|
كيف أفاتح إمرأة عجوز بأن لديها رائحه
السلام عليكم ورحمة الله وبركاته تبون الصج انا فيه وحدها متضاايقه منه فيه ريحة مو زينه
وانا مليت وابي افتحها فى الموضوع بس أخجل منها هي مره عوده يعنى جبيره بالعمر المشكة قاعده وياي والله يابنات ليعه جبدي من الريحة ابي اصارحه بطريقه حلوه بدون أجرح شعورها حتى الامكان اللي تقعد فيه هم فيه ريحه شينه ابي أحل المشكله بدون آذي شعورها والله رحت الصيد ليه وجبت شامبو وجبت مزيلات عرق ولا خليت شي بس حطتهم بشنطه حتى شريت فوطه تنشف فيها جسمها بس ماكو فايده احب اقولكم شي ترى انا مو جريها ذاك الزود |
رد : كيف أفاتح إمرأة عجوز بأن لديها رائحه
الله يعينك انا مريت بنفس موقفك وماتحملت
قولي لها الحمدلله انا اهتم بنفسي وخلقة ربي مايطلع مني شي واستخدم ك اشياء طبيعيه مثل الليمون امدحي نفسك عشان تتحمس بدون ماتقصدينها وان شاء الله تهتم بنفسها وتستحي اكيد انها تحس بنفسها بس مايهمها |
رد : كيف أفاتح إمرأة عجوز بأن لديها رائحه
ما اعرف ايش اقولك / لكن ملاحظه / كبار السن دائما المشكله عندهم التعب واكيد الحركه عندهم مو زي عند الشباب
.. يمكن تتكسل واحيانا تتالم من رجولها مثلا .. تعرفي كبار السن .. يعني لو فيه احد يساعدها .. انا اشوف هي ماعليها لوم .. وين بناتها واهلها .. المفروض يبوسوآ رجولهآ ويخدمونهآ ويطيبوهآ ويساعدونهآ تاخذ شور ايش المشكله .. |
رد : كيف أفاتح إمرأة عجوز بأن لديها رائحه
مانتبهت للعنوان انها كبيره في السن توقعت الحرمه مو كبيره
الله يعينها وين بناتها منها الله يكون في عونها |
رد : كيف أفاتح إمرأة عجوز بأن لديها رائحه
وانا اختك روحي للعطاره واشري لها بودرة جنسون وحطي معها شبه مطحونه واخلطيهم مع بعض واعطيها اياه وقولي لها انها بودرة جسم تبرد عليك عشان حرارة الجو ولا تحسين فيه قولي لها انك تستخدمينه وامك واخواتك بعد يستخدمونه قولي الكل يسالني عليه يمكن تتشجع وتقول مع الخيل يا شقراء او اذا عندها بنات عادي كلميهم بكل صراحه وقولي لهم انا ما ابي احد يتكلم في امكم وابي لها الخير واعطيهم البودره يحطون لامهم
|
رد : كيف أفاتح إمرأة عجوز بأن لديها رائحه
ياعزيزتي
كبار السن يشعرون بالتعب من ادنى عمل لذا يحتاجون احد يذكرهم او بالأحرى يساعدهم اقترح عليك ان تحتسبي الأجر وتعتبريها امك وقولي لها اش رايك ياخاله احني شعرك واستغليها فرصه لغسل شعرها وشجعيها هي تكمل غسل جسمها . وتكوني مجهزة ملابس جديده لها وطرحه وعطر . وبعدين وين بناتها اعرف بنات هم يحممون امهاتهم ويعطرونهم والأمهات مو مقعدات بس كبار وبدأوا يتعبوا من الحركة. الله يوفقك. |
رد : كيف أفاتح إمرأة عجوز بأن لديها رائحه
اقتباس:
بصراحه انا ما تحمل الريحه الشينه يحوشني صداع وفى نفس الوقت مابي اجرحه |
رد : كيف أفاتح إمرأة عجوز بأن لديها رائحه
اقتباس:
