|
تعبت من زوجي وعلاقاته المحرمه ..
بسم الله الرحمن الرحيم
السلام عليكم : راح ابتدي مشكلتي الي اتعب قلبي انا متزوجه عمري 21 سنه خذت 11 شهر من تزوجت فقط وحامل بشهري السابع مشكلتي اهي كانت من ايام الخطوبه زوجي شارك بمنتى وهذا المنتدى كان اغلبه بنات انا رفضت انه يبغى بالمنتدى لكن اهو اصر وعدت الايام وتزوجنا لمن تزوجنا مضى شهر ونص ع زواجنا ولاحظت جواله كل يتصل عليه رقم ومايرد المهم اخذت جواله واكتشفت رسايل واتصالات بينه وبين هذا الرقم واجهته بهاذي الخيانه جلس يبرر انها علاقه قبل الملكه وانه مايحبها وانه مستعد عشاني يسوي اي شي وقالي بقطع علاقتي ابها المهم اهي ترسل رسايل مرات لين رسلت يوم انها انخطبت كلمتها انا وقلت لها اطلعي من حياتي وفعلا البنت من يومها اختفت بعد ماخذنا من زواجنا 8 شهور اكتشفت انه يسولف مع بنت ع الوات ساب وواجهته ووصلت فيه مد يده علي وانا حامل وبعدها ضمني وقالي انها اخر مره وماعرف ايش والمصيبه الكبرى قبل شهر بالضبط اكتشفت انه يكلم وحده ف المسن ويكلمها من ايام خطوبتنا وبينهم حب ووصلت فيها الجرئه تشغل له الكام وتعطيه صورها وطبعا علاقتهم يمكن خذت سنه وشوي اذا مواكثر واهو مقرر يتزوجها من كلامه معها ف المسن وطلب منها تكلم اخوها عنه انه بيتقدم لها ااه تخيلوو اهي اكبر منه ووانا صغيره واحلى منها وهم اهي ماتدرس وانا ادرس تمريض ووظيفتي مضمونه باذن الله وربي اني ماامدح بنفسي بس وربي اني قنوعه مااتشرط ودايما اكشخ له وقايمه فيه واحبه حيل ويكفي اني حامل يعني ام عياله طبعا بعد مااكتشفت هالسالفه واجهته قالي انا ابغاك انتي واهي بس اذا انتي موراضيه راح اتخلى عنها انا رفضت هالكلام وقلت له بروح بيت اهلي رحت بيت اهلي وجلس اخوي يحاول معاه انه يجي عشان يتفاهم معه الي اهو زوجي لكن زوجي رفض وقال ابغى اتفاهم معها اهي المهم جا وتفاهم معي وكذب علي بالكلام قالي انه تركها وقالي اخذي الايميل وحذفيه وحذفته وقالي هذا البسبورد غيريه تخيلو عطاني البسبورد حق الايميل اخش منه ثاني يوم مايخش قلت له انت غيرت البسبورد قال موانا وانا ماخشيت وانا حلفت لك وانتي شكاكه ومريضه وانا اصلا لو ظليتي كذا بتزوج بتزوج ااااااه تخيلو لمن اتذكر الكلام الي ف المسن بينهم يعورني قلبي كاتب لها انه قلبه مال لها اهي وحبها اهي ااه القهر انها تدري انه متزوج واني حامل ومع كذا متواصله معاه ااه بس المهم اهو حاليا يقولي مايكلمها وكل حركاته واضحه انه يكلمها تخيلو اذا جينا ننام يقولي نامي وياخذ جواله ويحط البطانيه ع وجهه عشان جالس يسولف معها المسن انا تعبت منه اهو ماخذني عن حب وكان طاير فيني ووقف قدام اهله عشاني والحين تخلى عني واهله صار يموتون فيني وش اسوي انا قررت اني بعد ما اولد اطلب الطلاق لاني خلاص ماقدر اعيش مع شخص قلبه وعقله مع غيري ساعدوني تعبانه بالحيل |
