكم ماسوى هالوقآحه..! ................. ( من غآإر منكـ عيركـ) ................. وحسبي الله عليه وعلى أشكاله هذي سمعه يَ ربي وش هالنآإس.؟ االله يعينك أختي ياقليبي أنتي حآسسسه فيك..~ |
بما اخينا في الله فاضي اشغليه انتي بأي بشي قولي له يشترك بنادي يكون وقت محدد لنادي عالاقل تتغير نفسيته هناك ويكون علاقات واصحاب
بالنسبه لعدم الصلاة شغلي القران بالبيت بتلاوة خاشعه (( بصوت ليس مزعج)) يمكن يرق قلبه ويصلي ويحافظ على صلاته ربي يوفقكم ويصلح امركم |
زوجك يحتاج لعلاج وتأهيل نفسي
واشعر أن بيدك تغييره تصرفاته كأنه طفل .. ولا تصدر من شخص ناضج وعاقل يحتاج لتربية من جديد مع احتواء وتفهم الله يهديه |
صدقيني هذا متعب أختي حذري خواتك منه والله هذا لو يمسك عليهم شيء يمكن يسوي أشياء لاتطري على البال
لاحول ولا قوة إلا بالله من ضر مسلم فلن يدعه الله والباب اللي يجي منه ريح سكريه واستريحي إذا ماتريديه ومتعبك وراح يجيب المشاكل لأهلك فهذا تركه خير منه وأما بالنسبه لولدك فهو بحضانتك حتى يبلغ 7 سنوات ثم بعدها يخيروه بينك وبينه والحل الثاني أنك تحاولي ماتعطيه أي معلومه عن أهلك وتحاولي انك تجنبيه اهلك وتصبري عليه وهذا لو مشكلته عليك فكان بأمكانك الصبر ولاكن قد تطول خواتك ويخرب مستقبلهم يارب أكشف الضر عن أختنا كن فيكون يارب..شااااب |
مزال يتجسس عليم بالتلفون
ما تتكلمي مع اهلك ولا اخوتك باي شي ووقت تشوفيهم تتكلمو وجها لوجه ودايما اقري العوذات وآية الكرسي حصني نفسك منه طيب وموضوعك هنا هل يستطيع ان يطلع عليه |
اقتباس:
أنا عندي قاعدة أن الفراغ سبب أي مشكلة ...... الرجل - أي رجل اشغليه - يشترك في نوادي , سافروا حتى لاماكن قريبة ,اذهبوا عمره نوعي وغيري دائما ,, اشغليه فيكـ غيري لبسكـ ديكور البيت .. خططي لمستقبلكم ,, اشغليه بالتجميع لشراء أرض أو تعمير منزل فاجأيه بهديه .... بدون أن يحس انك تقصدي ذلك ,, يتابع أخبار اخواتك من الفضاوه الزايده .. يتابع اخبارهم لانه ككل الرجال يحب النساء فكوني أنثى لا يوجد لها مثيل .. املئي حاسه البصر عنده ,,,,, ولا تقولي لماذا أشغل وقته واعمل له كذا وكذا ,, هذا واجبكـ ولك أجر عليه ....... دعيه يتوب على يديكـ .. قولي له ولدنا أن شاء الله يكون امام مسجد ..... مرري له رسائل ايجابية ..... اوهميه انكـ وأهلكـ راسمين له صوره المثالي الملتزم .. احس تفكيره طفولي جدا وليس خبيث ,, احذرك من الطلاق ,, بيتزوجون اخواتك ويكونوا أسرة وبيت ,, وبتكونين المطلقة المنبوذة !!! ولا تغرك الردود المثالية ,, حاولي اصلاح الخلل واحتسبي الاجر من رب العالمين ... |
اقتباس:
اقتباس:
6 صفات كلها مؤذيه فيه .. والأفظع والأعظم أنه لايصلي .. ثم بعد رمضان جعل الصلاة فرضين هذا على الأكثر ... أي رجلٌ هذا ؟؟ أختي الكريمه .. والله رجل لايخاف من الله .. ولديه كل ماذكرتي من صفات ( مقرفه ) كما وصفتيها أنتِ .. كيف بالعيش معه .. اقرأي رد الأخ الفاضل رجل الرجال فرجل لايصلي بعرف العلماء أصبح كافرا.. استفتي وابحثي عن الحق البين ولا تخافي من أحد غير الله . اقتباس:
أسال الله أن يصلح الحال ،، |
مثل ما ذكر أخي رجل الرجال بقائك مع هذا المسخ لا يجوز أبدا.