الله يكون فى العون صح هي مره جبيره ومتينه شوي اناا قلت له ابي ادش وياج الحمام وسبحج ويبلها وافقت بس الله لايوريك ٍم طلعت من الحمام احسها آخر مره فى حياتي يعني انا أسبحهامره ثاني انسى انسى الريحه شينه مره حتى بنتي قلت لها تدخل وياي هم بنتي تقول حرام عليج الريحه وااايد مو زينه ياربي أعني ولاتعن على لاحول ولاقوة الابالله |
رد : كيف أفاتح إمرأة عجوز بأن لديها رائحه
اقتباس:
بناتها كل وحدها لاهيه وياي ريلها يعنى صعبه يأخذون وحتى بيتهم مو مناسب لها يعنى أجار وشقه مو ساكنين قريب بعيد شوي عنا |
رد : كيف أفاتح إمرأة عجوز بأن لديها رائحه
اقتباس:
تحط العطورات بدون تسبح والله مادري وش اسوى احس انه وهقه قلت لوحده من بناته وقالت لا حرام عليج وش دخلج فيه مو فوق راسج قلت انا معلي منه بس راح تمرض وتمر ضنا وياه وسوت لي سالفه الله لايوريج وسكت والله اني لي جم سنه كاظم غيظا بس هالحين مقدر والله انا نفسيتي تعبت حييييل ومعاد اتحمل مثل قبل وجبدي تقلب حيييييل |
رد : كيف أفاتح إمرأة عجوز بأن لديها رائحه
اقتباس:
وهي بعد اشوفه تستحي حييييييل مني الله يعين أحس مشكلتي صعبه |
رد : كيف أفاتح إمرأة عجوز بأن لديها رائحه
حاولي تجيبي شغاله تساعدك وتتفرغ لها
.احتسبي الآجر هي كبيره بالسن وتتعب . |
رد : كيف أفاتح إمرأة عجوز بأن لديها رائحه
انتي حبيبة قلبي بتتعبي وهي بتخجل أول مرة بس لأن ثاني مرة مو لازم تنتظري الى أن يستفحل الوضع ... خاصة لو حاطة مزيل عرق ممكن تظل يومين أو حتى أسبوع على حسب الجو ...
تشجعي أول مرة وقوي عزيمتك بأن تتذكري الأجر وبأن تتذكري انه بعد هالمرة تكوني حليتي المشلة .. تقدري أول مرة تحطي فيكس تحت فتحة أنفك حتى تغلب ريحته على ريحة الجو حواليكي وقتها وأول ما تحطي الشامبو والصابون بتروح كل الريحة ..هي مسألة دقايق بس وما دام شعرتي أنها استحت فأنا متأكدة انه السبب هو عجزها وأتوقع هي كارهه هالشي فيها مسكينة .. الله يهديهم بناتها ويضاعف أجرك أضعاف مضاعفة .... سبحان الله ...يؤجر المرء رغم أنفه |
رد : كيف أفاتح إمرأة عجوز بأن لديها رائحه
اقتباس:
حتى مااتخليه تدخل وياها الحمام وتقول هذي وش مهنته هنا مالنا فيهاا حاجه وكل يوم تهوشها لمااايرتفع وياها السكر والظغط وتتعب وكل يوم وهي هواااش لما سفرناها عنها هي من النوع اللي تحاتي الفلوس وحريصه على عيالهاوااااايد |
رد : كيف أفاتح إمرأة عجوز بأن لديها رائحه
أم بدر الأعضاء ماقصروا اقترحوا عليج حلول
انتي ماتتحملين حمميهاا بنفسج..كل يومين وثلاثه..وماراح تعانين من الريحه بعدها وحاجز الخجل راح ينكسر أكيد بينكم.. اهتمي فيها وبنظافتها..ولج الأجر بإذن الله الريحة تطلع من عدم الاستحمام..وإذا حممتيها باستمرار فماراح تطلع منها أي ريحه |
رد : كيف أفاتح إمرأة عجوز بأن لديها رائحه
عليك بالشب فهو رااااااائع جدا لازالة العرق حتى أنه يمنع التعرق .. يباع الشب بودرة بعطر الياسمين رائحته زكية جدا ..