حبيبتي.. اكثري من الدعا وقيام الليل ترا الله يمهل ولا يهمل.. الله يثبتك.. |
والله دخلت ع الموضوع مرتين بس ما عرفت ايش اقول لك بس ذكريه ان هذا حرام وقولي له في يوم حساب اعمل حسابك من هذه الصداقات لان نهايتها مو زينة ....... ربي يحنن قلبه عليك ويحس بذنبه وتولدين بالسلامه وخلي بالك من نفسك ترا هذا حمل
|
وربي اني كل ادعي وربي بس تعبت كل ماشوف حركاته اموت
طبعا اهو عرفها من المنتدى واهو ترك المنتدى من خمس شهور بس اهي لين اليوم متواصله ورددوها واضح انه لين اليوم يتواصل معها |
اختي وش اقولك اهو موجاي يحس اصلا بالندم خلاص عقله وقلبه معها وربي لدرجه انه يقولها زوجتي نشبه طفشتني اااااه وربي اتمنى الموت ولا اعيش هالحياه اهو كل حاط ف باله اني انا شكاكه ومفروض مافتش اغراضه ومفروض اصير مثل مايبغى تعبت
|
حصه حبيبتي انا ماعرف اهي تتواصل معه ع الجوال ولا بس مره خذت رقم كل يدق عليه كل مادق ع هالرقم مايرد
وشكلها رقمها ماترد ع ارقام غريبه وعندي ايميلها ضفتها ماقبلت اضافاتي تعبت ما قدر اوصل لها وصلت وربي فيني اني ابغى اعرف اي احد يهكر ايميلها وجهازها بكبره وربي من القهر |
اصلا ماتوقع ينفع معها كلام اهي تبغى زوج تخيلي انها كانت قبل تكلم زوجي كانت تكلم صديقه الي اهو صاحب المنتدى وقبل كذا تكلم واحد وزوجي يدري ويبغاها زوجه اااااااه وش اقول لكم ف قلبي غصه
|
[QUOTE=القلب المطعون;2781335]اختي وش اقولك اهو موجاي يحس اصلا بالندم خلاص عقله وقلبه معها وربي لدرجه انه يقولها زوجتي نشبه طفشتني اااااه وربي اتمنى الموت ولا اعيش هالحياه اهو كل حاط ف باله اني انا شكاكه ومفروض مافتش اغراضه ومفروض اصير مثل مايبغى تعبت[/QUOT
افتحي مكالماته مع هذي البنت وحطيه امام الامر الواقع وقولي له :(:(:( كذا كمان شكاكه وشوفي رده فعله |
اقتباس:
انا بعطيج الحل عزيزتي وسمعيني لاخر ولاتترددين بتطبيقه وقسمن بربي بيتادب .. شلي لاب توبه .. + تلفوناته + واير ليس النت وبس.. طبقي اللي بقولج عليه وقسمن بربي بيتادب شوي وبيحس على دمه .. مسكي مطرقه شاكوش .. واكسري لاب توبه بالمطرقه واكسري تلفوناته واكسريه النت بكبره خليه يحس انج انسانه عندها مشاعر خليه يحس انج حامل وموب محتاجه تفكرين وتعيشين بغيره لانه هالشي بياثر على البيبي موب من مصلحتج ابدن .. اكسري لابتوباته وتلفوناته حتى لو اشترى غيرهم واكتشتفي انه يالس على النت اكسريهم وقوليله لو تزوجت .. مابتلوم الا نفسها .. |
ااااه كم مره واجهته بس اهو حاط ف باله اني شكاكه ومريضه بالشك ههههه
