السلام عليكم ورحمة الله وبركاته تبون الصج انا فيه وحدها متضاايقه منه فيه ريحة مو زينه
وانا مليت وابي افتحها فى الموضوع بس أخجل منها هي مره عوده يعنى جبيره بالعمر المشكة قاعده وياي
والله يابنات ليعه جبدي من الريحة ابي اصارحه بطريقه حلوه بدون أجرح شعورها
حتى الامكان اللي تقعد فيه هم فيه ريحه شينه ابي أحل المشكله بدون آذي شعورها
والله رحت الصيد ليه وجبت شامبو وجبت مزيلات عرق ولا خليت شي بس حطتهم بشنطه
حتى شريت فوطه تنشف فيها جسمها بس ماكو فايده احب اقولكم شي ترى انا مو جريها ذاك الزود

__________________

الله يعينك انا مريت بنفس موقفك وماتحملت

قولي لها الحمدلله انا اهتم بنفسي وخلقة ربي مايطلع مني شي واستخدم ك اشياء طبيعيه مثل الليمون امدحي نفسك عشان تتحمس بدون ماتقصدينها
وان شاء الله تهتم بنفسها وتستحي اكيد انها تحس بنفسها بس مايهمها

__________________
《اللهم استودعتك أطفالي الذي لا تضيع ودائعه》

ما اعرف ايش اقولك / لكن ملاحظه / كبار السن دائما المشكله عندهم التعب واكيد الحركه عندهم مو زي عند الشباب
.. يمكن تتكسل واحيانا تتالم من رجولها مثلا .. تعرفي كبار السن ..

يعني لو فيه احد يساعدها .. انا اشوف هي ماعليها لوم .. وين بناتها واهلها
.. المفروض يبوسوآ رجولهآ ويخدمونهآ ويطيبوهآ ويساعدونهآ تاخذ شور ايش المشكله ..

مانتبهت للعنوان انها كبيره في السن توقعت الحرمه مو كبيره
الله يعينها وين بناتها منها الله يكون في عونها

__________________
《اللهم استودعتك أطفالي الذي لا تضيع ودائعه》

وانا اختك روحي للعطاره واشري لها بودرة جنسون وحطي معها شبه مطحونه واخلطيهم مع بعض واعطيها اياه وقولي لها انها بودرة جسم تبرد عليك عشان حرارة الجو ولا تحسين فيه قولي لها انك تستخدمينه وامك واخواتك بعد يستخدمونه قولي الكل يسالني عليه يمكن تتشجع وتقول مع الخيل يا شقراء او اذا عندها بنات عادي كلميهم بكل صراحه وقولي لهم انا ما ابي احد يتكلم في امكم وابي لها الخير واعطيهم البودره يحطون لامهم

ياعزيزتي

كبار السن يشعرون بالتعب من ادنى عمل لذا يحتاجون احد يذكرهم او بالأحرى يساعدهم

اقترح عليك ان تحتسبي الأجر وتعتبريها امك وقولي لها اش رايك ياخاله احني شعرك واستغليها فرصه لغسل شعرها وشجعيها هي تكمل غسل جسمها .
وتكوني مجهزة ملابس جديده لها وطرحه وعطر .
وبعدين وين بناتها اعرف بنات هم يحممون امهاتهم ويعطرونهم والأمهات مو مقعدات بس كبار وبدأوا يتعبوا من الحركة.

الله يوفقك.

لا احس مو حل اني اقوله هذا الكلام تعتبر مدح النفس
بصراحه انا ما تحمل الريحه الشينه يحوشني صداع وفى نفس الوقت مابي اجرحه

__________________

الله يكون فى العون صح هي مره جبيره ومتينه شوي اناا قلت له ابي ادش وياج الحمام
وسبحج ويبلها وافقت بس الله لايوريك ٍم طلعت من الحمام احسها آخر مره فى حياتي
يعني انا أسبحهامره ثاني انسى انسى الريحه شينه مره
حتى بنتي قلت لها تدخل وياي هم بنتي تقول حرام عليج الريحه وااايد مو زينه
ياربي أعني ولاتعن على لاحول ولاقوة الابالله

__________________

لا كبيره حييييل بالعمر
بناتها كل وحدها لاهيه وياي ريلها يعنى صعبه يأخذون
وحتى بيتهم مو مناسب لها يعنى أجار وشقه مو ساكنين قريب
بعيد شوي عنا

__________________

شريت عطورات وقلت لها تسبحي وحطيهم الله لايوريج
تحط العطورات بدون تسبح
والله مادري وش اسوى احس انه وهقه
قلت لوحده من بناته وقالت لا حرام عليج وش دخلج فيه مو فوق راسج
قلت انا معلي منه بس راح تمرض وتمر ضنا وياه وسوت لي سالفه
الله لايوريج وسكت والله اني لي جم سنه كاظم غيظا بس هالحين مقدر والله
انا نفسيتي تعبت حييييل
ومعاد اتحمل مثل قبل وجبدي تقلب حيييييل

__________________