أطلبي منها أن تضع منه تحت ابطيها وفي صدرها (تحت ال....) .. يمكنك أيضا وضعه في قارورة عطر واخلطيه مع ماء الورد وترش به .. الشب جربناه كلنا في البيت والحمد لله حتى في أيام الحر لم نعد نعرق كثيرا وحتى العرق تكون رائحته برائحة الشب .. والله يعينك .. لاتنسي احتساب الأجر في كل ما تقومين به .. بالتوفيق |
رد : كيف أفاتح إمرأة عجوز بأن لديها رائحه
اقتباس:
احسهاا صعب على والله الاجراللي بهذا الشكل مابيه صعب تدخلين وياي شخص الحمام وتقعدين تقولبين فيه ساعه ولما تطلعين روحج تطلع وياج وشلون حليت المشكله يعنى لازم كل يوم اسبحهااا انا بس أخاف يحوشة مرض وبلش فيهاا كلشي اسويه اللي اسبحهاااا صععععب |
رد : كيف أفاتح إمرأة عجوز بأن لديها رائحه
اقتباس:
حرام عليكم حتى فيه اشياء ثانيه لازم اسويها مو اصب عليه مويه وخلاص والله مقدر ياربي احس راسي يبي ينفجر |
رد : كيف أفاتح إمرأة عجوز بأن لديها رائحه
اقتباس:
يعنى انا رحت فيهااااا اريحها سهله بس المشكله فى الحمام لانه متينه حييييل وأحس بكتمه |
رد : كيف أفاتح إمرأة عجوز بأن لديها رائحه
ام بدر
ربي يكتب لك الاجر اضعاف مضاعفه حبيبتي هذة المراة بحسبه امك ربي يعينك على مباراتهاااااااااااا ---كاني فهمت انها ساكنه معك مووووو------ المهم حبيبتي ان كان فيها مشكلة الريحة --من غير ريحة العرق -- اعرضيها على دكتورة نسائية هي كبيرة بالعمر صح بس مو معناته انها مو امراة يمكن يكون عندها التهابات المسكينة وتعبانه وتحتاج علاج اكسبي الاجر واعرضيها على الطبيب ومن ناحية الدخول للحمام معهاااااااا حاجز الخجل ...... انكسر من اول مرة والتعب بتتعودي عليه من مرة الثانية فلا تخافي وبعدين ان حممتيها كل يومين والثالث --بعد ما تاخذ علاج من الطبيب ان شاء الله بتخف الريحة جداااااااااااااااا وبعدين غسلي بس جسمها ودفي الحمام والحجرة باريها زي الطفل لك ثواب من الله عظيم الله يسامح بناتهاااااااااااا ....... وينهم عنهاااااا حتى لو كل وحده فيهم مشغوله بحياتها وعيالها يوم بالاسبوع لكل وحدة تكفي تهتم بامهااااااا--يعني يعملوا جدول بينهم في اعز من الام الله يسامحهم ويجبر خاطرهااااااا اكيد مستحيه من حالها ومكسورة القلب مسكينة واهتمي بتهويه حجرتهاااااااااااا وتبخيرهاااااا وكمان اطلبي منها تساعدك بالحمام يعني هي تغسل وتعمل لنفسها شوي شوي وانتي معهاااااااااا حتى ما تتحرج منك اكثر وكمان يخف عليك التعب وخليها تجلس على كرسي اثناء الاستحمام واهتمي فيهااااااا والله ما تعرفي كيف لك اجر من الله سبحان الله ساقك لها رحمه وعوضها فيك عن بناتها الله يسامحهم سبحان الله وربي ما ينسى عبده احتسبي الاجر حبيبتي |
رد : كيف أفاتح إمرأة عجوز بأن لديها رائحه
اقتباس:
واحيان تطول عندنا يعنى علي مزاجها ودينها الدكتوره والله لما فحصتها الدكتوره قالت مافيه شيء بس تحتاج نظافه من جوا يعني تبي احد يفركها بليفه وشامبو يعني ماتلحق نفسها هي بس تصب مويه وتطلع تبي احد يجلسها ويفرك الله يعين اللي يبي يفركها راح تطلع روحه ياختي محد يفهمني انا مقدر ادخل وياها والله مااااقدرعجزت حولت ترى الحجي سهل بس الفعل صعب والله صعب انا مستعده اسوي اي شيء اللي ادش وياها الحمام انا بناتي اذا غسلتهم وهم اصغار البس قفزات انا من النوع اللي نفسي خايسه حييييل يعني يمكن اقعد يوم مأكل وتخيل الريحه جدامي وغرفتها سيراميك يعنى نظيفه وانا شاريه العطر اللي كل ساعه يبخ يعنى من ناحيه النظافة زين الحمدالله المشكله فيهاا هي تبي احد يدش وياها الحمام ويفرك فيه حتى مااتعرف تنظف من داخل لو سمحتو قلت لكم دخول مااقدر والله ياناس ماااقدر افهم لو سمحتو ان الله لا يكلف نفس اا الاوسعاا ابي طريقه اقول له بدون أجرح شعورها جبت هديه عطورات وزادت المشكله كلكم ماقصرتو والله يعطيكم العافيه بس حلولكم صعبة شوي علي أنى ادش وياه تحلم ادش وياه نفسي قشره والله وترى النفس الشينه وراثه مو مني انا لاحول ولاقوة الابالله |
رد : كيف أفاتح إمرأة عجوز بأن لديها رائحه
إذا كان عن الاستحمام الكامل .. املئي البانيو بالماء والصابون وخليها تجلس فيه دقاقئق ثم افركي جسمها وهي داخل البانيو (الصابون راح يكون كثيف وراح يغطي على الكثير سواءا جسمها أو رائحتها) وبالتالي حتى تلك المنطقة تستطعين الوصول لها من دون احراج أو قرف ..
