فضفضة قلب مجروح - منتدى عالم الأسرة والمجتمع

28-10-2011, 10:50 PM

عضو جديد

تاريخ التسجيل: Jun 2011

المشاركات: 27

فضفضة قلب مجروح

انكسر حاجز الخوف وانكشف المستور
ورائيت خيانته بام عيني
انجرحت ومزق قلبي بخنجر مصدي
كان عندي احساس بخيانته لي
كنت احلفه باليوم اقل شى ثلاث مرات
هل يافلان تخوني؟
هل تسوي شى يغضب الله؟
تراني احلم واشوفك باحلامي
يكون الرد
انتي مجنونة
موسوسة
تتوهمين
هذا الشيطان يبي يفرقنا
الخ...
احيانا اصدق بس ايماني باحساسي كان اقوى
وكذالك دعائي بكل صواتي ان الله يفضحه لي ويبين لي الحقيقة
ترى الله يستجيب
ولا احدكم من الرجال يقول ترى اقدر اكلم واسوي علاقات وزوجتي ماتجيب خبر
والله ربك مايرضى لاحد يعيش بدار غفلون (يعني مغفل))
وقت الصدمة لم اتمالك نفسي
انكر الشى وقال عشان كذا مصحيتني !! ((قمة الوقاحة))
قلت من الي تكلمها على المسن بهالاسلوب تعدى حدوده لردجة قلت يمكن تزوج علي
بعد ماشاف ان الامور وصلت للحضيض
اعترف وقال مجرد طيش !!
وجات بوقتها وراحت
الغريب من هذا تدرون وشو
يقول طال عمره انه كان يبي يتزوجها بعد صارت مشكلة بينيي وبينه ورحت لبيت اهلي
يعني بالعربي الرجل ماعنده مشكلة بيطلق من هنا ويتزوج من هنا
وموتي قهر يالي ربيتي وحنيتي وطبطبتي وتحملتي وصبرتي

يلا ماعلينا
كانت مجرد فضفضة من قلب مجروح وتعافى

بس تعلمت شى واحد
وودي اصوله لاخوي الرجل
ترى نقدر نخون
ونسوي محادثات
ومقابلات
واقل شى نخون بمشاعرنا
مو شرط لقاء ونعمل بصمات
والمراة اذا خانت تخون بمشاعرها >>>> كيدهن عظيم
وكيفك ايها الرجل انك تعيش مع امراة قلبها مو لك
واحساسها المرهف ملكه غيرك
تدري ليش
لانك كما تدين تدان
ولانه قلبك مو من حقك تعطيه حق بنات الهوى
ولانه زوجتك احق الناس بانك تقولها كلام حلو
مو لمن تصير مع العشيقة المحرمة تصير شاعر المليون
وجنتل مان
وفي البيت الوجه العبوس وكثر شخيرك المزعج

ورسمي وكان زوجتك خلقت بس عشان تغسل وتكنس وتلبي لك طلبات

بارك الله فيكم نحن كرمنا الله ورفع قدرنا الاسلام
نحن امهات وزوجات ومربيات اجيال

اخر القصة اني سامحته..ولكن مات بداخلي انسان

نصيحتي لك ايها الرجل المراة تقدر تسامح بس للاسف ماتنسى خيانتك ويمكن ترجع لك بدون قلب ومجردة من المشاعر
لانك كسرت بداخلها حاجز الخوف
ولانك سمحت لها تحس ان هناك ساقطة شاركتها بحب زوجها

تحياتي لكم افراد المنتدى
التوقيع:
انا ماوقع الا على شيكات

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 05:27 PM.

روابط سريعه