الحل هو الانفصال لكن لا تنفصلي عنه حتى تتخذي طريقة تأمنين بها من غدره ومن ترويج الاشاعات حولكم. وهناك خدمة تقدمها شركات الاتصالات تقوم على حجب اي رقم غير مرغوب فيه مثل خدمة الجوال كنترول التي تقدمها stc وهي ذات تكلفة زهيدة وفائدة عظيمة. |
انصحي اختك تتجاهله.. او خليها تحول رقمها على جوال ابوك او اخوك .. وخليه يتسنع من نفسه لنفسه.. ادعي له بالهدايه شكل انسان مريض نفسي ويبي يثبت رجولته بطرق ملتويه |
اهم شي اخواتك مايردوا على اي رقم غريب بالمرررررررررررررررة
وليش يردوا ع زوجك اصلا.. لايردواا.. |
|
غريب أأأأمر زوجك |
حتى قبل ماينخطبو خواتي ماكان سليم النيه معاهم كان يخطط يزوج الوالد عشان يخرب بيتنا بس كان مستحي يفاتح الوالد يخاف من رده فعله وكان يقولي لو يجي احد يخطب عندكم بقول بناتهم مو حقات زواج ومدلعات ويحبون الاسواق ومايصلحون مره؟؟؟قلت اللي بياخذ برايك اصلن مانبغاه اهو لما يطلع السوق ويشوف اللبنانيات والمتبرجات يعجب فيهم مره ويجلس يمدح وكان يقولي انا بغيت اتزوج لبنانيه وهو كان عنده صديقه لبنانيه ومعجب بتحررهم وجراتهم يعني مو لانه ماشاء الله زوج محافظ وحق صلاه وعباده بس لانه يبغى يعيب على خواتي ويقول ان خواته متزوجات وعندهم عيال لانهم بنات رجال وخواتك ماتزوجو لانهم بنات اسواق....اهلي جدا جدا مسالمين معاه ومحترمين لكن بس يزورهم يبدا يطلع قصص وحكايا اهلي قالوها وطبعا كلها ضدنا ومن خيالهم
ونا مضطره اروح لاهلي لان جوالاتي مراقيه ولا اقدر اتكلم حتى بسوالف عاديه مع امي وخواتي مره امي برمضان تسولف ان الوحده مالمفروض تتعب نفسها بالطبخ وتنشغل عن العباده؟؟؟؟اهو لانه يحب الشر فهمها ان امي تحرشني اني ماطبخ له ...اليوم الثاني بعد ماسمع المكالمه تضاربنا قبل الفطور يقولي قومي اطبخي مليون طبخه اي وش عندك تبغين ترحين نفسك؟؟مع اني والله طابخه اكثر مما نحتاج بخصوص الفراغ والله اني مشغوله اكثر منه اروح الدوام واجي الظهر اطبخ الغدا انام شوي اقوم اهتم بولدي اروح اسويلي كم شغله ونام للدوام عندي صداقات واهلي وداومي وولدي وبيتي وزوجي لكن اهو ماعنده شي فاضي فاااضي وبخيل ماراح يسجل بنادي ويدفع فلوس والله احيانا اكون تعبانه او مالي خلق فيه يقولي تعالي اطلعي معاي ماعنده احد يطلع معاه الظاهر واطلع وبس فرفره بالشوارع نروح كوفي لا سوق لا شي فيه دفع فلوس لا اجل كيف نطلع ونشغل فراغنا بس نلف بالشوارع بالسياره واحيانا اسايره ونا ماودي لاني عارفه انه ماعنده شي وابغى اشغله انا يوم انشغل عنه يروح يكلم لاحظت؟؟طيب اجل طول الوقت معاه عشان مايسوي شي غلط؟؟طفل اهو؟؟ابغى اعيش حياتي اشوف نفسي اهلي صديقاتي جارتي؟؟وذا جلست معاه طلع وساخته ولعانته؟؟اصلن سالفه انه بيخرب على خواتي قالها واحنا نفرفر معاه بالسياره عشان نقضي على وقت فراغه؟؟واليوم الثاني حطني عند اهلي ودق على اختي....اختي تقول مارديت عليه على طول دق كذا مره ورديت مره وسوى نفسه غلطان وقاله ماشاء الله رقمك مره مميز وتقول قفلت بوجهه ورجع يدق وبعدين اعطته اخوي يهزئه لكنه ماتكلم وقعد بعدها كم يوم ورجع يدق وماترد عليه ابدااااااا بس مره وحده ردت اهي تقول بسويله بلوك لكن مو حل بنظري لانه بيرجع يطلع رقم اخر ويدق عليها |
حتى اللاب توب كنت على نياتي وفاتحه الجهاز له لكن بعدين حطيت رقم سري وبرنامج حمايه وبعدها اكتشفت انه كان يتجسس على كمبيوتري ويقرا مواضيعي بمنتدى ثاني...