أما الحمام فعليك برشاشة الماء من بعيد لبعيد .. مايحتاج فرك إذا كان الماء قوي .. |
رد : كيف أفاتح إمرأة عجوز بأن لديها رائحه
طيب حطي لثمه اذا دخلتي معها الحمام
قريبه لطليقي ماشاء الله ام زوجها سوت عمليه وهي اللي تدخل معها الحمام وتغسلها الله يكتب لها الاجر حاولي تجيبين خادمه كبيره .تتحملها وانتي تراقبينها من بعيد |
رد : كيف أفاتح إمرأة عجوز بأن لديها رائحه
والله اني فاهمتك اكثر مما تتوقعين
والله عارفة ان الفعل صعب جداااااااااااااااااااا لكن اطمعي بالاجر وتذكر الاخرة لما تشفعل لك هالاعمال البسيطة وتكون سبب في نجاتك دنيا واخرة يا الله ما اعظمهاااااااا في بيت اهلي كانت تجي لنا امراة كبيرة بالسن والحمدلله الوضع نفسه الي عندك لكني ما كنت اشيل همهاااااا اهرب لغرفتي لان كنت صغيرة بالسن وفي من يقوم فيها عني الشغل كله يطيح على امي واختي ربي يكتب لهم الاجر وكمان ماكانت تجلس عندنا كثير يعني عارفة وحاسة بكل كلمة تقوليهااااا حبيبتي شوفي لها ممرضة تباريها عندك او حتى وحدة تشتغل في مشغل التجميل لهم قدرة على التحمل ويعرفوا كيف يتصرفوا في هذة المواقف وخليك معهم فوق راسهم باشريهم حتى يكون لك اجر معهم صج والله ممرضة او وحدة تشتغل في صالون تجميل مو الي تعمل مكياج وشعر لا الي تهتم بنظافة الجسم المدلكة وغيرهاااااا والله يكون في عونك |
رد : كيف أفاتح إمرأة عجوز بأن لديها رائحه
ام بدر الله يعينك .. انا اعرف ان الموضوع صعب انما التمسى ليها العذر .. ممكن تاخدى ملابسها اول باول تغسليها حتى ولو لم تكن متسخه .. كمان حاولى تهوى الشقه على قد ماتقدرى لان التكييف بياخد الرائحه وتثبتها داخله .. كمان تعالى على نفسك شويه وادخلى معاها الحمام وان كان الدش تليفون حايساعدك بسرعة التنظيف .. انا والدى لما كان بالمستشفى كانت الممرضه تدخل تحميه بالشامبو وخرطوم المياه .. عارف ان الموضوع صعب وانا لو منك مش حااعملها لكن تعالى على نفسك شويه وماتنسيش الحاجات دى بتقعد للواحد عند كبره .. اعانك الله |
رد : كيف أفاتح إمرأة عجوز بأن لديها رائحه
ام بدر ...
