|
فضفضة قلب مجروح
انكسر حاجز الخوف وانكشف المستور
ورائيت خيانته بام عيني انجرحت ومزق قلبي بخنجر مصدي كان عندي احساس بخيانته لي كنت احلفه باليوم اقل شى ثلاث مرات هل يافلان تخوني؟ هل تسوي شى يغضب الله؟ تراني احلم واشوفك باحلامي يكون الرد انتي مجنونة موسوسة تتوهمين هذا الشيطان يبي يفرقنا الخ... احيانا اصدق بس ايماني باحساسي كان اقوى وكذالك دعائي بكل صواتي ان الله يفضحه لي ويبين لي الحقيقة ترى الله يستجيب ولا احدكم من الرجال يقول ترى اقدر اكلم واسوي علاقات وزوجتي ماتجيب خبر والله ربك مايرضى لاحد يعيش بدار غفلون (يعني مغفل)) وقت الصدمة لم اتمالك نفسي انكر الشى وقال عشان كذا مصحيتني !! ((قمة الوقاحة)) قلت من الي تكلمها على المسن بهالاسلوب تعدى حدوده لردجة قلت يمكن تزوج علي بعد ماشاف ان الامور وصلت للحضيض اعترف وقال مجرد طيش !! وجات بوقتها وراحت الغريب من هذا تدرون وشو يقول طال عمره انه كان يبي يتزوجها بعد صارت مشكلة بينيي وبينه ورحت لبيت اهلي يعني بالعربي الرجل ماعنده مشكلة بيطلق من هنا ويتزوج من هنا وموتي قهر يالي ربيتي وحنيتي وطبطبتي وتحملتي وصبرتي يلا ماعلينا كانت مجرد فضفضة من قلب مجروح وتعافى بس تعلمت شى واحد وودي اصوله لاخوي الرجل ترى نقدر نخون ونسوي محادثات ومقابلات واقل شى نخون بمشاعرنا مو شرط لقاء ونعمل بصمات والمراة اذا خانت تخون بمشاعرها >>>> كيدهن عظيم وكيفك ايها الرجل انك تعيش مع امراة قلبها مو لك واحساسها المرهف ملكه غيرك تدري ليش لانك كما تدين تدان ولانه قلبك مو من حقك تعطيه حق بنات الهوى ولانه زوجتك احق الناس بانك تقولها كلام حلو مو لمن تصير مع العشيقة المحرمة تصير شاعر المليون وجنتل مان وفي البيت الوجه العبوس وكثر شخيرك المزعج ورسمي وكان زوجتك خلقت بس عشان تغسل وتكنس وتلبي لك طلبات بارك الله فيكم نحن كرمنا الله ورفع قدرنا الاسلام نحن امهات وزوجات ومربيات اجيال اخر القصة اني سامحته..ولكن مات بداخلي انسان نصيحتي لك ايها الرجل المراة تقدر تسامح بس للاسف ماتنسى خيانتك ويمكن ترجع لك بدون قلب ومجردة من المشاعر لانك كسرت بداخلها حاجز الخوف ولانك سمحت لها تحس ان هناك ساقطة شاركتها بحب زوجها تحياتي لكم افراد المنتدى التوقيع: انا ماوقع الا على شيكات:) |
طيب ليش تسألينه كل يوم هل وهل وهل ،،وتتعبين نفسك
ليش ماتدعين له بالهدايه ،،،وتدعين الله يحميه ويبعده من بنات الحرام ،، وتذكرينه بأمور الدين ،،،، الخيانه صعبه على كل زوجه يخونها زوجها ،،،،،بس لها النصيب في سبب خيانته لها ،،، الله يجبر قلبك بالصبر ،،وتقبلي مروري بصدر رحب ،، |
اقتباس:
لقيتي له عذر لا مبرر للخيانة حتى لو كانت الزوجة مقصرة بكل الامور في شى يسمونه حلال يتزوج بما برضي االله كل اعذار الخيانة ترد بوجه الخاين لان الشى هذا يتعلق بتعدي حدود الله سالفة هل هل ماجت من الباب للطاقة ياعزيزتي كل وحدة فينا اذا حبت بصدق تقدر تعرف هل زوجها يحبها ووفي لها ولا لا ماهو علم غيب بس قوة الاحساس تدرين ليه لان الحب وهبني اياه خالقي بالتالي اذا حبيتي تقدري تحسين بكل شى سلبي كان ام ايجابي تقبليني انا كذالك بصدر رحب |
ابنتي الكريمة :