ااه ياحصه وربي انك ضحكتيني وش اكسر وش اخلي كسرت جواله الي قبل ومافاد شي اقولك اهو الحين يقولي اذا ماصرتي حرمه طبيعيه بتزوج عليك تخيلي انا الي يهددني قلت له اذا بتتزوج علي طلقني وبنتي عندي قالي تهددين وبنتك موب عندك تخيلي يقولي مراح اتزوج ومراح اخونك وانا متاكده انه ليومك يخوني ويكلمها وماستغرب بيوم يجي يقولي تراني تزوجت يقولي مجرد ماشوفك تفتشي بجهازي ولا تسوين حركاتك وربي متزوج متزوج ااااه واهي وربي وربي متاكده مراح تسوي له نص الي سويت له بنات ماكان كذا كان يموت فيني يحبني حب مو طبيعي تخيلو انا قبلت ابه زوج وراتبه 2 ونص والحين لمن راتبه صار 6 صار بيتزوج علي تنازلت عن شغلات كثيره عشانه وبعد كل تضحياتي كافئني بخيانه هههه |
اقتباس:
ماماتي فديت روحج انا لو منج مابنزل مستواي لهالاشكال ابدن ولابرخص بعمري وروحي قولي لزوجج انا ماراح انزل مستواي .. يراون صورهن شباب في النت انا اكبر من كل هالخرابيط اللي انت تسويها .. حياتي لو نزلتي لمستواها بتقول انج ميته قهر .. انتي اكبر بوايد توصخين لسانج معاها لانه الغلط في زوجج هو المفروض يادبها ويقطعها.. بس في النهايه انتي موب مستفيده شي اذا طلع رقمها المشكله زوجج خذي تلفونه واتصلي بالرقم من غير لايحس اذا ردت يعني مستمر معاها وساعتها اتخذي موقف خلي يقرر بقرار نهائي .. ويختار بينج وبين ولده وفرحته الاولى والا بين هالبنت |
اقولك نفضت جواله مافيه شي ومافيه رقم غريب الحين هذاك الرقم ششفته من شهرين بس الحين جواله مافي رقم غريب وكل اتصالاته لي اهو يتواصل معها ع المسن واهي ماتقبل اضافات شسوي بهالحاله انا اشوفها بالمنتدى بس وش باليد اهو قلت له نكار بدون دليل قدام عينه مايصدق ويتبلاني ااه وربي جعل حوبتي ماتعداها
|
اقتباس:
مع كلام حصه ,,لاتخلين وحدة ماتخاف الله تأخذ زوجك وتخرب بيتك حسبي الله على كل وحدة ماتخاف الله ,,لاتسكتين له ترا مايعيش بالزمن إلا القوي :29: والرجال الي مايخافون من الله يخافون من الحريم القويات ..نكدي عليه حياته خليه يتأدب .. اهلك واهله خليهم يعرفون بخيانته .. أنا ماابي اقول كلام المعتاد اصبري مدري وشوه ,,لو حرمه سوت كذا اتحدى زوجها يصبر والله يكرهها وعلى بيت اهلها ,لمتى الظلم ماانتي مجبورة تعيشين مع خاين .. |
انا احس خلاص ماف حل غير الطلاق الغلط منه لو بيصلحه بيصلحه اهو بس وجعل حوبتي ماتعداهم يارب
|
بنات وربي شقول لكم انا قدمت له الكثير واهو وربي اخلاقه عاليه وحنون علي ويدلعني واحبه بس عيبه هالبنات وهالبنت بزياده يبغاها اااه تخيلو اهي من نفس المنطقه الي احنا منها وعمرها بالثلاثين وفوق هذا ابوها متوفي يعني اخوها اتوقع بيزوجها ع طول اااه وربي ماهقيته يطعني كذا انا تعبت وانا اتكلم معاه واتفاهم قلبي تعب بس قررت اني مجرد ماعرف بزواجه او خيانه بشكل واضح بطلب طلاقي وانتظر بس اولد عشان اصير اقوى وقتها
|
اقتباس:
حصه البنت حاااااااامل يعني لو كانت ردة فعله هي الضرب بعدين ايش راح تستفيد . |