اذا كانت تعقل وبعافيه تجعلها ترتاد دورة المياه .. فضروري تفهم وتعي أن الاستحمام ينشط الدوره الدمويه ... ويقتل الجراثيم .. كناحيه طبيه ، وضروري ايضاً تتثقف من ناحية كيفية الوضوء الصحيح واهمية النظافه و الرائحه الزكيه عند الصلاة و غيرها من العبادات وان الملائكه تنفر من الانسان ذو الرائحه النتنه .. وفضل الغسل ..كناحيه شرعيه وايضاً .. عليك تهيئة دورة المياه لها كإمرأه كبيره وثقيله .. من كرسي وفرشه بلاستك لعدم انزلاقها وبانيو ارضي ،. ورف قريب لها يحوي الشامبوهات والمطهرات .. ورف اخر للفوط وملابسها .. يعني دعيها هي من تقوم بنفسها اذا استطاعت وكوني انت حواليها .. اعانك الله حبيبه لفعل الخير .. واثابك الثواب الحزيل .. |
رد : كيف أفاتح إمرأة عجوز بأن لديها رائحه
اقتباس:
صج فكره زينها بس للفسقان هي حرمه جبيره وعويجه ماتقدر تجلس فى ألبيانو يعنى تسوى وهي واقفه ريوله تعبانه حيل حتى تجلس على كرسي واكثر الوقات تفضل الوقوف اكثر تخيل متن وحتكاك في ريوله هي ماتقدر تجلس مثلنا يعنى يدوب تدبي انا مشكلة دخول الحمام وياها وقلت اكثر من مره اقول مشكلتي الفرك ودخول وياها فى الحمام مابي ادش ابي اقولها هي تسوي فى نفسها هي تنظف نفسها ابيه تعتمد على نفسهاا ولاحد يقول دش وياهاااا |
رد : كيف أفاتح إمرأة عجوز بأن لديها رائحه
اقتباس:
اطلعي دامج مسكره خشمج ومقرفتج اريحه صعبه حتى انا ماحب هالطريقه وهي بعد حساسه حييل |
رد : كيف أفاتح إمرأة عجوز بأن لديها رائحه
اقتباس:
.. لكن سبحان الله لو وعينا لهالشيء بنلاقي الحقيقه انه خير ربي ساقه لنا .. عارفه يوم الحساب .. الانسان المبتلى بعين واحده ( الاعور ) عارفه ايش يقول ؟ يقول ياليت عيوني الثنتين تعبانه وما اشوف منها بالدنيا .. لانه بيشوف بالاخره جزاء صبره على الابتلاء والتعب .. انتي الحين تقولي مايجيني الا المكسور وكان احد داعي علي .. لكن يمكن صبرك على الرائحه يكون سبب بدخولك الجنه .. خاصه ان الموضوع مره صعب عليك مثل ماذكرتي .. لا تضيعي اجر الي عملتيه بكلامك ذآ .. ادري مو قصدكك .. لكن ابغالك الخير .. ___________________________ شوفي خلاصة كل الكلام هنآ واحد من اثنين - يا انك تاخذي حل من الحلول ذي وتدخلي تغسليهآ .. تحطي لثام زي ماقالوآ او تعبي البانيو زي ما جا في الردود .. او الخ - او انكم تجيبوآ لها خادمه او فلبينيه شاطره وتقربوهآ منها مع الوقت بتحس ان هالخادمه بنتها .. والفلوس المفروض بناتهآ يدفعونهآ دام الدنيا عندهم تلاهي ! وطبعا الراتب كل شهر على وحده او يتصرفوآ .. بعدين انا مع هذا الرأي انكم تجيبوآ لها خادمه شاطره .. لان انتي حتى لو قدرتي تدخلي معاها مره او مرتين .. ماينفع .. لان يبغالها بشكل دوري بالاسبوع مرتين مثلا .. والخادمه هذا دورهآ اجل ماخذه فلوس على ايش .. وتسرح لها شعرها .. وتأكلها .. وتغير ملابسها .. وكل شي تسويه .. واخر كلمه اقولها .. حسبي الله ونعم الوكيل في اي ولد او بنت وبالاخص بنت تقصر في حق امهآ .. وتجعل امهآ توصل لهالمرحله وهالشكل .. كله دين بالذات بر الوالدين وعقوقهم .. معجل بالدنيا .. صدق مسلمين لكن بعضنا اخلاقه وانسانيته = صفر |