ودايمن اقوله انت ليش ماعندك اصدقاء انت ليش فاضي كانه واحد متقاعد ماعنده دوام ولا شي روح اطلع سولك شي لاتجلس تطالع راتبي وتبني عليه احلامك...زوجي مايحب الشغل ابدا.. حتى بنات الناس ماسلمو منه وحده خطبها وماتم النصيب معاها تزوجت واطلقت واستغفر الله احس طلاقها بسببه الان تزوجت مره ثانيه يوم جت تسافر مع زوجها برا زوجي راح المطار وشافها ويقولي انه مشى جنبها وضحك لها ولكن اهي ماعرفته وعلمني انه بعد اسبوعين وباليوم الفلاني مو عد رجعتها وبيروح يستقبلها وش تبغى من بنت الناس تزوجت غيرك ليش تراقبها؟؟؟؟ويعلمني وعادي عنده؟؟وصار انا عادي عندي؟؟طبعا كيف عرف بسفرها من خلال عمله |
أختي لماذا تخافي الإشاعات؟؟؟
لا تكوني ضعيفة هكذا قرأت موضوع سابق لك ومعاناتك للأسف كبيرة حاولي استشارة محامي في كيفية تخلصك منه وضمان ابنك فهذا لا يصلي فسترتاحين منه بسهولة بالإضافة إلى أن حقه في الحضانة سيسقط ... |
انصحكـ توقفين الإنجاب في هذي الفترهـ والفترهـ الجاية حتى ينصلح حآل زوجكـ
|
اشكركم جميعا على مروركم وردودكم الله يرزقكم بجنه عرضها السموات والارض والله ريحتوني الله يفرج كربكم يارب
انا محتاره في شخصيته احيانا واحيانا جدا اقول مثل بعض الاخوات هنا انه شخصيته طفوليه ويتصرف مثل الاولاد في اشياء ثانيه؟؟واحيانا اقول لا هدا انسان خبيث جدا ومخادع ولا يؤتمن ابدا؟؟اخواني خواتي من خلال حديثي عنه ايش رائيكم عنه؟ انا اللي مخليني معاه لحد الان انه احيانا تصير حياتنا الزوجيه هادئه واقول يمكن الزمن يحل مشاكلنا ويترك اطباعه السيئه مع انه في عز المشاكل خلالالاص اقول طلالالالالاق مافي حل ثاني غيره ومصيرنا للطلاق طال الزمن او قصر واحس ان وصلنا لطريق مسدود..تنصحوني اعطيه فرص اكثر؟؟؟او خلاص انسان بالتصرفات هذي ماراح يتغير وحاله ميؤس منها؟ |
لاحول ولاقوة الا بالله العلى العظيم
شهالكائن الحي الغريب الى معاشرته والله مايستحق كلمة انسان ! الا اعراض الناس وسمعتهم الا هالشي مايسويها انسان يحمل بجوفه قلب ! مايتقى الله فى نفسه فى أهله وزوجته وخواته وبناته بالمستقبل ؟ الله سبحانه وتعالى توعد من يتتبع عورات الناس بالفضيحه حتى لو كان بين جدران بيته وهو حديث قدسي الله يحفظكم من شره ويتمم على خواتك ان شاءالله سمعى حبيبتى من رأيى أنك اولا تستشيرين شيخ دين بالموضوع وتقوليله كل التفاصيل من ناحيه الصلاة والأخلاق والتعامل وتشوفين رأيه , ثانيه تستخيرين رب العالمين بأمرك ثالثا بعد كل شي تقولين لـ أحد من أهلك الى تثقين بحكمته ورجاحه عقله وحسن تصرفه لازم رجل يكون مطلع عالموضوع سواء اخوك او ابوك , وبعدين ياحبيبتى لاتخافين من مكره اذا كان قرارك الطلاق والله مايقدر يضرك ولاينفعك الا بأمر رب العالمين أنتى أتكلى على الله وفوضى امرك له ولاتخافين منه لأن اقل وأجبن من أنك تحسبين له حساب اقتباس:
رأيى المتواضع ولاتعتبرينه تحريض أشوف ماينفع تستمرين معاه بس بالأول استشيري شيخ واستخيري وعلمي احد من أهلك كبير وبعدين قرري |
حبيت اضيف لك هالدعاء وهو أيه دائما انتى وخواتك قولو هالدعاء بالسجود "وأفوض امرى الى الله أن الله بصير بالعباد "
شوفى رد رب العالمين بعد مادعي سيدنا موسى هالدعاء "فوقاه الله سيئات مامكروا " وأسأل الله العظيم أن يحفظك أنتى وأهلك من شره ويكتب لك الخير بكل أمورك |
قليل الادب
وحقيرررر والله اني استحي لو يكون زوجي ذآآ الله يكفيك شره ويعينك |
وأفوض امرى الى الله أن الله بصير بالعباد