حاليا ياحصه الوضع هادي وماف مشاكل واهو يقولي انه مايكلم ومايخش قدامي المسن بس لمن ننام اشوفه يحط البطانيه ع راسه ولمن اكون نايمه يصحى وياخذ جواله جمبه لمن قلت له مابغى جوالك جمبك قالي شدعوى بتحصريني بعد جوالي وابغاه جمبي قدامي مايخش نهائيا يجلس معي ويضحك ويسولف ونطلع وكل هذا بس من لاب توبه مايخش نهائيا الايميل بس عندي احساس يخشه من جواله
|
وطبعا للمعلوميه تراه مو كل اسبوع جمبي بحكم عمله يعني ثلاث ايام عندي واربع ايام ف العمل وهناك يكلمها عدل يسهر معها سوالف لين الفجر وانا ههههه يكلمني ويقولي برب ومايرجع ههه
|
اقتباس:
حبيبتي خليج سياسيه ومرنه لاتتامرين عليه يعني لو جفتي ماسك موبايله / جواله سوي روحج تحضنينه فديتك انا ياقلبوا انته حياتي كلها قوليله فديتك حبيبي اموت فيك ان شالله البيبي يشبهك بالملامح ويشبهني بالذرابه ياعمري انته يعني حاولي تشغلينه موب تتاففين وتنهرينه تففديه وبوسيه وحضنيه حياتي اشتقتلك وانت معاي عشان ينشغل وجواله فريه بعيد:21: خليج سياسيه عاااد :22: |
هههه فكره بس همن لمن اكون نايمه ياخذ جواله يعني مثلا قبل ننام جواله كان بعيد عنه اصحى اشوفه جمبه وغير كذا انا ادرس مرات كثيره ينزل الثلوث انا الصباح مداومه وكليتي بعيده عن شقتي وبحكم انها بعيده عن شقتي وقريبه لبيت اهلي لمن ارجع من الكليه اروح بيت اهلي وانتظره يجيني بيت اهلي اهو هالوقت يستغله يسولف معها الصباح وانا يجيني المغرب او العصر واهي تعرفين ماعندها لا شغله ولا مشغله فاضيه ع طول وتكلمه
|
اقتباس:
آآآآآآآآآآآآآآآآآآآآآه انقهرت والله منها سامحيني الغاليه خلصن حلولي |
عارفه حبيبتي موعشان كذا انا يئست وشفت الطلاق انسب حل لاني حاولت وتعبت
مشكوره يقلبي كلامك ريحني الله موجود والله ع الظالم |
ما قدرتي على زوجك بتحطين حرتك بالبنت
ليش زوجك بزر عمره عشر سنين ينضحك عليه ؟!!! كل ما قالت له وحده تعال راح وراها مخدر ... لا حول ولا قوة له ... و بعدين لو رجعنا للشرع و حكمنا العقل و الضمير زوجك من حقه يتزوج بدل هالعلاقة الحرام ليش يحد نفسه على شي محرم و يحرم على نفسه الحلال اللي ربي شرعه لعبادة !! و البنت بعد من حقها العفاف و الستر و الزواج ليش تسوي بنفسها كذا !! لو أنا مكانها قلت لزوجك تبغاني بالحلال حياك الله لكن كذا لا ... و لو كان فعلا شاريها وله رغبة فيها يتزوجها ... و انتي مو مقصر معك و يعدل بينكم هذا الحل الاسلامي الصحيح اللي لو انتهجوه كل اصحاب العلاقات المحرمه أغناهم عن الحرام و حقق العفة و الطهارة للرجل و البنت لو كان هذا خراب للبيوت كان ما حلله ربنا ، الخراب للأسف الخيانات المحرمة و تحريم ما احل الله ... ادعي ربك يكون زوجك راغبها فعلا و يتزوجها مو علاقة حرام لان لو علاقة حرام وهو يضحك عليها معناته يضحك علي الف وحده غيرها و ممكن يجيبلك مرض لا قدر الله و بعد معناه انه زوج غير صالح ... ادري بتعصبين علي و ما راح يعجبك كلامي لكن شي أهون من شي و الغيرة ارحم من المرض و الزنا و الحرام .. و لو متزوجها كان عرفتي هو وين و مع مين افضل من حياة الشك و التفتيش و فرد العضلات علي بعض و حده تشاركك افضل من عشرة يشاركونك بالحرام .. و الله يسخر لك زوجك و يهديكم ... |