رد : كيف أفاتح إمرأة عجوز بأن لديها رائحه
اقتباس:
وخصوصن اذا جان وزنه مايساعد انا رفيجتي مغربيه وقلت لها ابي تسوين لوحدها حمام لانه تشتغل بصالون ويت والله بس لما سوت لها قالت المره الثانيه راح اخذ خمس ميه عليج لانه تقول تبي تنظيف وتبي احد يجبله اربع وعشرين ساعه وانا صعب ادفع لها خمس ميه كل أسبوع حتى عياله ماارضوا يقطون له والممرضة وش حقه هي تمشي وتروح بس ماتلحق بعض من جسمها وهي من النوع ماتحب الخدام حريصة على الفلوس حييييل حتى لو ماهي اللي تدفعهاهي تقول معندي مشكله |
رد : كيف أفاتح إمرأة عجوز بأن لديها رائحه
اقتباس:
الهدوم مو مشكله اغسلهم انا او بناتي والتهوية بعد معندي مشكلها بس التسبح هو المشكله حتى لازم احلق لها يول قلبي على حالي صعب صعب صعب |
رد : كيف أفاتح إمرأة عجوز بأن لديها رائحه
اقتباس:
انا دخلت وياها مره شفتها ماتنظف نفسهاا ذاك ازود يعنى تحتاج احد وياه بس ماكون انا الله يرحمه برحمته بس |
رد : كيف أفاتح إمرأة عجوز بأن لديها رائحه
اقتباس:
يقعد عندي انا خلاص تعبت الي متى وانا إجمال وعلى حساب صحتي ولااحد دري عني خلاص ليش عيالهم مايشلون وياي وش معنى انا من بدالعالم ذي |
رد : كيف أفاتح إمرأة عجوز بأن لديها رائحه
حبيبتي أم بدر الإخوان ماشاء الله ماقصروا
لكن عزيزتي تلطفي قليلا في حديثك عنها قرأت كل ردودك دون اسثناء ما آلمني فعلا هو أسلوبك بالحديث عنها وهذا مو معناته إني مو حاسه فيك أو ألومك بالعكس لكن الأسلوب لك عليه شوي كسرت خاطري وربي لعلمك إذا كانت هالحرمه الكبيرة ممن تتناول أدويه الضغط والقلب والسكري وووووغيره وغيراته طبيعي جدااا تطلع فيها هالريحه شيء مو بإرادتها الأدوية اللي تاخدها تذوب بجسمها وانتي عارفة تفرز السوائل عن طريق العرق وأكيد لها رائحه مزعجة كلها مواد كيماوية هالأدوية نصيحة مني لاتكلميها وتقوليلها عن هالشي لو بالتلميح أكيد هي عارفة بهالشي وانتي قايلة إنها مستحيه ترى الكبار بالعمر مثل الأطفال والله يزعلون على أقل أو أتفه كلمه حتى لو مو مقصوده جدتي الله يطول بعمرها صح تتروش وكذا لكن مثل قلته تكب مويه بس وأحيانا شامبو لما كانت تجي عندنا البيت كانت ماما الله يسعدها ويكتب أجرها تتحايل عليها حتى تدخل الحمام للشاور لإنه جدتي دايما تفكيرها إنها نظيفه ومافيها ريحه وتزعل لما أحد يجبرها عالحمام مثل الأطفال لكن قلت لك ماما تاخدها بالحيلة وهي اللي تفركها لا عيب ولاشي وأختي كانت تساعدها حتى بالنسبة لتفريش الأسنان وتغيير الملابس الداخلية لها دور أيضا وركزي بالحمام على ثنايا الجسم هوي لها غرفتها وفرشها يتغير بشكل دائم وجيبي لها عود وبخور ومثل ماقال الأخ أمين خذي هالشي من ناحية كسب الأجر وطمعا في الجنه والله يقويك |
رد : كيف أفاتح إمرأة عجوز بأن لديها رائحه
