السلام عليكم والرحمه

ايش المفروض اتصرف

اختي المخطوبه تقولي ان زوجي يدق عليها ويحاول يتعرف عليها ومسوي نفسه غلطان تقول انها متاكده انه زوجي له الان عشر ايام وهي مطنشته وهو طبعا يدق من رقم غريب

وحتى اختي اللي بالثانوي تقول ان زوجي كان يتصل عليها ومتاكده انه زوجي وغيرت رقمها قبل كم شهر والان توها تعلمني

وش يبغى من خواتي؟؟

اهو قبل مايكلم اختي المخطوبه كان يقولي تتحديني اخرب ازواج خواتك؟؟والله اخرب حياتهم
تتحدين ابقول فيهم وفيهم....امنيته زواجات خواتي تخرب عشان يعايرني فيهم
قبل مايتزوجون وينخطبون كان مره مبسوط انهم ماتزوجو بس يعايرني فيهم
الان منقهر حتى يحاول يختلط بزوج اختي اللي توها اتزوجت يبغى يخربه
حتى اهو حاس اني عارفه انه يتمني هالشي ومره قالي اكيد انتي الان توصين اختك انها ماتخليني احتك بزوجها ويضحك وفعلا انا قلت لها هالشي وحذرتها
بس الحمدلله زوج اختي مو طايق زوجي ومستحقره وكاشفه الظاهر على حقيقته
وخطيب اختي قريب لنا ويعز اهلي كثير ولا راح يسمع له ولا له فرصه حتى
احسه يدور له مدخل على اهلي عشان يخرب
حتى لما يجتمع مع اهلي بس يراقب ويبحث ويدور له مدخل
في شر مو طبيعي في شخصيته وجبااااان وخواف وحقود
ايش يبغى وش يحاول يوصل
احسه تزوج عشان يحارب ويخرب ويتمشكل مغ الزوجه واهلها
وش الحل معاااااااااااااه

اتركيه اذا انخرب بيتك افضل ما تنخرب بيوت بسببه وتطلع سمعه على العيله بطاله لا سمح الله

حسبي الله ونعم الوكيل فيه
هل عندكم اولاد
هل هو مسلم والله يخوف اكثر من الكفار تقولي عنه ابليس

آسفه لقصاوة كلامي انما والله زوجك خرب بيوت والافضل اخربي بيته هو
والله يعوضك باللي افضل منه

__________________
http://live.gph.gov.sa/
اللهم اني استودعك اولادي

أختي الحمد لله هذا الرجل أيش يحس فيه هذا نوع ضعيف الشخصيه ويحاول يثبت شخصيته ويلفت النظر ولا يعرف
كيف لفت النظر بالطيب والمعامله الحسنه وليس بأثارت المشاكل لكي يتفرغ له الجو هل لديك أولاد منه أسئل الله له
الهدايه وبأمكانك تخلي خواتك يسجلو مكالمته وتواجهيه بصوت وتحاولين تعرفيه أنك كاشفه لعبته وتحاولي أن تنصحيه
بالقول اللين وهل هو يصلي ولي رجعه على الموضوع بعد الأجابه على أسئلتي وهل هو صاحب ممنوعات ...شااااب

اعوذ بالله زوجك مو طبيعي ليش هالحركات المفروض واحد كبير بالعيلة يوقفه عند حده هذا مرض وش راح يستفيد تفكيره غريب

والله مشاكلي كثير معاه وافكر بالانفصال لكن عندي طفل منه واخاف عليه يهددني انه بيحرمني منه
وهو انسان حقود واحسه مريض نفسي وعاني كثير بحياته مايصلي بس الان مع رمضان صار يصلي شوي يمكن فرض او فرضين باليوم
انا قلت لاختي تسجل كلامه وبخلي الوالد يسمع لكن انا مابغى اوصل للطلاق لحد ماضمن ولدي يكون معاي لانه انسان بخيل ومريض وصعب المعشر ويحبببببببببببببب المشاكل ولا هو قدها يخاف اتمنى انكم تقراون مواضيعي السابقه عنه
اهو قبل مايكلم اختي المخطوبه بيوم والله في رمضان قالي اما خربت بيوت خواتك واخرب ازواج خواتك ويضحك وده بالشي هذا لكن مو قادر والظاهر راح يسجل على اختي ويستدرجها يمكن يمكن عشان يرسله لخطيبها ويقول شوف خطيبتك تكلمني