أنا اللي عصبت من كلامج اختي اللي فوق ابصراحه موب راعيه الموضوع عصبت
كلامج موب منطق ولاحل هاي خرابه بيوووت فيه احد يبني سعادته على تعاسه غيره شو تقولين يا بنت الحلال مايصير اذا ردينا للشرع وايد امور تغاضيتم عنها بالشرع ولااحد طبقها حبكت على الزواج استغفر الله العظيم |
مشكوره حبيبتي غزلان بس اهي معروفه الشخص لمن مايكون بنفس الموقف راح يقول كلام ولمن يصير فيه الموقف يتغير كلامه انا شوفي لو يبغى يتزوجها خل يتزوجها وانا يطلقني انا قدمت كل شي ومو مستعده اقدم اكثر وانا عارفه يقلبي مثل ماعرفها بيعرف غيرها مرات اقول خل يتزوجها وتعيش ماعشته لانه الم ماحد يعرفه وان شاءالله يارب الله مايحطك بهالموقف عشان ماتنصدمي الله لايذوقك من الكاس الي ذقته
|
الله يعينك ياغاليه,,وبخصوص كلامه عنك انك مريضة شك( هذا يسمونه أسقاط يسقط غلطه عليك عشان يبرر فعلته وياخذ راحته..
واكيد انتي افضل منها,,بس الشيطان يحلي بعينه الحرام... شوفي انا ماقدر أقولك عندي حل,,بس من اطلاعي على قصص شبيهه بقصتك,,يكون الحل أنك ماتتركينه لها,,وحاولي جاهده جذبه لك شوفي شخصيته اي نوع ببوصلة الشخصيات سوي بحث عنها,,وعلى أساسها تعاملي معه.. أنا ادري انه صعب ومنتهى الوجع انك تحاولي وأنتي عارفه انه مع غيرك..بس الله يعينك والحي بالدعاء له بالهدايه,,ولازمي الأستغفار.. على فكره حصه ضحكتيني من قلب.. |
اقتباس:
و كلامك عن البنت مهما كانت المفروض نقول الله يهديها و يستر عليها كل البنات بيتزوجون يعني نقولهم لا .. طيب وحده ربنا ما كتب لها الا متزوج نقول لها حرام تبنين سعادتك علي تعاسته غيرك ؟! طيب الله ما قال كذا ، الله قال اذا جاءكم من ترضون دينه وخلقه فزوجوة ( يعني سوا متزوج او اعزب ) و قال لرجال ( انكحوا ما طاب لكم من النساء مثني و ثلاث و رباع ) ان كان الرجل متدين و صاحب خلق و قادر ماديا و بدنيا يتزوج ليش نمنعه !! بتقولي غيره اقول لك كلنا نغار وانا اكثر وحده اغار على زوجي لدرجة الوسوسه خاصة أني احبه الى درجة العشق و أخاف بعد انه يتزوج .. لكن لو قدر الله علي هذا الامر و شفت انه افضل من الحرام و الطلاق و الحرمان منه مره وحده فاختار انه يتزوج و اصبر و اثق بالله ان هذا افضل لي ممكن يخف تعلقي فيه ^__^ و ارتاح نفسيا هذا شرع ربنا ياختي لا إحنا و لا أزواجنا شرعناه من عندنا و عسي ان تكرهوا شيئا و هو خير لكم ... صحيح الشرع فيه امور كثيرة نحن مقصرين فيها لكن مو معناه نحرم بعض الامور المشروعة عشان قصرنا بجانب ثاني مثال / واحد يصلي لكن ما يصوم ؟ هل نقول له خلاص أنا ما تصوم لا تصلي ؟!! او نقول له ما شا الله عليك تصلي و تخاف ربك بس لازم تصوم ... طبعا نحاول تكميل النقص لا هدم الكل .. يعني واحد محتاج يعدد لكنه مفرط ببعض الواجبات هل يحرم عليه التعدد ؟! على كذا راح يزني و تزيد ذنوبه شرط التعدد الوحيد هو العدل و القدرة المادية و البدنية سوا رضينا و لا ما رضينا شرع الله وحكمه هو الأصلح لحل مشاكلنا يا كثر الامور بحياتنا اللي مجبورين عليها لكن لان فيها مصلحتنا نتحملها و كذا شرع ربنا مو كل شي فيه يوافق هوانا ... فلازم نحقق معني العبودية لله بالتزام شرعه ، مو نكون عبيد لأهوانا و نخلي الشيطان يخرب بيوتنا ... و نروح نتخبط بعدها و ندور سعادتنا ....... و تأكدي انه حتي لو تزوجها هي بعد بتغار و تتمني لو انه لها وحدها فكلهم بالهوا سوا ^_^ يعني مو صح انها بنت سعادتها علي تعاسة غيرها فهذا نصيبها مثل ما هو نصيبك .... لكن لازم كل وحده تجاهد نفسها و تتحكم بقلبها اكثر و تتعلق بربها مو بزوجها و أقولك انت و صاحبة الموضوع أنا ربي ما رزقني بأطفال و تعبت بالعلاج لكن دون نتيجة و لو شفت زوجي بيتزوج عشان ربي يرزقه بابناء أبدا ما راح اعارض او امنعه من شي فيه راحته و سعادته خاصة أني احبه وانه صبر علي كثير و تعب معي ... و ربي يرزقني عاجلا ^-^ و يهدي زوج صاحبة الموضوع |
هديدها انو لما تركت زوجج بتنشرين صورها و فيديو مالها
اختي هل ادلك على حل سحري تقربي من الله وشيلي الموضوع من بالك اليوم وفي الثلث الاخير من الليل قولي يا رب أنا راح اخلي هالموضوع عليك انت تصرف لي وصدقيني مرده زوجك بيرجع لك لي متى يعني بيظل على هالحال ؟، |
مشكوره يقلبي غصه فراق وهذاني استخدم هذا الاسلوب والله يعين
وبالنسبه حق اخت غزلتيه ان وربي وربي انا قلتها واعيدها لك الي مالي رجله بالنار مش زي الي زي رجله بالماي انتي شفتي كيف زوجك وقف معك وماتخلى عنك واكيد لكم سنين لكن انا ماخذت سنه وكل تضحياتي له ماقدمت انا دايم اسمع الي يتزوج عليهم زوجهم يكونو كبار بس انا توني صغيره صغيره وماخذذت سنه وغير كذا حامل وش ناقصني من ناحيه الشكل تمام اخلاق تمام عيال الحمدلله حامل وش اكثر اتشرط يعلم ربي اني ماتشرط واني قنوعه لدرجه ماتتوقعينها حتى اني ادرس شي حلو وبكرا اتوظف واساعده ماديا لكن اهي وشعندها احسن مني انا صغيره اهي اكبر منه انا احلى انا زوجته ام عياله اهي لو انها فعلا مرغوبه كان ماتاخرت عن الزواج وجلست تدور عن زوج بالنت انا وربي كان ارضى بكلامك ف حاله وحده ف حاله اني فيني عيب او ف حاله انها احسن مني لكن ولاشي موجود شي يذبح انا ودي لمن يتخلى عني يتخلى عني عشان شي يسوى مو عشان وحدده نفسها وربي يا غزلان انتي تقولين هالكلام وربي لانك مش ف مكاني ولو انك مكاني وبظروفي اذا رضيتي واقتنعتي تعالي قولي لي |
بقول شئ ابراء للذمه ..