يا حبيبتي يا ام بدر يا غاليتي هذه الحرمة كبيرة بالسن ومتينة وهالحاجتين مجتمعات يخلوها صعب جدا انها تقدر تنظف نفسها يا عمري ، يعني حتى يا غاليتي لو صارحتيها انتِ او واحدة من بناتها بخصوص هذه الريحة ما راح تقدر تتخلص منها لانها ببساطة ما تقدر تنظف نفسها لعدة عوائق تعاني منها ، وصدقيني كما قلتِ صعب جدا جدا انك تصارحي انسان بأن رائحته كريهة والامر يزيد سوء مع كبار السن لانهم جدا حساسين وسيؤثر عليهم بشدة وستجرحيها جدا
وهالمرأة حاسة بنفسها يا غاليتي ، حاولت تضع معطر ولم ترفض دخلت معك للاستحمام ووافقت ، فماذا تفعل اكثر من هذا لتتخلص من هالامر اللي اكيد انها حاسة بيه ومتأكدة منه ولكن ما باليد حيلة يا غاليتي سبب الرائحة ليس قلة الاستحمام ولكنه عدم قدرتها على الاستنجاء الجيد الكامل بعد اكرمك الله التبرز والتبول ، ومع الحر وعدد مرات دخول الحمام وعدم التجفيف بعد التنظيف مما يؤدي الى الرطوبة في ثنيات الجسم جراء الماء فطبيعي جدا ستظهر الرائحة فوراً اعرف مرأة عمرها لم يتجاوز الثلاثين بمجرد زيادة وزنها لم تستطع تنظيف نفسها بعد دخول الخلاء كالسابق ولم تستطع ان تصل لكامل المنطقة من الخلف والمعذرة للشرح بعد ان زاد وزنها واصبح لها كرش فما بالك بمرأة كبيرة بالسن وحركتها ثقيلة ولا يوجد لديها قدرة على الوصول لكامل جسمها ورفضها للخادمة يا غاليتي لان من المحتمل ان الخادمة اظهرت بعض التقرف او العصبية وكبار السن حساسين وبسرعة يتعصبوا ولم تتحمل وليس مشكلة فلوس والا ما كانت اصلا اتت الخادمة من الاساس الحل يا غاليتي ان تحضري خادمة وتوصيها بشدة وتشددي عليها برفق طبعا وتوصيها على هذه المرأة ان تدخل معها كل مرة للحمام وتنظفها ، واول شئ استحمام ثم تدخل معها بعد كل مرة دخول الخلاء لقضاء الحاجة وتنظفها بالماء والصابون ثم يبدأ التنظيف بالماء الفاتر فقط لان الصابون مضر في هذه المنطقة هي فقط اول مرة بعد الاستحمام لانها متينة جدا وكبيرة بالسن والتجفيف الجيد ، وعدم اخبار المرأة انها خادمة وبراتب اخبروها انها ممرضة احضرتوها عن طريق معرفة وممكن تقولون لها براتب رمزي جدا لترتاح يا غاليتي ، واخبري المرأة بلين ورفق انها ستكون كبنتك لانها تشعر بحرقة وتصعب عليها نفسها انها تتعرى امام واحدة غريبة عنها ، اقنعيها انها ستكون كبنتك وانها ممرضة وستحبيها جدا ولا تنسي ان توصي الخادمة بهذه المرأة لاني اراهم ينظفون النساء كبار السن من الغائط اكرمك الله ويبدلون لهم ولهذا مهم ان لا يتم احضارها فقط بل يجب اعلامها بما ستقوم به وان ترفق بالمرأة وتصبر عليها وتتحملها وتبتسم في وجهها وتمرر عصبيتها اول الامر لانها موظفة في هذا الخصوص ، ويتم التشديد عليها وتوصيتها بالاهتمام بهذه المراة وتذكيرها باجرها وان تصبر عليها وتعاملها كطفلة صغيرة حتى تكسب حبها بإذن الله وبإذن الله تنحل المشكلة بأمر الله |
رد : كيف أفاتح إمرأة عجوز بأن لديها رائحه
فيه بعض العيادات الخاصة عندهم ممرضات للعناية بكبار السن ..