نعلم قدر الجرح بحجم الضجيج الصادر من المجروح وهناك جروح يرتفع الصوت منها حتى ينبح الصوت ويبقى الأنين ثم ينقطع الأنين ثم يكون الصمت فيظن الناسي أن هذا الإنسان لا جرح أصابه. الخيانة جرح وشرخ عميق في القلب ويتعمق الشرخ والجرح بقدر ظننا المعاكس فيمن صدرت منه الخيانة فبقدر الحب والثقة بأنه لن يخون يكون عمق الخيانة أعمق الخيانة هي جرأة على الله في انتهاك محارمة الخيانة هي ظلم من الخائن لنفسه قبل ظلمه لغيره الخيانة تزرع بذور الغبن والقهر والغضب في القلوب فلا تجد بذور التسامح لها مكان ولكن وبعد كل هذه الجروح والتمزقات تبقى قلوب مرتبطة بالله وتضحك من تصرف الخائن فتكتفي بالدعاء له بالهداية وأنه إنما جرح نفسه بنفسه وزاد المجروح درجات في الجنة مخصصة للصابرين . أسأل الله العلي القدير أن يفتح بينكما بخير وأن يهدي الجميع لما يحب ويرضى. |
الله يجبر كسرك وخاطرك ويهدي ويصلح زوجك
الخيانة مؤلمة وقبل تكون بين شخصين فهي خيانة مع حدود الله أيضا |
عزيزتي.. الخيانة أكيد شي مؤلم.. وأنا حاسة فيكِ.. الله يصبرك والوقت كفيل انه يخفف جراحك صدقيني.. وإن شاء الله تكون نزوة وعدت.. ايش كانت ردة فعل زوجك بعد كدا؟ هل صارحتيه واتسامح منك أو عبرلك بطريقة انه متأسف..؟ مو شرط بالكلام.. أحياناً .. هذه المواقف والمشاكل تكون بداية لرابطة قوية بينكم.. بس لازم تتكلمي معاه.. وتحطي حدود للموضوع.. الله يهدي سركم ويجمعكم على خير إن شاء الله.. |
الله يعينك يااارب بس نصيحه مني
لاتساالينه عن شي ابدددددد وبيني له انك بديتي تثقين فيه صدقيني بيستحي من حاله وبيتغير الله يكووون بعووون كل زوجه مرت بنفس التجربه وصدقيني مارد الطير الالعشه يرووووووح ويرررررجع ابد ماالهم غنى ... تقبلي مروري ........ |
كلامك واقعى وفعلا من قلبك الله يصلح حالك محد يلومك
|
اقتباس:
مأقولك إني أدور له على عذر ،،أكيد غلطان ميه بالميه بخيانته لله ثم لك ،، قلت الكلام هاذا من واقع تجربه ،،إن الزوجه لها دور ،،، بس ليه الرجل مايتزوج بالحلال ،،،، وهو محلل له أربع مو وحده ،،،لأنه يخاف ومو قد المسؤوليه ،،فيبي شي يسد حاجته ،،من بعيد فيقدم على الخيانه ،،،،<<مايتحمل مسؤولية الي يكلمها ،، الإحساس الي عندك يسمى الحاسه السادسه ،،هههه تعرفين الواحد حتى من حركاتت عيونه،، البعض ماتحب زوجها وتعرف أدق تصرفاته وإحساسه إتجاها ،،يمكن العشره لها دوور ،،، للأسف انا مثلك أحس فيه بكل شي سواء إيجابي ولا سلبي ،، سواء لزوجي ولا غيره <<وأتمنى أنه موب عندي ، على كل حال فرصه سعيده يأختي ،،ومالنا غير الصبر ،، |
اقتباس:
تدرين على قد ماهالاحساس مؤلم انك تحسين بكل من حولك على قد ماهو يخدمك بامور كثيرة حتى مع صديقاتك ومن حولك احيانا الوحدة مننا تتمنى تعيش الدنيا بعباطة ولا تهتم بشى بس في الاخير كلن منا نحترم نقطة ذكائه زوجي احس بكل همساته وسكناته صدقيني احس بكل شىء حتى اذا صار سعيد ومبتسم اعرف ان ابسامته ماجت عبث واني مو انا سببها رغم اني حاولت اشعله اصابعي واحرق نفسي عشان انور طريقه وماني ندمانة على ماقدمت له لاني تركت له بصمة ومتاكدة انه لايمكن يحصل ماقدمته عند غيري وحتى وان حصلل بيبقى مجرد شى عابر كسرني بعنف وحطم الخوف الي كان بداخلي وانسكر حاجزه وقررت اعطي فرصة اخيرة لتمشي مركبي وترسى على بر الامان اشكرك حبوبة واشكر كل من رد وشارك فهي كانت فضفضة من قلب مجروح وتعافى باذن الله |
ياريت يا اختي توضحي شلون قدرت تسامحيه؟ يعني شلون قلبك بدأ يتعافى بعد الجرح؟ يمكن الاخوات يستفيدوا من تجربتك في علاج هذا الجرح المؤلم.