اتقوا الله في مفرداتكم لا ترمونهم وتسبون بنات ماعرفتي عنهن الا معرفه ظاهره لك ِ .. الكثير من الفتيات من هي ضحيه لرجال ازواااج .. |
صدقيني يا القلب المطعون الله يمهل ولا يهمل
الا ما تجيها حوبتك بس انتي احسني الظن بالله وهذا يا اختي بلاء اكثري من الاستغفار و الحي في الدعاء الحي الحي لا تعتمدين على افكارك ولا تعتمدين على مساعدة احد ولا على زوجك نفسه خلي اعتمادك على رب العالمين والله ياخذ حقك في الدنيا قبل الاخرة صديقني بينزل عليهم عقوبته هم الاثنين اكثري من الاستغفار انسي موضوع زوجك وعلقي قلبك بالله ترين العجب العجاب صديقيني |
مالي غير ربي واهو الي بيريحني
يسلمو حبيبتي فضيله اختي اعماق وربي احيانا من القهر الواحد يتلفظ من دون قصد ااااااه بنات ابغى بس شغله منكم اذكروني بدعواتكم وصلاتكم ربي يهديه ويبعدها عنه ادعو وربي وربي انه ع الي صار الا اني يوميا ادعي انه ربي يرزقها واحد يستر عليها ويتزوجها وتبعد عن حياتنا وربي حتى مادعيت عليها بموت ولا شي |
اقتباس:
و بقولك شي ثاني كلامك عيب وحرام و اعتراض على قدر الله يعني عشانها ما تزوجت و ربي ما كتب لها تقولي لو مرغوبة كان ما تاخرت بالزواج يعني انت مرغوبة ؟!! طيب دام انتي مرغوبة و تزوجتي بدري ليش زوجك راح لها ؟! اختي أنا ما ابغي استفزك أبدا لكن أبغاك تحاسبي علي كلامك لان كل شي يسجل علينا و ربنا بيحاسبنا و اللي كتب لك تتزوجي بدري هو اللي كتب لها تتاخر .... مو لانك احلي ولا اكثر مميزات وهي لا ... هذا جهل بحكمة ربنا وعدله و رحمته ..... ممكن بسبب كلامك الله يكتب لزوجك الزواج و يقولوا عنك لو مرغوبة و ما فيها عيب كان ما تزوج عليها .... فإذا هي ظلمتك انتي لا تظلميها لان الله مع المظلوم دائماً و يكون لعلمك أني توي متزوجه يادوب سنتين تقريبا و مو شرط يكون فيك نقص عشان زوجك يتزوج ... ربنا يهديك و يستر على المسلمات ... |
اختي غزلان وربي من جد قولي كلمه حلوه تراك تجرحي وتفرغي شغله ماهوب عدل عليك
وربي ترا كلامك كلام وحده ماجربت طعم الخيانه وانا تراني وربي ماا اعيبها انا وربي بس اقول الي داخلي افض فض ولا حتى الفضفضه صارت ممنوعه وش هالحياه ارحميني يا اختي قولي شي يريح ولا كلامك صدقيني مراح يزيدني الا ضيقه صدر وانا موناقصه انا عارفه انه الشرع محلل وعارفه بكل هالامور وتراني مابينت نفسي اني ملاك بس انا كا زوجه وضعي حلو ليه يخوني هنا السؤال وحبيبتي العيب موفيني العيب فيه اهو اهو الي معلق حياته بنات واسمحيلي اهي تعرف انه متزوج واني حامل ومع كذا تكلمه كل هذا مو خراب بيوت لا بناي بيوت حبيبتي الي يبغى الستر ومحافظ ع نفسه ياكثر الخطاطيب تروح تطلب ولا تظل صاينه نفسها ف بيت اهلها ليه اخرب بيت غيري وانا اسمحيلي تنرفزت منك لاني جالسه اتعاطى معاك بالكلام الطيب وانتي تجرحي لهنا وبس اختي انا موناقصه حسي فينني تراني حامل وتعبانه واذا بتقنعيني انه زواجه اهو الحل خل يتزوج انا بتطلق وبنته بتضيع كذا شرايك هذا الحل هذا المحافظه ع البيوت صح ها اخت غزلان رجاء من جد رجاء فكري لو للحظه انك ف مكاني وعيشي ناري وحسي بااحساسي بعدها كتبي كل كلمه تقولينها |
انا توني ماشفت شي بهالحياه توني ماخذت ف الحياه الزوجيه غير 11 شهر ودي نفس كل هالبشر اعيش مع زوجي وعيالي تحت سقف واحد وربي اكتب كلامي وانا منهار من البكي حسو فيني فهموني انا وربي لو اني حقوده كان وربي دعيت عليها ماا ادعي لها ااااه بس شقول صرنا ف عالم المظلوم غلطان
|
آسفة واعتبريني ما تكلمت ..