إنتي ابحثي عن العيادات وكلميهم وشوفي لو تحصلين ممرضة تجي يوم ويوم تحممها .. إذا ماتتقبل .. قوليلها هاذي ممرضة تساعدج مب خادمة .. وخلي زوجج يقول لها عن ريحتها .. بصراحة ماقريت كل الردود وما أدري لو أحد قبلي قال هالفكرة .. الله يعيينج .. |
رد : كيف أفاتح إمرأة عجوز بأن لديها رائحه
اقتباس:
وبعدين انتم نقد تو أسلوبي والحجي فيه بس هذا سلوبي انا صريحه ولا احب إجامل صح انه مو ضيقتنا لان العشاء والغداء مسوى بليها والأني مقصره حتى تقول انت يبي الله يرزقج بحريم عيال زينات لانج طيبه ودايم تمدحني بس مشكلتنا الحمام امس اخذت بنصيحتكم وملئت ألبانو مويه وقلت لابنتي اجلسي وياها ولما شافت المويه قالت ليش تلعبون فى المويه الورع مالن ألبانو مويه وتقولي اقعدي فيه هذا إسراف وحطتنافى مشكله من لاشي ياختي الحرمه ذي لو تلقى احد يعطيه وجه جان شفتي شيء ثانى وحدها من بناته تقول امى شريه بس لقتكم أجواد ولاتهوشونه ولا تكلمون فى شي يرفع ظغطها يعني حناكفين خيرناشرنا اي شي تطلب نجيبه حتى اذا جبنا مقاضي البيت تهوش بس حنا نسكت عنها بس عشان الظغط والسكر والله ان اخوي اهو اللي يسحب منها دم وهو اللي يحللها واهو اللي مشرف عليه حتى يقيس الظغط والسكر ويقول زين يوم تجيناكان حييل مرتفع بس هالحين صار زين يعنى كل هذا اللي سوينه وش نبي مانبي لاحمدنا ولاشكورا والله رفيجاتي لما يجوني يقولون وش دخلج فيه منتي مساوله عنه بس انا ابي الأجر ولا على من احد معنى اسمع من الحجي لاين يصدع راسي بس انا مسويه طااف حتى أنى طلبت عمتي تجئ عندي من الكويت ابيه تشوفه وشلون تسويه مثله آخر شي قالت عمتج تاجره مااتدري وين تحط الفلوس مشكلتنا الحمام والحرص الزائد عندها لاحول ولاقوة الابالله |
رد : كيف أفاتح إمرأة عجوز بأن لديها رائحه
اقتباس:
ياختي انا اخوي دكتور وسألته قال كلنا نأخذ علاج الظغط اخوي عمره صغير ويأخذ علاج الظغط والله ماتصدقين فى ريحته حتى اخوي يقول تبي نظافه تبي تسبح بس تحتاج نظافه المشكله هي متحب تسبحه اللي بعد شهر او شهرين والله العظيم ان الريحه ريحت فطيس والله العظيم انه الريح مايتحملها اي شخص حتى قلت لوحدها من بناته تعالي أبيج ولم جات قلت سبيحه الله يعطيج العافيه والله بنتها عجزت فيها واني اسمعهم تهوشو فى الحمام بنتهااخذت خمس دقيق وطلعت قالت الله يعينكم الريحه موت يعنى ما تحملت الريحها وتركت أمها تكمل التسبح لوحدها ام من نحيت الخدامه والله انه طيب هي جالسه عندي الخدامه شهرين ماتصدقين بس البلا فى الحرمه مو فى الشغالة حتى تقوله لي الخدامه لانه أخذته وراحت شهر اللقصيم تشكي الخدامه تقول مافيه اكل يمامه زين هذا مو موكويس هرمه كبير ومصوره الأكل يجيب المرض حتى يوم جت تروح الخدامه قالت لي يمامه فى جسمه من جوا احمروماتبي احط كريم ولابودرها هذا حرمه جنجان |
رد : كيف أفاتح إمرأة عجوز بأن لديها رائحه
اقتباس:
مابي احد يتفرج على المفروض بناتها اول فيها بس وش تقولين نا والله تعبت منها |
رد : كيف أفاتح إمرأة عجوز بأن لديها رائحه
انا متكلم من فراغ بس انا منبطه جبدي من بناته ومن حريم عياله
حريم عياله اقرب مني له وحدها بنت اخوه وحدها بنت اخته امس كان عند عشاء كلهم يتمسخرون يقلون بيتج فيه ريحه شينه غريب يعنى بيستغزوني انا والله قاعده عندي ست شهور ولا قلت شيء بلعكس محترمتها حتى مطلع ولا اروح من سبتها ومع هذا متحمله وسكته ياختي بناته وعياله ليش ميقمون فيها حتى راتبه ماخذينه عياله يعنى على حسابنا كلشي متكفلين فيه وحنا والله مانبي منهم شي بس الأجر ولاهي غريب على جمعتنا كل ما مرض واحد جبوها عندناا وحطوها وراحو يعنى متعودين على أسلوبهم اما من نحيت النظافة والله تعبت وياي ولا لقيت حل اسال الله ان بس يصبرني وان يفرج همي بس هذا اللي اقوله لان سبحان محد يعذر احد ولاحد يتحمل احد ولاحد يقدر اللي تسوينه فى هالزمان |
| الساعة الآن 05:33 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©