الله يجزاك الف خير قبل اشوي يتلقف ويسالني هل اختي تكلم خطيبها؟؟؟ قالي وليش ماتترك مكالمات مع خطيبها وتكلمني احسن ويضحك؟؟؟؟ قلت تترك زوجها حلالها وتكلمك انت بالحرام مايجوز الموضوع على انه كله مزح؟؟ احيانا احسه ولد من كلامه وافكاره؟؟ مره قالي كلام افضع من كذا واتهم ان جارنا اللي يمر دايمن بجنب بيتنا ليروح لمسجد انه مو اعد امي ونه يجامعها ويضحك مره حاسبته على كلامه قالي انتي انسانه قلبك اسود انا كنت امزح؟؟ |
اقتباس:
أؤيد رأى أختنا شموخ أنثى.. هذا الرجل به علة نفسيه كان الله في عونك... والاخوان الي يقولون اشغليه وتنحل المشكله ... يسمحولي!! لن تنحل... الرجل فيه شر سواء كان مشغول ولا فاضي... وسيقوم بهذه التصرفات القبيحه متى ما سنحت له الفرصه... |
هذا واحد وصخ والعياذ بلله
لاتقولين مريض نفسي المريض النفسي مايسوي الي يسويه زوجك... زوجك مو مريض و بكامل قواه العقليه وسواد الوجه الي قاعد يسويها هي من قلة الحيا وقلة التربيه يعني انسان مايصلي وش تنتظرين منه..وانتي عارفه ان الفرق بينا وبينهم الصلاه ...زوجك تصرفاته مثل تصرفات اليهود..خصوصا انه قاعد يقطع ارزاق اهلك واخواتك وناوي على هدا الشي من زمان هذا الانسان قذف امك واتهمها بشرفها ولازلتي تعيشين معه والله اعلم قال لمين غيرك وشوه سمعة امك امامه ..يااختي فوقي هذا خطر عليك وعلى اهلك.. يعايرك في اخواتك ويقارن بينكم وبين اخواته..ليش يعني اخواته تزوجوا اعمارهم 9 سنوات مثلا .. ليش يعايرك باخواتك؟ يمدح البنات في الاسواق امامك ويخبرك انه شاف خطيبته وضحكلها وانتي عادي عندك الامر وتنتظرين يجي يوم ويتغير..متى بعد 50 سنه بعد مايدمر نفسيتك بعد مايمرضك ويشوه سمعكم.. قولي لخواتك يخبرون ازواجهم بتصرفاته واخلاقه السيئه من الان وابنك حضانته لك.خصوصا انه واحد مايصلي.اطرقي جميع ابواب المحاكم والقضاه حتى تكسبين حضانة ابنك.. |
اقتباس:
لو انا بمكانك وقتها أقتله مابقى الا الغاليه يطعن بشرفها حسبي الله عليه مابي اكثر كلام بس صج فقدت اعصابي:× الله يعينك ارجوكي تصرفي استشيري واستخري وقرري بأسرع وقتتتتتتتت |
و الله اختي اذا هو بيمزح فالمزاح له حدود
هذا واحد مريض و الله يشفيه من مرضه احسن شي انه لما يتكلم عن خواتك ما تعطيه وجه و افتحيله موضوع اخر في نفس اللحظه يعني بادري كلامه بسؤال فوادي اخر و خارج عن الموضوع كأنك ما سمعتي ايش قال اكتمي غيظك لأنه شكله يحب يستفزك بداعي المزاح واحد فارغ مش عارف ايش يقول الله يهديه سمعيه فيديو ديني عن خراب البيوت و ايش عقابهم يعني مثلاً لما تكونوا مع بعض في الغرفه افتحي يوتيوب عن شيخ يتكلم عن اللي يخربون بيوت الناس و يش جزائهم و طبعاً خلي الصوت عااااالي و كانك انتي اللي تبغي تسمعيه لنفسك بس في نفس اللحظه يسمع الفيديو كمان و لا تطلبي منه يسمعه لأنه رح يسمعه اذا انتي معليه الصوت رح تتعبي معاه لكن لا تحاولي تطنشي الموضوع اما خواتك فأفضل شي انهن يغيرن ارقام جوالاتهن و انتي لا تاخذي ارقامهن ابداً او انك تسوي باسورد على جوالك عشان منا ياخذ ارقامهن او حتى ارقام زميلاتك احسن لا يسوي مشلكه معاهن كمان حاولي بكل الطرق انك ما تخليه يوصلهن او حتى يشوفهن ابليس راكب راسه و هو شكله ايمانه ضعيف الله يهديه و يصلحه يارب |
صرآآآآآآآحه زووجك غريييب الله يعينك عليه
|
اقتباس:
رائعة هذه المشاركة ولو كانت هي لوحدها لكفت إنها over كذلك |
الله يعينك على مثل هذا الزوج استغفرى الله وادعى له بالهداية او تحملى وتطلقى والله اعلم
|
| الساعة الآن 06:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©