واتمنى لك دوام التوفيق. |
اخ نفسي كل الخونة يقرئوا كلامك يمكن الضمير عندهم يصحا شوي ولو اني اشك انه عندهم ضمير << وحدة ملدوغة ههههه
|
اقتباس:
الله يعوضك خيراً.. دنيا اخره .. ** استوقفتني جملتك هاذي .. واعذريني... ** وهل فعلاً تقصدينها .. وتمثل حياتك السابقه مع زوجك ؟!! هو مثل غبي مدمر للنفس البشريه .. فالسعاده لابد أن تنبع وتفيض من داخلنا ثم نغدق بها على الاخرين .. اما أن نحترق من اجل إسعاد الاخرين .. وننسى حق انفسنا ؛؛ فهذه كااارثه فكل شئ لابد أن يكون بمقدااار .. |
الخيانة جرح كبير يمزق قلب
وصاحب الخيانه لايحس انه يعذب غيره لانه يعيش في سعادة شيطانية واذا تاب يبقى قلب من خان به شروخ اعانك الله وثبتك وسخر الله قلب من احوجك اليه |
[QUOTE=أعشق اسمك;2711353]ياريت يا اختي توضحي شلون قدرت تسامحيه؟ يعني شلون قلبك بدأ يتعافى بعد الجرح؟ يمكن الاخوات يستفيدوا من تجربتك في علاج هذا الجرح المؤلم.
واتمنى لك دوام التوفيق.[/Q شى بسيط حبيبتي استعنت بالله والله نزل جبل ثلج بصدري برد لهيب الحريق الي بداخلي ثم سافرت وابتعدت عنه فترة ركزت بشى واحد الي هو الانفصال حاولت اعيد الذكريات وعزت علي نفسي لاني كنت مغفلة وقت ما الوم نفسي ليش اشك فيه وبدا ظلمي لنفسي علي يكبر وبعد ماطلعت بنتيجة الانفصال رجعت له اعتذر وبدا يعطي مبررات وطبعا مبرراته ترد بوجهه لكني قررت ان اكون انا الاقوى واعطي اخر فرصة واستعنت بالله في فرق ان الانسان يسامح وهو في حالة ضعف وانكسار ومجبور عشان الصلح لكن حالتي انا كنت احس اني في قمة الانتصار واني قدرت اوصل لقرار هو مقنع ولاول بحياتي مرة استوعبه ماهي شطارة مني لكن هو حاجز الخوف انسكر بداخلي وتوقعت كل شى سلبي في وقت واحد واصبحت اشوف ان الانفصال سهل جدا علي وانه هو الحل الانسب طبعا تفكيري بالانفصال ماجا من اول غلطة هي تراكمات كثيرة وكثير اغلاط بس بكل مرة كنت اهاب الانفصال واحس ان الحياة صعبة تستمر بدونه وحقيقة الامر ان الحياة مستمرة بكل الاحوال ولاربما ان فارقك احد يعطي مجال لغيره والخيرة في ماختاره الله بسطت كل الامور وقتها وحطيت كل التوقعات امام عيني والضربة الي تطيحك هي نفسها ترجع تقويك بعالعكس الي صدر منه خلاني احترم واحب نفسي اكثر ولا افكر الا بسعادة نفسي اولا ثم الاخرين الحياة مدرسة وكل يوم نتلقى دروس ونتعلم يعني انا كانت عندي فوبيا من الخيانة والي صار ان الفوبيا تحققت وش بقى اخاف منه اذا كان هذا اكبر همي؟؟ |
اقتباس:
|
اقتباس:
يمكن يصحى اذا شافك تتعذبين باحلامك يعني انا صارلي تقريبا من اول ماتزوجت ابو الشباب وانا احلمه يخوني واصحى من احلامي الله يعلم بحالي صح انها تبقى مجرد حلوم بس لها اثر على نفسيتك وخاصا لمن يصوره لك الشيطان بمواقف مخلة للشرف وقد تكون اشارة من الله لاني لا اخفيك ادعي بكل صلواتي ان الله يوريني الحق حق ويرزقني اتباعه ويوريني الباطل باطلا ويرزقني اجتنابه ترى ربك يستجيب فضفضتي ماهي مركزة على النقاش على قد ماهي رسالة مني لكل رجل يخون اهله |
اقتباس:
جزاك الله خير على دعائك ولك بالمثل |
| الساعة الآن 07:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©