وكلامي مو قصد اذيه لكن تنبيه بس .. و مافيه احد عايش مرتاح منغصات الحياة لابد منها فريحي بالك .. وآسفة مرة ثانية ’’’’’’’’’’’’ |
رددي هذا الدغء في كل وقت وبعد التشهد (حسبنا الله سيؤتينا من فضله إن الى الله راغبون) ( لا اله الا انت سبحانك اني كنت من الظالمين)
وان شاء الله ربي يفرجها عليك قريبا...ويهدي زوجك لما فيه صلاح دينه ودنياه..توكلي علي الله أسأل الله أن ينير بصيرتك |
الله يفرج همك حبيبتي .. أنا عارفة الأحاسيس الي تعيشيها مو سهلة أبداً انتِ لازم تكوني قوية.. معليش اتحملي وادعي واتقربي إلى الله واستغفري.. لكن تحملك هذا مو على حساب اعصابك وصحتك.. فوراً تدخلي حكم من أهلك وحكم من أهله ((( هذا ديننا كدا يقول)) لاتخليه يخوفك ويهددك ..بالعكس انتِ شوفي فين نقاط ضعفه.. الي يسويه حرام.. يخون ويكذب ويمرضك.. فاهمين الدين غلط .. الله الهادي بس و على فكرة الي يبغى يتزوج يدخل من الباب.. مو عن طريق الماسنجر والواتس اب قوليله لو أنا اسوي زييك ايش حتكون ردة فعلك..! أنا مااعتقد انه حيتزوج .. هذا قاعد يلعب أغلب الي يتزوجو بهذه الطريقة سعادتهم وقتية.. ويعيشو في شك وعدم ثقة باقي الوقت.. حيجي يوم ويحس بغلطه واذا في كلام حابه تقوليه لزوجك في هذا الموضوع فكري فيه قبل واستخيري واختاري الكلمات المناسبة واتوقعي ايش حتكون ردة فعله عشان تردي عليه بكلام مقنع.. الله يسهلك امورك يا قلبي .. كل مشكلة ولها حل ان شاء الله .. . . |
الخيانه طعنه من الخلف
ماحد يرضاها ولاحد يستسيغها.. اختي زوجك يبدو صاحب علاقات من زمان ويمكن يعرف هالبنت قبلك لو كان بيتزوجها تزوجها قبل صدقيني لكنه ماخذها لعبه واضاعت وقت لاغير اغلبية الرجال اصحاب العلاقات وسخين ممكن يعلقون كم وحده لغرض التسليه فقط.. حبيبتي لاتعددين لنا مميزاتك عنها الرجل اذا خان مايخون لان ماعندك مميزات يخون لانه هو انسان منحط وسافل وخان ربه اللي عطاه كل نعمه قبل يخونك اذا زوجك كويس ادعي له ربي يعصمه من الفواحش ويكرهه بالمنكرات. |
ارجع واقول ( ما أقسى النساء على النساء)
باختصار لا تخلين زوجك لها.. اركي واصبري واحتويه غصب عنه.. هذا زوجك حلالك انتي وبس.. ومن حقك تحافظين عليه لك انتي تمتعي بالنفس الطويل لان نفسها في جذب زوجك عالي جداً لا تقارنين نفسك فيها لانك عفيفة استميليه نحوك يبدو انه انسان سمعي يحب الكلام المعسووووول |
| الساعة الآن 10:42 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©