لا حول ولا قوة الا بالله
والله يا اختي الله يعينك
بس ترى بتصرفاته هذه راح يكره كل اللي حولينه فيكم
حاولي توضحي هالصورة لوالدك عشان لايدمر حياة اخواتك ولازم ياخد عليه موقف يوقفه لحده
وحاولي تبعديه عن اهلك صح صعبة بس عشان لا تطلع مشاكل اكبر
والحل تروحو مكان بعيد من اهلك وتخففي من الزيارات لهم والاحتكاك بس والله جراءة انه يدق وباي حق
والدك لايدخل في نياته لانه راح تكبر المشكلة يعني انه حقود وغير ذلك لانه بياجج الموقف
بس خليه يعاتبه ويوقفله وقفة قوية انه ليه دق على اخواتك ويكون الكلام بينه وبين زوجك ولحد يدخل
ويوقفه لحده ويكون الكلام في اطار محدد فقط وما يدخل في نياته انه يبغا يخرب ومسوي علاقة مع خطيب اختك بس حول اتصاله لاختك وراح يوقف عند حده ان شاء الله وانتي لاتنقلي اخبارك كل شوي والتاني له
الله يعينك

لا مو صاحب ممنوعات

بس اخاف ادا تطلقت منه يستمر بشره علينا راح يطلع علينا كلام ويسوي اشياء انا عارفه وهو هدد بالشي هذا
كان مملك قبلي وحده وعلقها ثلاث سنوات ماتزوجها والان لها سنين ماتزوجت لانه خرب سمعتها

والله اهلي مايحتكون فيه كثير ونا السبب امنع هالشي لاني عرفت انه انسان مايتعاشر ووصخ وعقليته مقرفه
ووالله يحاول يحتك بخواتي ويسال عن ادق التفاصيل حتى الدوره الشهريه يسال عنها وطبعا يضحك ويسوي نفسه يمزح ويستهبل بس انا ماصدق انه مزح
ويسا ويسال ويزعل اذا ماجاوبته ويقولي ليش انتي انسانه ماتحبي تسولفي؟؟؟افتح معاه اي موضوع ثاني مايعجبه الا السوالف عن اهلي وخواتي بالذات
يوم خواتي ملكو جلس زعلان يقولو اهلك الان بيسحبو علي وبينسوني؟؟؟؟وصلن العلاقه مو قويه بينهم حتى ازواج خواتي بس اهو يبغى يصير الكل في الكل ونه اهو اللي رحمنا وتزوج من بيتنا وماحد دق غيره الباب ويتشمت ويعاير على راحته الان انتهى هالشي ومقهور

لاحول ولاقوة إلا بالله ..
6 صفات كلها مؤذيه فيه .. والأفظع والأعظم أنه لايصلي .. ثم بعد رمضان جعل الصلاة فرضين هذا على الأكثر ... أي رجلٌ هذا ؟؟
أختي الكريمه .. والله رجل لايخاف من الله .. ولديه كل ماذكرتي من صفات ( مقرفه ) كما وصفتيها أنتِ .. كيف بالعيش معه .. اقرأي رد الأخ الفاضل رجل الرجال فرجل لايصلي بعرف العلماء أصبح كافرا.. استفتي وابحثي عن الحق البين ولا تخافي من أحد غير الله .

توقعت منه هذا الأمر ، فهل كان قبل خطوبة أخواتكي وزواجهم ، هل كان حسن السيرة مع أهلك وعلاقته جيدة معهم ؟....

أسال الله أن يصلح الحال ،،

__________________
كيف اقاوم الهم والألم. بالسجود راحة واطمئنان.

نهاية نوال..!

بالله فيه احد بهالطريقه !!!
عالعموم حذري خواتك ويغيرون ارقام جوالاتهم وانتي لاتحفظي ارقامهم بجوالك او اتصلي عليهم بالجوال القديم

اعتقد والله اعلم زوجك هذا مخه فاضي مافيه شي يفكر فيه ابداااا واعتقد حتى اصحاب ماعنده ووظيفته مو بالحيل تشغله مالقى حاجه تشغله..

الله يعينك يارب